ເຢເຣມີຢາ 14:3 - ພຣະຄຳພີສັກສິ

³ ຄົນຮັ່ງມີ​ສົ່ງ​ຄົນ​ຮັບໃຊ້​ອອກ​ໄປ​ຊອກ​ຕັກ​ນໍ້າ​ມາ​ກິນ ແຕ່​ບໍ່ໄດ້​ພົບ​ນໍ້າ​ເລີຍ ເມື່ອ​ພວກເຂົາ​ໄປ​ຮອດ​ອ່າງນໍ້າ; ພວກເຂົາ​ເລີຍ​ຖື​ໄຫເປົ່າ​ພາກັນ​ກັບຄືນ​ເມືອ ໝົດ​ກຳລັງໃຈ​ທັງ​ສັບສົນ​ຈຶ່ງ​ອັດ​ໜ້າ​ຕົນ​ໄວ້.

ເຢເຣມີຢາ 14:3 Jak'a apnaqawi uñst'ayäwi

2 ຊາມູເອນ 15:30

ກະສັດ​ດາວິດ​ໄດ້​ຮ້ອງໄຫ້​ຂຶ້ນ​ໄປ​ເທິງ​ພູເຂົາ​ໝາກກອກເທດ; ເພິ່ນ​ປະ​ຕີນ​ເປົ່າ​ແລະ​ເອົາ​ຜ້າ​ຄຸມ​ຫົວ​ໄວ້​ເປັນ​ເຄື່ອງໝາຍ​ສະແດງ​ເຖິງ​ຄວາມ​ໂສກເສົ້າ. ທຸກຄົນ​ທີ່​ຕິດຕາມ​ເພິ່ນ​ໄປ​ນັ້ນ​ກໍ​ເອົາ​ຜ້າ​ຄຸມ​ຫົວ​ແລະ​ຮ້ອງໄຫ້​ເໝືອນກັນ.

2 ຊາມູເອນ 19:4

ສ່ວນ​ກະສັດ​ດາວິດ​ກໍ​ເອົາ​ຜ້າປົກ​ໜ້າ​ຂອງຕົນ​ຮ້ອງໄຫ້​ສຽງດັງ​ພ້ອມ​ທັງ​ຈົ່ມ​ວ່າ, “ໂອ ອັບຊາໂລມ​ລູກຊາຍ​ຂອງ​ພໍ່! ໂອ ອັບຊາໂລມ​ລູກຊາຍ​ຂອງ​ພໍ່ ລູກຊາຍ​ຂອງ​ພໍ່​ເອີຍ!”

1 ກະສັດ 17:7

ຫລັງຈາກ​ນັ້ນ​ມາ​ບໍ່ດົນ ນໍ້າ​ໃນ​ຫ້ວຍ​ກໍ​ແຫ້ງ​ເພາະ​ຝົນ​ບໍ່​ຕົກ.

2 ກະສັດ 18:31

ຢ່າ​ຟັງຄວາມ​ຂອງ​ກະສັດ​ເຮເຊກີຢາ. ກະສັດ​ແຫ່ງ​ອັດຊີເຣຍ​ສັ່ງ​ພວກທ່ານ ໃຫ້​ອອກ​ຈາກ​ເມືອງ​ມາ​ຍອມ​ຈຳນົນ. ເພິ່ນ​ຈະ​ອະນຸຍາດ​ໃຫ້​ພວກທ່ານ​ທຸກຄົນ ກິນ​ໝາກອະງຸ່ນ​ຈາກ​ເຄືອ​ອະງຸ່ນ​ຂອງ​ພວກທ່ານ​ເອງ, ໝາກເດື່ອ​ຈາກ​ຕົ້ນ​ເດື່ອ​ຂອງ​ພວກທ່ານ​ເອງ ແລະ​ດື່ມ​ນໍ້າ​ຈາກ​ສ້າງ​ຂອງ​ພວກທ່ານ​ເອງ

ເອສະເທີ 6:12

ແລ້ວ​ມໍເດໄກ​ກໍ​ກັບຄືນ​ໄປ​ທີ່​ທາງ​ເຂົ້າ​ວັງ ແລະ​ໃນຂະນະ​ດຽວກັນ​ນັ້ນ​ຮາມານ​ກໍ​ຟ້າວ​ກັບຄືນ​ເມືອ ທັງ​ອັດ​ໜ້າ​ຂອງຕົນ​ໄວ້​ດ້ວຍ​ຄວາມ​ອັບອາຍ.

ພຣະທຳ​ໂຢບ 6:20

ຄວາມຫວັງ​ຂອງ​ພວກເຂົາ​ນັ້ນ​ຈຶ່ງ​ສູນສິ້ນ​ໄປ​ໝົດ ທີ່​ແຄມ​ສາຍ​ທາລາ​ອັນ​ແຫ້ງແລ້ງ.

ເພງ^ສັນລະເສີນ 109:29

ຂໍ​ໃຫ້​ພວກ​ສັດຕູ​ເຕັມ​ໄປ​ແຕ່​ຄວາມ​ອັບອາຍ ແລະ​ໃຫ້​ຫົ່ມ​ຄວາມ​ອັບອາຍ​ດັ່ງ​ຫົ່ມ​ເສື້ອຜ້າ.

ເພງ^ສັນລະເສີນ 40:14

ຂໍ​ໃຫ້​ຄົນ​ທີ່​ຊອກ​ສັງຫານ​ນັ້ນ​ພ່າຍແພ້​ໝົດສາ ແລະ​ຂໍ​ໃຫ້​ພວກເຂົາ​ວຸ້ນວາຍ​ໄປ​ຢ່າງ​ໝົດສິ້ນ. ຂໍ​ໃຫ້​ຄົນ​ທີ່​ດີອົກ​ດີໃຈ​ຍ້ອນ​ເຫັນ​ຂ້ານ້ອຍ​ເປັນທຸກ ຖອຍໜີ​ໄກຫ່າງ​ແລະ​ຖືກ​ອັບອາຍ.

ເຢເຣມີຢາ 14:4

ເພາະ​ຝົນ​ບໍ່​ຕົກ​ແລະ​ພື້ນດິນ​ແຫ້ງແລ້ງ​ໄປ ພວກ​ພໍ່ນາ​ກໍ​ເປັນທຸກໃຈ​ຈຶ່ງ​ອັດ​ໜ້າ​ຕົນ​ໄວ້.

ເຢເຣມີຢາ 15:18

ເປັນຫຍັງ​ຂ້ານ້ອຍ​ຈຶ່ງ​ຕ້ອງ​ທົນທຸກ​ຢູ່​ຢ່າງນີ້? ເປັນຫຍັງ​ບາດແຜ​ຂອງ​ຂ້ານ້ອຍ​ຈຶ່ງ​ບໍ່​ດີ​ຈັກເທື່ອ? ເປັນຫຍັງ​ບາດແຜ​ນັ້ນ​ຈຶ່ງ​ປິ່ນປົວ​ບໍ່​ດີ? ພຣະອົງ​ຕັ້ງໃຈ​ຈະ​ໃຫ້​ຂ້ານ້ອຍ​ຕ້ອງ​ຜິດຫວັງ ດັ່ງ​ນໍ້າ​ຫ້ວຍ​ທີ່​ບົກແຫ້ງ​ລົງ​ໃນ​ລະດູຮ້ອນ​ຊັ້ນບໍ?”

ເຢເຣມີຢາ 2:13

ປະຊາຊົນ​ຂອງເຮົາ​ໄດ້​ເຮັດ​ບາບ​ໄວ້​ສອງ​ປະການ ຄື​ພວກເຂົາ​ໄດ້​ຫັນໜີ​ໄປ​ຈາກ​ເຮົາ ຜູ້​ເປັນ​ບໍ່​ນໍ້າພຸ​ແຫ່ງ​ຊີວິດ ແລະ​ພວກເຂົາ​ໄດ້​ຂຸດ​ອ່າງນໍ້າ​ໄວ້​ສຳລັບ​ຕົນເອງ ເປັນ​ອ່າງ​ແຕກ​ທີ່​ບັນຈຸ​ນໍ້າ​ໄວ້​ບໍ່ໄດ້.

ເຢເຣມີຢາ 2:37

ເຈົ້າ​ຈະ​ອວ່າຍໜ້າ​ໜີ​ຈາກ​ເອຢິບ​ຢ່າງ​ອັບອາຍ​ຈົນ​ແນມເບິ່ງ​ຜູ້ໃດ​ບໍ່ໄດ້. ພຣະເຈົ້າຢາເວ​ໄດ້​ປະຖິ້ມ​ພວກ​ທີ່​ເຈົ້າ​ໄວ້ວາງໃຈ; ເຈົ້າ​ຈະ​ບໍ່ໄດ້​ຫຍັງ​ຈາກ​ພວກເຂົາ​ເລີຍ.”

ເຢເຣມີຢາ 20:11

ແຕ່​ພຣະອົງ​ຄື​ພຣະເຈົ້າຢາເວ ຜູ້​ເຂົ້າຂ້າງ​ຂ້ານ້ອຍ ຜູ້​ເຂັ້ມແຂງ​ແລະ​ຊົງຣິດ​ສະຖິດ​ຢູ່​ນຳ​ຂ້ານ້ອຍ​ແລ້ວ ແລະ​ພວກ​ທີ່​ຂົ່ມເຫັງ​ຂ້ານ້ອຍ​ນັ້ນ​ກໍ​ຈະ​ລົ້ມລົງ ພວກເຂົາ​ຈະ​ຖືກ​ອັບອາຍ​ຂາຍໜ້າ​ໄປ​ຕະຫລອດ ເພາະ​ພວກເຂົາ​ເຮັດ​ໃຫ້​ເກີດຜົນ​ສຳເລັດ​ບໍ່ໄດ້​ດອກ ພວກເຂົາ​ຈະ​ຖືກ​ອັບອາຍ​ບໍ່ມີ​ມື້​ລືມໄລ​ໄດ້​ຈັກເທື່ອ.

ເຢເຣມີຢາ 3:3

ດ້ວຍເຫດນີ້, ຝົນ​ຈຶ່ງ​ບໍ່​ຕົກ​ຕາມ​ລະດູການ ແລະ ຝົນ​ຍາມ​ລະດູ​ໃບໄມ້ປົ່ງ​ຈຶ່ງ​ຍັງ​ບໍ່​ມາ. ເບິ່ງ​ເຈົ້າ​ຄື​ຍິງ​ແມ່ຈ້າງ​ແທ້ໆ; ເຈົ້າ​ຜູ້​ບໍ່ມີ​ຢ່າງອາຍ​ເອີຍ.

ເພງ^ຄໍ່າຄວນ 4:4

ພວກເຂົາ​ປ່ອຍ​ໃຫ້​ລູກນ້ອຍ​ອຶດເຂົ້າ​ຫິວນໍ້າ​ຈົນຕາຍ ເດັກນ້ອຍ​ຂໍທານ​ແຕ່​ບໍ່ມີ​ຜູ້ໃດ​ເອົາ​ອາຫານ​ໃຫ້.

ໂຮເສອາ 2:3

ຖ້າ​ນາງ​ບໍ່​ເຊົາ ເຮົາ​ຈະ​ເປືອຍກາຍ​ນາງ​ໃຫ້​ເປັນ​ດັ່ງ​ມື້​ທີ່​ນາງ​ໄດ້​ເກີດ​ມາ. ເຮົາ​ຈະ​ເຮັດ​ໃຫ້​ນາງ​ເປັນ​ດັ່ງ​ດິນ​ທີ່​ແຫ້ງແລ້ງ​ແລະ​ທຸລະກັນດານ ນາງ​ຈະ​ຕາຍ​ເພາະ​ຫິວນໍ້າ.

ໂຢເອນ 1:20

ແມ່ນແຕ່​ຝູງ​ສັດປ່າ​ຍັງ​ຮ້ອງຫາ​ໃຫ້​ຊ່ວຍເຫລືອ ເພາະ​ນໍ້າ​ໃນ​ຫ້ວຍຮ່ອງ​ເຫືອດແຫ້ງ​ລົງ​ໝົດສິ້ນ.

ອາໂມດ 4:7

“ເຮົາ​ບໍ່​ໃຫ້​ຝົນ​ຕົກ​ຕາມ​ທີ່​ເຄື່ອງປູກ​ຂອງຝັງ​ຂອງ​ພວກເຈົ້າ​ຕ້ອງການ​ທີ່ສຸດ. ເຮົາ​ໃຫ້​ຝົນ​ຕົກ​ໃສ່​ເມືອງ​ໜຶ່ງ, ແຕ່​ບໍ່​ໃຫ້​ຕົກ​ໃສ່​ອີກ​ເມືອງ​ໜຶ່ງ. ຝົນ​ຕົກລົງ​ໃສ່​ທົ່ງນາ​ແຫ່ງ​ໜຶ່ງ ແຕ່​ທົ່ງນາ​ແຫ່ງ​ອື່ນ​ພັດ​ແຫ້ງແລ້ງ.

ອາໂມດ 4:8

ປະຊາຊົນ​ໃນ​ຫລາຍໆ​ເມືອງ ຕ່າງ​ກໍ​ອ່ອນແຮງ​ເພາະ​ຫິວນໍ້າ; ສະນັ້ນ ພວກເຂົາ​ຈຶ່ງ​ໄປ​ໃນ​ເມືອງ​ໜຶ່ງ ບ່ອນ​ທີ່​ພວກເຂົາ​ຄິດວ່າ​ຈະ​ພົບ​ນໍ້າ​ກິນ ແຕ່​ບໍ່ມີ​ພຽງພໍ​ຈະ​ດື່ມ. ເຖິງປານນັ້ນ ພວກເຈົ້າ​ກໍ​ຍັງ​ບໍ່​ກັບຄືນ​ມາ​ຫາ​ເຮົາ.” ພຣະເຈົ້າຢາເວ​ກ່າວ​ດັ່ງນີ້ແຫຼະ.

ເຊກາຣີຢາ 14:17

ຖ້າ​ຊົນຊາດ​ໃດ​ບໍ່​ຍອມ​ໄປ​ນະມັດສະການ​ພຣະເຈົ້າຢາເວ ອົງ​ຊົງຣິດ​ອຳນາດ​ຍິ່ງໃຫຍ່ ຄື​ອົງ​ຊົງ​ເປັນ​ກະສັດ​ແລ້ວ ຝົນ​ກໍ​ຈະ​ບໍ່​ຕົກລົງ​ມາ​ສູ່​ດິນແດນ​ຂອງ​ພວກເຂົາ.