ເຢເຣມີຢາ 12:10 - ພຣະຄຳພີສັກສິ

¹⁰ ຜູ້​ປົກຄອງ​ຕ່າງດ້າວ​ທຳລາຍ​ສວນອະງຸ່ນ​ຂອງເຮົາ ພວກເຂົາ​ຢຽບຢໍ່າ​ທົ່ງນາ​ຂອງເຮົາ​ລົງ​ສາ​ແລ້ວ; ພວກເຂົາ​ໄດ້​ພາກັນ​ປ່ຽນ​ດິນແດນ​ທີ່​ໜ້າຮັກ​ຂອງເຮົາ ໃຫ້​ກາຍເປັນ​ຖິ່ນ​ແຫ້ງແລ້ງ​ກັນດານ​ສາ​ແລ້ວ.

ເຢເຣມີຢາ 12:10 Jak'a apnaqawi uñst'ayäwi

ເອຊາຢາ 3:14

ພຣະເຈົ້າຢາເວ​ກຳລັງ​ນຳ​ຄົນ​ເຫຼົ່ານີ້​ມາ​ຕັດສິນ ຄື​ບັນດາ​ເຖົ້າແກ່​ແລະ​ບັນດາ​ຜູ້ນຳ​ປະຊາຊົນ​ຂອງ​ພຣະອົງ. ພຣະອົງ​ກ່າວ​ຟ້ອງ​ດັ່ງນີ້: “ພວກເຈົ້າ​ໄດ້​ປຸ້ນ​ເອົາ​ສວນອະງຸ່ນ ແລະ​ໃນ​ເຮືອນ​ຂອງ​ພວກເຈົ້າ​ກໍ​ເຕັມ​ໄປ​ດ້ວຍ​ສິ່ງຂອງ ທີ່​ພວກເຈົ້າ​ໄດ້​ຢຶດເອົາ​ມາ​ຈາກ​ຄົນ​ຍາກຈົນ.

ເອຊາຢາ 43:28

ພວກ​ຜູ້ປົກຄອງ​ຕ່າງ​ກໍ​ໝິ່ນປະໝາດ​ເຮົາ ທັງ​ຫຍໍ້ຫຍັນ​ບ່ອນ​ສັກສິດ​ຂອງເຮົາ​ດ້ວຍ. ສະນັ້ນ ເຮົາ​ຈຶ່ງ​ໃຫ້​ອິດສະຣາເອນ​ຖືກ​ທຳລາຍ ປ່ອຍ​ໃຫ້​ປະຊາຊົນ​ຂອງເຮົາ​ຖືກ​ໝິ່ນປະໝາດ.”

ເອຊາຢາ 63:18

ພວກ​ຂ້ານ້ອຍ ປະຊາຊົນ​ຜູ້​ບໍຣິສຸດ​ຂອງ​ພຣະອົງ ໄດ້​ຖືກ​ເຫຼົ່າ​ສັດຕູ​ໄລ່​ໃຫ້​ອອກ​ໜີໄປ​ໃນ​ຊົ່ວ​ໄລຍະ​ໜຶ່ງ; ພວກເຂົາ​ໄດ້​ຢຽບຢໍ່າ​ສະຖານທີ່​ອັນ​ສັກສິດ​ຂອງ​ພຣະອົງ.

ເຢເຣມີຢາ 23:1

ພຣະເຈົ້າຢາເວ​ກ່າວ​ວ່າ, “ວິບັດ​ແກ່​ພວກ​ຜູ້ລ້ຽງແກະ​ຜູ້​ທີ່​ທຳລາຍ ແລະ​ເຮັດ​ໃຫ້​ກະຈັດ​ກະຈາຍ​ໄປ​ທົ່ວ​ທົ່ງຫຍ້າ​ຂອງເຮົາ.”

ເຢເຣມີຢາ 25:37

ແລະ​ຄອກ​ແກະ​ທີ່​ສະຫງົບສຸກ​ກໍ​ຖືກ​ປະ​ໃຫ້​ຮົກຮ້າງ​ເພພັງ ເນື່ອງ​ຈາກ​ຄວາມ​ໂກດຮ້າຍ​ອັນ​ແຮງກ້າ​ຂອງ​ພຣະເຈົ້າຢາເວ.

ເຢເຣມີຢາ 25:38

ພຣະອົງ​ໄດ້​ປະຖິ້ມ​ປະຊາຊົນ​ຂອງ​ພຣະອົງ​ສາ​ແລ້ວ ດັ່ງ​ໂຕສິງ​ໜີ​ຈາກ​ບ່ອນ​ທີ່​ມັນ​ຊ້ອນຕົວ​ຢູ່. ການ​ຢ້ານກົວ​ສົງຄາມ​ແລະ​ຄວາມ​ໂກດຮ້າຍ​ຂອງ​ພຣະເຈົ້າຢາເວ ໄດ້​ປ່ຽນ​ປະເທດ​ນີ້​ໃຫ້​ເປັນ​ຖິ່ນ​ແຫ້ງແລ້ງ​ກັນດານ.

ເຢເຣມີຢາ 25:9

‘ເຮົາ​ຈະ​ເອີ້ນ​ເອົາ​ຊົນຊາດ​ທັງໝົດ​ຈາກ​ທາງ​ທິດເໜືອ​ມາ ພ້ອມ​ກະສັດ​ເນບູ​ກາດເນັດຊາ​ແຫ່ງ​ບາບີໂລນ​ຜູ້ຮັບໃຊ້​ຂອງເຮົາ. ເຮົາ​ຈະ​ນຳ​ພວກເຂົາ​ໄປ​ຕໍ່ສູ້​ອານາຈັກ​ຢູດາຍ​ພ້ອມ​ກັບ​ພົນລະເມືອງ​ທັງໝົດ ແລະ​ຕໍ່ສູ້​ປະເທດ​ໃກ້ຄຽງ​ທັງໝົດ​ດ້ວຍ. ເຮົາ​ຈະ​ທຳລາຍ​ປະເທດ​ນີ້ ແລະ​ປະເທດ​ໃກ້ຄຽງ​ທັງຫລາຍ​ໃຫ້​ຮົກຮ້າງ​ເພພັງ​ຕະຫລອດໄປ ຊຶ່ງ​ຈະ​ເປັນ​ສະພາບ​ຕົກ​ສະທ້ານ​ຢ້ານກົວ​ໃຈ​ຫລາຍ​ເມື່ອ​ໄດ້​ພົບເຫັນ. ເຮົາ​ຄື​ພຣະເຈົ້າຢາເວ​ກ່າວ​ດັ່ງນີ້ແຫຼະ.

ເຢເຣມີຢາ 3:19

ອົງພຣະ​ຜູ້​ເປັນເຈົ້າ​ກ່າວ​ວ່າ, “ອິດສະຣາເອນ​ເອີຍ ເຮົາ​ຢາກ​ຮັບ​ເຈົ້າ​ເປັນ​ລູກຊາຍ​ຂອງເຮົາ​ແທ້ໆ ແລະ​ມອບ​ດິນແດນ​ໃຫ້​ເປັນ​ບ່ອນ​ທີ່​ມີ​ຄວາມ​ຍິນດີ ຄື​ດິນແດນ​ທີ່​ສວຍງາມ​ທີ່ສຸດ​ໃນ​ທົ່ວ​ທັງ​ໂລກນີ້. ເຮົາ​ຢາກ​ໃຫ້​ເຈົ້າ​ເອີ້ນ​ເຮົາ​ວ່າ ບິດາ ແລະ ບໍ່​ຫັນໜີ​ຈາກ​ເຮົາ​ໄປ​ອີກ​ຈັກເທື່ອ.

ເຢເຣມີຢາ 39:3

ເມື່ອ​ນະຄອນ​ເຢຣູຊາເລັມ​ຖືກ​ຢຶດ​ໄດ້​ແລ້ວ ບັນດາ​ເຈົ້ານາຍ​ຊັ້ນ​ຜູ້ໃຫຍ່​ຂອງ​ກະສັດ​ແຫ່ງ​ບາບີໂລນ ຄື​ເນການ-ຊາເຣເຊ, ຊາມກາເນໂບ, ຊາຣະເຊກິມ ແລະ​ເນການ-ຊາເຣເຊ ຄົນອື່ນ​ກໍໄດ້​ເຂົ້າ​ມາ​ຕັ້ງ​ກອງ​ບັນຊາການ​ທີ່​ປະຕູ​ໃຫຍ່​ທາງ​ເຂົ້າ​ເມືອງ.)

ເຢເຣມີຢາ 6:3

ບັນດາ​ຜູ້ລ້ຽງແກະ​ພ້ອມ​ທັງ​ຝູງແກະ​ຂອງ​ພວກເຂົາ​ຈະ​ມາ​ຕໍ່ສູ້​ລາວ​ຢູ່​ທີ່​ນັ້ນ. ພວກເຂົາ​ຈະ​ຕັ້ງ​ເຕັນ​ອ້ອມຮອບ​ຕົວເມືອງ ແລະ​ແຕ່ລະຄົນ​ຈະ​ຕັ້ງ​ເຕັນ​ຕາມໃຈ​ມັກ​ຂອງຕົນ.

ເຢເຣມີຢາ 9:10

ຂ້ານ້ອຍ​ກ່າວ​ວ່າ, “ຂ້ານ້ອຍ​ຈະ​ໄວ້ທຸກ​ໃຫ້​ໜ່ວຍ​ພູເຂົາ ແລະ​ຮ້ອງໄຫ້​ຮໍ່າໄຮ​ໃຫ້​ທົ່ງຫຍ້າ​ດ້ວຍ ເພາະ​ມັນ​ໄດ້​ຫ່ຽວແຫ້ງ ແລະ​ຕາຍໄປ​ໝົດ ບໍ່ມີ​ຜູ້ໃດ​ທ່ອງທ່ຽວ​ໄປ​ຕາມ​ບ່ອນ​ທີ່​ກ່າວ​ນັ້ນ. ບໍ່ໄດ້ຍິນ​ສຽງ​ຝູງ​ສັດລ້ຽງ​ຮ້ອງ​ຕໍ່ໄປ​ອີກ​ເລີຍ ຝູງນົກ​ແລະ​ສັດປ່າ​ປົບໜີໄປ​ໝົດ​ສາ​ແລ້ວ.”

ເອເຊກຽນ 34:2

“ມະນຸດ​ເອີຍ ຈົ່ງ​ປະນາມ​ບັນດາ​ພວກ​ຜູ້ລ້ຽງແກະ​ຂອງ​ຊາດ​ອິດສະຣາເອນ. ຈົ່ງ​ປະກາດ​ສູ່​ພວກເຂົາ​ຟັງ ແລະ​ບອກ​ສິ່ງ​ທີ່​ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ແກ່​ພວກເຂົາ​ດັ່ງນີ້: ເຄາະກຳ​ເປັນ​ຂອງ​ພວກເຈົ້າ​ສາ​ແລ້ວ ພວກເຈົ້າ​ຜູ້ລ້ຽງແກະ​ຂອງ​ຊາດ​ອິດສະຣາເອນ​ເອີຍ ພວກເຈົ້າ​ດູແລ​ຕົນເອງ​ແຕ່​ບໍ່ໄດ້​ດູແລ​ຝູງແກະ​ເລີຍ.

ເອເຊກຽນ 34:5

ຍ້ອນ​ຝູງແກະ​ບໍ່ມີ​ຜູ້ລ້ຽງ ແກະ​ຈຶ່ງ​ໄດ້​ກະຈັດ​ກະຈາຍ​ໄປ ແລະ​ຝູງ​ສັດປ່າ​ກໍ​ມາ​ກັດ​ກິນ​ເສຍ.

ດານີເອນ 8:13

ແລ້ວ​ຂ້າພະເຈົ້າ​ກໍ​ໄດ້​ຍິນ​ເທວະດາ​ສອງ​ຕົນ​ຖາມ​ກັນ​ວ່າ, “ສິ່ງ​ທີ່​ເກີດຂຶ້ນ​ໃນ​ນິມິດ​ນີ້​ຈະ​ສືບ​ຕໍ່ໄປ​ອີກ​ດົນນານ​ປານໃດ? ການບາບ​ອັນ​ຊົ່ວຮ້າຍ​ແທນ​ການເຜົາ​ເຄື່ອງບູຊາ​ປະຈຳວັນ ຈະ​ມີ​ຢູ່​ດົນ​ປານໃດ? ກອງທັບ​ແຫ່ງ​ສະຫວັນ​ແລະ​ພຣະວິຫານ ຈະ​ຖືກ​ຢຽບຢໍ່າ​ທຳລາຍ​ຢູ່​ດົນນານ​ປານໃດ?”

ເຊກາຣີຢາ 7:14

ແລະ​ເຮົາ​ໄດ້​ກວາດ​ພວກເຂົາ​ເໝືອນ​ລົມພະຍຸ​ພັດ ໃຫ້​ໜີໄປ​ອາໄສ​ຢູ່​ໃນ​ຕ່າງ​ປະເທດ. ດັ່ງນັ້ນ ດິນແດນ​ທີ່​ອຸດົມ​ຮັ່ງມີ​ນີ້​ຈຶ່ງ​ຖືກ​ປະປ່ອຍ​ໃຫ້​ເປົ່າປ່ຽວ​ເປັນ​ຕາ​ໜ້າຢ້ານກົວ ແລະ​ບໍ່ມີ​ຜູ້ໃດ​ຢູ່​ອາໄສ.”

ລູກາ 21:14

ດັ່ງນັ້ນ ພວກເຈົ້າ​ຕ້ອງ​ຕຽມໃຈ​ໄວ້​ໃຫ້​ໝັ້ນຄົງ ເພື່ອ​ບໍ່​ໃຫ້​ພວກເຈົ້າ​ກະວົນ​ກະວາຍ​ໃຈ​ລ່ວງໜ້າ​ວ່າ ຈະ​ກ່າວ​ປ້ອງກັນ​ຕົວເອງ​ຢ່າງ​ໃດ

ພຣະນິມິດ 11:2

ແຕ່​ຢ່າ​ແທກ​ບໍລິເວນ​ຂ້າງ​ນອກ​ຂອງ​ພຣະວິຫານ ເພາະ​ບ່ອນ​ນັ້ນ​ໄດ້​ມອບ​ໃຫ້​ພວກ​ບໍ່​ນັບຖື​ພຣະເຈົ້າ​ແລ້ວ ຄື​ພວກ​ທີ່​ຈະ​ຢຽບຢໍ່າ​ນະຄອນ​ສັກສິດ​ເປັນ​ເວລາ​ສີ່ສິບສອງ​ເດືອນ.