ເຢເຣມີຢາ 11:5 - ພຣະຄຳພີສັກສິ

⁵ ແລ້ວ​ເຮົາ​ກໍ​ຈະ​ຮັກສາ​ພັນທະສັນຍາ​ຂອງເຮົາ​ທີ່​ວ່າ ຈະ​ມອບ​ດິນແດນ​ອັນ​ອຸດົມສົມບູນ​ແລະ​ຮັ່ງມີ​ໃຫ້​ແກ່​ບັນພະບຸລຸດ​ຂອງ​ພວກເຂົາ ດັ່ງ​ທີ່​ພວກເຂົາ​ໄດ້​ຮັບ​ແລ້ວ​ໃນ​ທຸກ​ວັນ​ນີ້.” ຂ້າພະເຈົ້າ​ຈຶ່ງ​ຕອບ​ວ່າ, “ຂ້າແດ່​ພຣະເຈົ້າຢາເວ ຖືກຕ້ອງ​ແລ້ວ.”

ເຢເຣມີຢາ 11:5 Jak'a apnaqawi uñst'ayäwi

2 ຂ່າວຄາວ 6:17

ດັ່ງນັ້ນ ບັດນີ້ ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ​ເອີຍ ໂຜດ​ໃຫ້​ທຸກສິ່ງ​ເປັນ​ຈິງ​ຕາມ​ທີ່​ພຣະອົງ​ໄດ້​ສັນຍາ​ໄວ້​ກັບ​ດາວິດ ຄົນ​ຮັບໃຊ້​ຂອງ​ພຣະອົງ​ເທີ້ນ.

ເພງ^ສັນລະເສີນ 105:8

ພຣະອົງ​ຈະ​ຮັກສາ​ພັນທະສັນຍາ​ຂອງ​ພຣະອົງ​ສືບໆໄປ ເປັນ​ພຣະສັນຍາ​ສຳລັບ​ຫລາຍ​ຊົ່ວພັນ​ເຊັ່ນຄົນ.

ອົບພະຍົບ 13:5

ພຣະເຈົ້າຢາເວ​ໄດ້​ສັນຍາ​ຢ່າງ​ໜັກແໜ້ນ​ກັບ​ບັນພະບຸລຸດ​ຂອງ​ພວກເຈົ້າ​ວ່າ ພຣະອົງ​ຈະ​ຍົກ​ດິນແດນ​ຂອງ​ຊາວ​ການາອານ, ຊາວ​ຮິດຕີ, ຊາວ​ອາໂມ, ຊາວ​ຮີວີ ແລະ​ຊາວ​ເຢບຸດ​ໃຫ້​ພວກເຈົ້າ. ເມື່ອ​ພຣະອົງ​ໄດ້​ນຳ​ພວກເຈົ້າ ເຂົ້າ​ໄປ​ໃນ​ດິນແດນ​ອັນ​ອຸດົມສົມບູນ​ແລະ​ຮັ່ງມີ​ນັ້ນ​ແລ້ວ ພວກເຈົ້າ​ຕ້ອງ​ສະຫລອງ​ເທດສະການ​ນີ້​ທຸກໆ​ປີ​ໃນ​ເດືອນ​ທີ​ໜຶ່ງ.

ເຢເຣມີຢາ 19:12

ພຣະເຈົ້າຢາເວ​ກ່າວ​ວ່າ: ເຮົາ​ສັນຍາ​ວ່າ ເຮົາ​ຈະ​ເຮັດ​ໃຫ້​ນະຄອນ ແລະ​ປະຊາຊົນ​ໃນ​ເມືອງ​ນີ້​ເປັນ​ດັ່ງ​ໂຕເຟັດ.

ເຢເຣມີຢາ 28:6

“ອາແມນ ຂໍ​ໃຫ້​ພຣະເຈົ້າຢາເວ​ເຮັດ​ຕາມ​ທີ່​ເຈົ້າ​ໄດ້​ກ່າວ​ມາ​ນັ້ນ​ເຖີດ ຂ້າພະເຈົ້າ​ຫວັງ​ຢ່າງ​ແນ່ນອນ​ວ່າ ພຣະອົງ​ຈະ​ເຮັດ​ໃຫ້​ຄຳທຳນວາຍ​ຂອງທ່ານ​ກາຍເປັນຈິງ ແລະ​ນຳ​ເອົາ​ຊັບສົມບັດ​ທັງໝົດ​ຂອງ​ວິຫານ​ຂອງ​ພຣະເຈົ້າຢາເວ​ພ້ອມ​ດ້ວຍ​ປະຊາຊົນ​ທັງໝົດ ທີ່​ໄດ້​ຖືກ​ຈັບ​ໄປ​ເປັນ​ຊະເລີຍ​ນັ້ນ​ກັບຄືນ​ມາ​ຈາກ​ບາບີໂລນ.

ເຢເຣມີຢາ 32:22

ພຣະອົງ​ໄດ້​ມອບ​ດິນແດນ​ທີ່​ອຸດົມສົມບູນ ແລະ​ຮັ່ງມີ​ບ່ອນ​ນີ້​ໃຫ້​ພວກເຂົາ ຕາມ​ທີ່​ພຣະອົງ​ໄດ້​ສັນຍາ​ໄວ້​ກັບ​ບັນພະບຸລຸດ​ຂອງ​ພວກເຂົາ.

ລະບຽບ^ພວກເລວີ 20:24

ແຕ່​ເຮົາ​ໄດ້​ສັນຍາ​ໄວ້​ວ່າ ເຮົາ​ຈະ​ມອບ​ດິນແດນ​ທີ່​ອຸດົມສົມບູນ​ແລະ​ຮັ່ງມີ ນີ້​ໃຫ້​ເປັນ​ກຳມະສິດ​ຂອງ​ພວກເຈົ້າ ແລະ​ເຮົາ​ກໍ​ຈະ​ມອບ​ໃຫ້​ພວກເຈົ້າ​ແທ້. ເຮົາ​ແມ່ນ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ເຮົາ​ຈະ​ແຍກ​ພວກເຈົ້າ​ອອກ​ຕ່າງຫາກ​ຈາກ​ບັນດາ​ປະຊາຊາດ​ອື່ນໆ.

ມັດທາຍ 6:13

ແລະ​ຂໍ​ຢ່າ​ພາ​ຂ້ານ້ອຍ​ເຂົ້າ​ໄປ​ ໃນ​ການ​ທົດລອງ ແຕ່​ຂໍ​ຊົງ​ໂຜດ​ໃຫ້​ພົ້ນ​ຈາກ​ມານຊົ່ວຮ້າຍ [ເຫດ​ວ່າ ຣາຊອານາຈັກ ຣິດອຳນາດ ແລະ ພຣະຣັດສະໝີ​ກໍ​ເປັນ​ຂອງ​ພຣະອົງ​ສືບໆໄປ​ເປັນນິດ ອາແມນ’]

1 ໂກຣິນໂທ 14:16

ຖ້າ​ເຈົ້າ​ກ່າວ​ໂມທະນາ​ພຣະຄຸນ​ພຣະເຈົ້າ​ດ້ວຍ​ຈິດວິນຍານ​ເທົ່ານັ້ນ, ຄົນ​ຂ້າງ​ນອກ​ທີ່​ຮ່ວມ​ຢູ່​ໃນ​ທີ່ນັ້ນ​ຈະ​ກ່າວ​ຄຳ​ວ່າ, “ອາແມນ” ຕໍ່​ຄຳ​ໂມທະນາ​ພຣະຄຸນ​ຂອງ​ພວກເຈົ້າ​ໄດ້​ຢ່າງ​ໃດ? ເພາະ​ຄຳ​ທີ່​ພວກເຈົ້າ​ກ່າວ​ນັ້ນ​ພວກເຂົາ​ບໍ່​ເຂົ້າໃຈ.

ພຣະບັນຍັດສອງ 6:3

ປະຊາຊົນ​ອິດສະຣາເອນ​ເອີຍ ຈົ່ງ​ເຊື່ອຟັງ​ແລະ​ປະຕິບັດ​ຕາມ​ກົດບັນຍັດ​ຂອງ​ອົງພຣະ​ຜູ້​ເປັນເຈົ້າ ແລ້ວ​ພວກເຈົ້າ​ກໍ​ຈະ​ຢູ່ເຢັນ​ເປັນສຸກ ແລະ​ກາຍເປັນ​ຊົນຊາດ​ໜຶ່ງ​ທີ່​ມີ​ອຳນາດ ພວກເຈົ້າ​ຈະ​ມີ​ຊີວິດ​ຢູ່​ໃນ​ດິນແດນ​ທີ່​ອຸດົມສົມບູນ​ແລະ​ຮັ່ງມີ ຕາມ​ທີ່​ພຣະ​ຜູ້​ເປັນເຈົ້າ ພຣະເຈົ້າ​ຂອງ​ປູ່ຍ່າຕາຍາຍ​ຂອງ​ພວກເຈົ້າ​ໄດ້​ສັນຍາ​ໄວ້.