ເຢເຣມີຢາ 11:23 - ພຣະຄຳພີສັກສິ

²³ ເຮົາ​ໄດ້​ຕັ້ງ​ເວລາ​ໄວ້​ແລ້ວ ເພື່ອ​ນຳ​ເອົາ​ຄວາມ​ຈິບຫາຍ​ມາ​ສູ່​ຊາວ​ອານາທົດ ແລະ​ເມື່ອ​ເວລາ​ນັ້ນ​ມາເຖິງ ຈະ​ບໍ່ມີ​ຜູ້ໃດ​ໃນ​ພວກເຂົາ​ລອດຊີວິດ​ຢູ່​ເລີຍ.”

ເຢເຣມີຢາ 11:23 Jak'a apnaqawi uñst'ayäwi

ເຢເຣມີຢາ 11:19

ຂ້າພະເຈົ້າ​ເປັນ​ດັ່ງ​ລູກແກະ​ຄຳຮູ້​ໂຕໜຶ່ງ​ທີ່​ຖືກ​ນຳ​ອອກ​ໄປ​ຂ້າ ແລະ​ຂ້າພະເຈົ້າ​ກໍ​ບໍ່​ຮູ້​ເລີຍ​ວ່າ​ພວກເຂົາ​ຄິດ​ແຜນຮ້າຍ​ນັ້ນ ເພື່ອ​ຕໍ່ສູ້​ຂ້າພະເຈົ້າ. ພວກເຂົາ​ເວົ້າ​ວ່າ, “ໃຫ້​ປໍ້າ​ກົກໄມ້​ລົງ​ສາ ໃນ​ຂະນະທີ່​ມັນ​ຍັງ​ແຂງແຮງ​ດີ; ໃຫ້​ຂ້າ​ມັນ​ເສຍ​ເພື່ອ​ຈະ​ບໍ່ມີ​ຜູ້ໃດ​ລະນຶກເຖິງ​ມັນ​ອີກ​ຕໍ່ໄປ.”

ເຢເຣມີຢາ 23:12

ທາງ​ທີ່​ພວກເຂົາ​ທຽວ​ໄປ​ນັ້ນ​ຈະ​ມື່ນ​ແລະ​ມືດມົນ ເຮົາ​ຈະ​ເຮັດ​ໃຫ້​ພວກເຂົາ​ເຕະ​ສະດຸດ​ລົ້ມລົງ​ທັງນັ້ນ. ເມື່ອ​ເຮົາ​ນຳ​ການທຳລາຍ ແລະ​ການລົງໂທດ​ມາ.” ພຣະເຈົ້າຢາເວ​ກ່າວ​ດັ່ງນີ້ແຫຼະ.

ເຢເຣມີຢາ 44:27

ເຮົາ​ຈະ​ເຝົ້າ​ເບິ່ງ​ບໍ່​ໃຫ້​ພວກເຈົ້າ​ຈະເລີນ​ຮຸ່ງເຮືອງ​ຂຶ້ນ ແຕ່​ພວກເຈົ້າ​ຈະ​ຕ້ອງ​ຖືກ​ທຳລາຍ. ພວກເຈົ້າ​ທັງໝົດ​ຈະ​ຕ້ອງ​ຕາຍ​ໃນ​ສົງຄາມ ຫລື​ເພາະ​ການ​ເຈັບໄຂ້​ໄດ້ປ່ວຍ ຈົນ​ບໍ່ມີ​ຜູ້ໃດ​ໃນ​ພວກເຈົ້າ​ເຫລືອຢູ່.

ເຢເຣມີຢາ 46:21

ແມ່ນແຕ່​ຄົນ​ທີ່​ຮັບຈ້າງ​ໃຫ້​ເປັນ​ທະຫານ ກໍ​ເປັນ​ດັ່ງ​ລູກ​ງົວ​ທີ່​ຊ່ວຍ​ຫຍັງ​ບໍ່ໄດ້. ພວກເຂົາ​ບໍ່ໄດ້​ຢືນ​ຢູ່​ຕັດ​ຊີວິດ​ຕົນ​ໃສ່​ເພື່ອ​ສູ້ຮົບ ພວກເຂົາ​ຕ່າງ​ກໍ​ອ່ວາຍໜ້າ​ແລ່ນ​ໜີໄປ​ທັງໝົດ. ວັນ​ຫາຍຍະນະ​ຂອງ​ພວກເຂົາ​ມາຮອດ​ແລ້ວ, ແມ່ນ​ເວລາ​ແຫ່ງ​ການລົງໂທດ​ພວກເຂົາ​ແລ້ວ.

ເຢເຣມີຢາ 48:44

ຜູ້ໃດ​ກໍຕາມ​ທີ່​ພະຍາຍາມ​ປົບໜີ​ຈາກ​ການ​ຢ້ານກົວ​ອັນ​ໃຫຍ່​ນັ້ນ ຈະ​ຕົກລົງ​ໃນ​ຫລຸມ ແລະ​ຜູ້ໃດ​ກໍຕາມ​ທີ່​ປິນ​ຂຶ້ນ​ຈາກ​ຫລຸມ​ໄດ້​ກໍ​ຈະ​ຖືກ​ບ້ວງແຮ້ວ, ເພາະ​ອົງພຣະ​ຜູ້​ເປັນເຈົ້າ​ໄດ້​ຈັດ​ເວລາ​ໄວ້​ສຳລັບ​ໂມອາບ​ໃຫ້​ຖືກ​ທຳລາຍ. ພຣະເຈົ້າຢາເວ​ກ່າວ​ດັ່ງນີ້ແຫຼະ.

ເຢເຣມີຢາ 5:29

ພຣະເຈົ້າຢາເວ​ກ່າວ​ວ່າ, “ເຮົາ​ຈະ​ລົງໂທດ​ພວກເຂົາ​ຕໍ່​ສິ່ງ​ເຫຼົ່ານັ້ນ; ເຮົາ​ຈະ​ແກ້ແຄ້ນ​ຊົນຊາດ​ນີ້.

ເຢເຣມີຢາ 5:9

ເພາະ​ເລື່ອງ​ນີ້ ເຮົາ​ຈະ​ບໍ່ຄວນ​ລົງໂທດ​ພວກເຂົາ​ບໍ? ຊົນຊາດ​ບາບ​ດັ່ງນີ້ ຄວນ​ຈະ​ຖືກ​ແກ້ແຄ້ນ​ຫລື​ບໍ່?

ເຢເຣມີຢາ 50:27

ຈົ່ງ​ຂ້າ​ທະຫານ​ທັງໝົດ​ສາ ຈົ່ງ​ສັງຫານ​ພວກເຂົາ​ໃຫ້​ກ້ຽງ ເຄາະກຳ​ເປັນ​ຂອງ​ປະຊາຊົນ​ແຫ່ງ​ບາບີໂລນ​ສາ​ແລ້ວ ເວລາ​ທີ່​ພວກເຂົາ​ໄດ້​ຖືກ​ລົງໂທດ​ກໍ​ມາ​ເຖິງ​ແລ້ວ.” (

ເຢເຣມີຢາ 6:9

ຕໍ່ໄປນີ້​ແມ່ນ​ຖ້ອຍຄຳ​ຂອງ​ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ກ່າວ​ດັ່ງນີ້: “ຊາດ​ອິດສະຣາເອນ​ຈະ​ຖືກ​ກວາດລ້າງ​ໃຫ້​ກ້ຽງ ດັ່ງ​ສວນອະງຸ່ນ​ທີ່​ຖືກ​ຄົນ​ເກັບເລັມ​ໃຫ້​ຈົນກ້ຽງ. ດັ່ງນັ້ນ ເຈົ້າ​ຕ້ອງ​ຊ່ວຍກູ້​ເອົາ​ທຸກໆຄົນ ເທົ່າທີ່ຈະ​ຊ່ວຍ​ໄດ້​ໃນ​ເມື່ອ​ຍັງ​ມີ​ເວລາ​ຢູ່.”

ເຢເຣມີຢາ 8:12

ປະຊາຊົນ​ຂອງເຮົາ​ເອີຍ ພວກເຈົ້າ​ບໍ່​ອັບອາຍ​ເພາະ​ສິ່ງ​ອັນ​ໜ້າລັງກຽດ​ນີ້​ບໍ? ບໍ່ ພວກເຈົ້າ​ບໍ່​ອັບອາຍ​ຂາຍໜ້າ​ຫຍັງ​ດອກ; ສີໜ້າ​ຂອງ​ພວກເຈົ້າ​ຊື່ໆ ແລະ​ບໍ່​ແດງ​ເລີຍ ສະນັ້ນ ພວກເຈົ້າ​ຈຶ່ງ​ຈະ​ລົ້ມລົງ​ດັ່ງ​ພວກ​ອື່ນ​ທີ່​ລົ້ມລົງ​ແລ້ວ; ເມື່ອ​ເຮົາ​ລົງໂທດ​ພວກເຈົ້າ ກໍ​ແມ່ນ​ຈຸດຈົບ​ສຳລັບ​ພວກເຈົ້າ​ເທົ່ານັ້ນ​ແລ້ວ.” ພຣະເຈົ້າຢາເວ​ກ່າວ​ດັ່ງນີ້ແຫລະ.

ໂຮເສອາ 9:7

ເວລາ​ແຫ່ງ​ການລົງໂທດ​ໄດ້​ມາ​ເຖິງ​ແລ້ວ ຄື​ເວລາ​ທີ່​ປະຊາຊົນ​ຈະ​ໄດ້​ຮັບ​ໃນ​ສິ່ງ​ທີ່​ສົມຄວນ​ໄດ້​ຮັບ. ເມື່ອ​ສິ່ງ​ນັ້ນ​ເກີດຂຶ້ນ ຊາດ​ອິດສະຣາເອນ​ຈຶ່ງ​ຈະ​ຮູ້ຈັກ. ພວກເຈົ້າ​ເວົ້າ​ວ່າ, “ຜູ້ທຳນວາຍ​ຄົນ​ນີ້​ໂງ່. ຄົນ​ທີ່​ມີ​ພຣະເຈົ້າ​ດົນໃຈ​ກໍ​ເປັນ​ຄົນ​ບໍ່​ເຕັມ.” ພວກເຈົ້າ​ກຽດຊັງ​ເຮົາ​ຫລາຍ​ທີ່ສຸດ ເພາະ​ບາບ​ຂອງ​ພວກເຈົ້າ​ໜາ​ຫລາຍ.

ໂອບາດີຢາ 1:18

ຄົນ​ຂອງ​ຢາໂຄບ​ແລະ​ໂຢເຊັບ​ຈະ​ເປັນ​ດັ່ງ​ໄຟ ຈະ​ທຳລາຍ​ຄົນ​ຂອງ​ເອຊາວ​ດັ່ງ​ໄຟ​ໄໝ້​ເຟືອງ​ແຫ້ງ. ເຊື້ອສາຍ​ເອຊາວ​ຈະ​ບໍ່ມີ​ຜູ້ໃດ​ໄດ້​ລອດຊີວິດ​ຢູ່.” ພຣະເຈົ້າຢາເວ​ໄດ້ກ່າວ​ດັ່ງນີ້ແຫຼະ.

ມີກາ 7:4

ແມ່ນແຕ່​ຄົນດີ​ແລະ​ຄົນ​ສຸດຈະຣິດ​ກວ່າໝູ່​ໃນ​ພວກເຂົາ ກໍ​ເປັນ​ດັ່ງ​ກໍ​ໜາມ. ວັນ​ແຫ່ງ​ການລົງໂທດ​ຂອງ​ພວກເຈົ້າ​ມາເຖິງ​ແລ້ວ ຊຶ່ງ​ປະກາດ​ໂດຍ​ຜູ້ເຝົ້າຍາມ​ຄື​ຜູ້ທຳນວາຍ. ບັດນີ້ ພວກເຂົາ​ກຳລັງ​ສັບສົນ​ວຸ້ນວາຍ.

ລູກາ 19:44

ພວກເຂົາ​ຈະ​ທຳລາຍ​ເຈົ້າ ແລະ​ລູກ​ທັງຫລາຍ​ທີ່​ຢູ່​ນຳ​ເຈົ້າ​ໃຫ້​ລົງ​ພຽງ​ດິນ. ພວກເຂົາ​ຈະ​ບໍ່​ປະ​ກ້ອນຫີນ​ໃຫ້​ຊ້ອນ​ທັບ​ກັນ​ໄວ້​ພາຍ​ໃນ​ເຈົ້າ ເພາະວ່າ​ເຈົ້າ​ບໍ່​ຮູ້​ເວລາ​ທີ່​ພຣະເຈົ້າ​ໄດ້​ມາ​ຢ້ຽມຢາມ​ເຈົ້າ.”