ເຢເຣມີຢາ 11:2 - ພຣະຄຳພີສັກສິ

² “ຈົ່ງ​ຟັງ​ເນື້ອແທ້​ຂອງ​ພັນທະສັນຍາ. ຈົ່ງ​ບອກ​ປະຊາຊົນ​ຢູດາ ແລະ​ຊາວ​ນະຄອນ​ເຢຣູຊາເລັມ​ວ່າ

ເຢເຣມີຢາ 11:2 Jak'a apnaqawi uñst'ayäwi

2 ກະສັດ 11:17

ປະໂຣຫິດ​ເຢໂຮຍອາດາ​ໄດ້​ໃຫ້​ກະສັດ​ໂຢອາດ​ແລະ​ປະຊາຊົນ​ເຮັດ​ພັນທະສັນຍາ​ຕໍ່​ພຣະເຈົ້າຢາເວ​ວ່າ ພວກຕົນ​ຈະ​ເປັນ​ປະຊາຊົນ​ຂອງ​ພຣະເຈົ້າຢາເວ; ເພິ່ນ​ຍັງ​ໄດ້​ເຮັດ​ພັນທະສັນຍາ​ລະຫວ່າງ​ກະສັດ​ແລະ​ປະຊາຊົນ.

2 ຂ່າວຄາວ 23:16

ປະໂຣຫິດ​ເຢໂຮຍອາດາ ໂດຍ​ມີ​ກະສັດ​ໂຢອາດ​ພ້ອມ​ປະຊາຊົນ​ເຂົ້າ​ຮ່ວມ ໄດ້​ເຮັດ​ພິທີ​ຕັ້ງ​ພັນທະສັນຍາ​ວ່າ ພວກເຂົາ​ຈະ​ເປັນ​ປະຊາຊົນ​ຂອງ​ພຣະເຈົ້າຢາເວ.

2 ຂ່າວຄາວ 29:10

ບັດນີ້ ຂ້າພະເຈົ້າ​ໄດ້​ຕັດສິນໃຈ​ທີ່​ຈະ​ເຮັດ​ພັນທະສັນຍາ​ກັບ​ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ ເພື່ອ​ວ່າ​ພຣະອົງ​ຈະ​ບໍ່​ໂກດຮ້າຍ​ພວກເຮົາ​ຕໍ່ໄປ.

2 ຂ່າວຄາວ 34:31

ເພິ່ນ​ຢືນ​ຂຶ້ນ​ທີ່​ຂ້າງ​ເສົາ​ບ່ອນ​ທີ່​ຖືກ​ຈັດ​ໄວ້​ສຳລັບ​ເພິ່ນ ແລະ​ເຮັດ​ພັນທະສັນຍາ​ວ່າ​ຈະ​ເຊື່ອຟັງ​ພຣະເຈົ້າຢາເວ, ຈະ​ຖື​ຮັກສາ​ກົດບັນຍັດ​ແລະ​ຂໍ້ຄຳສັ່ງ​ຂອງ​ພຣະເຈົ້າຢາເວ​ດ້ວຍ​ສຸດໃຈ ແລະ​ສຸດຈິດ, ແລະ​ຈະ​ປະຕິບັດ​ຕາມ​ຂໍ້​ຮຽກຮ້ອງ​ຊຶ່ງ​ໄດ້​ຄັດຕິດ​ມາ​ກັບ​ພັນທະສັນຍາ ທີ່​ໄດ້​ມີ​ຂຽນ​ໄວ້​ໃນ​ໜັງສື​ນີ້.

ອົບພະຍົບ 19:5

ບັດນີ້ ຖ້າ​ພວກເຈົ້າ​ເຊື່ອຟັງ​ເຮົາ ແລະ​ຮັກສາ​ພັນທະສັນຍາ​ຂອງເຮົາ ພວກເຈົ້າ​ກໍ​ຈະ​ເປັນ​ປະຊາຊົນ​ຂອງເຮົາ. ທົ່ວ​ທັງ​ແຜ່ນດິນ​ໂລກ​ນີ້​ເປັນ​ຂອງເຮົາ, ແຕ່​ພວກເຈົ້າ​ຈະ​ເປັນ​ປະຊາຊົນ​ທີ່​ເຮົາ​ເລືອກ​ໄວ້​

ເຢເຣມີຢາ 11:1

ພຣະເຈົ້າຢາເວ​ໄດ້​ກ່າວ​ແກ່​ຂ້ານ້ອຍ​ວ່າ,

ເຢເຣມີຢາ 11:6

ແລ້ວ​ພຣະເຈົ້າຢາເວ​ກໍໄດ້​ກ່າວ​ແກ່​ຂ້າພະເຈົ້າ​ວ່າ, “ຈົ່ງ​ໄປ​ທີ່​ເມືອງ​ຂອງ​ຢູດາຍ ແລະ​ໄປ​ຕາມ​ທ້ອງ​ຖະໜົນ​ຫົນທາງ​ໃນ​ນະຄອນ​ເຢຣູຊາເລັມ. ຈົ່ງ​ປະກາດ​ຖ້ອຍຄຳ​ຂອງເຮົາ​ຢູ່​ທີ່​ນັ້ນ ແລະ​ບອກ​ປະຊາຊົນ​ໃຫ້​ຟັງ​ເນື້ອແທ້​ຂອງ​ພັນທະສັນຍາ ແລະ​ໃຫ້​ພວກເຂົາ​ປະຕິບັດ​ຕາມ.