ເຢເຣມີຢາ 10:12 - ພຣະຄຳພີສັກສິ

¹² ພຣະເຈົ້າ​ສ້າງ​ແຜ່ນດິນ​ໂລກ​ໂດຍ​ຣິດທານຸພາບ ໂດຍ​ພຣະ​ປັນຍາ​ໄດ້​ສ້າງ​ໂລກ​ແລະ​ກາງ​ຟ້າ​ສະຫວັນ​ອອກ.

ເຢເຣມີຢາ 10:12 Jak'a apnaqawi uñst'ayäwi

ປະຖົມມະການ 1:1

ເມື່ອ​ພຣະເຈົ້າ​ຕັ້ງຕົ້ນ​ນິຣະມິດ​ສ້າງ​ຈັກກະວານ

ປະຖົມມະການ 2:5

ຕົ້ນໄມ້​ກັບ​ກໍ​ຫຍ້າ​ບໍ່ທັນ​ມີ​ເທິງ​ແຜ່ນດິນ​ໂລກ ເພາະ​ພຣະເຈົ້າຢາເວ​ພຣະເຈົ້າ​ຍັງ​ບໍ່​ໃຫ້​ຝົນ​ຕົກລົງ​ມາ ແລະ​ຍັງ​ບໍ່ທັນ​ມີ​ຈັກ​ຄົນ​ທີ່​ທຳມາ​ຫາກິນ​ຢູ່​ເທິງ​ແຜ່ນດິນ​ໂລກ,

1 ຂ່າວຄາວ 16:26

ບັນດາ​ພະ​ຂອງ​ຊົນຊາດ​ອື່ນ​ນັ້ນ ເປັນ​ພະ​ຈອມປອມ​ທັງໝົດ ແຕ່​ພຣະເຈົ້າຢາເວ​ຂອງ​ພວກເຮົາ ເປັນ​ຜູ້​ສ້າງ​ຈັກກະວານ.

ພຣະທຳ​ໂຢບ 26:7

ພຣະເຈົ້າ​ໄດ້​ພື​ທ້ອງຟ້າ​ອອກ​ສູ່​ທາງທິດເໜືອ ແລະ​ແຂວນ​ແຜ່ນດິນ​ໂລກ​ໄວ້​ໃນ​ທີ່​ວ່າງເປົ່າ.

ພຣະທຳ​ໂຢບ 37:18

ເຈົ້າ​ຊ່ວຍ​ພຣະເຈົ້າ​ພື​ທ້ອງຟ້າ​ອອກ​ໄດ້​ບໍ? ເຮັດ​ໃຫ້​ແຂງຈັດ​ດັ່ງ​ໂລຫະ​ຖືກ​ຂັດ​ໃຫ້​ເຫລື້ອມ?

ພຣະທຳ​ໂຢບ 9:8

ບໍ່ມີ​ຜູ້ໃດ​ຊ່ວຍ​ພຣະເຈົ້າ​ຄຶງ​ຟ້າ​ສະຫວັນ​ອອກ ຫລື​ຢຽບຢໍ່າ​ມັງກອນ​ກັບຄືນ​ສູ່​ທະເລ​ໄດ້.

ເພງ^ສັນລະເສີນ 104:2

ພຣະອົງ​ຫຸ້ມຫໍ່​ພຣະອົງ​ເອງ​ດ້ວຍ​ແສງ​ຣັດສະໝີ ພຣະອົງ​ກາງ​ຟ້າ​ສະຫວັນ​ດັ່ງ​ກາງ​ຜ້າເຕັນ.

ເພງ^ສັນລະເສີນ 104:24

ຂ້າແດ່​ພຣະເຈົ້າຢາເວ ພຣະອົງ​ໄດ້​ສ້າງ​ຫລາຍ​ສິ່ງ​ຫລາຍແນວ ພຣະອົງ​ໄດ້​ສ້າງ​ສັບພະທຸກສິ່ງ​ໃນ​ຈັກກະວານ​ນີ້. ພຣະອົງ​ໄດ້​ສ້າງ​ສິ່ງ​ເຫຼົ່ານີ້​ຢ່າງ​ສະຫລາດ ແຜ່ນດິນ​ໂລກ​ກໍ​ເຕັມ​ດ້ວຍ​ສິ່ງ​ທີ່​ພຣະອົງ​ໄດ້​ສ້າງ.

ເພງ^ສັນລະເສີນ 119:90

ຄວາມສັດຊື່​ຂອງ​ພຣະອົງ​ດຳລົງ​ຢູ່​ທຸກຍຸກ​ທຸກສະໄໝ ພຣະອົງ​ຕັ້ງ​ໂລກ​ໃນ​ທີ່​ຂອງ​ມັນ ແລະ​ຍັງ​ຢູ່​ທີ່​ນັ້ນ.

ເພງ^ສັນລະເສີນ 24:2

ພຣະອົງ​ໄດ້​ຊົງ​ສ້າງ​ແຜ່ນດິນ​ໂລກ ແລະ​ຕັ້ງ​ມັນ​ໄວ້​ຢູ່​ເທິງ​ໜ້າ​ນໍ້າ ທັງ​ຝັງ​ຮາກຖານ​ໂລກ​ໄວ້​ຢູ່​ພື້ນ​ທະເລ​ເລິກ.

ເພງ^ສັນລະເສີນ 33:6

ພຣະເຈົ້າຢາເວ​ໄດ້​ສ້າງ​ຟ້າ​ສະຫວັນ​ດ້ວຍ​ຖ້ອຍຄຳ​ຂອງ​ພຣະອົງ ຕາເວັນ, ເດືອນ​ແລະ​ດາວ​ກໍ​ໂດຍ​ລົມປາກ​ຂອງ​ພຣະອົງ.

ເພງ^ສັນລະເສີນ 65:7

ພຣະອົງ​ເຮັດ​ໃຫ້​ຄື້ນ​ທະເລ​ອັນ​ປັ່ນປ່ວນ​ສະຫງົບ​ລົງ ສຽງ​ອຶກກະທຶກ​ຂອງ​ປະຊາຊົນ​ມິດງຽບ.

ເພງ^ສັນລະເສີນ 78:69

ໃນ​ທີ່ນັ້ນ ພຣະອົງ​ໄດ້​ສ້າງ​ພຣະວິຫານ​ຂອງ​ພຣະອົງ ເປັນ​ດັ່ງ​ບ່ອນ​ຂອງ​ພຣະອົງ​ຢູ່​ເທິງ​ຟ້າ​ສະຫວັນ ດັ່ງ​ທີ່​ແຜ່ນດິນ​ໂລກ​ພຣະອົງ​ສ້າງ​ຜາສາດ​ຢ່າງ​ໝັ້ນຄົງ ໃຫ້​ດຳລົງ​ຢູ່​ທຸກຍຸກ​ທຸກສະໄໝ​ໄດ້.

ເພງ^ສັນລະເສີນ 93:1

ພຣະເຈົ້າຢາເວ​ຊົງ​ເປັນ​ກະສັດ ພຣະເຈົ້າຢາເວ​ຊົງ​ຫົ່ມ​ດ້ວຍ​ພຣະ​ສະຫງ່າຣາສີ​ແລະ​ພະລັງ. ແຜ່ນດິນ​ໂລກ​ຕັ້ງ​ຢູ່​ບ່ອນ​ເກົ່າ​ຢ່າງ​ໝັ້ນຄົງ​ດີ ແລະ​ບໍ່​ສາມາດ​ເໜັງຕີງ​ຍ້າຍ​ໄປມາ​ໄດ້.

ສຸພາສິດ 3:19

ພຣະເຈົ້າຢາເວ​ໄດ້​ສ້າງ​ແຜ່ນດິນ​ໂລກ ດ້ວຍ​ປັນຍາ​ຂອງ​ພຣະອົງ ດ້ວຍ​ຄວາມ​ຮອບຮູ້​ຂອງ​ພຣະອົງ ຈຶ່ງ​ໄດ້​ຕັ້ງ​ຟ້າ​ສະຫວັນ ​ໄວ້​ໃນ​ທີ່ນັ້ນ.

ສຸພາສິດ 30:4

ຜູ້ໃດ​ທີ່​ມີ​ຄວາມ​ຮອບຮູ້ ກ່ຽວກັບ​ສະຫວັນ​ແດ່​ເດ? ຜູ້ໃດ​ແດ່​ທີ່​ເຄີຍ​ໃຊ້​ມື​ຂອງຕົນ​ຈັບ​ລົມ? ຫລື​ເອົາ​ຜ້າ​ມາ​ຫໍ່​ນໍ້າ​ເໝືອນ​ດັ່ງ​ຫໍ່​ສິ່ງຂອງ​ໄດ້? ຫລື​ໝາຍ​ເຂດແດນ​ທີ່​ເທິງ​ແຜ່ນດິນ​ໂລກ​ເຮົາ? ເພິ່ນ​ຄື​ໃຜ? ເຈົ້າ​ຮູ້​ບໍ່​ໃຜ​ເປັນ​ລູກ​ຂອງ​ເພິ່ນ?

ເອຊາຢາ 37:16

“ຂ້າແດ່​ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່ ພຣະເຈົ້າ​ຂອງ​ຊາດ​ອິດສະຣາເອນ​ເອີຍ ພຣະອົງ​ນັ່ງ​ທີ່​ເທິງ​ເຄຣຸບ ພຣະອົງ​ເທົ່ານັ້ນ​ເປັນ​ພຣະເຈົ້າ​ທີ່​ປົກຄອງ​ອານາຈັກ​ທັງໝົດ​ຢູ່​ໃນ​ແຜ່ນດິນ​ໂລກ​ນີ້. ພຣະອົງ​ເປັນ​ຜູ້​ໄດ້ສ້າງ​ຟ້າ​ສະຫວັນ ແລະ​ແຜ່ນດິນ​ໂລກ.

ເອຊາຢາ 40:22

ພຣະອົງ​ທີ່​ນັ່ງ​ເທິງ​ບັນລັງ​ຂອງ​ພຣະອົງ ຢູ່​ເໜືອ​ແຜ່ນດິນ​ໂລກ​ເຮົາ ແລະ​ຢູ່​ເທິງ​ທ້ອງຟ້າ; ພຣະອົງ​ໄດ້​ສ້າງ​ໂລກນີ້​ດ້ວຍ​ສີມື​ຂອງ​ພຣະອົງ​ເອງ ພຣະອົງ​ຫລຽວເຫັນ​ມະນຸດ​ຄື​ໂຕ​ຕັກແຕນ​ຢູ່​ເທິງ​ໂລກ. ພຣະອົງ​ກາງ​ຟ້າ​ສະຫວັນ​ດັ່ງ​ກາງ​ຜ້າກັ້ງ​ອອກ​ມາ ດັ່ງ​ຄົນ​ກາງ​ຜ້າເຕັນ​ເພື່ອ​ຈະ​ອາໄສ​ຢູ່.

ເອຊາຢາ 42:5

ພຣະເຈົ້າ, ພຣະເຈົ້າຢາເວ, ຜູ້​ນິຣະມິດ​ສ້າງ​ຟ້າ​ສະຫວັນ ແລະ​ກາງ​ອອກ​ມາ ອອກແບບ​ແຜ່ນດິນ​ໂລກ ແລະ​ທຸກສິ່ງ​ຢູ່​ໃນ​ນັ້ນ; ພຣະອົງ​ໃຫ້​ຊີວິດ​ແລະ​ລົມຫາຍໃຈ​ແກ່​ທຸກຄົນ ພຣະອົງ​ກ່າວ​ດັ່ງນີ້:

ເອຊາຢາ 44:24

“ພຣະເຈົ້າຢາເວ ພຣະຜູ້​ໄຖ່​ຂອງເຈົ້າ​ກ່າວວ່າ: ແມ່ນ​ເຮົາ​ທີ່​ເປັນ​ຜູ້​ໄດ້ສ້າງ​ເຈົ້າ ເຮົາ​ຄື​ພຣະເຈົ້າຢາເວ​ທີ່​ສ້າງ​ສັບພະທຸກສິ່ງ​ທັງຫລາຍ ແມ່ນ​ເຮົາ​ແຕ່​ຜູ້ດຽວ​ທີ່​ໄດ້​ກາງ​ຟ້າ​ສະຫວັນ​ອອກ. ເມື່ອ​ເຮົາ​ໄດ້ສ້າງ​ແຜ່ນດິນ​ໂລກ​ຂຶ້ນ​ມາ ບໍ່ມີ​ຜູ້ໃດ​ເລີຍ​ທີ່​ໄດ້​ຊ່ວຍເຫລືອ​ເຮົາ.

ເອຊາຢາ 45:12

ແມ່ນ​ເຮົາ​ທີ່​ໄດ້​ນິຣະມິດ​ສ້າງ​ໂລກນີ້​ຂຶ້ນ​ມາ ໄດ້​ສ້າງ​ມະນຸດ​ທຸກຄົນ​ໃຫ້​ອາໄສ​ຢູ່​ໃນ​ທີ່ນັ້ນ. ເຮົາ​ໄດ້​ກາງ​ຟ້າ​ສະຫວັນ​ດ້ວຍ​ຣິດອຳນາດ​ຂອງເຮົາ ຄວບຄຸມ​ຕາເວັນ ເດືອນ ແລະ​ດາວ​ດ້ວຍ.

ເອຊາຢາ 45:18

ພຣະເຈົ້າຢາເວ​ໄດ້​ນິຣະມິດ​ສ້າງ​ຈັກກະວານ ແມ່ນ​ພຣະອົງ​ແຕ່​ຜູ້ດຽວ​ທີ່​ເປັນ​ພຣະເຈົ້າ ພຣະອົງ​ໄດ້​ຈັດ​ຮູບຮ່າງ​ສ້າງ​ແຜ່ນດິນ​ໂລກ​ຂຶ້ນ​ມາ ໄດ້​ເຮັດ​ໃຫ້​ໂລກ​ໝັ້ນຄົງ ແລະ​ຢັ້ງຢືນ​ຄົງຢູ່​ໄດ້. ພຣະອົງ​ບໍ່ໄດ້​ເຮັດ​ໃຫ້​ເປັນ​ທີ່​ເປົ່າຮ້າງ​ຫວ່າງຄົນ ແຕ່​ເປັນ​ບ່ອນ​ທີ່​ມະນຸດ​ເຮົາ​ພັກພາ​ອາໄສ​ຢູ່ ພຣະເຈົ້າ​ລັ່ນປາກ​ກ່າວ​ໄຂ​ວາຈາ​ວ່າ, “ເຮົາ​ຄື​ພຣະເຈົ້າຢາເວ ພຣະເຈົ້າ​ອົງ​ອື່ນ​ບໍ່ມີ.

ເອຊາຢາ 48:13

ມື​ເຮົາ​ທີ່​ໄດ້​ສ້າງ​ຮາກຖານ​ແຜ່ນດິນ​ໂລກ ແລະ​ທັງ​ໄດ້​ກາງ​ຟ້າ​ສະຫວັນ​ອອກ​ດ້ວຍ. ເມື່ອ​ເຮົາ​ເອີ້ນ​ພວກມັນ​ມາ​ຫາ, ພວກມັນ​ກໍ​ມາ​ສະເໜີ​ຕົວ​ໃນ​ທັນທີ​ທັນໃດ​ໂລດ.”

ເອຊາຢາ 49:8

ພຣະເຈົ້າຢາເວ​ກ່າວ​ຕໍ່​ປະຊາຊົນ​ຂອງ​ພຣະອົງ​ວ່າ, “ເມື່ອ​ເຖິງ​ເວລາ​ທີ່​ຈະ​ຊ່ວຍ​ເຈົ້າ​ໃຫ້​ພົ້ນ ເຮົາ​ຈະ​ເຫັນໃຈ​ເຈົ້າ ແລະ​ຕອບ​ຄຳຮ້ອງຂໍ ຈະ​ເຝົ້າ​ເບິ່ງແຍງ​ຮັກສາ ແລະ​ປົກປ້ອງ​ເຈົ້າ​ໄວ້ ໂດຍ​ທາງ​ເຈົ້າ ເຮົາ​ຈະ​ຕັ້ງ​ພັນທະສັນຍາ ກັບ​ຊົນຊາດ​ທັງຫລາຍ​ທີ່​ຢູ່​ໃນ​ໂລກນີ້. ເຮົາ​ຈະ​ນຳ​ເຈົ້າ​ໃຫ້​ຕັ້ງ​ຖິ່ນຖານ​ເທື່ອ​ໃໝ່ ໃນ​ດິນແດນ​ທີ່​ເວລາ​ນີ້​ຮົກຮ້າງ​ຫວ່າງຄົນ.

ເຢເຣມີຢາ 10:13

ໂດຍ​ພຣະ​ຄຳສັ່ງ ນໍ້າ​ທີ່​ເທິງ​ຟ້າ​ສະຫວັນ ດັງ​ຄຶກຄະນອງ ນຳ​ກ້ອນເມກ​ມາ​ຈາກ​ສົ້ນສຸດ​ຂອງ​ແຜ່ນດິນ​ໂລກ. ພຣະອົງ​ໃຫ້​ຟ້າ​ແມບເຫລື້ອມ​ໃນ​ທ່າມກາງ​ສາຍຝົນ ແລະ​ສົ່ງ​ລົມ​ໃຫ້​ພັດ​ມາ​ຈາກ​ຄັງ​ຂອງ​ພຣະອົງ​ນັ້ນ.

ເຢເຣມີຢາ 10:16

ພຣະເຈົ້າ​ຂອງ​ຢາໂຄບ ບໍ່​ຄື​ພະ​ເຫຼົ່ານີ້​ເລີຍ ຊົງ​ເປັນ​ຜູ້​ສ້າງ​ສັບພະທຸກສິ່ງ​ໃນ​ຈັກກະວານ​ນີ້. ພຣະອົງ​ໄດ້​ເລືອກ​ອິດສະຣາເອນ​ໃຫ້​ເປັນ​ຂອງ​ພຣະອົງ ນາມຊື່​ຂອງ​ພຣະອົງ​ຄື​ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່.

ເຢເຣມີຢາ 14:22

ບໍ່ມີ​ຮູບເຄົາຣົບ​ຂອງ​ຊົນຊາດ​ໃດ​ເຮັດ​ໃຫ້​ຝົນ​ຕົກ​ມາ ຟ້າ​ສະຫວັນ​ກໍ​ເຮັດ​ໃຫ້​ຝົນ​ຫລັ່ງລິນ​ລົງ​ມາ​ບໍ່ໄດ້; ຂ້າແດ່​ພຣະເຈົ້າຢາເວ ພຣະເຈົ້າ​ຂອງ​ພວກ​ຂ້ານ້ອຍ​ເອີຍ ເພາະ​ແມ່ນ​ພຣະອົງ​ທີ່​ໄດ້​ກະທຳ​ທຸກສິ່ງ​ເຫຼົ່ານີ້.

ເຢເຣມີຢາ 27:5

“ເຮົາ​ໄດ້​ສ້າງ​ໂລກ, ມະນຸດສະໂລກ ແລະ​ສັດ​ທັງປວງ ທີ່​ອາໄສ​ຢູ່​ເທິງ​ແຜ່ນດິນ​ໂລກ​ນີ້ ດ້ວຍ​ຣິດອຳນາດ​ແລະ​ກຳລັງ​ອັນ​ຍິ່ງໃຫຍ່​ຂອງເຮົາ; ເຮົາ​ຈະ​ມອບ​ຣິດອຳນາດ​ນັ້ນ​ໃຫ້​ແກ່​ຜູ້ໃດ​ຜູ້ໜຶ່ງ​ທີ່​ເຮົາ​ເລືອກເອົາ​ກໍໄດ້.

ເຢເຣມີຢາ 32:17

“ຂ້າແດ່​ອົງພຣະ​ຜູ້​ເປັນເຈົ້າ ພຣະເຈົ້າ ພຣະອົງ​ໄດ້​ສ້າງ​ຈັກກະວານ ແລະ​ແຜ່ນດິນ​ໂລກ ໂດຍ​ຣິດອຳນາດ​ອັນ​ຍິ່ງໃຫຍ່​ຂອງ​ພຣະອົງ; ບໍ່ມີ​ສິ່ງໃດ​ເລີຍ​ຍາກ​ສຳລັບ​ພຣະອົງ.

ເຊກາຣີຢາ 12:1

ຕໍ່ໄປນີ້​ແມ່ນ​ຖ້ອຍຄຳ​ທີ່​ມາ​ຈາກ​ພຣະເຈົ້າຢາເວ ເຖິງ​ຊາດ​ອິດສະຣາເອນ: ພຣະເຈົ້າຢາເວ​ອົງ​ໄດ້​ກາງ​ຈັກກະວານ​ອອກ ໄດ້​ນິຣະມິດ​ສ້າງ​ແຜ່ນດິນ​ໂລກ ແລະ​ໄດ້​ໃຫ້​ຊີວິດ​ແກ່​ມວນ​ມະນຸດ. ພຣະອົງ​ກ່າວ​ວ່າ,

ໂຢຮັນ 1:3

ພຣະເຈົ້າ​ໄດ້​ຊົງ​ສ້າງ​ທຸກສິ່ງ​ຂຶ້ນ​ໂດຍ​ທາງ​ພຣະທຳ ໃນ​ບັນດາ​ສິ່ງ​ທີ່​ເປັນ​ມາ​ນັ້ນ ບໍ່ມີ​ສິ່ງ​ໜຶ່ງ​ສິ່ງໃດ​ທີ່​ເປັນ​ມາ​ໂດຍ​ນອກຈາກ​ພຣະທຳ.

ໂກໂລຊາຍ 1:16

ດ້ວຍວ່າ, ໂດຍ​ພຣະອົງ​ນັ້ນ​ພຣະເຈົ້າ​ໄດ້​ຊົງ​ສ້າງ​ສັບພະທຸກສິ່ງ ທັງ​ໃນ​ສະຫວັນ​ແລະ​ເທິງ​ແຜ່ນດິນ​ໂລກ ສິ່ງ​ທີ່​ຕາ​ເຫັນ​ໄດ້​ແລະ​ສິ່ງ​ທີ່​ຕາ​ເຫັນ​ບໍ່ໄດ້ ເປັນ​ພຣະທີ່ນັ່ງ ຫຼື​ອານຸພາບ ຫຼື​ບັນດາ​ຜູ້​ຄອບຄອງ ແລະ​ບັນດາ​ຜູ້​ມີ​ສິດ​ອຳນາດ​ທັງຫລາຍ ພຣະເຈົ້າ​ໄດ້​ສ້າງ​ສັບພະສິ່ງ​ທັງໝົດ​ນີ້​ໂດຍ​ທາງ​ພຣະອົງ ແລະ​ສຳລັບ​ພຣະອົງ.