ເຢເຣມີຢາ 1:12 - ພຣະຄຳພີສັກສິ

¹² ພຣະເຈົ້າຢາເວ​ກ່າວ​ຕໍ່​ຂ້າພະເຈົ້າ​ວ່າ, “ເຈົ້າ​ເວົ້າ​ຖືກ​ແລ້ວ ແລະ​ເຮົາ​ກຳລັງ​ເຝົ້າ​ຄອຍເບິ່ງ ໃຫ້​ຖ້ອຍຄຳ​ຂອງເຮົາ​ກາຍເປັນຈິງ.”

ເຢເຣມີຢາ 1:12 Jak'a apnaqawi uñst'ayäwi

ເອຊາຢາ 55:11

ສະນັ້ນ ຖ້ອຍຄຳ​ທີ່​ເຮົາ​ກ່າວ​ໄປ​ກໍ​ເຊັ່ນດຽວ​ກັນ ຄື​ຈະ​ບໍ່​ກັບຄືນ​ມາ​ຫາ​ເຮົາ​ໂດຍ​ສູນເປົ່າ ຈະ​ສຳເລັດ​ຕາມ​ທີ່​ເຮົາ​ໄດ້​ວາງ​ແຜນການ ແລະ​ທຸກສິ່ງ​ທີ່​ເຮົາ​ໃຊ້​ໄປ​ເຮັດ​ນັ້ນ ຈະ​ເກີດຜົນ​ຈະເລີນ​ຂຶ້ນ.

ເຢເຣມີຢາ 1:13

ແລ້ວ​ຖ້ອຍຄຳ​ຂອງ​ພຣະເຈົ້າຢາເວ​ກໍ​ມາເຖິງ​ຂ້າພະເຈົ້າ​ຄັ້ງທີ​ສອງ​ວ່າ, “ເຈົ້າ​ເຫັນ​ຫຍັງ​ອີກ​ແດ່?” ຂ້າພະເຈົ້າ​ຕອບ​ວ່າ, “ຂ້ານ້ອຍ​ເຫັນ​ໝໍ້​ໜ່ວຍ​ໜຶ່ງ​ທີ່​ກຳລັງ​ຟົດ​ຢູ່​ທາງ​ທິດເໜືອ ແລະ​ປາກໝໍ້​ນັ້ນ​ກໍ​ປິ່ນ​ມາ​ທາງ​ພີ້.”

ເຢເຣມີຢາ 24:3

ແລ້ວ​ພຣະເຈົ້າຢາເວ​ກໍໄດ້​ກ່າວ​ແກ່​ຂ້າພະເຈົ້າ​ວ່າ, “ເຢເຣມີຢາ​ເອີຍ ເຈົ້າ​ເຫັນ​ຫຍັງ​ແດ່?” ຂ້າພະເຈົ້າ​ຕອບ​ວ່າ, “ເຫັນ​ໝາກເດື່ອ ໜ່ວຍ​ດີ​ກໍ​ດີ​ທີ່ສຸດ ແລະ​ໜ່ວຍ​ບໍ່​ດີ​ກໍ​ບໍ່​ດີ​ຈົນ​ກິນ​ບໍ່ໄດ້.”

ເຢເຣມີຢາ 31:28

ເຮົາ​ໄດ້​ຄອຍເຝົ້າ​ເພື່ອ​ຖອນຮາກ, ຫລົກ​ຖິ້ມ, ໂຄ່ນລົ້ມ, ທຳລາຍ, ແລະ​ຮື້​ພວກເຂົາ​ຖິ້ມ​ສັນໃດ ເຮົາ​ກໍ​ຈະ​ເບິ່ງແຍງ​ເພື່ອ​ປູກ​ແລະ​ກໍ່ສ້າງ​ພວກເຂົາ​ຂຶ້ນ​ສັນນັ້ນ. ພຣະເຈົ້າຢາເວ​ກ່າວ​ດັ່ງນີ້ແຫຼະ.

ເອເຊກຽນ 12:25

ແຕ່​ພຣະເຈົ້າຢາເວ​ຈະ​ກ່າວ​ແກ່​ພວກເຂົາ​ວ່າ ເຮົາ​ຈະ​ກ່າວ​ແລະ​ສິ່ງ​ທີ່​ເຮົາ​ກ່າວ​ກໍ​ຈະ​ເກີດຂຶ້ນ. ມັນ​ຈະ​ບໍ່​ຊັກຊ້າ​ອີກ​ຕໍ່ໄປ. ຄົນ​ກະບົດ​ເອີຍ ໃນ​ຄາວ​ທີ່​ພວກເຈົ້າ​ຍັງ​ມີ​ຊີວິດ​ຢູ່ນີ້ ເຮົາ​ຈະ​ເຮັດ​ຕາມ​ຖ້ອຍຄຳ​ທີ່​ເຮົາ​ໄດ້​ເຕືອນ​ພວກເຈົ້າ​ແລ້ວ.’ ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ດັ່ງນີ້ແຫຼະ.”

ເອເຊກຽນ 12:28

ສະນັ້ນ ຈົ່ງ​ບອກ​ພວກເຂົາ​ວ່າ, ‘ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ວ່າ ມັນ​ຈະ​ບໍ່​ຊັກຊ້າ​ອີກ​ຕໍ່ໄປ. ຖ້ອຍຄຳ​ທີ່​ເຮົາ​ໄດ້​ເວົ້າ​ນັ້ນ​ຈະ​ເກີດຂຶ້ນ.’ ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ດັ່ງນີ້ແຫຼະ.”

ອາໂມດ 8:2

ພຣະອົງ​ຖາມ​ວ່າ, “ອາໂມດ ເຈົ້າ​ເຫັນ​ຫຍັງ​ແດ່?” ຂ້າພະເຈົ້າ​ຕອບ​ວ່າ, “ເຫັນ​ກະຕ່າ​ໝາກໄມ້​ລະດູຮ້ອນ.” ພຣະເຈົ້າຢາເວ​ໄດ້ກ່າວ​ແກ່​ຂ້າພະເຈົ້າ​ວ່າ, “ຍຸກ​ສຸດທ້າຍ ໄດ້​ມາຮອດ​ແລ້ວ​ສຳລັບ​ຊາດ​ອິດສະຣາເອນ ປະຊາຊົນ​ຂອງເຮົາ. ເຮົາ​ຈະ​ບໍ່​ປ່ຽນໃຈ​ໃນ​ການ​ລົງໂທດ​ພວກເຂົາ.

ລູກາ 10:28

ພຣະເຢຊູເຈົ້າ​ຕອບ​ວ່າ, “ທ່ານ​ຕອບ​ຖືກ​ແລ້ວ ຈົ່ງ​ປະຕິບັດ​ຕາມ​ນີ້ ແລະ​ທ່ານ​ຈະ​ໄດ້​ຊີວິດ.”

ລູກາ 20:39

ແລ້ວ​ທຳມະຈານ​ບາງຄົນ​ກໍ​ເວົ້າ​ຂຶ້ນ​ວ່າ, “ອາຈານ​ເອີຍ ທ່ານ​ເວົ້າ​ໄດ້​ດີ​ຫລາຍ.”

ພຣະບັນຍັດສອງ 18:17

ສະນັ້ນ ພຣະເຈົ້າຢາເວ​ຈຶ່ງ​ກ່າວ​ວ່າ, ‘ເປັນ​ຄຳ​ຂໍຮ້ອງ​ທີ່​ສະຫລາດ​ແທ້.

ພຣະບັນຍັດສອງ 32:35

ພຮະອົງ​ຈະ​ແກ້ແຄ້ນ ແລະ​ລົງໂທດ​ພວກເຂົາ; ມື້​ເຄາະກຳ​ໃກ້​ເຂົ້າ​ມາ ມື້​ທີ່​ພວກເຂົາ​ຫຼົ້ມຈົມ​ຈະ​ມາ​ຮອດ.

ພຣະບັນຍັດສອງ 5:28

ເມື່ອ​ພຣະເຈົ້າຢາເວ​ໄດ້ຍິນ​ພວກເຈົ້າ​ບອກ​ເຊັ່ນນີ້ ພຣະເຈົ້າຢາເວ​ກໍ​ກ່າວ​ແກ່​ຂ້າພະເຈົ້າ​ວ່າ, ‘ເຮົາ​ໄດ້ຍິນ​ສິ່ງ​ທີ່​ປະຊາຊົນ​ເຫຼົ່ານີ້​ເວົ້າ ແລະ​ພວກເຂົາ​ກໍ​ເວົ້າ​ຖືກຕ້ອງ​ແລ້ວ.