ຢາໂກໂບ 4:9 - ພຣະຄຳພີສັກສິ

⁹ ຈົ່ງ​ເປັນ​ທຸກ​ໂສກເສົ້າ ຈົ່ງ​ຮ້ອງໄຫ້​ແລະ​ຮໍ່າໄຮ ໃຫ້​ການ​ຫົວ​ຂອງຕົນ ກັບ​ກາຍເປັນ​ການ​ໂສກເສົ້າ ແລະ​ໃຫ້​ຄວາມ​ຍິນດີ​ກັບ​ກາຍເປັນ​ຄວາມ​ເສົ້າໝອງ.

ພຣະຄຳພີລາວສະບັບສະໄໝໃໝ່

⁹ ຈົ່ງ​ໂສກເສົ້າ​ເສຍໃຈ, ຈົ່ງ​ໄວ້ທຸກ ແລະ ຮ້ອງໄຫ້. ຈົ່ງ​ປ່ຽນ​ຈາກ​ສຽງ​ຫົວ​ມາ​ເປັນ​ການໄວ້ທຸກ ແລະ ຈາກ​ຄວາມຍິນດີ​ຂອງ​ພວກເຈົ້າ​ມາ​ເປັນ​ຄວາມເສົ້າໝອງ.

ຢາໂກໂບ 4:9 Jak'a apnaqawi uñst'ayäwi

ເນເຫມີຢາ 8:9

ເມື່ອ​ພວກເຂົາ​ໄດ້ຍິນ​ຂໍ້ຄວາມ​ທີ່​ກົດບັນຍັດ​ນັ້ນ​ຮຽກຮ້ອງ​ໃຫ້​ເຮັດ ຕ່າງ​ກໍ​ຮູ້ສຶກ​ຕື້ນຕັນ​ໃຈ ແລະ​ຮ້ອງໄຫ້​ຂຶ້ນ. ສະນັ້ນ ເນເຫມີຢາ​ຜູ້​ທີ່​ເປັນ​ຜູ້ປົກຄອງ ແລະ​ເອຊະຣາ​ຜູ້​ທີ່​ເປັນ​ທັງ​ປະໂຣຫິດ ແລະ​ເປັນ​ນັກຮຽນ​ຮູ້​ດ້ານ​ກົດບັນຍັດ​ຕະຫລອດ​ທັງ​ຄົນເລວີ​ທີ່​ເປັນ​ຜູ້​ອະທິບາຍ​ກົດບັນຍັດ ຈຶ່ງ​ບອກ​ປະຊາຊົນ​ທັງໝົດ​ວ່າ, “ວັນນີ້​ເປັນ​ວັນ​ສັກສິດ​ສຳລັບ​ພຣະເຈົ້າຢາເວ ພຣະເຈົ້າ​ຂອງ​ພວກທ່ານ; ສະນັ້ນ ຈຶ່ງ​ບໍ່​ສົມຄວນ​ທີ່​ພວກທ່ານ​ຈະ​ໄວ້ທຸກ ຫລື​ຮ້ອງໄຫ້.

ພຣະທຳ​ໂຢບ 30:31

ຄັ້ງໜຶ່ງ ບ່ອນ​ທີ່​ຂ້ານ້ອຍ​ໄດ້ຍິນ​ສຽງ​ເພງ​ອັນ​ມ່ວນຊື່ນ ບັດນີ້ ຂ້ານ້ອຍ​ພັດ​ໄດ້ຍິນ​ແຕ່​ສຽງ​ຮ້ອງໄຫ້​ໄວ້ທຸກ.

ເພງ^ສັນລະເສີນ 119:136

ນໍ້າຕາ​ຂ້ານ້ອຍ​ໄຫລຫລັ່ງ​ດັ່ງ​ສາຍ​ລຳທານ ຍ້ອນ​ມະນຸດ​ບໍ່​ເຊື່ອຟັງ​ກົດບັນຍັດ​ຂອງ​ພຣະອົງ.

ເພງ^ສັນລະເສີນ 119:67

ແຕ່ກ່ອນ ພຣະອົງ​ລົງໂທດ​ເພາະ​ຂ້ານ້ອຍ​ໄດ້​ເຮັດ​ຜິດ ແຕ່​ບັດນີ້ ຂ້ານ້ອຍ​ເຊື່ອຟັງ​ຖ້ອຍຄຳ​ຂອງ​ພຣະອົງ.

ເພງ^ສັນລະເສີນ 119:71

ການ​ຖືກ​ລົງໂທດ​ນັ້ນ​ເປັນ​ການດີ​ແກ່​ຂ້ານ້ອຍ ເພາະ​ເຮັດ​ໃຫ້​ຂ້ານ້ອຍ​ຮຽນຮູ້​ເຖິງ​ຂໍ້ຄຳສັ່ງ​ຂອງ​ພຣະອົງ.

ສຸພາສິດ 14:13

ຄົນ​ທີ່​ຫົວເລາະ ອາດ​ເຊື່ອງຊ້ອນ​ຄວາມ​ທຸກໃຈ​ໄວ້​ກໍ​ມີ, ເມື່ອ​ຄວາມສຸກ​ໄດ້​ຈາກ​ໄປ ຄວາມ​ທຸກໃຈ​ກໍ​ເຂົ້າ​ມາ​ແທນທີ່.

ປັນຍາຈານ 2:2

ຂ້າພະເຈົ້າ​ໄດ້​ພົບ​ວ່າ​ການ​ຫົວເລາະ​ກໍ​ເປັນ​ການ​ໂງ່ຈ້າ ແລະ​ຄວາມ​ສະໜຸກ​ວ່າ​ນຳ​ປະໂຫຍດ​ອັນໃດ​ມາ​ສູ່​ເຮົາ.

ເຢເຣມີຢາ 31:13

ແລ້ວ​ແມ່ຍິງ​ກໍ​ຈະ​ຟ້ອນ​ຢ່າງ​ມີ​ຄວາມ​ສຸກໃຈ ຜູ້ຊາຍ​ບໍ່​ວ່າ​ເຖົ້າ​ຫລື​ໜຸ່ມ​ກໍດີ​ຈະ​ຍິນດີ​ດ້ວຍ. ເຮົາ​ຈະ​ເລົ້າໂລມ​ໃຈ​ຜູ້​ໄວ້ທຸກ ໃຫ້​ປີຕິຍິນດີ ຄວາມ​ໂສກເສົ້າ​ເສຍໃຈ ເປັນ​ຄວາມ​ຊົມຊື່ນ.

ເຢເຣມີຢາ 31:9

ປະຊາຊົນ​ຈະ​ກັບ​ມາ​ດ້ວຍ​ນໍ້າຕາ​ຫລັ່ງໄຫລ ໂດຍ​ພາວັນນາ​ອະທິຖານ​ຕໍ່​ເຮົາ​ໃຫ້​ນຳ​ພວກເຂົາ​ຄືນ​ເມືອ​ບ້ານ. ເຮົາ​ຈະ​ນຳ​ພວກເຂົາ​ໄປ​ສູ່​ຫ້ວຍນໍ້າ​ທີ່​ຫລັ່ງໄຫລ ຕາມ​ທາງພຽງ​ທີ່​ພວກເຂົາ​ຈະ​ບໍ່​ຕໍາ​ສະດຸດ​ໄດ້. ເຮົາ​ເປັນ​ດັ່ງ​ພໍ່​ຜູ້ໜຶ່ງ​ຂອງ​ຊາດ​ອິດສະຣາເອນ ເອຟຣາອິມ​ກໍ​ເປັນ​ລູກຊາຍກົກ​ຂອງເຮົາ​ດ້ວຍ.”

ເພງ^ຄໍ່າຄວນ 5:15

ການ​ຟ້ອນລຳ​ຂອງ​ພວກ​ຂ້ານ້ອຍ ໄດ້​ກາຍ​ມາ​ເປັນ​ການ​ຮ້ອງໄຫ້​ໂສກເສົ້າ.

ເອເຊກຽນ 16:63

ເຮົາ​ຈະ​ຍົກ​ຄວາມຜິດ​ທຸກຢ່າງ​ທີ່​ເຈົ້າ​ໄດ້​ເຮັດ, ແຕ່​ເຈົ້າ​ຈະ​ຈົດຈຳ​ມັນ​ໄວ້ ແລະ​ລະອາຍ​ໃຈ ຈົນ​ບໍ່​ກ້າ​ອ້າ​ປາກ​ເວົ້າ​ເຖິງ​ມັນ​ເລີຍ. ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ດັ່ງນີ້ແຫຼະ.”

ເອເຊກຽນ 7:16

ບາງຄົນ​ຈະ​ປົບໜີໄປ​ເທິງ​ພູ​ຕ່າງໆ ດັ່ງ​ຝູງ​ນົກເຂົາ​ທີ່​ສະທ້ານ​ຢ້ານກົວ​ມາ​ແຕ່​ຮ່ອມພູ​ທັງຫລາຍ. ພວກເຂົາ​ທັງໝົດ​ຈະ​ຄວນຄາງ​ເພາະ​ການບາບ​ທີ່​ພວກເຂົາ​ໄດ້​ເຮັດ.

ມັດທາຍ 21:41

ພວກເຂົາ​ຕອບ​ວ່າ, “ເພິ່ນ​ຈະ​ຕ້ອງ​ລົງໂທດ​ຄົນຊົ່ວ​ເຫຼົ່ານັ້ນ​ຢ່າງ​ຮ້າຍແຮງ ແລະ​ຂ້າ​ຖິ້ມ​ເສຍ, ແລ້ວ​ຍົກ​ສວນ​ອະງຸ່ນ​ນັ້ນ​ໃຫ້​ຄົນອື່ນ​ເຊົ່າ ຄື​ຜູ້​ຈະ​ນຳ​ຜົນ​ທີ່​ເກັບ​ໄດ້ ມາ​ໃຫ້​ເພິ່ນ​ຖືກຕ້ອງ​ຕາມ​ລະດູ​ການ.”

ມັດທາຍ 5:4

ຜູ້ໃດ​ໂສກເສົ້າ​ກໍ​ເປັນ​ສຸກ, ເພາະວ່າ​ຜູ້ນັ້ນ​ຈະ​ໄດ້​ຮັບ ການ​ຊົງ​ເລົ້າໂລມ

ລູກາ 16:25

ແຕ່​ອັບຣາຮາມ​ຕອບ​ວ່າ, ‘ລູກ​ເອີຍ ຈົ່ງ​ລະນຶກເຖິງ​ຄາວ​ເມື່ອ​ເຈົ້າ​ຍັງ​ມີ​ຊີວິດ​ຢູ່ ເຈົ້າ​ໄດ້​ຮັບ​ແຕ່​ຂອງ​ດີ​ສຳລັບ​ຕົນ ສ່ວນ​ລາຊາໂຣ​ແລ້ວ ໄດ້​ຮັບ​ແຕ່​ຂອງ​ບໍ່​ດີ ຢ່າງ​ດຽວກັນ​ນັ້ນ​ແຫຼະ, ແຕ່​ບັດນີ້ ລາຊາໂຣ​ໄດ້​ຮັບ​ຄວາມສຸກ​ສະບາຍ​ຢູ່​ທີ່​ນີ້ ສ່ວນ​ເຈົ້າ​ແລ້ວ​ກຳລັງ​ໄດ້​ຮັບ​ຄວາມ​ທົນທຸກ​ທໍລະມານ.

ລູກາ 6:21

ພວກເຈົ້າ​ທີ່​ອຶດຢາກ​ດຽວ​ນີ້ ກໍ​ເປັນ​ສຸກ, ເພາະວ່າ ພຣະເຈົ້າ​ຈະ​ຊົງ​ໂຜດ​ ໃຫ້​ພວກເຈົ້າ​ອີ່ມ​ເຕັມ ພວກເຈົ້າ​ທີ່​ຮ້ອງ​ໄຫ້​ດຽວ​ນີ້​ກໍ​ເປັນ​ສຸກ, ເພາະວ່າ ພວກເຈົ້າ​ຈະ​ໄດ້​ຫົວ.”

ລູກາ 6:25

ວິບັດ​ມີ​ແກ່​ພວກເຈົ້າ ທີ່​ອີ່ມ​ເຕັມ​ດຽວ​ນີ້ ເພາະວ່າ​ພວກເຈົ້າ​ຈະ​ອຶດຢາກ ວິບັດ​ມີ​ແກ່​ພວກເຈົ້າ ທີ່​ກຳລັງ​ຫົວ​ ຢູ່​ດຽວ​ນີ້ ເພາະ​ພວກເຈົ້າ​ຈະ​ທຸກໂສກ​ ແລະ​ຮ້ອງ​ໄຫ້.”