ຢາໂກໂບ 3:3 - ພຣະຄຳພີສັກສິ

³ ຖ້າ​ພວກເຮົາ​ເອົາ​ບັງຫຽນ​ໃສ່​ປາກ​ມ້າ ເພື່ອ​ໃຫ້​ມັນ​ຟັງຄວາມ​ແລ້ວ ພວກເຮົາ​ກໍ​ສາມາດ​ບັງຄັບ​ມ້າ​ທັງ​ໂຕ ໃຫ້​ມັນ​ຫັນ​ໄປມາ​ຕາມ​ຄວາມ​ຕ້ອງການ​ໄດ້.

ພຣະຄຳພີລາວສະບັບສະໄໝໃໝ່

³ ເມື່ອ​ພວກເຮົາ​ເອົາ​ບັງຫງຽນ​ໃສ່​ປາກ​ມ້າ​ເພື່ອ​ເຮັດ​ໃຫ້​ມັນ​ເຊື່ອຟັງ​ພວກເຮົາ, ພວກເຮົາ​ກໍ​ສາມາດ​ບັງຄັບ​ສັດ​ນັ້ນ​ໄປ​ທາງໃດ​ກໍ​ໄດ້​ທັງ​ໂຕ.

ຢາໂກໂບ 3:3 Jak'a apnaqawi uñst'ayäwi

2 ກະສັດ 19:28

ເຮົາ​ໄດ້​ຮັບ​ຄຳ​ລາຍງານ​ກ່ຽວກັບ​ຄວາມ​ອວດອ້າງ​ຂອງເຈົ້າ; ບັດນີ້ ເຮົາ​ຈະ​ເອົາ​ຂໍເກາະ​ດັງ​ເຈົ້າ ແລະ​ເອົາ​ເຫຼັກ​ງັບ​ປາກ​ເຈົ້າ ແລະ​ຈະ​ນຳ​ເຈົ້າ​ກັບຄືນ​ເມືອ​ທາງ​ເສັ້ນເກົ່າ.”’

ພຣະທຳ​ໂຢບ 41:13

ບໍ່ມີ​ຜູ້ໃດ​ເອົາ​ເຄື່ອງ​ຊັ້ນນອກ​ມັນ​ມາ​ຈີກ​ໄດ້​ເລີຍ ຫລື​ແທງ​ເຂົ້າ​ໃນ​ເສື້ອຫຸມເກາະ ທີ່​ມັນ​ນຸ່ງ​ນັ້ນ​ໄດ້.

ເພງ^ສັນລະເສີນ 32:9

ຢ່າ​ໂງ່ຈ້າ​ດັ່ງ​ມ້າ​ຫລື​ລໍ ຊຶ່ງ​ຖືກ​ຄຸມ​ດ້ວຍ​ເຫຼັກ ຫລື​ເຊືອກ​ຂວາງ​ປາກ​ໄວ້ ເພາະ​ເພື່ອ​ໃຫ້​ມັນ​ຍອມ​ຟັງ.”

ເພງ^ສັນລະເສີນ 39:1

ຂ້ອຍ​ກ່າວ​ວ່າ, “ຂ້ອຍ​ຈະ​ລະວັງ​ສິ່ງ​ທີ່​ຂ້ອຍ​ກະທຳ ແລະ​ຈະ​ບໍ່​ເວົ້າ​ສິ່ງໃດ ເມື່ອ​ຄົນຊົ່ວ​ຢູ່​ໃກ້.”

ເອຊາຢາ 37:29

ເຮົາ​ໄດ້​ຮັບ​ລາຍງານ​ເຖິງ​ຄວາມ​ໂກດແຄ້ນ ແລະ​ຄວາມ​ຈອງຫອງ​ຂອງ​ເຈົ້າ; ບັດນີ້ ເຮົາ​ຈະ​ເອົາ​ເບັດ​ເກາະ​ດັງ​ເຈົ້າ, ຈະ​ເອົາ​ບັງຫຽນ​ໃສ່​ປາກ​ເຈົ້າ ແລະ​ພາ​ກັບຄືນ​ໄປ​ທາງ​ເກົ່າ​ທີ່​ເຈົ້າ​ມາ.”

ຢາໂກໂບ 1:26

ຖ້າ​ຜູ້ໃດ​ຄິດ​ວ່າ​ຕົນ​ເປັນ​ຄົນ​ມີ​ທຳມະ ແຕ່​ບໍ່ໄດ້​ຫ້າມ​ລີ້ນ​ຂອງຕົນ​ແລ້ວ ທຳມະ​ຂອງ​ຜູ້ນັ້ນ​ກໍ​ບໍ່ມີ​ປະໂຫຍດ ແລະ​ເປັນ​ການ​ຫລອກລວງ​ຕົນເອງ​ເທົ່ານັ້ນ.

ຢາໂກໂບ 3:4

ເບິ່ງແມ! ເຮືອ​ກໍ​ເໝືອນກັນ ຈະ​ລຳ​ໃຫຍ່​ພຽງ​ໃດ​ກໍຕາມ ເມື່ອ​ຖືກ​ລົມ​ແຮງ​ພັດ ມັນ​ກໍ​ຍັງ​ຫັນ​ໄປມາ​ໂດຍ​ອາໄສ​ໄມ້​ຂັດ​ທ້າຍ​ເຮືອ​ອັນ​ນ້ອຍໆ ຕາມ​ຄວາມ​ຕ້ອງການ​ຂອງ​ນາຍ​ທ້າຍ​ເຮືອ.