ຢາໂກໂບ 1:26 - ພຣະຄຳພີສັກສິ

²⁶ ຖ້າ​ຜູ້ໃດ​ຄິດ​ວ່າ​ຕົນ​ເປັນ​ຄົນ​ມີ​ທຳມະ ແຕ່​ບໍ່ໄດ້​ຫ້າມ​ລີ້ນ​ຂອງຕົນ​ແລ້ວ ທຳມະ​ຂອງ​ຜູ້ນັ້ນ​ກໍ​ບໍ່ມີ​ປະໂຫຍດ ແລະ​ເປັນ​ການ​ຫລອກລວງ​ຕົນເອງ​ເທົ່ານັ້ນ.

ພຣະຄຳພີລາວສະບັບສະໄໝໃໝ່

²⁶ ບັນດາ​ຜູ້​ທີ່​ຄິດ​ວ່າ​ຕົນເອງ​ເຄັ່ງ​ສາສະໜາ​ແຕ່​ບໍ່​ຄວບຄຸມ​ລີ້ນ​ຂອງ​ຕົນ​ໃຫ້​ດີ​ກໍ​ຫລອກລວງ​ຕົນເອງ ແລະ ສາສະໜາ​ຂອງ​ພວກເຂົາ​ກໍ​ໄຮ້ຄ່າ.

ຢາໂກໂບ 1:26 Jak'a apnaqawi uñst'ayäwi

ພຣະທຳ​ໂຢບ 15:13

ເມື່ອ​ເຈົ້າ​ມີ​ອາຣົມ​ຮ້າຍ​ໃສ່​ພຣະເຈົ້າ​ນັ້ນ​ນາ ເຈົ້າ​ກໍ​ລັ່ນ​ແຕ່​ວາຈາ​ປະນາມ​ພຣະອົງ​ທັງນັ້ນ.

ພຣະທຳ​ໂຢບ 30:11

ຍ້ອນ​ພຣະເຈົ້າ​ເຮັດ​ໃຫ້​ຂ້ອຍ​ອ່ອນແຮງ​ຂາດ​ຜູ້​ຊ່ວຍ ພວກເຂົາ​ຈຶ່ງ​ຫັນ​ມາ​ຕໍ່ສູ້​ຢ່າງ​ບ້າເລືອດ​ຄຶກຄະນອງ.

ເພງ^ສັນລະເສີນ 141:3

ຂ້າແດ່​ພຣະເຈົ້າຢາເວ ຂໍ​ຊົງ​ໂຜດ​ຕັ້ງ​ຍາມ​ເຝົ້າ​ທີ່​ປາກ​ຂອງ​ຂ້ານ້ອຍ ໂຜດ​ໃຫ້​ມີ​ຜູ້ປ້ອງກັນ​ຍາມ​ທີ່​ປະຕູ​ປາກ​ເຖີດ.

ເພງ^ສັນລະເສີນ 32:9

ຢ່າ​ໂງ່ຈ້າ​ດັ່ງ​ມ້າ​ຫລື​ລໍ ຊຶ່ງ​ຖືກ​ຄຸມ​ດ້ວຍ​ເຫຼັກ ຫລື​ເຊືອກ​ຂວາງ​ປາກ​ໄວ້ ເພາະ​ເພື່ອ​ໃຫ້​ມັນ​ຍອມ​ຟັງ.”

ເພງ^ສັນລະເສີນ 34:13

ເຫດສະນັ້ນ ຈົ່ງ​ລະເວັ້ນ​ຈາກ​ການເວົ້າ​ຊົ່ວຊ້າ ຢ່າ​ໃຫ້​ຄຳເວົ້າ​ຕົວະ​ອອກ​ຈາກ​ປາກ​ຂອງ​ເຈົ້າ​ຈັກເທື່ອ.

ສຸພາສິດ 10:19

ຄົນ​ເວົ້າຫລາຍ​ກະຈາຍ​ຄວາມ​ຜິດພາດ, ແຕ່​ຄົນ​ສະຫລາດ​ງັບ​ປາກ​ຂອງຕົນ.

ສຸພາສິດ 10:31

ປາກ​ຂອງ​ຄົນ​ຊອບທຳ​ນຳ​ປັນຍາ​ມາ​ໃຫ້, ແຕ່​ຄົນ​ເວົ້າຕົວະ​ຄວນ​ຖືກ​ງັບ​ປາກ​ໄວ້.

ສຸພາສິດ 14:12

ສິ່ງ​ທີ່​ມະນຸດ​ຄິດວ່າ​ຖືກຕ້ອງ ອາດ​ເປັນ​ທາງ​ນຳ​ໄປ​ສູ່​ຄວາມຕາຍ.

ສຸພາສິດ 15:2

ສົບປາກ​ຂອງ​ຄົນ​ມີ​ປັນຍາ​ແຈກຈ່າຍ​ຄວາມຮູ້​ທີ່​ຈັບໃຈ, ແຕ່​ປາກ​ຂອງ​ຄົນໂງ່ຈ້າ​ພັດ​ເຜີຍ​ຄວາມ​ໂງ່ງ່າວ​ຂອງຕົນ​ອອກ​ມາ.

ສຸພາສິດ 16:10

ກະສັດ​ເວົ້າ​ດ້ວຍ​ອຳນາດ​ທີ່​ມາ​ຈາກ​ພຣະເຈົ້າ ເພິ່ນ​ຈຶ່ງ​ຕັດສິນໃຈ​ຖືກຕ້ອງ​ເລື້ອຍໆ.

ສຸພາສິດ 16:25

ທາງ​ທີ່​ມະນຸດ​ຄິດວ່າ​ຖືກຕ້ອງ ອາດ​ນຳ​ໄປ​ສູ່​ຄວາມຕາຍ.

ສຸພາສິດ 19:1

ເປັນ​ຄົນ​ທຸກຈົນ​ທີ່​ສັດຊື່​ກໍ​ດີກວ່າ​ຄົນ​ໂງ່ຈ້າ​ທີ່​ກ່າວ​ຄຳຕົວະ.

ສຸພາສິດ 21:26

ບາງຄົນ​ໃຊ້​ຊີວິດ​ຢູ່​ເພື່ອ​ໂລບມາກ​ໂລພາ, ແຕ່​ວ່າ​ຄົນ​ຊອບທຳ​ສາມາດ​ໃຫ້​ດ້ວຍ​ໃຈ​ສັດທາ​ຍິ່ງ.

ເອຊາຢາ 1:13

ການ​ທີ່​ພວກເຈົ້າ​ນຳ​ເອົາ​ເຄື່ອງ​ມາ​ຖວາຍ​ນັ້ນ ເປັນ​ການ​ບໍ່ມີ​ປະໂຫຍດ. ເຮົາ​ເບື່ອໜ່າຍ​ຕໍ່​ກິ່ນ​ທູບ​ຄວັນ​ທຽນ​ຂອງ​ພວກເຈົ້າ. ເຮົາ​ບໍ່​ອາດ​ທົນ​ຕໍ່​ວັນ​ສະຫລອງ​ເດືອນ​ອອກໃໝ່, ວັນ​ຊະບາໂຕ ແລະ​ການ​ມາ​ເຕົ້າໂຮມ​ກັນ​ອື່ນໆ​ຂອງ​ພວກເຈົ້າ​ໄດ້​ອີກ​ແລ້ວ; ເທດສະການ​ທັງໝົດ​ເຫຼົ່ານັ້ນ​ເປັນ​ມົນທິນ ເພາະ​ການບາບ​ຂອງ​ພວກເຈົ້າ.

ເອຊາຢາ 44:20

ມັນ​ກໍ​ທຳນອງ​ດຽວ ກັບ​ກິນ​ຂີ້ເຖົ່າ​ນັ້ນແຫລະ. ຄວາມ​ຄິດ​ໂງ່​ຂອງ​ລາວ​ໄດ້​ພາ​ໃຫ້​ລາວ​ຫລົງ​ຜິດ​ໄປ​ເກີນກວ່າ​ຈະ​ຊ່ວຍ​ໄດ້. ລາວເອງ​ບໍ່​ຍອມ​ຮັບ​ເລີຍ​ວ່າ ຮູບເຄົາຣົບ​ທີ່​ຕົນ​ຖື​ຢູ່​ນັ້ນ​ບໍ່ແມ່ນ​ພຣະເຈົ້າ.

ມາລາກີ 3:14

ພວກເຈົ້າ​ໄດ້​ເວົ້າ​ວ່າ, ‘ຮັບໃຊ້​ພຣະເຈົ້າ​ນັ້ນ​ໄຮ້ປະໂຫຍດ. ມີ​ປະໂຫຍດ​ຫຍັງ​ທີ່​ປະຕິບັດ​ຕາມ​ສິ່ງ​ທີ່​ພຣະອົງ​ບອກ ຫລື​ພະຍາຍາມ​ສະແດງ​ຕໍ່ໜ້າ​ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ວ່າ ພວກເຮົາ​ເສຍໃຈ​ຕໍ່​ສິ່ງ​ທີ່​ພວກເຮົາ​ໄດ້​ເຮັດ​ມາ?

ມັດທາຍ 15:9

ການ​ທີ່​ພວກເຂົາ​ນະມັດສະການ​ເຮົາ​ນັ້ນ ເປັນ​ການ​ໄຮ້​ປະໂຫຍດ ເພາະ​ພວກເຂົາ​ເອົາ​ຄຳສັ່ງສອນ ຕາມ​ທຳນຽມ​ຂອງ​ມະນຸດ ມາ​ຕູ່​ຫາ​ວ່າ​ເປັນ​ຄຳສັ່ງສອນ​ຂອງເຮົາ.”’

ມາຣະໂກ 7:7

ການ​ທີ່​ພວກເຂົາ​ນະມັດສະການ​ເຮົາ​ນັ້ນ ບໍ່ມີ​ປະໂຫຍດ​ຕໍ່​ພວກເຂົາ​ຫຍັງ​ໝົດ ດ້ວຍວ່າ, ພວກເຂົາ​ສັ່ງສອນ​ເອົາ​ທຳນຽມ ຂອງ​ມະນຸດ​ມາ​ຕູ່​ຫາ​ວ່າ ເປັນ​ຄຳສັ່ງສອນ​ຂອງ​ພຣະເຈົ້າ.”’

ລູກາ 8:18

“ເຫດສະນັ້ນ ຈົ່ງ​ລະວັງ​ໃຫ້​ດີ​ວ່າ ພວກເຈົ້າ​ຟັງ​ດ້ວຍ​ທ່າທີ​ຢ່າງ​ໃດ ເພາະ​ຜູ້ໃດ​ທີ່​ມີ​ຢູ່​ແລ້ວ ກໍ​ຈະ​ຊົງ​ເພີ່ມ​ເຕີມ​ໃຫ້​ອີກ, ແຕ່​ຜູ້ໃດ​ທີ່​ບໍ່ມີ ແມ່ນແຕ່​ສິ່ງ​ທີ່​ຕົນ​ຄິດ​ວ່າ​ມີ​ຢູ່​ນັ້ນ ກໍ​ຈະ​ຖືກ​ຍົກ​ເອົາ​ໄປ​ເສຍ​ຈາກ​ລາວ.”

1 ໂກຣິນໂທ 15:15

ນອກຈາກ​ນັ້ນ​ກໍ​ສະແດງ​ວ່າ, ພວກເຮົາ​ເວົ້າ​ຕົວະ​ໃນ​ເລື່ອງ​ພຣະເຈົ້າ ເພາະ​ພວກເຮົາ​ໄດ້​ກ່າວ​ວ່າ, ພຣະເຈົ້າ​ໄດ້​ຊົງ​ບັນດານ​ໃຫ້​ພຣະຄຣິດ​ເປັນ​ຄືນ​ມາ​ຈາກ​ຕາຍ ແຕ່​ຖ້າ​ຄົນ​ຕາຍ​ບໍ່​ຖືກ​ບັນດານ​ໃຫ້​ເປັນ​ຄືນ​ມາ​ແລ້ວ ພຣະເຈົ້າ​ກໍ​ບໍ່ໄດ້​ບັນດານ​ໃຫ້​ພຣະຄຣິດ​ເປັນ​ຄືນ​ມາ​ເໝືອນກັນ.

1 ໂກຣິນໂທ 15:2

ແລະ​ຊຶ່ງ​ເປັນ​ເຫດ​ທີ່​ກຳລັງ​ເຮັດ​ໃຫ້​ເຈົ້າ​ທັງຫລາຍ​ໄດ້​ພົ້ນ ຖ້າ​ພວກເຈົ້າ​ຍັງ​ຢຶດຖື​ຂໍ້ຄວາມ​ທີ່​ເຮົາ​ໄດ້​ປະກາດ​ເປັນ​ຂ່າວປະເສີດ​ໃຫ້​ແກ່​ພວກເຈົ້າ​ນັ້ນ, ເວັ້ນ​ເສຍ​ແຕ່​ພວກເຈົ້າ​ຫາກ​ເຊື່ອ​ຢ່າງ​ບໍ່​ຈິງໃຈ.

1 ໂກຣິນໂທ 3:18

ຢ່າ​ມົວ​ແຕ່​ຫລອກລວງ​ຕົນເອງ​ຢູ່​ເລີຍ, ຖ້າ​ຜູ້ໃດ​ໃນ​ທ່າມກາງ​ຂອງ​ພວກເຈົ້າ ຄິດ​ວ່າ​ຕົນ​ມີ​ປັນຍາ​ໃນ​ສະໄໝ​ນີ້ ຈົ່ງ​ໃຫ້​ຜູ້​ນັ້ນ​ຍອມ​ເປັນ​ຄົນ​ໂງ່ ເພື່ອ​ຈະ​ໄດ້​ເປັນ​ຜູ້​ມີ​ປັນຍາ​ຢ່າງ​ແທ້ຈິງ.

ຄາລາເຕຍ 2:6

ສ່ວນ​ຄົນ​ເຫຼົ່ານັ້ນ ທີ່​ພວກເຂົາ​ຖື​ວ່າ​ເປັນ​ຄົນ​ສຳຄັນ ພວກເຂົາ​ຈະ​ເຄີຍ​ເປັນ​ຄົນ​ຢ່າງ​ໃດ​ມາ​ກ່ອນ​ແລ້ວ​ກໍຕາມ ກໍ​ບໍ່​ສຳຄັນ​ຢ່າງ​ໃດ​ສຳລັບ​ເຮົາ ພຣະເຈົ້າ​ບໍ່​ຊົງ​ເຫັນ​ແກ່​ໜ້າ​ຄົນ​ໃດ ຄົນ​ເຫຼົ່ານັ້ນ​ທີ່​ພວກເຂົາ​ຖື​ວ່າ​ເປັນ​ຄົນ​ສຳຄັນ ກໍ​ບໍ່ໄດ້​ເພີ່ມ​ເຕີມ​ສິ່ງ​ໜຶ່ງ​ສິ່ງໃດ​ແກ່​ເຮົາ.

ຄາລາເຕຍ 2:9

ເມື່ອ​ຢາໂກໂບ​ກັບ​ເກຟາ ແລະ ໂຢຮັນ ຜູ້​ທີ່​ພວກເຂົາ​ຖື​ວ່າ​ເປັນ​ຫລັກ​ໄດ້​ສັງເກດ​ເຫັນ​ພຣະຄຸນ​ທີ່​ໄດ້​ຊົງ​ປະທານ​ແກ່​ເຮົາ ທ່ານ​ທັງ​ສາມ​ກໍໄດ້​ຍື່ນ​ມື​ຂວາ​ໃຫ້​ເຮົາ​ກັບ​ບາຣະນາບາ​ຈັບ ເພື່ອ​ສະແດງ​ວ່າ​ເຮົາ​ເປັນ​ເພື່ອນ​ຮ່ວມງານ​ກັນ ເພື່ອ​ໃຫ້​ພວກເຮົາ​ໄປ​ຫາ​ພວກ​ຕ່າງຊາດ ແລະ​ທ່ານ​ເຫຼົ່ານັ້ນ​ຈະ​ໄປ​ຫາ​ພວກ​ທີ່​ຖື​ພິທີຕັດ.

ຄາລາເຕຍ 3:4

ການ​ທີ່​ເຈົ້າ​ທັງຫລາຍ​ໄດ້​ອົດທົນ​ມາ​ຫລາຍ​ແລ້ວ​ນັ້ນ ເປັນ​ການ​ເສຍ​ປະໂຫຍດ​ບໍ? ຖ້າ​ເປັນ​ການ​ເສຍ​ປະໂຫຍດ​ແທ້.

ຄາລາເຕຍ 6:3

ຖ້າ​ຜູ້ໃດ​ຄິດ​ວ່າ​ຕົນ​ເປັນ​ຄົນ​ສຳຄັນ ທັງໆ​ທີ່​ຕົນ​ບໍ່​ສຳຄັນ​ຫຍັງ ຜູ້ນັ້ນ​ກໍ​ຫລອກລວງ​ຕົນເອງ.

ເອເຟໂຊ 4:29

ຢ່າ​ໃຫ້​ຄຳ​ຫຍາບ​ຊ້າ​ອອກ​ຈາກ​ປາກ​ຂອງ​ເຈົ້າ​ຈັກເທື່ອ, ແຕ່​ໃຫ້​ໃຊ້​ຄຳ​ເວົ້າ​ອັນ​ດີ​ທີ່​ຈະ​ຊ່ວຍ​ໃຫ້​ຈະເລີນ​ຂຶ້ນ ແລະ​ໃຫ້​ເໝາະສົມ​ກັບ​ຄວາມ​ຕ້ອງການ ເພື່ອ​ຖ້ອຍຄຳ​ທີ່​ພວກເຈົ້າ​ກ່າວ​ນັ້ນ ຈະ​ເປັນ​ຄຸນ​ປະໂຫຍດ​ແກ່​ຜູ້​ທີ່​ໄດ້ຍິນ​ໄດ້​ຟັງ.

ເອເຟໂຊ 5:4

ທັງ​ຢ່າ​ກ່າວ​ຄຳ​ຫຍາບຊ້າ, ຢ່າ​ເວົ້າ​ຢ່າງ​ບໍ່ມີ​ແກ່ນສານ ຫລື​ເວົ້າ​ຕະຫລົກ​ຫລິ້ນ ຊຶ່ງ​ເປັນ​ການ​ບໍ່​ສົມຄວນ, ແຕ່​ໃຫ້​ມີ​ການ​ຂອບພຣະຄຸນ​ດີກວ່າ.

ພຣະບັນຍັດສອງ 11:16

ຢ່າ​ໃຫ້​ຜູ້ໃດ​ໃນ​ພວກເຈົ້າ​ຖືກ​ນຳ​ໃຫ້​ຫັນ​ໜີ​ໄປ​ຂາບໄຫວ້ ແລະ​ຮັບໃຊ້​ບັນດາ​ພະອື່ນ.

ໂກໂລຊາຍ 4:6

ຈົ່ງ​ໃຫ້​ວາຈາ​ຂອງ​ເຈົ້າ​ທັງຫລາຍ ປະກອບ​ດ້ວຍ​ເມດຕາ​ຄຸນ​ຢູ່​ສະເໝີ ປະສົມ​ດ້ວຍ​ເກືອ ເພື່ອ​ເຈົ້າ​ທັງຫລາຍ​ຈະ​ໄດ້​ຮູ້​ວິທີ​ຕອບ​ທີ່​ຖືກ​ໃຈ​ແກ່​ທຸກຄົນ.

ຢາໂກໂບ 1:19

ພີ່ນ້ອງ​ທີ່ຮັກ​ທັງຫລາຍ​ຂອງເຮົາ​ເອີຍ, ຈົ່ງ​ຈົດຈຳ​ຂໍ້​ນີ້​ໄວ້ ຄື​ໃຫ້​ທຸກຄົນ​ວ່ອງໄວ​ໃນ​ການ​ຟັງ, ຊ້າ​ໃນ​ການ​ເວົ້າ, ຊ້າ​ໃນ​ການ​ຄຽດຮ້າຍ,

ຢາໂກໂບ 1:22

ຢ່າ​ຫລອກລວງ​ຕົນເອງ ໂດຍ​ພຽງແຕ່​ຟັງ​ພຣະທຳ​ຂອງ​ພຣະເຈົ້າ​ເທົ່ານັ້ນ, ແຕ່​ຈົ່ງ​ປະຕິບັດ​ຕາມ​ພຣະທຳ​ນັ້ນ​ຢ່າງ​ແທ້ຈິງ.

ຢາໂກໂບ 2:20

ໂອ ຄົນ​ໂງ່​ເອີຍ, ເຈົ້າ​ຢາກ​ຮຽນຮູ້​ຫລື​ວ່າ ຄວາມເຊື່ອ​ທີ່​ບໍ່ມີ​ການ​ປະຕິບັດ​ນັ້ນ​ກໍ​ໄຮ້​ຜົນ?

1 ເປໂຕ 3:10

ເພາະວ່າ “ຜູ້​ທີ່​ຢາກ​ຮັບ​ຊີວິດ​ອັນ​ດີ ແລະ ປາຖະໜາ​ທີ່​ຈະ​ເຫັນ​ວັນ​ສະໜຸກ ກໍ​ໃຫ້​ຜູ້ນັ້ນ​ຫ້າມ​ລີ້ນ​ຂອງຕົນ​ ບໍ່​ໃຫ້​ເວົ້າ​ຄວາມຊົ່ວ ແລະ ຫ້າມ​ປາກ​ບໍ່​ໃຫ້​ກ່າວ ຄຳ​ອຸບາຍ​ລໍ້ລວງ.