ເອຊາຢາ 8:7 - ພຣະຄຳພີສັກສິ

⁷ ດັ່ງນັ້ນ ອົງພຣະ​ຜູ້​ເປັນເຈົ້າ​ຈະ​ໃຫ້​ກະສັດ​ອັດຊີເຣຍ​ພ້ອມ​ກອງທັບ​ທັງໝົດ​ຂອງ​ລາວ ມາ​ໂຈມຕີ​ຢູດາຍ. ກອງທັບ​ນີ້​ຈະ​ບຸກໜ້າ​ໄປ​ດັ່ງ​ແມ່ນໍ້າ​ເອີຟຣັດ​ໄຫລ​ນອງລົ້ນ​ຕາຝັ່ງ.

ເອຊາຢາ 8:7 Jak'a apnaqawi uñst'ayäwi

ປະຖົມມະການ 6:17

ເຮົາ​ຈະ​ເຮັດ​ໃຫ້​ມີ​ນໍ້າ​ຖ້ວມ​ເທິງ​ແຜ່ນດິນ​ໂລກ​ເພື່ອ​ທຳລາຍ​ທຸກສິ່ງ​ທີ່​ມີ​ຊີວິດ​ຢູ່. ທຸກໆ​ສິ່ງ​ເທິງ​ແຜ່ນດິນ​ໂລກ​ຈະ​ດັບສູນ​ໄປ

2 ກະສັດ 19:32

ພຣະເຈົ້າຢາເວ​ໄດ້​ກ່າວ​ເຖິງ​ກະສັດ​ແຫ່ງ​ອັດຊີເຣຍ​ດັ່ງນີ້: ‘ລາວ​ຈະ​ບໍ່ໄດ້​ເຂົ້າ​ໄປ​ເມືອງ​ນີ້ ຫລື​ຈະ​ບໍ່ໄດ້​ຍິງ​ລູກທະນູ​ໃສ່​ເລີຍ. ບໍ່ມີ​ທະຫານ​ຄົນໃດ​ທີ່​ຖື​ໂລ້​ຕ້ານທານ​ຈະ​ເຂົ້າ​ໄປ​ໃກ້​ເມືອງ​ນີ້​ໄດ້ ແລະ​ທັງ​ຈະ​ບໍ່ໄດ້​ສ້າງ​ກອງ​ດິນ​ອ້ອມ​ເມືອງ​ເພື່ອ​ປີນ​ຂຶ້ນ​ໄປ​ເລີຍ.

ເອຊະຣາ 4:10

ພ້ອມ​ທັງ​ປະຊາຊົນ​ອື່ນໆ​ທີ່​ຖືກ​ເຈົ້າ​ອາຊູບານີປານ ຜູ້​ຍິ່ງໃຫຍ່​ແລະ​ມີ​ອຳນາດ ໄດ້​ຍົກຍ້າຍ​ພວກເຂົາ​ອອກ​ຈາກ​ບ້ານເກີດ​ເມືອງນອນ​ໃຫ້​ມາ​ຕັ້ງ​ຫຼັກແຫຼ່ງ​ຢູ່​ໃນ​ນະຄອນ​ຊາມາເຣຍ ແລະ​ຕາມ​ບ່ອນ​ອື່ນໆ​ໃນ​ແຂວງ​ທາງພາກ​ຕາເວັນຕົກ​ຂອງ​ແມ່ນໍ້າ​ເອີຟຣັດ.”

ເພງ^ສັນລະເສີນ 46:4

ມີ​ແມ່ນໍ້າ​ສາຍ​ໜຶ່ງ​ທີ່​ນຳ​ເອົາ​ຄວາມ​ຊົມຊື່ນ​ຍິນດີ​ມາ ສູ່​ນະຄອນ​ທີ່​ສັກສິດ​ແຫ່ງ​ອົງ​ສູງສຸດ​ນັ້ນ.

ເພງ^ສັນລະເສີນ 72:8

ອານາຈັກ​ຈະ​ຂະຫຍາຍ​ແຕ່​ທະເລ​ນີ້​ຫາ​ທາງ​ອື່ນ​ໄກ ຈາກ​ແມ່ນໍ້າ​ເອີຟຣັດ​ຈົນເຖິງ​ທີ່ສຸດ​ປາຍ​ແຜ່ນດິນ​ໂລກ.

ເອຊາຢາ 10:16

ເຫດສະນັ້ນ ອົງພຣະ​ຜູ້​ເປັນເຈົ້າ ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່ ກຳລັງ​ຈະ​ສົ່ງ​ພະຍາດ​ໂຣຄາ ມາ​ລົງໂທດ​ຄົນ​ທີ່​ຢູ່ດີ​ກິນດີ. ໃນ​ຕົນຕົວ​ຂອງ​ເຂົາ​ນັ້ນ​ຈະ​ມີ​ໄຟ​ທີ່​ໄໝ້​ຢູ່​ແລະ​ເຜົາຜານ.

ເອຊາຢາ 10:5

ອົງພຣະ​ຜູ້​ເປັນເຈົ້າ​ໄດ້​ກ່າວ​ວ່າ, “ອັດຊີເຣຍ​ເອີຍ ເຮົາ​ໃຊ້​ອັດຊີເຣຍ​ເປັນ​ດັ່ງ​ໄມ້ຄ້ອນ ເພື່ອ​ລົງໂທດ​ພວກ​ທີ່​ເຮົາ​ໂກດຮ້າຍ.

ເອຊາຢາ 11:15

ພຣະເຈົ້າຢາເວ​ຈະ​ເຮັດ​ໃຫ້​ນໍ້າ​ໃນ​ອ່າວ​ຊູແອດ​ແຫ້ງ ແລະ​ພຣະອົງ​ຈະ​ບັນດານ​ໃຫ້​ລົມ​ຮ້ອນ​ມາ​ພັດ​ແມ່ນໍ້າ​ເອີຟຣັດ​ໃຫ້​ແຫ້ງ ໂດຍ​ປະ​ເຈັດ​ຫ້ວຍນ້ອຍ​ເທົ່ານັ້ນ​ໃຫ້​ມີ​ນໍ້າ ເພື່ອ​ວ່າ​ຜູ້ໃດໆ​ກໍ​ຈະ​ສາມາດ​ຂ້າມ​ໄປ​ໄດ້.

ເອຊາຢາ 28:15

ພວກເຈົ້າ​ເວົ້າ​ອວດ​ວ່າ ພວກເຈົ້າ​ໄດ້​ເຮັດ​ຂໍ້​ສັນຍາ​ກັບ​ຄວາມຕາຍ ແລະ​ບັນລຸ​ຂໍ້​ຕົກລົງ​ໄປ​ສູ່​ແດນ​ມໍຣະນາ. ພວກເຈົ້າ​ແນ່ໃຈ​ວ່າ​ເມື່ອ​ຄວາມ​ຈິບຫາຍ​ມາ ມັນ​ຈະ​ຫວິດ​ໄປ​ຈາກ​ພວກເຈົ້າ​ຍ້ອນ​ພວກເຈົ້າ​ເພິ່ງ​ຄຳເວົ້າ​ຕົວະ ແລະ​ເພິ່ງ​ການ​ຫລອກລວງ​ເພື່ອ​ຮັກສາ​ພວກເຈົ້າ​ໃຫ້​ປອດໄພ.

ເອຊາຢາ 28:17

ຄວາມ​ຍຸດຕິທຳ​ຈະ​ເປັນ​ເສັ້ນ​ວັດແທກ​ຮາກຖານ ແລະ​ຄວາມສັດຊື່​ຈະ​ເປັນ​ສາຍ​ຢັ່ງ​ຄວາມ​ທຸ່ນທ່ຽງ.” ພະຍຸ​ໝາກເຫັບ​ຈະ​ກວາດ​ເອົາ​ຄຳເວົ້າ​ຕົວະ​ຂອງ​ພວກເຈົ້າ​ໄປ​ຈົນ​ໝົດ ແລະ​ນໍ້າ​ຖ້ວມ​ຈະ​ທຳລາຍ​ຄວາມ​ໝັ້ນຄົງ​ຂອງ​ພວກເຈົ້າ.

ເອຊາຢາ 28:2

ອົງພຣະ​ຜູ້​ເປັນເຈົ້າ​ໄດ້​ໃຫ້​ມີ​ຄົນ​ໜຶ່ງ​ທີ່​ເຂັ້ມແຂງ ແລະ​ມີ​ອຳນາດ ຕຽມພ້ອມ​ເພື່ອ​ໂຈມຕີ​ພວກເຂົາ ຄື​ຄົນ​ໜຶ່ງ​ທີ່​ຈະ​ມາ​ດັ່ງ​ພະຍຸ​ໝາກເຫັບ, ດັ່ງ​ຫ່າຝົນ ແລະ​ດັ່ງ​ນໍ້າ​ໄຫລເຊາະ​ຖ້ວມ​ລົ້ນ​ເຕັມ​ໄປ​ທົ່ວ​ດິນແດນ.

ເອຊາຢາ 43:2

ເຮົາ​ຈະ​ຢູ່​ນຳ​ເມື່ອ​ຍ່າງ​ຂ້າມ​ບ່ອນ​ນໍ້າເລິກ​ໄປ ຄວາມ​ລຳບາກ​ຂອງ​ພວກເຈົ້າ​ຈະ​ບໍ່​ຖ້ວມ​ພວກເຈົ້າ. ໄຟ​ຈະ​ບໍ່​ໄໝ້​ພວກເຈົ້າ​ເມື່ອ​ຜ່ານຜ່າ​ໄຟ​ໄປ ການ​ທົດລອງ​ທີ່​ລຳບາກ​ຈະ​ທຳຮ້າຍ​ພວກເຈົ້າ​ບໍ່ໄດ້.

ເອຊາຢາ 59:19

ຕັ້ງແຕ່​ທິດ​ຕາເວັນອອກ​ເຖິງ​ທິດ​ຕາເວັນຕົກ ທຸກຄົນ​ຈະ​ຢຳເກງ​ພຣະເຈົ້າຢາເວ​ແລະ​ຣິດອຳນາດ​ອັນ​ຍິ່ງໃຫຍ່​ຂອງ​ພຣະອົງ. ພຣະເຈົ້າຢາເວ​ຈະ​ມາ​ດັ່ງ​ນໍ້າ​ຫ້ວຍ​ໄຫລເຊາະ​ແລະ​ດັ່ງ​ລົມພະຍຸ​ກ້າ.

ເອຊາຢາ 7:17

ພຣະເຈົ້າຢາເວ​ຈະ​ນຳ​ເອົາວັນ​ອັນ​ໂຫດຮ້າຍ​ມາ​ສູ່​ເຈົ້າ, ປະຊາຊົນ​ຂອງ​ເຈົ້າ ແລະ​ຄອບຄົວ​ທັງໝົດ​ຂອງ​ກະສັດ. ວັນ​ນັ້ນ ຈະ​ໂຫດຮ້າຍ​ກວ່າ​ວັນ​ໃດໆ​ທີ່​ເຄີຍ​ມີ​ມາ ຕັ້ງແຕ່​ວັນນັ້ນ​ທີ່​ເອຟຣາອິມ​ໄດ້​ແຍກ​ອອກ​ຈາກ​ຢູດາຍ ຄື​ພຣະອົງ​ກຳລັງ​ຈະ​ນຳ​ເອົາ​ກະສັດ​ອັດຊີເຣຍ​ມາ.

ເອຊາຢາ 7:20

ເມື່ອ​ເວລາ​ນັ້ນ​ມາ​ເຖິງ ອົງພຣະ​ຜູ້​ເປັນເຈົ້າ​ຈະ​ຈ້າງ​ເອົາ​ຊ່າງ​ຕັດຜົມ​ມາ​ຈາກ​ແມ່ນໍ້າ​ເອີຟຣັດ​ຟາກ​ໜຶ່ງ ຄື​ຈັກກະພັດ​ອັດຊີເຣຍ ເພິ່ນ​ຈະ​ແຖ​ຜົມ​ທີ່​ເທິງ​ຫົວ ແຖ​ໜວດ​ທັງ​ແຖ​ຂົນ​ຕາມ​ຕົນຕົວ​ຂອງ​ເຈົ້າ​ຖິ້ມ.

ເຢເຣມີຢາ 47:2

ພຣະເຈົ້າຢາເວ​ກ່າວ​ວ່າ, “ເບິ່ງແມ! ນໍ້າ​ກຳລັງ​ນອງ​ຢູ່​ທາງ​ທິດເໜືອ ແລະ​ຈະ​ໄຫລ​ແຮງ​ດັ່ງ​ນໍ້າ​ຫ້ວຍ​ຖ້ວມລົ້ນ​ຕາຝັ່ງ. ນໍ້າ​ນັ້ນ​ຈະ​ຖ້ວມ​ທຸກໆສິ່ງ​ທົ່ວ​ທັງ​ດິນແດນ ລວມ​ທັງ​ເມືອງ​ກັບ​ປະຊາຊົນ​ທີ່​ອາໄສ​ຢູ່​ໃນ​ທີ່ນັ້ນ. ປະຊາຊົນ​ຈະ​ໂຮຮ້ອງ​ຂໍ​ໃຫ້​ຊ່ວຍເຫລືອ ທຸກຄົນ​ໃນ​ແຜ່ນດິນ​ຈະ​ຮ້ອງໄຫ້​ຢ່າງ​ຂົມຂື່ນ.

ເຢເຣມີຢາ 51:42

ທະເລ​ໄຫລ​ຖ້ວມ​ນະຄອນ​ບາບີໂລນ ແລະ​ຄື້ນ​ທະເລ​ກໍ​ຄຶກຄະນອງ​ຖ້ວມ​ເມືອງ.

ເອເຊກຽນ 26:19

ແລ້ວ​ອົງພຣະ​ຜູ້​ເປັນເຈົ້າ ພຣະເຈົ້າ​ກໍ​ກ່າວ​ວ່າ: “ເຮົາ​ຈະ​ເຮັດ​ໃຫ້​ເຈົ້າ​ກາຍເປັນ​ດັ່ງ​ເມືອງ​ທີ່​ເປົ່າຫວ່າງ​ແລະ​ຮົກຮ້າງ​ເພພັງ​ທີ່​ບໍ່ມີ​ຜູ້ໃດ​ຢູ່​ອາໄສ. ເຮົາ​ຈະ​ໃຫ້​ນໍ້າ​ຈາກ​ມະຫາສະໝຸດ​ເລິກ​ໄຫລ​ມາ​ຖ້ວມ​ເຈົ້າ.

ດານີເອນ 11:10

ບັນດາ​ລູກຊາຍ​ຂອງ​ກະສັດ​ແຫ່ງ​ຊີເຣຍ​ຈະ​ຕຽມ​ສູ້ຮົບ ແລະ​ຈະ​ລວບລວມ​ກອງທັບ​ໄວ້​ເປັນ​ຈຳນວນ​ຫລວງຫລາຍ. ຄົນ​ໜຶ່ງ​ໃນ​ພວກເຂົາ​ຈະ​ຕີ​ຊະນະ​ຢ່າງ​ໄວວາ​ດັ່ງ​ນໍ້າ​ໄຫລ​ຖ້ວມ ແລະ​ໂຈມຕີ​ເອົາ​ປ້ອມ​ແຫ່ງ​ໜຶ່ງ​ຂອງ​ສັດຕູ.

ດານີເອນ 11:22

ຜູ້ໃດ​ຜູ້ໜຶ່ງ​ທີ່​ຕໍ່ຕ້ານ​ລາວ ຈະ​ຖືກ​ກວາດລ້າງ ແລະ​ຖືກ​ກຳຈັດ ແມ່ນແຕ່​ມະຫາ​ປະໂຣຫິດ​ຂອງ​ພຣະເຈົ້າ​ກໍຕາມ.

ດານີເອນ 9:26

ໃນ​ບັ້ນປາຍ​ຂອງ​ເວລາ​ນັ້ນ ຜູ້ນຳ​ທີ່​ພຣະເຈົ້າ​ໄດ້​ເລືອກໄວ້ ຈະ​ຖືກ​ຂ້າ​ຢ່າງ​ບໍ່​ຍຸດຕິທຳ. ເມືອງ​ແລະ​ພຣະວິຫານ​ກໍ​ຈະ​ຖືກ​ກອງທັບ​ຂອງ​ພວກ​ເຈົ້ານາຍ​ທີ່​ມີ​ອຳນາດ​ຍິ່ງໃຫຍ່​ຄົນ​ໜຶ່ງ​ບຸກຮຸກ​ທຳລາຍ. ຄາວ​ສິ້ນສຸດ​ນີ້​ຈະ​ມາ​ເໝືອນ​ນໍ້າ​ໄຫລ​ຖ້ວມ ໂດຍ​ນຳ​ເອົາ​ເສິກ​ສົງຄາມ ແລະ​ການທຳລາຍ​ທີ່​ພຣະເຈົ້າ​ໄດ້​ຈັດຕຽມ​ໄວ້​ນັ້ນ​ມາ.

ອາໂມດ 8:8

ສະນັ້ນ ແຜ່ນດິນ​ໂລກ​ຈະ​ຫວັ່ນໄຫວ ທຸກຄົນ​ໃນ​ດິນແດນ​ນີ້​ຈະ​ຕ້ອງ​ໂສກເສົ້າ​ເສຍໃຈ. ທົ່ວ​ທັງ​ປະເທດ​ຈະ​ສັ່ນສະເທືອນ​ຟົ້ງ​ຂຶ້ນ ແລະ​ເຈື່ອນ​ລົງ​ເໝືອນກັນ​ກັບ​ແມ່ນໍ້ານິນ.

ອາໂມດ 9:5

ອົງພຣະ​ຜູ້​ເປັນເຈົ້າ ພຣະເຈົ້າ​ອົງ​ຊົງ​ຣິດອຳນາດ​ຍິ່ງໃຫຍ່ ພຣະອົງ​ແຕະຕ້ອງ​ແຜ່ນດິນ ໂລກ​ເຮົາ​ກໍ​ຫວັ່ນໄຫວ​ໂລດ ທຸກໆຄົນ​ທີ່​ອາໄສ​ຢູ່​ໃນ​ທີ່ນັ້ນ​ກໍ​ໂສກເສົ້າ​ເສຍໃຈ ທົ່ວ​ທັງໂລກ​ຟົ້ງ​ຂຶ້ນ​ໂຍບລົງ​ດັ່ງ​ແມ່ນໍ້ານິນ​ໃນ​ເອຢິບ​ນັ້ນ.

ມີກາ 1:9

ບາດແຜ​ຂອງ​ນະຄອນ​ຊາມາເຣຍ​ຮັກສາ​ໃຫ້​ດີ​ບໍ່ໄດ້ ແລະ​ໄດ້​ລາມ​ມາເຖິງ​ຢູດາ ໄພພິບັດ​ໄດ້​ມາຮອດ​ປະຕູ​ເມືອງ​ຂອງ​ນະຄອນ​ເຢຣູຊາເລັມ ຄື​ບ່ອນ​ທີ່​ປະຊາຊົນ​ຂອງຂ້ອຍ​ອາໄສ​ຢູ່.”

ມີກາ 5:4

ເວລາ​ຜູ້ນັ້ນ​ມາ ເພິ່ນ​ຈະ​ປົກຄອງ​ປະຊາຊົນ​ຂອງ​ເພິ່ນ​ດ້ວຍ​ກຳລັງ ຊຶ່ງ​ມາ​ຈາກ​ພຣະເຈົ້າຢາເວ ແລະ​ດ້ວຍ​ສະຫງ່າຣາສີ​ແຫ່ງ​ພຣະນາມ​ຂອງ​ພຣະເຈົ້າຢາເວ ພຣະເຈົ້າ​ຂອງຕົນ. ປະຊາຊົນ​ຂອງ​ພຣະອົງ​ຈະ​ຢູ່​ຢ່າງ​ປອດໄພ ເພາະ​ປະຊາຊົນ​ໝົດ​ທັງໂລກ​ຈະ​ຮັບຮູ້​ຄວາມ​ຍິ່ງໃຫຍ່​ຂອງເພິ່ນ

ມີກາ 5:5

ແລະ​ເພິ່ນ​ຈະ​ນຳ​ສັນຕິສຸກ​ມາ​ໃຫ້. ເມື່ອ​ພວກ​ອັດຊີເຣຍ​ຮຸກຮານ​ປະເທດ​ຂອງ​ພວກເຮົາ ແລະ​ທຳລາຍ​ບ່ອນ​ປ້ອງກັນ​ຂອງ​ພວກເຮົາ​ນັ້ນ ພວກເຮົາ​ຈະ​ສົ່ງ​ພວກ​ຜູ້ນຳ​ທີ່​ເຂັ້ມແຂງ​ທີ່ສຸດ​ອອກ​ໄປ​ສູ້ຮົບ​ພວກເຂົາ.

ນາຮູມ 1:8

ດັ່ງ​ນໍ້າ​ມາກ​ທີ່​ໄຫລ​ແຮງ ພຣະອົງ​ທຳລາຍ​ສັດຕູ ຂອງ​ພຣະອົງ​ໃຫ້​ດັບສູນສິ້ນ; ພວກ​ແຂງຂໍ້​ຕໍ່​ພຣະອົງ​ນັ້ນ​ກໍ​ຕົກ​ຖືກ​ຄວາມຕາຍ ທັງ​ຖືກ​ສົ່ງ​ລົງ​ໄປ​ສູ່​ແດນ​ມໍຣະນາ​ພຸ້ນ.

ລູກາ 6:48

ກໍ​ປຽບ​ເໝືອນ​ຄົນ​ຜູ້ໜຶ່ງ ທີ່​ກໍ່ສ້າງ​ຕຶກ​ຂອງຕົນ ລາວ​ຂຸດ​ດິນ​ລົງ​ເລິກ ແລະ​ຕັ້ງ​ຮາກຖານ​ໃສ່​ເທິງ​ດານ​ຫີນ ແລະ​ເມື່ອ​ນໍ້າ​ມາ​ຖ້ວມ ແລ້ວ​ແປວ​ນໍ້າ​ກໍ​ໄຫລ​ທັ່ງ​ໃສ່, ແຕ່​ບໍ່​ອາດ​ເຮັດ​ໃຫ້​ຕຶກ​ນັ້ນ​ຫວັ່ນໄຫວ ເພາະວ່າ​ໄດ້​ສ້າງ​ດີ​ແລ້ວ.

ພຣະນິມິດ 17:15

ເທວະດາ​ຕົນ​ນັ້ນ ຍັງ​ເວົ້າ​ຕໍ່​ຂ້າພະເຈົ້າ​ອີກ​ວ່າ, “ແມ່ນໍ້າ​ທັງຫລາຍ​ທີ່​ທ່ານ​ໄດ້​ເຫັນ ຊຶ່ງ​ເປັນ​ບ່ອນ​ທີ່​ຍິງໂສເພນີ​ນັ່ງ​ຢູ່​ນັ້ນ ໄດ້​ແກ່​ບັນດາ​ຊົນຊາດ ປະຊາຊົນ​ທັງຫລາຍ ບັນດາ​ປະຊາຊາດ ແລະ​ພາສາ​ຕ່າງໆ.