ເອຊາຢາ 7:23 - ພຣະຄຳພີສັກສິ

²³ ເມື່ອ​ເວລາ​ນັ້ນ​ມາ​ເຖິງ ສວນ​ທີ່​ມີ​ເຄືອ​ອະງຸ່ນ​ດີ​ພັນ​ຕົ້ນ​ແລະ​ມີ​ລາຄາ​ພັນ​ຫລຽນ ກໍ​ຈະ​ເຕັມ​ໄປ​ດ້ວຍ​ກົກ​ໜາມ​ແລະ​ພຸ່ມໄມ້.

ເອຊາຢາ 7:23 Jak'a apnaqawi uñst'ayäwi

ປະຖົມມະການ 3:18

ແຜ່ນດິນ​ຈະ​ເກີດ​ຫຍ້າ ແລະ​ມີ​ໜາມ​ເຕັມ​ທົ່ວ​ໄປ; ແລະ​ຕົວ​ເຈົ້າ​ຈະ​ໄດ້​ກິນ​ພືດ​ໃນ​ປ່າ​ເປັນ​ອາຫານ.

ເອຊາຢາ 32:10

ດຽວນີ້ ພວກເຈົ້າ​ຄົງ​ອີ່ມໜຳ​ສຳລານ​ໃຈ​ແລ້ວ​ນໍ ແຕ່​ປີ​ໜ້າ​ໃນ​ເວລາ​ດຽວກັນ​ນີ້ ພວກເຈົ້າ​ຈະ​ສິ້ນຫວັງ​ເພາະ​ຈະ​ບໍ່ມີ​ໝາກອະງຸ່ນ​ໃຫ້​ພວກເຈົ້າ​ເກັບ.

ເອຊາຢາ 5:10

ເບ້ຍ​ອະງຸ່ນ​ທີ່​ປູກ​ຢູ່​ໃນ​ທີ່ດິນ​ສິບສອງ​ໄຮ່​ຈະ​ກັ່ນ​ເຫຼົ້າ​ອະງຸ່ນ​ໄດ້ ພຽງ​ແປດ​ລິດ​ເທົ່ານັ້ນ. ຫວ່ານ​ແນວປູກ​ໄປ​ແປດສິບ​ລິດ ຈະ​ເກັບກ່ຽວ​ພືດຜົນ​ເປັນເມັດ​ໄດ້​ພຽງແຕ່​ແປດ​ລິດ​ເທົ່ານັ້ນ.”

ເອຊາຢາ 5:6

ຂ້ອຍ​ຈະ​ປ່ອຍ​ໃຫ້​ຫຍ້າ​ເກີດຂຶ້ນ​ເຕັມ​ໄປ​ທົ່ວ. ຂ້ອຍ​ຈະ​ບໍ່​ຕັດ​ແໜງ​ຫລື​ພວນດິນ; ແຕ່​ຈະ​ປ່ອຍ​ໃຫ້​ເຄືອ​ແລະ​ກົກ​ໜາມ​ປົ່ງ​ຂຶ້ນ​ຫຸ້ມຫໍ່. ຂ້ອຍ​ຈະ​ບໍ່​ໃຫ້​ແມ່ນແຕ່​ຝົນ​ຕົກລົງ​ມາ​ຮຳ​ສວນ​ນັ້ນ​ເລີຍ.”

ເອຊາຢາ 7:24

ຜູ້​ທີ່​ມີ​ໜ້າທະນູ​ເປັນ​ອາວຸດ​ເທົ່ານັ້ນ​ຈະ​ກ້າ​ເຂົ້າ​ໄປ​ໃນ​ທີ່ນັ້ນ. ແມ່ນແລ້ວ ທົ່ວ​ທັງ​ປະເທດ​ຈະ​ເຕັມ​ໄປ​ດ້ວຍ​ພຸ່ມໄມ້​ແລະ​ກົກ​ໜາມ.

ເຢເຣມີຢາ 4:26

ດິນແດນ​ທີ່​ແຕ່​ກ່ອນ​ເປັນ​ດິນ​ທີ່​ອຸດົມສົມບູນ ກໍ​ກາຍເປັນ​ຖິ່ນ​ແຫ້ງແລ້ງ​ກັນດານ​ໄປສິ້ນ; ເມືອງ​ທັງຫລາຍ​ກໍ​ຖືກ​ປະ​ໃຫ້​ຮົກຮ້າງ​ເພພັງ ເພາະ​ພຣະເຈົ້າຢາເວ​ໂກດຮ້າຍ​ຮຸນແຮງ​ແທ້ໆ. (

ເອເຊກຽນ 12:20

ບັດນີ້ ເມືອງ​ຕ່າງໆ​ທີ່​ເຕັມ​ໄປ​ດ້ວຍ​ປະຊາຊົນ​ຈະ​ຖືກ​ທຳລາຍ​ຖິ້ມ ແລະ​ປະເທດ​ກໍ​ຈະ​ກາຍເປັນ​ຖິ່ນ​ແຫ້ງແລ້ງ​ກັນດານ. ແລ້ວ​ພວກເຂົາ​ກໍ​ຈະ​ຮູ້​ວ່າ​ເຮົາ​ແມ່ນ​ພຣະເຈົ້າຢາເວ.”’

ໂຮເສອາ 2:12

ເຮົາ​ຈະ​ທຳລາຍ​ເຄືອ​ອະງຸ່ນ​ແລະ​ກົກ​ໝາກເດື່ອເທດ​ຂອງ​ນາງ ຊຶ່ງ​ນາງ​ເວົ້າ​ວ່າ, ແມ່ນ​ຄົນຮັກ​ທີ່​ເອົາ​ໃຫ້​ນາງ ເພາະ​ນາງ​ຮັບໃຊ້​ບໍລິການ​ພວກເຂົາ. ເຮົາ​ຈະ​ເຮັດ​ໃຫ້​ສວນ​ໝາກອະງຸ່ນ ແລະ​ສວນ​ໝາກໄມ້​ທັງຫລາຍ​ຂອງ​ນາງ ເປັນ​ຖິ່ນ​ແຫ້ງແລ້ງ​ກັນດານ; ຝູງ​ສັດປ່າ​ຈະ​ທຳລາຍ​ສິ່ງ​ເຫຼົ່ານັ້ນ​ຖິ້ມ.

ໂຮເສອາ 9:6

ເມື່ອ​ໄພພິບັດ​ມາເຖິງ ແລະ​ປະຊາຊົນ​ຖືກ​ກະຈັດ​ກະຈາຍ​ໄປ ຊາວ​ເອຢິບ​ຈະ​ທ້ອນໂຮມ​ເອົາ​ພວກເຂົາ ຄື​ໂຮມ​ເອົາ​ໄປ​ຝັງ​ໄວ້​ຢູ່​ໃນ​ເມືອງ​ມຳຟິດ ຊັບສົມບັດ​ທີ່​ເປັນ​ເຄື່ອງ​ເງິນ ແລະ​ບ່ອນ​ທີ່​ຕັ້ງ​ບ້ານເຮືອນ​ຂອງ​ພວກເຂົາ ກໍ​ຈະ​ມີ​ຫຍ້າ​ແລະ​ພຸ່ມໜາມ​ເກີດຂຶ້ນ.

ມັດທາຍ 21:33

“ຈົ່ງ​ຟັງ​ຄຳອຸປະມາ​ເລື່ອງ​ໜຶ່ງ​ອີກ ມີ​ຄົນ​ໜຶ່ງ​ທີ່​ເຮັດ​ສວນ​ອະງຸ່ນ ເພິ່ນ​ເຮັດ​ຮົ້ວ​ລ້ອມ​ສວນ​ໄວ້ ແລະ​ສະກັດ​ອ່າງ​ເພື່ອ​ໃຊ້​ຢຽບ​ໝາກ​ອະງຸ່ນ ແລະ​ທັງ​ໄດ້​ສ້າງ​ຫໍຄອຍ​ເພື່ອ​ເຝົ້າ​ຍາມ​ໄວ້. ເພິ່ນ​ໄດ້​ເອົາ​ສວນ​ອະງຸ່ນ​ໃຫ້​ຄົນ​ເຊົ່າ ແລ້ວ​ເພິ່ນ​ກໍ​ອອກ​ໄປ​ຈາກ​ທີ່​ນັ້ນ.

ເຮັບເຣີ 6:8

ແຕ່​ພື້ນດິນ​ທີ່​ເກີດ​ສ້ຽນໜາມ ກໍ​ນັບ​ວ່າ​ບໍ່ມີ​ຄ່າ ແລະ​ເກືອບ​ຈະ​ຖືກ​ຊົງ​ປ້ອຍດ່າ​ແລ້ວ ໃນ​ທີ່ສຸດ​ກໍ​ຈະ​ຖືກ​ເຜົາ​ໄຟ​ເສຍ.