ເອຊາຢາ 60:6 - ພຣະຄຳພີສັກສິ

⁶ ຂະບວນ​ອູດ​ຈະ​ມາ​ຈາກ​ມີດີອານ​ແລະ​ເອຟາ ບັນທຸກ​ຄຳ​ແລະ​ເຄື່ອງຫອມ​ມາ​ຈາກ​ເຊບາ​ພຸ້ນ. ປະຊາຊົນ​ຕ່າງ​ກໍ​ຈະ​ພາກັນ​ປະກາດ​ຄຳ​ສັນລະເສີນ ເຖິງ​ພາລະກິດ​ອັນ​ຍິ່ງໃຫຍ່​ຂອງ​ພຣະເຈົ້າຢາເວ

ເອຊາຢາ 60:6 Jak'a apnaqawi uñst'ayäwi

ປະຖົມມະການ 10:7

ເຊື້ອສາຍ​ຂອງ​ກູເຊ​ແມ່ນ​ຊາວ​ເຊບາ, ຮາວິລາ, ສັບຕາ, ຣາອາມາ ແລະ​ສັບເຕກາ. ເຊື້ອສາຍ​ຂອງ​ຣາອາມາ​ແມ່ນ​ຊາວ​ເຊບາ ແລະ​ຊາວ​ເດດານ.

ປະຖົມມະການ 25:13

ມີ​ລູກຊາຍ​ຕາມ​ລະດັບ​ການ​ເກີດ ດັ່ງນີ້: ເນບາໂຢດ, ເກດາ, ອັດເບເອນ, ມິບສາມ,

1 ກະສັດ 10:2

ຣາຊີນີ​ໄດ້​ນຳ​ເອົາ​ບໍລິວານ​ຢ່າງ​ຫລວງຫລາຍ​ມາ​ນຳ ພ້ອມ​ທັງ​ບັນທຸກ​ເຄື່ອງເທດ, ເພັດພອຍ ແລະ​ຄຳ​ເປັນ​ຈຳນວນ​ຫລາຍ​ໃສ່​ຫລັງ​ອູດ​ມາ. ເມື່ອ​ຣາຊີນີ​ກັບ​ກະສັດ​ໂຊໂລໂມນ​ໄດ້​ພົບ​ກັນ​ແລ້ວ ຣາຊີນີ​ກໍ​ຖາມ​ເພິ່ນ​ທຸກ​ບັນຫາ​ທີ່​ຣາຊີນີ​ສາມາດ​ຄິດ​ອອກ​ໄດ້.

2 ກະສັດ 8:9

ດັ່ງນັ້ນ ຮາຊາເອນ​ຈຶ່ງ​ຈັດ​ເອົາ​ຜະລິດທະພັນ​ທຸກ​ຊະນິດ​ຢ່າງດີ​ທີ່ສຸດ ໃນ​ນະຄອນ​ດາມັສກັດ​ບັນທຸກ​ໃສ່​ຫລັງ​ອູດ​ສີ່ສິບ​ໂຕ ໄປ​ຫາ​ເອລີຊາ. ເມື່ອ​ຮາຊາເອນ​ເຫັນ​ເອລີຊາ ລາວ​ກໍ​ກ່າວ​ແກ່​ເພິ່ນ​ວ່າ, “ກະສັດ​ເບັນຮາດາດ​ຜູ້ຮັບໃຊ້​ຂອງທ່ານ​ໄດ້​ສົ່ງ​ຂ້ານ້ອຍ​ມາ​ຖາມ​ທ່ານ​ວ່າ ເພິ່ນ​ຈະ​ຫາຍ​ປ່ວຍ​ຫລື​ບໍ່?”

1 ຂ່າວຄາວ 1:33

ມີດີອານ​ມີ​ລູກຊາຍ​ຫ້າ​ຄົນ ດັ່ງນີ້: ເອຟາ, ເອເຟ, ຮານົກ, ອາບີດາ ແລະ​ເອນດາອາ, ທັງໝົດ​ນີ້​ແມ່ນ​ເຊື້ອສາຍ​ຂອງ​ເກຕູຣາ.

2 ຂ່າວຄາວ 9:1

ຣາຊີນີ​ແຫ່ງ​ເຊບາ​ໄດ້ຍິນ​ເຖິງ​ຊື່ສຽງ​ຂອງ​ກະສັດ​ໂຊໂລໂມນ; ສະນັ້ນ ຣາຊີນີ​ຈຶ່ງ​ໄດ້​ເດີນທາງ​ມາ​ທີ່​ນະຄອນ​ເຢຣູຊາເລັມ ເພື່ອ​ຖາມ​ເຖິງ​ບັນຫາ​ທີ່​ຍາກ​ຫລາຍ​ບັນຫາ​ເພື່ອ​ເປັນ​ການ​ທົດສອບ. ມີ​ຄະນະ​ຜູ້​ຕິດຕາມ​ຣາຊີນີ​ມາ​ຢ່າງ​ຫລວງຫລາຍ ພ້ອມ​ທັງ​ນຳ​ເອົາ​ເຄື່ອງເທດ, ເພັດພອຍ​ແລະ​ຄຳ ເປັນ​ຈຳນວນ​ຫລວງຫລາຍ​ຂົນ​ໃສ່​ຫລັງ​ອູດ​ມາ​ດ້ວຍ. ເມື່ອ​ຣາຊີນີ​ໄດ້​ພົບ​ກັບ​ໂຊໂລໂມນ ຣາຊີນີ​ກໍໄດ້​ຖາມ​ເພິ່ນ​ທຸກ​ບັນຫາ​ທີ່​ຣາຊີນີ​ສາມາດ​ຄິດ​ໄດ້.

ເພງ^ສັນລະເສີນ 67:4

ຂໍ​ໃຫ້​ຊົນຊາດ​ຕ່າງໆ ຊົມຊື່ນ​ແລະ​ຍິນດີ ຮ່ວມ​ກັນ​ຮ້ອງເພງ​ຢ່າງ​ເບີກບານ​ເຖີດ ເພາະ​ພຣະອົງ​ຕັດສິນ​ບັນດາ​ຊົນຊາດ​ຢ່າງ​ຍຸດຕິທຳ ແລະ​ນຳພາ​ແຕ່ລະ​ຊົນຊາດ​ເທິງ​ແຜ່ນດິນ​ໂລກ​ນີ້.

ເພງ^ສັນລະເສີນ 72:10

ກະສັດ​ຂອງ​ສະເປນ​ແລະ​ເກາະ​ດອນ​ທັງຫລາຍ ຕ່າງ​ກໍ​ຈະ​ນຳ​ຂອງ​ບັນນາການ​ມາ​ມອບ​ໃຫ້​ເພິ່ນ. ບັນດາ​ກະສັດ​ແຫ່ງ​ອາຣາເບຍ​ແລະ​ເອທີໂອເປຍ ກໍ​ຈະ​ນຳ​ເອົາ​ເຄື່ອງ​ຖວາຍ​ມາ​ມອບ​ໃຫ້.

ເພງ^ສັນລະເສີນ 72:15

ຂໍ​ໃຫ້​ກະສັດ​ນັ້ນ ຈົ່ງ​ໝັ້ນຍືນ ຂໍ​ໃຫ້​ຄົນ​ຖວາຍ​ຄຳ​ຈາກ​ອາຣາເບຍ​ແກ່​ເພິ່ນ​ດ້ວຍ ຂໍ​ໃຫ້​ຄົນ​ພາວັນນາ​ອະທິຖານ​ສຳລັບ​ເພິ່ນ​ຢູ່​ຕະຫລອດ​ເວລາ ຂໍ​ໃຫ້​ພຣະພອນ​ຖອກເທ​ລົງ​ສູ່​ເພິ່ນ​ຢູ່​ເລື້ອຍໆ

ເອຊາຢາ 30:6

ຕໍ່ໄປນີ້​ແມ່ນ​ຖ້ອຍຄຳ​ຂອງ​ພຣະເຈົ້າ​ກ່ຽວກັບ​ສັດ​ຕ່າງໆ ໃນ​ຖິ່ນ​ແຫ້ງແລ້ງ​ກັນດານ​ທາງ​ພາກໃຕ້: “ບັນດາ​ທູດ​ເດີນທາງ​ຜ່ານ​ປະເທດ​ທີ່​ເປັນ​ອັນຕະລາຍ ຄື​ບ່ອນ​ທີ່​ມີ​ໂຕສິງ, ງູພິດ ແລະ​ມັງກອນ​ທີ່​ເຫາະ​ໄດ້. ພວກເຂົາ​ບັນທຸກ​ຂອງຂວັນ​ລາຄາ​ແພງ ໃສ່​ເທິງ​ຫລັງ​ລໍ ແລະ​ອູດ​ໄປ​ໃຫ້​ຊົນຊາດ​ໜຶ່ງ​ທີ່​ຊ່ວຍເຫລືອ​ຫຍັງ​ບໍ່ໄດ້.

ເອຊາຢາ 42:10

ຈົ່ງ​ຮ້ອງເພງ​ບົດໃໝ່​ຖວາຍ​ຍ້ອງຍໍ​ສັນລະເສີນ ທົ່ວ​ທັງໂລກ ຈົ່ງ​ຮ້ອງເພງ​ຍ້ອງຍໍ​ພຣະເຈົ້າຢາເວ ຜູ້​ເດີນເຮືອ​ໃນ​ທະເລ​ນັ້ນ ຈົ່ງ​ສັນລະເສີນ​ພຣະອົງ ທຸກສິ່ງ​ທີ່​ມີ​ຊີວິດ​ໃນ​ນັ້ນ ຈົ່ງ​ສັນລະເສີນ​ພຣະເຈົ້າ ບັນດາ​ປະເທດ​ຕ່າງໆ​ທີ່​ຢູ່​ຫ່າງໄກ​ແສນໄກ ແລະ​ປະຊາຊົນ​ທີ່​ອາໄສ​ຢູ່​ໃນເມືອງ​ນັ້ນ ຈົ່ງ​ສັນລະເສີນ​ພຣະເຈົ້າ

ເອຊາຢາ 45:14

ພຣະເຈົ້າຢາເວ​ກ່າວ​ວ່າ, “ສົມບັດ​ຂອງ​ປະເທດ​ເອຢິບ​ກັບ​ປະເທດ​ເອທີໂອເປຍ​ຈະ​ເປັນ​ຂອງ​ເຈົ້າ ຄົນ​ໃຫຍ່​ສູງ​ແຫ່ງ​ເສບາ​ກໍ​ຈະ​ເປັນ​ທາດຮັບໃຊ້​ເຈົ້າ​ຄືກັນ ພວກເຂົາ​ຈະ​ຍ່າງ​ຕາມ​ເຈົ້າ​ໄປ​ໂດຍ​ຖືກ​ລ່າມໂສ້​ພ້ອມ. ພວກເຂົາ​ຈະ​ກົ້ມຂາບ​ເຈົ້າ ແລະ​ທັງ​ສາລະພາບ​ວ່າ ‘ພຣະເຈົ້າ​ຢູ່​ນຳ​ເຈົ້າ ເປັນ​ພຣະເຈົ້າ​ແຕ່​ອົງດຽວ.

ເອຊາຢາ 60:9

ແມ່ນ​ຂະບວນ​ເຮືອ​ໃຫຍ່​ທີ່​ກຳລັງ​ມາ​ຈາກ​ແດນໄກ ກຳລັງ​ນຳ​ປະຊາຊົນ​ຂອງ​ພຣະອົງ​ກັບຄືນ​ມາ​ບ້ານ. ພວກເຂົາ​ເອົາ​ເງິນ​ແລະ​ຄຳ​ກັບຄືນ​ມາ​ນຳ ເພື່ອ​ຖວາຍ​ເປັນ​ກຽດ​ແກ່​ນາມຊື່​ຂອງ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ແລະ​ສຳລັບ​ອົງ​ບໍຣິສຸດ​ຂອງ​ຊາດ​ອິດສະຣາເອນ ທີ່​ເຮັດ​ໃຫ້​ທຸກ​ຊົນຊາດ​ຍົກຍໍ​ປະຊາຊົນ​ຂອງ​ພຣະອົງ.

ເອຊາຢາ 61:6

ຄົນ​ຈະ​ຮູ້​ວ່າ​ພວກເຈົ້າ​ເປັນ​ປະໂຣຫິດ​ຂອງ​ພຣະເຈົ້າຢາເວ ເຂົາ​ຈະ​ກ່າວເຖິງ​ພວກເຈົ້າ​ວ່າ ເປັນ​ຜູ້ຮັບໃຊ້​ຂອງ​ພຣະເຈົ້າ​ຂອງ​ພວກເຮົາ. ພວກເຈົ້າ​ຈະ​ມ່ວນຊື່ນ​ຢູ່​ກັບ​ສົມບັດ​ຊົນຊາດ​ທັງຫລາຍ ແລະ​ຈະ​ພູມໃຈ​ໃນ​ຊັບສິນ​ທີ່​ເປັນ​ຂອງ​ພວກເຈົ້າ.

ເຢເຣມີຢາ 6:20

ມີ​ປະໂຫຍດ​ຫຍັງ​ແກ່​ເຮົາ​ແດ່ ທີ່​ພວກເຂົາ​ໄດ້​ທູບຫອມ​ມາ​ແຕ່​ເມືອງ​ເຊບາ ຫລື​ໄດ້​ເຄື່ອງຫອມ​ມາ​ຈາກ​ທາງ​ໄກ? ເຮົາ​ຈະ​ບໍ່​ຍອມ​ຮັບ​ເອົາ​ເຄື່ອງຖວາຍ​ຂອງ​ພວກເຂົາ ຫລື​ຍິນດີ​ກັບ​ເຄື່ອງບູຊາ​ຂອງ​ພວກເຂົາ.

ເອເຊກຽນ 27:22

ພວກ​ພໍ່ຄ້າ​ແຫ່ງ​ເມືອງ​ເຊບາ​ກັບ​ເມືອງ​ຣາອາມາ ກໍ​ແລກປ່ຽນ​ເພັດພອຍ, ຄຳ ແລະ​ເຄື່ອງເທດ​ກັບ​ສິນຄ້າ​ຂອງເຈົ້າ.

ເຊຟານີຢາ 3:10

ແມ່ນແຕ່​ຈາກ​ທີ່​ຫ່າງ​ໄກ​ສຸດ​ຂອງ​ເອທິໂອເປຍ ຄື​ປະຊາຊົນ​ທີ່​ເຮົາ​ໄດ້​ກະຈັດ​ກະຈາຍ​ໄປ​ນັ້ນ ພວກເຂົາ​ກໍ​ຈະ​ນຳ​ເຄື່ອງ​ມາ​ຖວາຍ​ແກ່​ເຮົາ.

ເຊກາຣີຢາ 14:16

ແລ້ວ​ພວກ​ທີ່​ລອດຊີວິດ​ມາ​ໄດ້​ຈາກ​ຊົນຊາດ​ຕ່າງໆ ທີ່​ໄດ້​ໂຈມຕີ​ນະຄອນ​ເຢຣູຊາເລັມ​ນັ້ນ ກໍ​ຈະ​ໄປ​ທີ່​ນັ້ນ​ທຸກໆ​ປີ ເພື່ອ​ນະມັດສະການ​ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່ ຄື​ອົງ​ຊົງ​ເປັນ​ກະສັດ ແລະ​ເພື່ອ​ສະເຫລີມ​ສະຫລອງ​ເທດສະການ​ປຸກຕູບຢູ່.

ມາລາກີ 1:11

ນາມຊື່​ຂອງ​ເຮົາ​ເປັນ​ທີ່​ຍິ່ງໃຫຍ່​ໃນ​ທ່າມກາງ​ບັນດາ​ປະຊາຊາດ​ທົ່ວໂລກ ຈາກ​ທິດ​ຕາເວັນອອກ​ເຖິງ​ທິດ​ຕາເວັນຕົກ. ໃນ​ທຸກທີ່​ທຸກບ່ອນ​ມີ​ຄົນ​ເຜົາ​ເຄື່ອງຫອມ​ຖວາຍ​ແກ່​ນາມຊື່​ຂອງ​ເຮົາ ແລະ​ໄດ້ນຳ​ເຄື່ອງບູຊາ​ທີ່​ບໍຣິສຸດ​ມາຖວາຍ​ແກ່​ນາມຊື່​ຂອງ​ເຮົາ. ເພາະ​ນາມຊື່​ຂອງ​ເຮົາ​ເປັນ​ທີ່​ຍິ່ງໃຫຍ່​ໃນ​ທ່າມກາງ​ບັນດາ​ປະຊາຊາດ.” ພຣະເຈົ້າຢາເວ​ກ່າວ​ດັ່ງນີ້ແຫຼະ.

ມັດທາຍ 2:11

ເມື່ອ​ພວກເຂົາ​ເຂົ້າ​ໄປ​ໃນ​ເຮືອນ​ແລ້ວ ກໍໄດ້​ເຫັນ​ກຸມມານ ແລະ ມາຣີ​ແມ່​ຂອງ​ເພິ່ນ, ແລ້ວ​ພວກເຂົາ​ຈຶ່ງ​ກົ້ມ​ລົງ​ຂາບໄຫວ້​ນະມັດສະການ​ກຸມມານ​ນັ້ນ ແລ້ວ​ກໍ​ໄຂ​ຫີບ​ເອົາ​ຊັບ​ຂອງ​ພວກເຂົາ​ອອກ​ມາ​ຖວາຍ​ແກ່​ກຸມມານ​ມີ​ດັ່ງນີ້: ຄຳ, ກຳຍານ ແລະ ຢາງ​ໄມ້​ຫອມ.

ໂຣມ 15:9

ແລະ​ເພື່ອ​ໃຫ້​ຄົນຕ່າງຊາດ​ໄດ້​ສັນລະເສີນ​ພຣະເຈົ້າ ເພາະ​ຄວາມ​ເມດຕາ​ຂອງ​ພຣະອົງ ຕາມ​ທີ່​ມີ​ຄຳ​ຂຽນ​ໄວ້​ໃນ​ພຣະຄຳພີ​ວ່າ, “ເພາະ​ດ້ວຍເຫດນີ້ ຂ້ານ້ອຍ​ ຈຶ່ງ​ຈະ​ສັນລະເສີນ​ພຣະອົງ ໃນ​ທ່າມກາງ​ຄົນຕ່າງຊາດ​ທັງຫລາຍ. ຂ້ານ້ອຍ​ຈະ​ຂັບຮ້ອງ​ບົດເພງ​ຍ້ອງຍໍ​ ສັນລະເສີນ ຖວາຍ​ແກ່​ພຣະນາມ​ຂອງ​ພຣະອົງ.”

ພຣະບັນຍັດສອງ 32:43

ບັນດາ​ຊົນຊາດ​ເອີຍ ຈົ່ງ​ຊົມຊື່ນຍິນດີ​ຮ່ວມ​ກັບ​ປະຊາຊົນ​ຂອງ​ພຣະອົງ ເພາະ​ພຣະອົງ​ລົງໂທດ​ທຸກຄົນ​ທີ່​ຂ້າ​ພວກເຂົາ. ພຣະອົງ​ທຳການ​ແກ້ແຄ້ນ​ເຫຼົ່າ​ສັດຕູ​ທັງຫລາຍ ແລະ​ອະໄພ​ການບາບ​ໄພ່ພົນ​ຂອງ​ພຣະອົງ​ແລ້ວ.”

ຟີລິບປອຍ 2:17

ເຖິງແມ່ນ​ຕົວ​ເຮົາ​ຈະ​ເສຍ​ສະຫລະ​ຊີວິດ​ເປັນ​ດັ່ງ​ເຄື່ອງ​ດື່ມ​ໃຫ້​ຄົບ​ເຄື່ອງ​ບູຊາ ທີ່​ພວກເຈົ້າ​ຖວາຍ​ດ້ວຍ​ຄວາມເຊື່ອ​ຂອງ​ພວກເຈົ້າ ເຮົາ​ຍັງ​ມີ​ຄວາມ​ຍິນດີ ແລະ​ຊົມຊື່ນ​ຍິນດີ​ຮ່ວມ​ກັບ​ພວກເຈົ້າ​ທຸກຄົນ.

1 ເປໂຕ 2:5

ເຈົ້າ​ທັງຫລາຍ​ກໍ​ເປັນ​ເໝືອນ​ຫີນ​ທີ່​ມີ​ຊີວິດ​ຢູ່ ພວກເຈົ້າ​ຈົ່ງ​ຍອມ​ໃຫ້​ພຣະເຈົ້າ​ຊົງ​ກໍ່​ຂຶ້ນ​ເປັນ​ວິຫານ​ຝ່າຍ​ວິນຍານ ເປັນ​ປະໂຣຫິດ​ບໍຣິສຸດ ເພື່ອ​ຖວາຍ​ເຄື່ອງ​ບູຊາ​ຝ່າຍ​ວິນຍານ ຊຶ່ງ​ພໍພຣະໄທ​ຂອງ​ພຣະເຈົ້າ ໂດຍ​ທາງ​ພຣະເຢຊູ​ຄຣິດເຈົ້າ.

1 ເປໂຕ 2:9

ແຕ່​ຝ່າຍ​ເຈົ້າ​ທັງຫລາຍ ເປັນ​ຊາດ​ທີ່​ພຣະເຈົ້າ​ຊົງ​ເລືອກ​ໄວ້​ແລ້ວ ເປັນ​ປະໂຣຫິດ​ຫລວງ ເປັນ​ປະຊາຊາດ​ບໍຣິສຸດ ເປັນ​ພົນລະເມືອງ​ຂອງ​ພຣະເຈົ້າ ເພື່ອ​ເຈົ້າ​ທັງຫລາຍ​ຈະ​ໄດ້​ປະກາດ​ພຣະ​ບາລະມີ​ຂອງ​ພຣະອົງ ຜູ້​ໄດ້​ຊົງ​ເອີ້ນ​ພວກເຈົ້າ​ໃຫ້​ອອກ​ມາ​ຈາກ​ຄວາມມືດ ເຂົ້າ​ໄປ​ສູ່​ຄວາມ​ສະຫວ່າງ​ອັນ​ມະຫັດສະຈັນ​ຂອງ​ພຣະອົງ.

ພວກ^ຜູ້ປົກຄອງ 6:5

ພວກ​ນີ້​ໄດ້​ບຸກ​ເຂົ້າ​ມາ​ຢ່າງ​ໜາແໜ້ນ​ດັ່ງ​ຝູງຕັກແຕນ ຝູງສັດ​ແລະ​ຜ້າເຕັນ​ພ້ອມ​ທັງ​ຄົນ​ກັບ​ອູດ​ຂອງ​ພວກເຂົາ​ກໍ​ຫລາຍ​ຈົນ​ນັບ​ບໍ່ໄດ້. ພວກເຂົາ​ໄດ້​ເຂົ້າ​ມາ​ທຳລາຍ​ດິນແດນ

ພວກ^ຜູ້ປົກຄອງ 7:12

ຝ່າຍ​ຊາວ​ມີດີອານ, ຊາວ​ອາມາເຫຼັກ ແລະ​ຄົນ​ໃນ​ເຜົ່າ​ຕ່າງໆ​ທີ່​ຢູ່​ຕາມ​ຖິ່ນ​ແຫ້ງແລ້ງ​ກັນດານ ກໍ​ຢາຍ​ກັນ​ຢູ່​ຕາມ​ຮ່ອມພູ​ເໝືອນ​ດັ່ງ​ຝູງຕັກແຕນ. ພວກເຂົາ​ມີ​ຝູງ​ອູດ​ຢ່າງ​ຫລວງຫລາຍ ຄ້າຍ​ກັບ​ເມັດ​ດິນ​ຊາຍ​ຕາມ​ແຄມຝັ່ງ​ທະເລ.