ເອຊາຢາ 59:10 - ພຣະຄຳພີສັກສິ

¹⁰ ແລະ​ພວກເຮົາ​ກໍ​ງົມໆ​ທາວໆ​ໄປ​ເໝືອນ​ຄົນ​ຕາບອດ. ພວກເຮົາ​ລົ້ມລົງ​ໃນ​ຕອນທ່ຽງ ຄື​ກັບ​ວ່າ​ເດີນ​ໄປ​ໃນ​ຕອນ​ກາງຄືນ ຄື​ກັບ​ວ່າ​ພວກເຮົາ​ຢູ່​ໃນ​ທີ່​ມືດ​ຂອງ​ແດນ​ມໍຣະນາ.

ເອຊາຢາ 59:10 Jak'a apnaqawi uñst'ayäwi

ສຸພາສິດ 4:19

ສ່ວນ​ທາງ​ຂອງ​ຄົນຊົ່ວຮ້າຍ​ນັ້ນ​ກໍ​ມືດມິດ​ດັ່ງ​ກາງຄືນ. ພວກເຂົາ​ລົ້ມລົງ​ແຕ່​ບໍ່​ເຫັນ​ສິ່ງ​ທີ່​ພວກເຂົາ​ສະດຸດ​ລົ້ມ​ນັ້ນ​ໄດ້.

ເອຊາຢາ 28:13

ດັ່ງນັ້ນ ພຣະເຈົ້າຢາເວ​ຈຶ່ງ​ຈະ​ສັ່ງສອນ​ບົດຮຽນ​ໃຫ້​ເທື່ອລະ​ໂຕ ເທື່ອລະ​ແຖວ ແລະ​ເທື່ອລະ​ບົດ ແລ້ວ​ພວກເຈົ້າ​ກໍ​ຈະ​ສະດຸດ​ລົ້ມລົງ​ທຸກ​ບາດກ້າວ​ທີ່​ພວກເຈົ້າ​ຍ່າງ​ໄປ. ພວກເຈົ້າ​ຈະ​ໄດ້​ຮັບ​ບາດເຈັບ, ຖືກ​ບ້ວງແຮ້ວ ແລະ​ຖືກ​ຈັບ​ໄປ​ເປັນ​ຊະເລີຍ.

ເອຊາຢາ 8:14

ແລ້ວ​ພຣະອົງ​ຈະ​ເປັນ​ສະຖານ​ບໍຣິສຸດ​ແລະ​ເປັນ​ດັ່ງ​ຫີນ​ທີ່​ໃຫ້​ປະຊາຊົນ​ຕຳ​ສະດຸດ ແລະ​ເປັນ​ດັ່ງ​ແຮ້ວ​ທີ່​ຈະ​ດັກຈັບ​ເອົາ ປະຊາຊົນ​ໃນ​ອານາຈັກ​ຢູດາຍ ແລະ​ອິດສະຣາເອນ ພ້ອມ​ທັງ​ຊາວ​ນະຄອນ​ເຢຣູຊາເລັມ​ດ້ວຍ.

ເອຊາຢາ 8:15

ຫລາຍ​ຄົນ​ຈະ​ຕຳ​ສະດຸດ; ພວກເຂົາ​ຈະ​ລົ້ມລົງ​ແລະ​ຈະ​ຖືກ​ຢຽບຢໍ່າ. ພວກເຂົາ​ຈະ​ຖືກ​ບ້ວງແຮ້ວ​ແລະ​ຈະ​ໜີໄປ​ບໍ່​ພົ້ນ.”

ເຢເຣມີຢາ 13:16

ຈົ່ງ​ຍ້ອງຍໍ​ໃຫ້ກຽດ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ກ່ອນ​ທີ່​ພຣະອົງ​ນຳ​ຄວາມ​ມືດໜາ​ມາ​ໃຫ້ ຕາມ​ເທິງ​ໜ່ວຍ​ພູເຂົາ​ນັ້ນ​ພວກເຈົ້າ​ຕ່າງ​ກໍ​ຊູນ​ສະດຸດ ກ່ອນ​ແຈ້ງ​ທີ່​ພວກເຈົ້າ​ຫວັງ​ກາຍເປັນ​ມືດ.

ເພງ^ຄໍ່າຄວນ 3:6

ພຣະອົງ​ໄດ້​ບັງຄັບ​ຂ້ອຍ​ໃຫ້​ອາໄສ​ຢູ່​ໃນ​ບ່ອນ​ມືດ​ມິດ ເໝືອນ​ຢ່າງ​ຄົນ​ທັງຫລາຍ​ທີ່​ໄດ້​ຕາຍ​ແຕ່​ດົນ​ແລ້ວ.

ເພງ^ຄໍ່າຄວນ 4:14

ພວກ​ຜູ້ຄົນ​ຍ່າງ​ເຕະ​ຝຸ່ນ​ຕາມ​ທາງ​ໃນ​ນະຄອນ ດັ່ງ​ຄົນ​ຕາບອດ​ຍ່າງ​ໄປມາ​ລ້າໆ ຊຶ່ງ​ມີ​ຮອຍ​ເລືອດ​ຕິດ​ຢູ່​ຕາມ​ເຄື່ອງນຸ່ງ ຈົນ​ບໍ່ມີ​ຜູ້ໃດ​ກ້າ​ຈັບບາຍ​ພວກເຂົາ.

ເອເຊກຽນ 21:15

ມັນ​ເຮັດ​ໃຫ້​ປະຊາຊົນ​ຂອງເຮົາ​ສູນເສຍ​ຄວາມ​ກ້າຫານ​ແລະ​ເຕະ​ສະດຸດ. ເຮົາ​ກຳລັງ​ນາບຂູ່​ເມືອງ​ຂອງ​ພວກເຂົາ​ດ້ວຍ​ດາບ​ດວງ​ໜຶ່ງ ເຫລື້ອມ​ດັ່ງ​ແສງຟ້າແມບ ແລະ​ຕຽມພ້ອມ​ທີ່​ຈະ​ສັງຫານ.

ອາໂມດ 8:9

ໃນ​ວັນນັ້ນ ເຮົາ​ຈະ​ໃຫ້​ຕາເວັນຕົກ​ໃນ​ຍາມ​ທ່ຽງ ແລະ​ແຜ່ນດິນ​ໂລກ​ຈະ​ມືດມົນ​ໃນ​ຍາມ​ກາງເວັນ. ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ດັ່ງນີ້ແຫຼະ.

ມີກາ 3:6

ເພາະສະນັ້ນ ພວກ​ຜູ້ທຳນວາຍ​ເອີຍ ມື້​ຂອງ​ພວກເຈົ້າ​ນັ້ນ​ເກືອບ​ຈະ​ໝົດໄປ​ແລ້ວ ຕາເວັນ​ກຳລັງ​ຕົກລົງ​ເທິງ​ພວກເຈົ້າ. ເພາະ​ພວກເຈົ້າ​ໄດ້​ນຳ​ປະຊາຊົນ​ຂອງເຮົາ​ໄປ​ໃນ​ທາງ​ຜິດ ພວກເຈົ້າ​ຈະ​ບໍ່ມີ​ນິມິດ​ໃນ​ການ​ທຳນວາຍ​ອີກ​ຕໍ່ໄປ ແລະ​ພວກເຈົ້າ​ຈະ​ກ່າວ​ຫຍັງ​ລ່ວງໜ້າ​ບໍ່ໄດ້​ອີກ.

ໂຢຮັນ 12:35

ພຣະເຢຊູເຈົ້າ​ຕອບ​ວ່າ, “ຄວາມ​ສະຫວ່າງ​ຈະ​ຍັງ​ຢູ່​ກັບ​ພວກເຈົ້າ​ອີກ​ໜ້ອຍໜຶ່ງ ເມື່ອ​ຍັງ​ມີ​ຄວາມ​ສະຫວ່າງ​ຢູ່​ກໍ​ຈົ່ງ​ຍ່າງ​ໄປ​ເທາະ ເພາະ​ຢ້ານ​ວ່າ​ຄວາມມືດ​ຈະ​ຕາມ​ມາ​ທັນ​ພວກເຈົ້າ. ດ້ວຍວ່າ, ຜູ້​ທີ່​ຍ່າງ​ໃນ​ຄວາມມືດ​ນັ້ນ ກໍ​ບໍ່​ຮູ້​ວ່າ​ຕົນ​ກຳລັງ​ໄປ​ໃສ.

ໂຢຮັນ 12:40

“ພຣະອົງ​ໄດ້​ເຮັດ​ໃຫ້​ຕາ​ພວກເຂົາ​ບອດ​ໄປ ແລະ ເຮັດ​ໃຫ້​ຈິດໃຈ​ຂອງ​ພວກເຂົາ​ແຂງ​ກະດ້າງ ຢ້ານ​ວ່າ​ພວກເຂົາ​ຈະ​ເຫັນ​ດ້ວຍ​ຕາ ແລະ ສັງເກດ​ຮູ້​ດ້ວຍ​ໃຈ ແລ້ວ​ຈະ​ກັບ​ໃຈ​ໃໝ່ ເຮົາ​ຈະ​ຮັກສາ​ໃຫ້​ພວກເຂົາ​ດີ.”

ພຣະບັນຍັດສອງ 28:29

ພວກເຈົ້າ​ຈະ​ຍ່າງ​ງົມໆ​ທ່າວໆ ໄປມາ​ໃນ​ກາງເວັນ​ເໝືອນ​ຄົນ​ຕາບອດ ແລະ​ຈະ​ຫາ​ທາງເດີນ​ບໍ່​ພົບ. ວຽກງານ​ທີ່​ພວກເຈົ້າ​ເຮັດ​ຈະ​ບໍ່​ຈະເລີນ​ຮຸ່ງເຮືອງ. ພວກເຈົ້າ​ຈະ​ຖືກ​ກົດຂີ່ ແລະ​ຖືກ​ເກັບກວາດ​ຖືກ​ຈີ້​ເປັນ​ປະຈຳ ແລະ​ທັງ​ຈະ​ບໍ່ມີ​ຜູ້ໃດ​ມາ​ຊ່ວຍເຫລືອ​ພວກເຈົ້າ.

1 ໂຢຮັນ 2:11

ແຕ່​ຜູ້​ທີ່​ກຽດຊັງ​ພີ່ນ້ອງ​ຂອງຕົນ ກໍ​ຍັງ​ຢູ່​ໃນ​ຄວາມມືດ ແລະ​ທຽວ​ໄປ​ໃນ​ຄວາມມືດ ແລ້ວ​ບໍ່​ຮູ້​ວ່າ​ຕົນ​ກຳລັງ​ຈະ​ໄປ​ໃສ ເພາະ​ຄວາມມືດ​ໄດ້​ເຮັດ​ໃຫ້​ຕາ​ຂອງຕົນ​ບອດ​ເສຍ​ແລ້ວ.