ເອຊາຢາ 50:1 - ພຣະຄຳພີສັກສິ

¹ ພຣະເຈົ້າຢາເວ​ກ່າວ​ວ່າ, “ເຮົາ​ໄດ້​ສົ່ງ​ຄົນ​ຂອງເຮົາ​ໜີໄປ​ແທ້​ບໍ? ດັ່ງ​ຊາຍ​ຮ້າງ​ເມຍ​ແລະ​ປະ​ນາງ​ຫລື​ນີ້? ຖ້າດັ່ງນັ້ນ ໜັງສື​ປະຮ້າງ​ນັ້ນ​ຢູ່​ໃສ? ເຮົາ​ໄດ້​ຂາຍ​ເຈົ້າ​ໄປ​ເປັນ​ທາດຮັບໃຊ້​ແທ້​ຫລື​ນີ້? ດັ່ງ​ຄົນ​ຂາຍ​ລູກ​ໄປ​ເປັນ​ທາດຮັບໃຊ້​ຊັ້ນບໍ? ບໍ່ແມ່ນ​ດອກ ທີ່​ຖືກ​ຈັບ​ໄປ​ຍ້ອນ​ການບາບ​ຂອງເຈົ້າ; ການບາບ​ນັ້ນ​ເປັນ​ເຫດ​ໃຫ້​ເຈົ້າ​ຖືກ​ສົ່ງ​ໜີໄປ ທັງນີ້​ກໍ​ຍ້ອນ​ໂທດກຳ​ຂອງເຈົ້າ.

ເອຊາຢາ 50:1 Jak'a apnaqawi uñst'ayäwi

1 ກະສັດ 21:25

ບໍ່ເຄີຍ​ມີ​ຜູ້ໃດ​ທີ່​ອຸທິດຕົວ​ເອງ​ຢ່າງ​ໝົດສິ້ນ ເຮັດ​ໃນ​ສິ່ງ​ທີ່​ຜິດ​ຕໍ່ສາຍຕາ​ຂອງ​ພຣະເຈົ້າຢາເວ ດັ່ງ​ກະສັດ​ອາຮາບ. ທຸກສິ່ງ​ທີ່​ເພິ່ນ​ໄດ້​ເຮັດ​ນັ້ນ​ກໍ​ເພາະ​ນາງ​ເຢເຊເບນ​ເມຍ​ຂອງ​ເພິ່ນ ເປັນ​ຜູ້​ຍຸແຍ່​ໃຫ້​ເຮັດ.

2 ກະສັດ 17:17

ພວກເຂົາ​ໄດ້​ເອົາ​ລູກຊາຍ​ແລະ​ລູກສາວ​ຂອງ​ພວກເຂົາ ເຜົາ​ເປັນ​ເຄື່ອງ​ບູຊາ​ຖວາຍ​ແກ່​ພະ​ຂອງ​ຊາວ​ຕ່າງຊາດ; ພວກເຂົາ​ປຶກສາ​ໝໍ​ຜີ​ແລະ​ໝໍ​ມໍ; ພວກເຂົາ​ຕັ້ງໜ້າ​ຕັ້ງຕາ​ເຮັດ​ສິ່ງ​ທີ່​ຊົ່ວຊ້າ​ໃນ​ສາຍ​ຕາ​ຂອງ​ພຣະເຈົ້າຢາເວ ຊຶ່ງ​ເປັນ​ການ​ເຮັດ​ໃຫ້​ພຣະອົງ​ໂກດຮ້າຍ​ໃຫຍ່.

2 ກະສັດ 4:1

ມີ​ແມ່ໝ້າຍ​ຜູ້ໜຶ່ງ​ທີ່​ຜົວ​ຂອງ​ນາງ​ຢູ່​ໃນ​ກຸ່ມ​ຜູ້ທຳນວາຍ​ໄດ້​ໄປ​ຫາ​ເອລີຊາ ແລະ​ຮ້ອງ​ຂໍ​ວ່າ, “ທ່ານເອີຍ ຜົວ​ຂອງ​ຂ້ານ້ອຍ​ຕາຍໄປ​ແລ້ວ ທ່ານ​ກໍ​ຮູ້​ວ່າ​ລາວ​ເປັນ​ຄົນຮັບໃຊ້​ທີ່​ຢຳເກງ​ພຣະເຈົ້າຢາເວ ແຕ່​ເຈົ້າໜີ້​ໄດ້​ມາ​ເອົາ​ລູກຊາຍ​ສອງ​ຄົນ​ຂອງ​ຂ້ານ້ອຍ​ໄປ​ເປັນ​ທາດຮັບໃຊ້ ເພື່ອ​ຈ່າຍ​ຄ່າ​ໜີ້​ທີ່​ຜົວ​ຂອງ​ຂ້ານ້ອຍ​ຕິດ​ນັ້ນ.”

ເນເຫມີຢາ 5:5

ພວກເຮົາ​ກໍ​ເປັນ​ພີ່ນ້ອງ​ຊາວຢິວ​ເຊື້ອຊາດ​ດຽວກັນ. ລູກຫລານ​ຂອງ​ພວກເຮົາ​ກໍດີ​ສໍ່າໆ​ກັບ​ລູກຫລານ​ຂອງ​ພວກເຂົາ​ບໍ່​ແມ່ນ​ບໍ? ແຕ່​ພວກເຮົາ​ຕ້ອງ​ໃຫ້​ລູກຫລານ​ເປັນ​ທາດຮັບໃຊ້. ມີ​ລູກສາວ​ຂອງ​ພວກເຮົາ​ບາງຄົນ​ໄດ້​ຖືກ​ຂາຍ​ໄປ​ເປັນ​ທາດຮັບໃຊ້​ແລ້ວ. ພວກເຮົາ​ຈຶ່ງ​ໝົດຫວັງ ເພາະ​ໄຮ່​ນາ ແລະ​ສວນອະງຸ່ນ​ຂອງ​ພວກເຮົາ​ໄດ້​ຖືກ​ຢຶດ​ໄປ​ຈົນ​ໝົດ.”

ເອສະເທີ 7:4

ປະຊາຊົນ​ຂອງ​ຂ້ານ້ອຍ​ແລະ​ຂ້ານ້ອຍ​ເອງ​ໄດ້​ຖືກ​ຂາຍ​ເພື່ອ​ໃຫ້​ຖືກ​ສັງຫານໝູ່. ຖ້າ​ບໍ່ມີ​ຫຍັງ​ຮ້າຍແຮງ​ກວ່າ​ການ​ຖືກ​ຂາຍ​ໄປ​ເປັນ​ທາດຮັບໃຊ້ ຂ້ານ້ອຍ​ຈະ​ມິດ​ຢູ່ ແລະ​ຈະ​ບໍ່​ລົບກວນ​ທ່ານ​ໃນ​ເລື່ອງ​ນີ້; ແຕ່​ພວກ​ຂ້ານ້ອຍ​ກຳລັງ​ຈະ​ຖືກ​ທຳລາຍ​ລ້າງຜານ​ໃຫ້​ສູນສິ້ນໄປ.”

ເພງ^ສັນລະເສີນ 44:12

ພຣະອົງ​ໄດ້​ຂາຍ​ປະຊາຊົນ​ຂອງ​ພຣະອົງ​ໃນ​ລາຄາ​ຖືກໆ ເໝືອນ​ກັບ​ວ່າ​ພວກເຂົາ​ມີ​ຄ່າ ພຽງແຕ່​ເລັກນ້ອຍ.

ອົບພະຍົບ 21:7

“ຖ້າ​ຊາຍ​ຄົນ​ໃດ​ຂາຍ​ລູກສາວ​ຂອງຕົນ​ໄປ​ເປັນ​ທາດຮັບໃຊ້, ທາດຮັບໃຊ້​ຍິງ​ຜູ້​ນີ້ ຈະ​ບໍ່ໄດ້​ເປັນ​ອິດສະຫລະ​ເໝືອນ​ດັ່ງ​ທາດຮັບໃຊ້​ຊາຍ.

ເອຊາຢາ 1:28

ແຕ່​ພຣະອົງ​ຈະ​ທຳລາຍ​ທຸກຄົນ​ທີ່​ເຮັດ​ບາບ​ແລະ​ກະບົດ​ຕໍ່​ພຣະອົງ; ພຣະອົງ​ຈະ​ຂ້າ​ທຸກຄົນ​ທີ່​ປະຖິ້ມ​ພຣະອົງ.

ເອຊາຢາ 27:8

ພຣະເຈົ້າຢາເວ​ລົງໂທດ​ປະຊາຊົນ​ຂອງ​ພຣະອົງ ໂດຍ​ເນລະເທດ​ເຂົາ​ໃຫ້​ໜີໄປ. ພຣະອົງ​ໄດ້​ໃຊ້​ລົມ​ອັນ​ໂຫດຮ້າຍ​ຈາກ​ທິດ​ຕາເວັນອອກ ພັດ​ສົ່ງ​ພວກເຂົາ​ໄປ.

ເອຊາຢາ 43:27

ບັນພະບຸລຸດ​ພວກເຈົ້າ​ແຕ່ກີ້ ກໍໄດ້​ເຮັດ​ບາບ​ຄືກັນ ພວກຜູ້ນຳ​ເອງ​ກໍ​ເຮັດ​ບາບ​ຕໍ່ສູ້​ເຮົາ​ດ້ວຍ.

ເອຊາຢາ 46:8

ຄົນບາບ​ທັງຫລາຍ​ເອີຍ ຈົ່ງ​ຈົດຈຳ​ສິ່ງນີ້ ຈົ່ງ​ພິຈາລະນາ​ສິ່ງ​ທີ່​ເຮົາ​ໄດ້​ເຮັດ​ມາ​ນັ້ນ.

ເອຊາຢາ 52:3

ພຣະເຈົ້າຢາເວ​ກ່າວ​ແກ່​ປະຊາຊົນ​ຂອງ​ພຣະອົງ​ວ່າ, “ເມື່ອ​ຕົກ​ເປັນ​ທາດ​ນັ້ນ​ບໍ່ມີ​ຜູ້ໃດ​ທີ່​ໃຊ້​ເງິນ​ຊື້​ເອົາ​ພວກເຈົ້າ​ໄປ; ທຳນອງດຽວກັນ ບໍ່ມີ​ສິ່ງໃດ​ທີ່​ຈະ​ຊື້​ເອົາ​ພວກເຈົ້າ​ໃຫ້​ເປັນ​ອິດສະຫລະ.

ເອຊາຢາ 54:6

ອິດສະຣາເອນ​ເອີຍ ເຈົ້າ​ເປັນ​ຄື​ເມຍສາວ​ຜູ້ໜຶ່ງ ທີ່​ຖືກ​ຜົວ​ປະ​ແລະ​ອຸກອັ່ງ​ຄັ່ງໃຈ​ຈົນ​ສຸດຂີດ. ແຕ່​ພຣະເຈົ້າຢາເວ​ເອີ້ນ​ເຈົ້າ​ໃຫ້​ກັບຄືນ​ມາ ຈົ່ງ​ກັບ​ມາ​ຫາ​ພຣະອົງ​ຜູ້​ທີ່​ເວົ້າ​ກັບ​ເຈົ້າ​ວ່າ,

ເອຊາຢາ 54:7

“ເຮົາ​ໄດ້​ປະຮ້າງ​ເຈົ້າ​ພຽງແຕ່​ໄລຍະ​ຊົ່ວຄາວ ເຮົາ​ຈະ​ເອົາ​ເຈົ້າ​ຄືນ​ດ້ວຍ​ຄວາມຮັກ​ອັນ​ສຸດ​ຫົວໃຈ.

ເອຊາຢາ 58:1

ອົງພຣະ​ຜູ້​ເປັນເຈົ້າ​ກ່າວ​ວ່າ, “ຈົ່ງ​ຮ້ອງ​ດັງໆ​ຈົນ​ສຸດ​ສຽງ​ເຖີດ ຈົ່ງ​ບອກ​ປະຊາຊົນ​ອິດສະຣາເອນ​ຂອງເຮົາ​ກ່ຽວກັບ​ການບາບ​ຂອງ​ພວກເຂົາ

ເອຊາຢາ 64:6

ພວກ​ຂ້ານ້ອຍ​ທຸກຄົນ​ເປັນ​ຄົນບາບ​ໝົດ; ແມ່ນແຕ່​ການ​ເຮັດ​ທີ່ດີ​ທີ່ສຸດ​ຂອງ​ພວກ​ຂ້ານ້ອຍ​ກໍ​ຍັງ​ເປິເປື້ອນ. ເພາະ​ການບາບ ພວກ​ຂ້ານ້ອຍ​ຈຶ່ງ​ເປັນ​ດັ່ງ​ໃບໄມ້​ຫ່ຽວແຫ້ງ​ແລະ​ຖືກ​ລົມ​ພັດ​ໄປ.

ເຢເຣມີຢາ 3:1

“ຖ້າ​ຊາຍ​ຜູ້ໜຶ່ງ​ປະ​ເມຍ​ຂອງຕົນ ແລະ​ນາງ​ໜີ​ຈາກ​ລາວ​ໄປ​ເປັນ​ເມຍ​ຂອງ​ຊາຍ​ອື່ນ ລາວ​ກໍ​ເອົາ​ນາງ​ກັບຄືນ​ມາ​ບໍ່ໄດ້​ອີກ. ເລື່ອງ​ແບບ​ນີ້​ເຮັດ​ໃຫ້​ດິນແດນ​ເປັນ​ມົນທິນ​ຢ່າງ​ໝົດສິ້ນ. ແຕ່​ຊາດ​ອິດສະຣາເອນ​ເອີຍ ເຈົ້າ​ມີ​ຄູ່ຮັກ​ຫລາຍ​ຄົນ ແລະ​ບັດນີ້ ພັດ​ຢາກ​ກັບຄືນ​ມາ​ຫາ​ເຮົາ. ພຣະເຈົ້າຢາເວ​ກ່າວ​ດັ່ງນີ້ແຫຼະ.

ເຢເຣມີຢາ 3:8

ຢູດາ​ໄດ້​ເຫັນ​ເຊັ່ນກັນ​ວ່າ ເຮົາ​ໄດ້​ປະຮ້າງ​ອິດສະຣາເອນ ແລະ ສົ່ງ​ນາງ​ໜີໄປ​ເພາະ​ນາງ​ໄດ້​ຫັນໜີ​ຈາກ​ເຮົາ​ໄປ​ເປັນ​ຍິງ​ແມ່ຈ້າງ. ແຕ່​ຢູດາ ນ້ອງສາວ​ຜູ້​ທີ່​ບໍ່​ສັດຊື່​ຂອງ​ອິດສະຣາເອນ​ບໍ່ໄດ້​ຢ້ານກົວ​ເລີຍ. ນາງ​ເປັນ​ຍິງ​ແມ່ຈ້າງ​ເຊັ່ນດຽວ​ກັນ

ເຢເຣມີຢາ 4:18

ຢູດາ​ເອີຍ ເຈົ້າ​ໄດ້​ນຳ​ເອົາ​ສິ່ງ​ເຫຼົ່ານີ້​ມາ​ສູ່​ເຈົ້າ​ເອງ ໂດຍ​ວິທີ​ດຳເນີນ​ຊີວິດ​ຂອງ​ເຈົ້າ ແລະ​ໂດຍ​ສິ່ງ​ຕ່າງໆ​ທີ່​ເຈົ້າ​ໄດ້​ປະພຶດ. ບາບ​ຂອງເຈົ້າ​ໄດ້​ກໍ່​ໃຫ້​ເກີດ​ຄວາມ​ທຸກ​ລຳບາກ​ນີ້; ສະນັ້ນ ມັນ​ຈຶ່ງ​ແທງ​ຈິດໃຈ​ຂອງເຈົ້າ​ໃຫ້​ຊອດ.

ໂຮເສອາ 4:5

ພວກເຈົ້າ​ເຮັດ​ຜິດ​ທັງ​ກາງເວັນ​ແລະ​ກາງຄືນ ພວກ​ຜູ້ທຳນວາຍ​ກໍ​ບໍ່​ດີ​ລື່ນ​ໄປ​ກວ່າ​ພວກເຈົ້າ. ເຮົາ​ກຳລັງ​ຈະ​ທຳລາຍ​ແມ່​ຂອງ​ພວກເຈົ້າ.

ລະບຽບ^ພວກເລວີ 25:39

ຖ້າ​ພີ່ນ້ອງ​ຊົນຊາດ​ອິດສະຣາເອນ​ທີ່​ຢູ່​ໃກ້​ພວກເຈົ້າ ຕົກທຸກ​ໄດ້ຍາກ​ທີ່ສຸດ ຈົນ​ຂາຍ​ຕົນເອງ​ເປັນ​ທາດຮັບໃຊ້​ພວກເຈົ້າ; ຢ່າ​ປະຕິບັດ​ຕໍ່​ລາວ​ເໝືອນ​ດັ່ງ​ຄົນ​ຮັບໃຊ້.

ມັດທາຍ 18:25

ເມື່ອ​ລາວ​ບໍ່ມີ​ສິ່ງໃດ​ເພື່ອ​ໃຊ້​ໜີ້​ຄືນ ສະນັ້ນ ກະສັດ​ຈຶ່ງ​ສັ່ງ​ໃຫ້​ຂາຍ​ຕົວ​ພ້ອມ​ທັງ​ເມຍ​ແລະ​ລູກ ຕະຫລອດ​ທັງ​ທຸກສິ່ງ​ທີ່​ລາວ​ມີ​ເພື່ອ​ເອົາ​ເງິນ​ມາ​ໃຊ້​ໜີ້.

ພຣະບັນຍັດສອງ 32:30

ເປັນຫຍັງ​ຄົນ​ຜູ້ດຽວ​ນັ້ນ ຈຶ່ງ​ຊະນະ​ຄົນ​ເປັນພັນ ແລະ​ເປັນຫຍັງ​ພຽງ​ສອງ​ຄົນ ຈຶ່ງ​ຊະນະ​ຄົນ​ເປັນ​ໝື່ນ? ກໍ​ເພາະວ່າ​ພຣະເຈົ້າ​ໄດ້​ປະຖິ້ມ​ພວກເຂົາ ພຣະເຈົ້າຢາເວ​ອົງ​ຍິ່ງໃຫຍ່​ໄດ້​ໃຫ້​ພວກເຂົາ​ພ່າຍແພ້.