ເອຊາຢາ 5:26 - ພຣະຄຳພີສັກສິ

²⁶ ພຣະອົງ​ເຮັດ​ສັນຍາ​ເອີ້ນ​ເອົາ​ຊາດ​ໜຶ່ງ​ທີ່​ຢູ່​ຫ່າງໄກ. ພຣະອົງ​ຖິວ​ເອົາ​ພວກເຂົາ​ມາ​ແຕ່​ທີ່ສຸດປາຍ​ແຜ່ນດິນ​ໂລກ. ພວກເຂົາ​ມາ​ຢ່າງ​ວ່ອງໄວ​ໂດຍ​ບໍ່​ຊັກຊ້າ

ເອຊາຢາ 5:26 Jak'a apnaqawi uñst'ayäwi

ເພງ^ສັນລະເສີນ 60:4

ພຣະອົງ​ຕັກເຕືອນ​ພວກ​ທີ່​ຢຳເກງ​ພຣະອົງ ເພື່ອ​ວ່າ​ພວກເຂົາ​ຈະ​ໄດ້​ຫລົບ​ໜີ​ຈາກ​ການທຳລາຍ.

ເພງ^ສັນລະເສີນ 72:8

ອານາຈັກ​ຈະ​ຂະຫຍາຍ​ແຕ່​ທະເລ​ນີ້​ຫາ​ທາງ​ອື່ນ​ໄກ ຈາກ​ແມ່ນໍ້າ​ເອີຟຣັດ​ຈົນເຖິງ​ທີ່ສຸດ​ປາຍ​ແຜ່ນດິນ​ໂລກ.

ເອຊາຢາ 10:3

ພວກເຈົ້າ​ຈະ​ເຮັດ​ຢ່າງໃດ​ເມື່ອ​ພຣະເຈົ້າ​ລົງໂທດ​ພວກເຈົ້າ? ພວກເຈົ້າ​ຈະ​ເຮັດ​ຢ່າງໃດ ເມື່ອ​ພຣະອົງ​ນຳ​ໄພພິບັດ​ຈາກ​ດິນແດນ​ທີ່​ຫ່າງໄກ​ມາ​ສູ່​ພວກເຈົ້າ? ພວກເຈົ້າ​ຈະ​ແລ່ນ​ໄປ​ຫາ​ຜູ້ໃດ​ໃຫ້​ມາ​ຊ່ວຍເຫລືອ? ພວກເຈົ້າ​ຈະ​ເຊື່ອງ​ຊັບສົມບັດ​ຂອງ​ພວກເຈົ້າ​ໄວ້​ຢູ່​ທີ່ໃດ?

ເອຊາຢາ 11:12

ອົງພຣະ​ຜູ້​ເປັນເຈົ້າ​ຈະ​ຍົກ​ທຸງ​ຂຶ້ນ​ເປັນ​ສັນຍານ ເພື່ອ​ສະແດງ​ໃຫ້​ຊົນຊາດ​ຕ່າງໆ​ຮູ້​ວ່າ ພຣະອົງ​ກຳລັງ​ເຕົ້າໂຮມ​ປະຊາຊົນ​ຂອງ​ພຣະອົງ​ເຂົ້າກັນ ຄື​ປະຊາຊົນ​ຂອງ​ອິດສະຣາເອນ​ແລະ​ຢູດາຍ ທີ່​ກະຈັດ​ກະຈາຍ​ຢູ່​ຕາມ​ທິດ​ທັງ​ສີ່​ຂອງ​ໂລກ​ນັ້ນ​ໃຫ້​ກັບຄືນ​ມາ.

ເອຊາຢາ 13:2

ທີ່​ຈອມພູ​ຫົວໂຫລ້ນ ຈົ່ງ​ຍົກ​ທຸງ​ສູ້ຮົບ​ຂຶ້ນ​ສາ ຈົ່ງ​ຮ້ອງ​ສັ່ງ​ພວກ​ທະຫານ ແລະ​ຍົກ​ອາວຸດ​ຂຶ້ນ​ເປັນ​ສັນຍານ​ໃຫ້​ບຸກໂຈມຕີ ປະຕູ​ເມືອງ​ຂອງ​ພວກ​ທີ່​ອວດອົ່ງ​ຈອງຫອງ.

ເອຊາຢາ 13:3

ອົງພຣະ​ຜູ້​ເປັນເຈົ້າ​ໄດ້​ເອີ້ນ​ເອົາ​ທະຫານ​ທີ່​ທະນົງ​ຕົວ ແລະ​ໄວ້ໃຈ​ໄດ້​ໃຫ້​ເຮັດ​ເສິກ​ຂອງ​ພຣະອົງ ແລະ​ໃຫ້​ລົງໂທດ​ຜູ້​ທີ່​ພຣະອົງ​ໂກດຮ້າຍ.

ເອຊາຢາ 13:4

ຈົ່ງ​ຟັງ​ສຽງ​ທີ່​ເທິງ​ພູ ຄື​ສຽງ​ຂອງ​ຝູງ​ຄົນ​ອັນ​ແໜ້ນໜາ ສຽງ​ຂອງ​ຊົນຊາດ ແລະ​ອານາຈັກ​ຕ່າງໆ​ທີ່​ກຳລັງ​ເຕົ້າໂຮມ​ກັນ. ກອງທັບ​ທັງຫລາຍ​ຂອງ​ພຣະເຈົ້າຢາເວ​ອົງ​ຊົງ​ຣິດອຳນາດ​ຍິ່ງໃຫຍ່​ໄດ້​ຕຽມ​ກຳລັງ​ສູ້ຮົບ.

ເອຊາຢາ 13:5

ພວກເຂົາ​ກຳລັງ​ຍົກທັບ​ມາ​ແຕ່​ທີ່​ໄກ​ສຸດ​ຂອງ​ຟ້າ​ສະຫວັນ. ໃນ​ຄວາມ​ໂກດຮ້າຍ​ຂອງ​ພຣະອົງ ພຣະເຈົ້າຢາເວ​ກຳລັງ​ມາ​ທຳລາຍ​ໝົດ​ທັງປະເທດ.

ເອຊາຢາ 18:3

ຈົ່ງ​ຟັງ​ເດີ ໝົດ​ທຸກຄົນ​ທີ່​ຢູ່​ໃນ​ໂລກນີ້ ຈົ່ງ​ເບິ່ງ​ທຸງໄຊ​ອັນ​ເປັນ​ສັນຍານ​ທີ່​ຈະ​ຖືກ​ຍົກ​ຂຶ້ນ​ເທິງ​ຈອມ​ພູເຂົາ ຈົ່ງ​ຟັງ​ສຽງ​ເປົ່າ​ເຂົາສັດ

ເອຊາຢາ 30:16

ພວກເຈົ້າ​ຊໍ້າພັດ​ວາງແຜນ​ປົບໜີ​ຈາກ​ເຫຼົ່າ​ສັດຕູ​ຂອງ​ພວກເຈົ້າ​ໂດຍ​ຂີ່​ມ້າ​ໜີໄປ. ພວກເຈົ້າ​ເຮັດ​ຖືກຕ້ອງ​ແລ້ວ ການແລ່ນ​ເປີດໜີ​ແມ່ນ​ສິ່ງ​ທີ່​ພວກເຈົ້າ​ຕ້ອງ​ເຮັດ ພວກເຈົ້າ​ຄິດວ່າ​ມ້າ​ທີ່​ພວກເຈົ້າ​ຂີ່​ນັ້ນ​ແລ່ນ​ໄວ​ພໍ ແຕ່​ຄົນ​ທີ່​ໄລ່ຕາມ​ນັ້ນ​ຈະ​ໄປ​ໄວກວ່າ

ເອຊາຢາ 31:9

ຈັກກະພັດ​ຂອງ​ພວກເຂົາ​ຈະ​ແລ່ນ​ປົບໜີໄປ​ດ້ວຍ​ຄວາມຢ້ານ​ອັນ​ໃຫຍ່ ແລະ​ບັນດາ​ນາຍ​ທະຫານ​ຈະ​ຢ້ານ​ຫລາຍ​ທີ່ສຸດ ຈົນ​ປະຖິ້ມ​ທຸງ​ສູ້ຮົບ​ປົບໜີໄປ.” ພຣະເຈົ້າຢາເວ​ອົງ​ທີ່​ພວກເຈົ້າ​ນະມັດສະການ​ຢູ່​ໃນ​ນະຄອນ​ເຢຣູຊາເລັມ ແລະ​ອົງ​ທີ່​ພວກເຈົ້າ​ເຜົາ​ເຄື່ອງບູຊາ​ຖວາຍ​ຢູ່​ໃນ​ທີ່ນັ້ນ​ໄດ້​ກ່າວ​ດັ່ງນີ້ແຫລະ.

ເອຊາຢາ 39:3

ແລ້ວ​ຜູ້ທຳນວາຍ​ເອຊາຢາ​ກໍໄດ້​ມາ​ຫາ​ເຈົ້າ​ເຮເຊກີຢາ ແລະ​ຖາມ​ເພິ່ນ​ວ່າ, “ຄົນ​ເຫຼົ່ານີ້​ມາ​ແຕ່​ໃສ ແລະ​ພວກເຂົາ​ເວົ້າ​ຫຍັງແດ່​ກັບ​ທ່ານ?” ເຈົ້າ​ເຮເຊກີຢາ​ໄດ້​ຕອບ​ວ່າ, “ພວກເຂົາ​ມາ​ແຕ່​ປະເທດ​ໄກ ຄື​ມາ​ຈາກ​ບາບີໂລນ.”

ເອຊາຢາ 7:18

ເມື່ອ​ເວລາ​ນັ້ນ​ມາ​ເຖິງ ພຣະເຈົ້າຢາເວ​ຈະ​ຖິວ​ປາກ​ເປັນ​ສັນຍານ ເອີ້ນ​ເອົາ​ຄົນ​ເອຢິບ​ມາ​ດັ່ງ​ຝູງ​ແມງໄມ້​ຈາກ​ຕົ້ນ​ກຳເນີດ​ຂອງ​ແມ່ນໍ້ານິນ ແລະ​ຖິວ​ປາກ​ເອົາ​ຄົນ​ອັດຊີເຣຍ​ມາ​ດັ່ງ​ຝູງ​ໂຕ​ເຜິ້ງ​ຈາກ​ປະເທດ​ຂອງ​ພວກເຂົາ.

ເຢເຣມີຢາ 4:13

ຈົ່ງ​ເບິ່ງ​ພຸ້ນ​ດຸ ສັດຕູ​ກຳລັງ​ມາ​ດັ່ງ​ກ້ອນເມກ. ລົດຮົບ​ຂອງ​ພວກເຂົາ​ແລ່ນ​ມາ​ດັ່ງ​ລົມ​ບ້າໝູ ແລະ​ມ້າ​ຂອງ​ພວກເຂົາ​ກໍ​ແລ່ນ​ໄວ​ດັ່ງ​ນົກອິນຊີ. ພວກເຮົາ​ໄດ້​ເສຍໄຊ ຄາວ​ເຄາະກຳ​ມາເຖິງ​ສາ​ແລ້ວ.

ເຢເຣມີຢາ 5:15

ພຣະເຈົ້າຢາເວ​ກ່າວ​ດັ່ງນີ້​ວ່າ, “ປະຊາຊົນ​ອິດສະຣາເອນ​ເອີຍ ເຮົາ​ກຳລັງ​ນຳ​ເອົາ​ຊົນຊາດ​ໜຶ່ງ​ຈາກ​ທີ່​ຫ່າງໄກ​ມາ​ໂຈມຕີ​ພວກເຈົ້າ. ເປັນ​ຊົນຊາດ​ທີ່​ເຂັ້ມແຂງ ແລະ​ແຕ່ດຶກດຳ​ບັນ ເປັນ​ຊົນຊາດ​ໜຶ່ງ​ທີ່​ພວກເຈົ້າ​ບໍ່​ຮູ້ຈັກ​ພາສາ.

ເຢເຣມີຢາ 51:27

“ຈົ່ງ​ໃຫ້​ສັນຍານ​ໂຈມຕີ ຈົ່ງ​ເປົ່າແກ​ຂຶ້ນ​ເພື່ອ​ຊົນຊາດ​ຕ່າງໆ​ຈະ​ໄດ້ຍິນ ຈົ່ງ​ໃຫ້​ຊົນຊາດ​ທັງຫລາຍ​ຕຽມ​ເຮັດ​ເສິກ​ຕໍ່ສູ້​ບາບີໂລນ ຈົ່ງ​ບອກ​ໃຫ້​ອານາຈັກ​ອາຣາຣັດ, ມິນນີ ແລະ​ອັດຊະເກນາດ ຕຽມ​ໂຈມຕີ. ຈົ່ງ​ແຕ່ງຕັ້ງ​ນາຍ​ທະຫານ​ຜູ້ໜຶ່ງ​ໃຫ້​ນຳພາ​ການ​ໂຈມຕີ. ຈົ່ງ​ນຳ​ຝູງມ້າ​ມາ​ໃຫ້​ຫລາຍ​ດັ່ງ​ຝູງຕັກແຕນ.

ເພງ^ຄໍ່າຄວນ 4:19

ພວກເຂົາ​ໄດ້​ໄລ່​ຕິດຕາມ​ພວກເຮົາ​ວ່ອງໄວ​ດັ່ງ​ນົກອິນຊີ​ໃນ​ທ້ອງຟ້າ, ພວກມັນ​ບິນ​ລົງ​ມາ​ສະກົດຮອຍ​ຕາມ​ພວກເຮົາ​ຢູ່. ພວກມັນ​ໄລ່​ຕິດ​ຕາມ​ເທິງ​ພູ​ທັງຫຼາຍ​ເພື່ອ​ຄອຍ​ຈັບ​ເອົາ​ພວກເຮົາ ຢ່າງ​ບໍ່​ຮູ້ຕົວ​ໃນ​ຖິ່ນ​ແຫ້ງແລ້ງ​ກັນດານ​ນັ້ນ.

ເອເຊກຽນ 38:17

ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ວ່າ ເຈົ້າ​ແມ່ນ​ຜູ້​ທີ່​ເຮົາ​ໄດ້​ກ່າວ​ເຖິງ​ແຕ່​ດົນນານ​ມາ​ແລ້ວ ເມື່ອ​ເຮົາ​ໄດ້​ປະກາດ​ຜ່ານ​ທາງ​ບັນດາ​ຜູ້ຮັບໃຊ້​ຂອງເຮົາ ຄື​ຜູ້ທຳນວາຍ​ຂອງ​ອິດສະຣາເອນ ວ່າ​ໃນ​ມື້​ທີ່​ຈະ​ມາ​ເຖິງ​ນັ້ນ ເຮົາ​ຈະ​ນຳ​ຜູ້ໃດ​ຜູ້ໜຶ່ງ​ມາ​ໂຈມຕີ​ຊາດ​ອິດສະຣາເອນ.”

ໂຢເອນ 2:7

ມັນ​ໂຈມຕີ​ເກັ່ງ ດັ່ງ​ນັກຮົບ​ໂຈມຕີ ມັນ​ປີນ​ກຳແພງ​ດັ່ງ​ທະຫານ​ປີນ​ຂຶ້ນ. ທັງໝົດ​ຕ່າງ​ກໍ​ກ້າວເດີນ​ໄປ​ເປັນ​ຖັນແຖວ ເດີນ​ໄປ​ຊື່ກົງ​ບໍ່​ຫັນປ່ຽນ​ໄປ​ທິດອື່ນ

ຮາບາກຸກ 1:8

ມ້າ​ຂອງ​ພວກເຂົາ​ຊຶ່ງ​ກຳລັງ​ອຶດຫິວ​ເຫຍື່ອ​ກໍ​ແລ່ນ​ໄວກວ່າ​ເສືອດາວ ທັງ​ຮ້າຍກາດ​ກວ່າ​ໝາໄນ. ທະຫານ​ຂອງ​ພວກເຂົາ​ຂີ່​ມ້າ​ຫອບ​ມາ​ແຕ່​ດິນແດນ​ໄກ; ກີບ​ຕີນ​ມ້າ​ຂອງ​ພວກເຂົາ​ກະທືບ​ພື້ນດິນ. ພວກມັນ​ເຈີດ​ລົງ​ກິນ​ເຫຍື່ອ​ເໝືອນ​ດັ່ງ​ນົກອິນຊີ.

ເຊກາຣີຢາ 10:8

ເຮົາ​ຈະ​ເອີ້ນ​ເອົາ​ປະຊາຊົນ​ຂອງເຮົາ ແລະ​ທ້ອນໂຮມ​ພວກເຂົາ​ເຂົ້າ​ມາ​ຫາ​ກັນ​ໄວ້. ເຮົາ​ຈະ​ໄຖ່​ເອົາ​ພວກເຂົາ ເຮັດ​ໃຫ້​ພວກເຂົາ​ມີ​ຈຳນວນ​ຫລາຍ​ຄື​ດັ່ງ​ແຕ່​ກ່ອນ.

ມາລາກີ 1:11

ນາມຊື່​ຂອງ​ເຮົາ​ເປັນ​ທີ່​ຍິ່ງໃຫຍ່​ໃນ​ທ່າມກາງ​ບັນດາ​ປະຊາຊາດ​ທົ່ວໂລກ ຈາກ​ທິດ​ຕາເວັນອອກ​ເຖິງ​ທິດ​ຕາເວັນຕົກ. ໃນ​ທຸກທີ່​ທຸກບ່ອນ​ມີ​ຄົນ​ເຜົາ​ເຄື່ອງຫອມ​ຖວາຍ​ແກ່​ນາມຊື່​ຂອງ​ເຮົາ ແລະ​ໄດ້ນຳ​ເຄື່ອງບູຊາ​ທີ່​ບໍຣິສຸດ​ມາຖວາຍ​ແກ່​ນາມຊື່​ຂອງ​ເຮົາ. ເພາະ​ນາມຊື່​ຂອງ​ເຮົາ​ເປັນ​ທີ່​ຍິ່ງໃຫຍ່​ໃນ​ທ່າມກາງ​ບັນດາ​ປະຊາຊາດ.” ພຣະເຈົ້າຢາເວ​ກ່າວ​ດັ່ງນີ້ແຫຼະ.

ພຣະບັນຍັດສອງ 28:49

ພຣະເຈົ້າຢາເວ​ຈະ​ນຳ​ຊົນຊາດ​ທີ່​ຢູ່​ສຸດປາຍ​ແຜ່ນດິນ​ໂລກ ຊຶ່ງ​ພວກເຈົ້າ​ບໍ່​ຮູ້ຈັກ​ພາສາ ມາ​ຕໍ່ສູ້​ພວກເຈົ້າ. ພວກເຂົາ​ຈະ​ບຸກ​ຖະຫຼົ່ມ​ໂຈມຕີ​ພວກເຈົ້າ ເໝືອນ​ດັ່ງ​ນົກອິນຊີ​ບິນ​ລົງ​ຈັບ​ເຫຍື່ອ.