ເອຊາຢາ 5:10 - ພຣະຄຳພີສັກສິ

¹⁰ ເບ້ຍ​ອະງຸ່ນ​ທີ່​ປູກ​ຢູ່​ໃນ​ທີ່ດິນ​ສິບສອງ​ໄຮ່​ຈະ​ກັ່ນ​ເຫຼົ້າ​ອະງຸ່ນ​ໄດ້ ພຽງ​ແປດ​ລິດ​ເທົ່ານັ້ນ. ຫວ່ານ​ແນວປູກ​ໄປ​ແປດສິບ​ລິດ ຈະ​ເກັບກ່ຽວ​ພືດຜົນ​ເປັນເມັດ​ໄດ້​ພຽງແຕ່​ແປດ​ລິດ​ເທົ່ານັ້ນ.”

ເອຊາຢາ 5:10 Jak'a apnaqawi uñst'ayäwi

ອົບພະຍົບ 37:22

ດອກໄມ້​ຈູມ ແລະ​ກິ່ງ ເຮັດ​ໃຫ້​ເປັນ​ເນື້ອ​ດຽວກັນ​ກັບ​ຫລັກ​ຕະກຽງ​ດ້ວຍ​ຄຳສົດ.

ເອຊາຢາ 32:13

ແລະ​ພຸ່ມໜາມ​ນ້ອຍໃຫຍ່​ກຳລັງ​ຈະ​ເກີດຂຶ້ນ​ໃນ​ດິນແດນ​ປະຊາຊົນ​ຂອງເຮົາ. ຈົ່ງ​ຮ້ອງໄຫ້​ຮໍ່າໄຮ​ເຖິງ​ເຮືອນ​ທີ່​ເຄີຍ​ຢູ່​ຢ່າງ​ຜາສຸກ ແລະ​ເຖິງ​ເມືອງ​ທີ່​ເຕັມ​ໄປ​ດ້ວຍ​ຊີວິດ​ຊີວາ​ນັ້ນ​ສາ.

ເອຊາຢາ 7:23

ເມື່ອ​ເວລາ​ນັ້ນ​ມາ​ເຖິງ ສວນ​ທີ່​ມີ​ເຄືອ​ອະງຸ່ນ​ດີ​ພັນ​ຕົ້ນ​ແລະ​ມີ​ລາຄາ​ພັນ​ຫລຽນ ກໍ​ຈະ​ເຕັມ​ໄປ​ດ້ວຍ​ກົກ​ໜາມ​ແລະ​ພຸ່ມໄມ້.

ເຢເຣມີຢາ 48:33

ຄວາມສຸກ ແລະ​ຄວາມ​ຊົມຊື່ນ​ຍິນດີ​ໄດ້​ຖືກ​ນຳ​ເອົາ​ໜີໄປ​ຈາກ​ທີ່ດິນ​ອັນ​ອຸດົມສົມບູນ​ຂອງ​ໂມອາບ. ເຮົາ​ໄດ້​ເຮັດ​ໃຫ້​ນໍ້າ​ອະງຸ່ນ​ເຊົາ​ໄຫລ​ຈາກ​ທີ່​ບີບ​ໝາກອະງຸ່ນ; ບໍ່ມີ​ຄົນ​ເຮັດ​ເຫຼົ້າ​ອະງຸ່ນ​ອີກ​ແລ້ວ ແລະ​ບໍ່ມີ​ສຽງ​ໂຮຮ້ອງ​ຊົມຊື່ນ​ຍິນດີ.

ໂຢເອນ 1:17

ເມັດພືດ​ຕາຍ​ໃນ​ດິນ​ແຫ້ງ ບໍ່ມີ​ເຂົ້າ​ໃນ​ສາງ ເລົ້າເຂົ້າ​ຖືກ​ມ້າງລົງ​ໃຫ້​ເພພັງ​ໝົດສິ້ນ.

ລະບຽບ^ພວກເລວີ 26:26

ເມື່ອ​ເຮົາ​ທຳລາຍ​ອາຫານ​ຫລັກ​ຂອງ​ພວກເຈົ້າ, ແມ່ຍິງ​ສິບ​ຄົນ​ຈະ​ໃຊ້​ເຕົາ​ໜ່ວຍ​ດຽວ​ອົບ​ເຂົ້າຈີ່. ພວກເຂົາ​ຈະ​ກຳນົດ​ອັດຕາ​ອາຫານ​ໃຫ້ ແລະ​ເມື່ອ​ພວກເຈົ້າ​ກິນ​ແລ້ວ, ແຕ່​ຍັງ​ຈະ​ຫິວ​ຢູ່.

ລະບຽບ^ພວກເລວີ 27:16

ຖ້າ​ຜູ້ໜຶ່ງ​ມອບ​ທີ່ດິນ​ຂອງຕົນ​ສ່ວນໃດ​ສ່ວນໜຶ່ງ​ຖວາຍ​ແກ່​ພຣະເຈົ້າຢາເວ ໃຫ້​ຕີ​ລາຄາ​ທີ່ດິນ​ນັ້ນ​ຕາມ​ຈຳນວນ​ພືດ​ທີ່​ໄດ້​ຫວ່ານ​ລົງ​ໄປ​ຄື: ອັດຕາ​ເງິນ​ຫ້າສິບ​ແທ່ງ​ຕໍ່​ເຂົ້າເດືອຍ​ຊາວ​ກິໂລກຼາມ.

ຮັກກາຍ 1:6

ພວກເຈົ້າ​ຫວ່ານ​ເມັດພືດ​ຢ່າງ​ຫລວງຫລາຍ ແຕ່​ເກັບກ່ຽວ​ໄດ້​ໜ້ອຍດຽວ. ພວກເຈົ້າ​ມີ​ອາຫານ ແຕ່​ກໍ​ກິນ​ບໍ່​ພໍ​ອີ່ມ. ພວກເຈົ້າ​ມີ​ເຫຼົ້າ​ອະງຸ່ນ ແຕ່​ກໍ​ດື່ມ​ບໍ່​ພໍ​ເມົາ ພວກເຈົ້າ​ມີ​ເຄື່ອງນຸ່ງຫົ່ມ ແຕ່​ກໍ​ອົບອຸ່ນ​ບໍ່​ພຽງພໍ. ຄົນ​ເຮັດ​ວຽກ​ໜັກ​ກໍ​ລ້ຽງ​ຊີບ​ຕົນ​ບໍ່​ພໍ​ກຸ້ມ.

ຮັກກາຍ 2:16

ພວກເຈົ້າ​ຕ່າງ​ກໍ​ໄປ​ທີ່​ກອງ​ເຂົ້າ ໂດຍ​ຫວັງ​ວ່າ​ຈະ​ໄດ້​ສອງຮ້ອຍ​ກິໂລກຼາມ; ແຕ່​ໃນ​ທີ່ນັ້ນ​ມີ​ເຂົ້າ​ພຽງ​ໜຶ່ງຮ້ອຍ​ກິໂລກຼາມ​ເທົ່ານັ້ນ. ພວກເຈົ້າ​ຄວນ​ຈະ​ໄດ້​ເຫຼົ້າ​ອະງຸ່ນ​ຈາກ​ຖັງ​ໜຶ່ງຮ້ອຍ​ລິດ ແຕ່​ພວກເຈົ້າ​ໄດ້​ພຽງ​ຫ້າສິບ​ລິດ​ເທົ່ານັ້ນ.

ພຣະບັນຍັດສອງ 28:38

ພວກເຈົ້າ​ຈະ​ຫວ່ານ​ພືດ​ຢ່າງ​ຫລວງຫລາຍ, ແຕ່​ຈະ​ເກັບກ່ຽວ​ໄດ້​ໜ້ອຍ​ດຽວ ເພາະ​ຕັກແຕນ​ຈະ​ມາ​ກິນ​ພືດຜົນ​ນັ້ນ.

ພຣະບັນຍັດສອງ 28:39

ພວກເຈົ້າ​ຈະ​ປູກ​ຕົ້ນອະງຸ່ນ​ແລະ​ເອົາໃຈໃສ່​ບົວລະບັດ​ມັນ, ແຕ່​ພວກເຈົ້າ​ຈະ​ບໍ່ໄດ້​ເກັບ​ໝາກ ຫລື​ແມ່ນແຕ່​ດື່ມ​ເຫຼົ້າ​ອະງຸ່ນ​ເລີຍ ເພາະ​ໂຕ​ບົ້ງ, ໂຕ​ໜອນ​ຈະ​ກັດ​ກິນ​ຕົ້ນ​ຂອງ​ມັນ.