ເອຊາຢາ 44:7 - ພຣະຄຳພີສັກສິ

⁷ ມີ​ຜູ້ໃດ​ອີກ​ແດ່​ເຮັດ​ສິ່ງ​ທີ່​ເຮົາ​ໄດ້​ເຮັດ​ມາ? ຜູ້ໃດ​ແດ່​ບອກ​ເຖິງ​ສິ່ງ​ທີ່​ເກີດຂຶ້ນ​ລ່ວງໜ້າ​ໄດ້ ຄື​ເຫດການ​ທັງໝົດ​ນັ້ນ​ທີ່​ໄດ້​ເກີດຂຶ້ນ​ມາ ຕັ້ງແຕ່​ປະຖົມມະການ​ເຖິງ​ອະວະສານ​ພຸ້ນ?

ເອຊາຢາ 44:7 Jak'a apnaqawi uñst'ayäwi

ເອຊາຢາ 19:12

ກະສັດ​ແຫ່ງ​ເອຢິບ​ເອີຍ ບັນດາ​ທີ່ປຶກສາ​ຜູ້​ຫລັກແຫລມ​ຂອງເຈົ້າ​ໄປ​ໃສ​ໝົດ? ບາງທີ​ພວກເຂົາ​ອາດ​ບອກ​ເຈົ້າ​ໄດ້​ວ່າ ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ມີ​ແຜນການ​ຫຍັງແດ່​ຕໍ່ສູ້​ເອຢິບ​ກໍໄດ້.

ເອຊາຢາ 41:22

ຈົ່ງ​ມາ​ທີ່ນີ້ ແລະ​ທຳນວາຍ​ສິ່ງ​ທີ່​ເກີດຂຶ້ນ​ເບິ່ງດູ ເພື່ອ​ຈະ​ໄດ້​ຮູ້ເຫັນ​ວ່າ​ມັນ​ເກີດຂຶ້ນ​ເມື່ອໃດ​ແທ້ ຈົ່ງ​ອະທິບາຍ​ເຫດການ​ໃນ​ອະດີດ​ໃຫ້​ສານ​ຟັງ ບອກ​ວ່າ, ທຸກສິ່ງ​ນັ້ນ​ໝາຍຄວາມວ່າ​ຢ່າງໃດ​ແທ້.

ເອຊາຢາ 41:23

ຈົ່ງ​ບອກ​ວ່າ, ໃນ​ອະນາຄົດ​ຈະ​ມີ​ຫຍັງ​ເກີດຂຶ້ນ​ມາ ແລ້ວ​ພວກເຮົາ​ກໍ​ຈະ​ໄດ້​ຮູ້ວ່າ​ພວກເຈົ້າ​ຄື​ພະເຈົ້າ ຈົ່ງ​ເຮັດ​ສິ່ງດີ​ບາງ​ຢ່າງ​ຫລື​ນຳ​ໄພພິບັດ​ມາ​ເບິ່ງດູ; ຈົ່ງ​ເຮັດ​ໃຫ້​ຢ້ານກົວ​ອົກສັ່ນ​ຂວັນເສຍ​ລອງເບິ່ງ

ເອຊາຢາ 41:26

ຜູ້ໃດ​ໃນ​ພວກເຈົ້າ​ທຳນວາຍ​ວ່າ​ສິ່ງນີ້​ຈະ​ເກີດ​ມາ ເພື່ອ​ເຮົາ​ຈະ​ເວົ້າ​ໄດ້​ວ່າ​ພວກເຈົ້າ​ຄື​ຝ່າຍ​ຖືກຕ້ອງ? ບໍ່ມີ​ຜູ້ໃດ​ໃນ​ພວກເຈົ້າ​ເວົ້າ​ເຖິງ​ເລື່ອງນີ້​ຈັກ​ຄຳໜຶ່ງ​ໄດ້​ເລີຍ ບໍ່ມີ​ຜູ້ໃດ​ໄດ້ຍິນ​ພວກເຈົ້າ​ເວົ້າ​ສິ່ງໃດ​ຈັກດີ້

ເອຊາຢາ 41:4

ຜູ້ໃດ​ເປັນ​ຜູ້​ທີ່​ເຮັດ​ໃຫ້​ເຫດການ​ນີ້​ເກີດຂຶ້ນມາ? ຜູ້ໃດ​ໄດ້​ກຳນົດ​ກົດເກນ​ກົງລໍ້​ປະຫວັດສາດ? ເຮົາ​ຄື​ພຣະເຈົ້າຢາເວ​ຢູ່​ທີ່ນັ້ນ​ຕັ້ງແຕ່​ຕົ້ນມາ ແລະ​ຢູ່​ທີ່ນັ້ນ​ຈົນ​ຈົບສິ້ນ.

ເອຊາຢາ 43:12

ເຮົາ​ກ່າວ​ລ່ວງໜ້າ​ສິ່ງ​ທີ່​ຕ້ອງ​ເກີດຂຶ້ນ​ມາ ແຕ່​ແລ້ວ​ເຮົາ​ກໍໄດ້​ມາ​ຊ່ວຍເຫລືອ​ພວກເຈົ້າ​ໄວ້. ບັນດາ​ພະ​ຕ່າງຊາດ​ບໍ່ເຄີຍ​ເຮັດ​ຢ່າງນີ້​ເລີຍ ພວກເຈົ້າ​ເປັນ​ພະຍານ​ໃຫ້​ເຮົາ​ໄດ້. ພຣະເຈົ້າຢາເວ​ກ່າວ​ດັ່ງນີ້ແຫຼະ.

ເອຊາຢາ 43:9

ຈົ່ງ​ໝາຍເກາະ​ບັນດາ​ຊົນຊາດ​ໃຫ້​ມາ​ສູ້​ຄະດີ​ກັນ ມີ​ພະ​ຕົນໃດ​ໃນ​ພວກເຂົາ ທຳນວາຍ​ອະນາຄົດ​ໄດ້? ມີ​ພະ​ຕົນໃດ​ແດ່ ບອກ​ກ່ອນ​ເຖິງ​ສິ່ງ​ຈະ​ມີ​ມາ? ຂໍ​ໃຫ້​ພະ​ເຫຼົ່ານີ້​ນຳ​ພະຍານ​ຂອງ​ພວກເຂົາ​ມາ​ເບິ່ງ ເພື່ອ​ພິສູດ​ວ່າ​ຝ່າຍ​ຖືກຕ້ອງ​ເປັນ​ຂອງ​ພວກເຂົາ ເພື່ອ​ຢັ້ງຢືນ​ວ່າ​ຄຳ​ທີ່​ພວກເຂົາ​ເວົ້າ​ເປັນຈິງ​ແທ້ໆ.

ເອຊາຢາ 45:21

ຈົ່ງ​ມາ​ສະເໜີ​ຄະດີ​ຂອງ​ພວກເຈົ້າ​ທີ່​ສານ​ເບິ່ງດູ ຈົ່ງ​ໃຫ້​ຈຳເລີຍ​ປຶກສາ​ຊຶ່ງກັນແລະກັນ​ເບິ່ງ. ຜູ້ໃດ​ໄດ້​ກ່າວ​ລ່ວງໜ້າ​ເຖິງ​ສິ່ງ​ທີ່​ຈະ​ເກີດຂຶ້ນ​ນໍ? ບໍ່ແມ່ນ​ເຮົາ​ບໍ ອົງ​ທີ່​ເປັນ​ພຣະເຈົ້າຢາເວ? ຄື​ພຣະເຈົ້າ​ອົງ​ທີ່​ຊອບທຳ​ແລະ​ພຣະຜູ້ຊ່ວຍ; ນອກຈາກ​ເຮົາ​ບໍ່ມີ​ພຣະເຈົ້າ​ອື່ນໃດ​ອີກ​ແລ້ວ.

ກິດຈະການ 17:26

ພຣະອົງ​ໄດ້​ສ້າງ​ມະນຸດ​ທຸກ​ຊາດ ໃຫ້​ເກີດ​ມາ​ຈາກ​ມະນຸດ​ຄົນ​ດຽວ ແລະ​ໃຫ້​ພວກເຂົາ​ຢູ່​ທົ່ວ​ພິພົບ​ໂລກ ພຣະອົງ​ໄດ້​ຊົງ​ກຳນົດ​ເວລາ ແລະ​ກຳນົດ​ເຂດ​ທີ່​ພວກເຂົາ​ຢູ່​ນັ້ນ.

ພຣະບັນຍັດສອງ 32:8

ອົງ​ພຣະຜູ້​ສູງສຸດ​ໄດ້​ໃຫ້​ ຊາດ​ຕ່າງໆ​ມີ​ດິນແດນ​ຂອງຕົນ; ພຣະອົງ​ໄດ້​ກຳນົດ​ບ່ອນ​ໃຫ້​ລູກຫລານ​ຂອງ​ອິດສະຣາເອນ ເປັນ​ບ່ອນ​ທີ່​ພວກເຂົາ​ຈະ​ອາໄສ​ຢູ່ນັ້ນ.