ເອຊາຢາ 44:4 - ພຣະຄຳພີສັກສິ

⁴ ພວກເຂົາ​ຈະ​ໃຫຍ່​ຂຶ້ນ​ດັ່ງ​ຫຍ້າ​ທີ່​ມີ​ນໍ້າ​ລໍ່ລ້ຽງ​ຢ່າງດີ ດັ່ງ​ຕົ້ນໄມ້​ໃກ້​ສາຍ​ທາລາ​ທີ່​ມີ​ນໍ້າ​ໄຫລ​ຢູ່​ບໍ່​ຂາດ.

ເອຊາຢາ 44:4 Jak'a apnaqawi uñst'ayäwi

ພຣະທຳ​ໂຢບ 40:22

ຕົ້ນໜາມ​ແລະ​ຕົ້ນ​ໄຄ້​ຕາມ​ແມ່ນໍ້າ​ລຳທານ ກໍ​ແມ່ນ​ຮົ່ມ​ເປັນ​ທີ່​ພັກເຊົາ​ແກ່​ມັນ​ທັງນັ້ນ.

ພຣະທຳ​ໂຢບ 5:25

ເຈົ້າ​ຈະ​ມີ​ລູກຫລານ​ຫລວງຫລາຍ​ເຫລືອຄະນານັບ ດັ່ງ​ຫຍ້າ​ຊ້ອນ​ຂຽວ​ຊອນລອນ​ຕາມ​ທົ່ງນາ.

ເພງ^ສັນລະເສີນ 1:3

ພວກເຂົາ​ເປັນ​ດັ່ງ​ຕົ້ນໄມ້​ທີ່​ໃຫຍ່​ຢູ່​ໃກ້​ລຳນໍ້າ ຊຶ່ງ​ເກີດ​ໝາກ​ຕາມ​ລະດູການ ແລະ​ໃບ​ກໍ​ບໍ່​ຫ່ຽວແຫ້ງ​ຈັກເທື່ອ. ທຸກສິ່ງ​ທີ່​ພວກເຂົາ​ກະທຳ​ກໍ​ຈະເລີນ​ຮຸ່ງເຮືອງ​ຂື້ນ.

ເອຊາຢາ 48:19

ເຊື້ອສາຍ​ເຈົ້າ​ກໍ​ຈະ​ຫລວງຫລາຍ​ດັ່ງ​ເມັດຊາຍ ເຮົາ​ຈະ​ຮັກສາ​ພວກເຂົາ​ບໍ່​ໃຫ້​ຖືກ​ທຳລາຍ​ຈັກເທື່ອ.”

ເອຊາຢາ 58:11

ແລ້ວ​ພຣະເຈົ້າຢາເວ​ກໍ​ຈະ​ນຳພາ​ເຈົ້າ​ໄປ​ສະເໝີ ແລະ​ຈະ​ໃຫ້​ເຈົ້າ​ໄດ້​ອີ່ມໃຈ​ກັບ​ສິ່ງ​ທີ່ດີ​ທັງຫລາຍ. ເຮົາ​ຈະ​ຮັກສາ​ເຈົ້າ​ໃຫ້​ເຂັ້ມແຂງ​ແລະ​ທັງ​ຈະ​ໃຫ້​ຢູ່ດີ​ກິນດີ​ດ້ວຍ. ເຈົ້າ​ຈະ​ເປັນ​ດັ່ງ​ສວນ​ທີ່​ມີ​ນໍ້າ​ລໍ່ລ້ຽງ​ຢ່າງ​ອຸດົມສົມບູນ ເປັນ​ດັ່ງ​ນໍ້າພຸ​ທີ່​ບໍ່​ແຫ້ງ​ເປັນ​ຈັກເທື່ອ.

ເອຊາຢາ 61:11

ສະນັ້ນ ດັ່ງ​ພື້ນດິນ​ເຮັດ​ໃຫ້​ພືດ​ງອກຂຶ້ນ​ມາ ດັ່ງ​ສວນ​ເຮັດ​ໃຫ້​ພືດ​ທີ່​ຫວ່ານ​ລົງ​ງອກ​ຂຶ້ນ​ນັ້ນ ອົງພຣະ​ຜູ້​ເປັນເຈົ້າ ພຣະເຈົ້າ​ຈະ​ໄດ້​ຊ່ວຍ​ຄົນ​ຂອງ​ພຣະອົງ ແລະ​ທຸກ​ຊົນຊາດ​ກໍ​ຈະ​ຍ້ອງຍໍ​ສັນລະເສີນ​ພຣະອົງ.

ເອເຊກຽນ 17:5

ແລ້ວ​ມັນ​ກໍ​ເອົາ​ເບ້ຍ​ໄມ້​ຕົ້ນ​ໜຶ່ງ​ຈາກ​ດິນແດນ​ອິດສະຣາເອນ​ໄປ​ປູກ​ໃນ​ນາ ທີ່​ມີ​ດິນ​ດີ​ທົ່ງ​ໜຶ່ງ ຄື​ໃນ​ບ່ອນ​ທີ່​ມີ​ນໍ້າ​ຢູ່​ສະເໝີ​ເພື່ອ​ໃຫ້​ມັນ​ໃຫຍ່​ຂຶ້ນ.

ລະບຽບ^ພວກເລວີ 23:40

ໃນວັນນີ້ ຈົ່ງ​ນຳ​ໝາກໄມ້​ຢ່າງດີ​ທີ່ສຸດ​ຈາກ​ຕົ້ນໄມ້​ຂອງ​ພວກເຈົ້າ​ມາ, ໃບ​ຕານ​ກ້ານພ້າວ​ກັບ​ງ່າໄມ້​ທີ່​ມີ​ໃບ​ດົກ ແລະ​ຈົ່ງ​ຊົມຊື່ນຍິນດີ​ຢູ່​ຕໍ່ໜ້າ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ໃນ​ລະຫວ່າງ​ເຈັດ​ວັນ.

ກິດຈະການ 4:4

ມີ​ຫລາຍ​ຄົນ​ໄດ້​ເຊື່ອ​ເມື່ອ​ໄດ້ຍິນ​ຄຳສັ່ງສອນ​ນັ້ນ ແລະ​ມີ​ພວກ​ຜູ້ຊາຍ​ເພີ່ມ​ຂຶ້ນ​ປະມານ​ຫ້າພັນ​ຄົນ.

ກິດຈະການ 5:14

ແຕ່​ມີ​ຊາຍ​ແລະ​ຍິງ​ທີ່​ເຊື່ອ​ໃນ​ອົງພຣະ​ຜູ້​ເປັນເຈົ້າ ເພີ່ມ​ຈຳນວນ​ເຂົ້າ​ມາ​ຕື່ມ​ອີກ​ຫລາຍກວ່າ​ເກົ່າ.