ເອຊາຢາ 44:15 - ພຣະຄຳພີສັກສິ

¹⁵ ມະນຸດ​ໃຊ້​ຕົ້ນໄມ້​ສ່ວນ​ໜຶ່ງ​ເຮັດ​ເປັນ​ເຊື້ອໄຟ ແລະ​ສ່ວນ​ໜຶ່ງ​ເຮັດ​ເປັນ​ຮູບເຄົາຣົບ. ສຳລັບ​ສ່ວນ​ໜຶ່ງ​ນັ້ນ​ໄດ້​ໃຊ້​ເປັນ​ຟືນ​ດັງ​ໄຟ​ຝີງ ໃຫ້​ອົບອຸ່ນ​ແລະ​ອົບ​ເຂົ້າຈີ່; ສຳລັບ​ສ່ວນ​ອື່ນ​ອີກ​ພັດ​ໃຊ້​ເຮັດ​ເປັນ​ພະ​ເພື່ອ​ຂາບໄຫວ້.

ເອຊາຢາ 44:15 Jak'a apnaqawi uñst'ayäwi

2 ຂ່າວຄາວ 25:14

ເມື່ອ​ກະສັດ​ອາມາຊີຢາ​ກັບ​ມາ​ແຕ່​ປາບ​ພວກ​ເອໂດມ​ແລ້ວ ເພິ່ນ​ກໍໄດ້​ນຳ​ເອົາ​ຮູບເຄົາຣົບ​ຂອງ​ພວກເຂົາ​ມາ​ນຳ​ດ້ວຍ. ເພິ່ນ​ໄດ້​ຕັ້ງ​ມັນ​ຂຶ້ນ​ຂາບໄຫວ້ ແລະ​ເຜົາ​ເຄື່ອງຫອມ​ບູຊາ​ມັນ.

ເອຊາຢາ 2:8

ດິນແດນ​ຂອງ​ພວກເຂົາ​ເຕັມ​ໄປ​ດ້ວຍ​ຮູບເຄົາຣົບ ແລະ​ຕ່າງ​ກໍ​ຂາບໄຫວ້​ວັດຖຸ​ທີ່​ຖືກ​ສ້າງ​ຂຶ້ນ​ດ້ວຍ​ມື​ຂອງ​ພວກເຂົາ​ເອງ.

ເອຊາຢາ 44:10

ບໍ່​ເປັນ​ການ​ດີ​ດອກ ທີ່​ໃຊ້​ໂລຫະ​ເຮັດ​ຮູບພະ​ໄວ້​ຂາບໄຫວ້​ເປັນ​ພຣະເຈົ້າ

ເອຊາຢາ 44:14

ລາວ​ອາດ​ຈະ​ຕັດ​ເອົາ​ຕົ້ນແປກ​ມາ​ເຮັດ ຫລື​ໃຊ້​ໄມ້ໂອກ​ຫລື​ໄມ້​ສົນເທດ​ຈາກ​ປ່າ​ມາ​ເຮັດ ຫລື​ລາວ​ອາດ​ຈະ​ປູກ​ຕົ້ນ​ໝາກກໍ່ ແລະ​ລໍຖ້າ​ຝົນ​ຕົກ​ເພື່ອ​ເຮັດ​ໃຫ້​ມັນ​ໃຫຍ່​ຂຶ້ນ.

ເອຊາຢາ 44:16

ໄມ້​ບາງສ່ວນ​ນັ້ນ​ໃຊ້​ເຮັດ​ຟືນ​ດັງ​ໄຟ​ປິ້ງ​ຊີ້ນ​ກິນ​ອີ່ມໜຳ​ສຳລານ. ພວກເຂົາ​ອົບອຸ່ນ​ຮ່າງກາຍ​ແລະ​ເວົ້າ​ວ່າ, “ຊ່າງ​ອົບອຸ່ນ​ດີ​ແທ້ໆ ໄຟນີ້​ຊ່າງ​ລຸກ​ດີ​ແທ້ນໍ.”

ເອຊາຢາ 44:17

ສ່ວນ​ໄມ້​ທີ່​ເຫຼືອ​ນັ້ນ​ພັດ​ເອົາ​ໄປ​ເຮັດ​ຮູບເຄົາຣົບ ແລ້ວ​ກົ້ມ​ລົງ ແລະ​ຂາບໄຫວ້​ທັງ​ພາວັນນາ​ອະທິຖານ​ຕໍ່​ຮູບເຄົາຣົບ ໂດຍ​ເວົ້າ​ວ່າ, “ພະ​ຂອງຂ້ອຍ ໂຜດ​ຊ່ວຍ​ຂ້ອຍ​ດ້ວຍ​ເຖີດ.”

ເອຊາຢາ 45:20

ອົງພຣະ​ຜູ້​ເປັນເຈົ້າ​ຊົງ​ກ່າວ​ວ່າ, “ຈົ່ງ​ພາກັນ​ມາ​ເຖີດ ຊົນຊາດ​ທີ່​ລອດ​ຈາກ​ອານາຈັກ​ລົ້ມ​ທະລາຍ​ນັ້ນ; ສະເໜີ​ພວກເຈົ້າ​ສຳລັບ​ການ​ສອບສວນ​ຄະດີ​ເບິ່ງດູ ຜູ້​ທີ່​ແຫ່​ຂະບວນ​ກັບ​ຮູບເຄົາຣົບ​ໄມ້​ຂອງຕົນ​ນັ້ນ ທັງ​ພາວັນນາ​ອະທິຖານ​ຕໍ່​ບັນດາ​ພະ​ທີ່​ຊ່ວຍ​ຫຍັງ​ບໍ່ໄດ້​ເລີຍ ຄື​ພວກ​ທີ່​ບໍ່​ຮູ້ຈັກ​ເລື່ອງລາວ​ຫຍັງໝົດ.

ເອຊາຢາ 46:6

ປະຊາຊົນ​ໄຂ​ກະເປົາ ແລະ​ຖອກ​ຄຳ​ອອກ​ມາ ຊັ່ງ​ເບິ່ງ​ນໍ້າໜັກ​ເງິນ​ໃສ່​ຊິງ​ທີ່​ພວກເຂົາ​ມີ​ນັ້ນ. ພວກເຂົາ​ຈ້າງ​ຊ່າງ​ຫລອມ​ຄຳ​ໃຫ້​ເຮັດ​ເປັນ​ຮູບພະ ແລ້ວ​ກໍ​ຂາບໄຫວ້​ຮູບພະ​ທີ່​ໄດ້​ສ້າງ​ຂຶ້ນ​ມາ.

ພຣະນິມິດ 9:20

ມະນຸດ​ທີ່​ຍັງເຫລືອ​ຢູ່ ເປັນ​ພວກ​ທີ່​ບໍ່ໄດ້​ຖືກ​ຂ້າ​ດ້ວຍ​ໄພພິບັດ​ເຫຼົ່ານັ້ນ, ກໍ​ຍັງ​ບໍ່ໄດ້​ກັບໃຈ​ເສຍ​ໃໝ່ ຈາກ​ສິ່ງ​ທີ່​ພວກ​ຕົນ​ໄດ້​ເຮັດ​ນັ້ນ, ພວກເຂົາ​ບໍ່​ເຊົາ​ບູຊາ​ຜີມານຮ້າຍ ບູຊາ​ຮູບເຄົາຣົບ​ທີ່​ເຮັດ​ດ້ວຍ​ຄຳ, ດ້ວຍ​ເງິນ, ດ້ວຍ​ທອງ​ເຫລືອງ, ດ້ວຍ​ຫີນ ແລະ​ດ້ວຍ​ໄມ້​ ຊຶ່ງ​ບໍ່​ສາມາດ​ເຫັນ​ໄດ້, ບໍ່​ສາມາດ​ໄດ້ຍິນ ແລະ​ບໍ່​ສາມາດ​ຍ່າງ​ໄປມາ​ໄດ້.

ພວກ^ຜູ້ປົກຄອງ 2:19

ແຕ່​ເມື່ອ​ຜູ້ປົກຄອງ​ຕາຍໄປ​ແລ້ວ ປະຊາຊົນ​ກໍ​ກັບຄືນ​ໄປ​ເຮັດ​ຄືເກົ່າ​ແລະ​ສືບຕໍ່​ເຮັດ​ສິ່ງ​ຊົ່ວຮ້າຍ ຫລາຍກວ່າ​ເຊັ່ນ​ພໍ່​ແມ່​ຂອງ​ພວກເຂົາ​ອີກ. ພວກເຂົາ​ໄດ້​ບົວລະບັດ​ຮັບໃຊ້​ແລະ​ຂາບໄຫວ້​ບັນດາ​ພະອື່ນ ແລະ​ສືບຕໍ່​ປະພຶດ​ຊົ່ວຮ້າຍ​ຕາມ​ວິທີ​ທາງ​ຂອງ​ພວກເຂົາ​ຢ່າງ​ດື້ດຶງ.