ເອຊາຢາ 44:13 - ພຣະຄຳພີສັກສິ

¹³ ຊ່າງ​ໄມ້​ກໍ​ແທກ​ໄມ້, ລາວ​ໃຊ້​ສໍຂາວ​ຂີດ​ຮູບຮ່າງ ພ້ອມ​ທັງ​ໃຊ້​ສິ່ວ​ຄວັດ​ໄມ້ ແລະ​ເຮັດ​ໃຫ້​ເປັນ​ຮູບ​ມະນຸດ ທີ່​ສວຍງາມ​ຕັ້ງ​ໄວ້​ໃນ​ເຮືອນ.

ເອຊາຢາ 44:13 Jak'a apnaqawi uñst'ayäwi

ປະຖົມມະການ 31:19

ລາບານ​ອອກ​ໄປ​ຕັດ​ຂົນແກະ ແລະ​ໃນ​ຂະນະທີ່​ເພິ່ນ​ບໍ່​ຢູ່​ນັ້ນ ນາງ​ຣາເຊັນ​ໄດ້​ເຂົ້າ​ໄປ​ລັກ​ເອົາ​ຮູບເຄົາຣົບ​ປະຈຳ​ຄອບຄົວ​ຂອງ​ພໍ່​ຕົນ​ໄປ​ນຳ.

ປະຖົມມະການ 31:30

ຂ້ອຍ​ຮູ້​ວ່າ​ເຈົ້າ​ປົບໜີ ເພາະ​ຢາກ​ກັບ​ເມືອ​ບ້ານ​ແຮງ, ແຕ່​ເປັນຫຍັງ ເຈົ້າ​ຈຶ່ງ​ເອົາ​ຮູບເຄົາຣົບ​ປະຈຳ​ຄອບຄົວ​ຂອງຂ້ອຍ​ມາ​ນຳ.”

ປະຖົມມະການ 31:32

ແຕ່​ຖ້າ​ເຈົ້າ​ພົບ​ຮູບເຄົາຣົບ​ນຳ​ຜູ້ໃດ​ຜູ້ໜຶ່ງ​ໃນ​ທີ່​ນີ້ ໃຫ້​ຂ້າ​ຜູ້ນັ້ນ​ຖິ້ມ​ໂລດ. ຄົນ​ຂອງເຮົາ​ກໍ​ຢູ່​ທີ່​ນີ້​ເພື່ອ​ເປັນ​ພະຍານ. ຈົ່ງ​ຄົ້ນ​ຫາ​ເອົາ​ທຸກສິ່ງ​ທີ່​ເປັນ​ຂອງ​ເຈົ້າ​ຄືນ​ໄປ.” ຢາໂຄບ​ບໍ່​ຮູ້​ວ່າ ຣາເຊັນ​ໄດ້​ລັກ​ເອົາ​ຮູບເຄົາຣົບ​ມາ​ນຳ.

ປະຖົມມະການ 35:2

ດັ່ງນັ້ນ ຢາໂຄບ​ຈຶ່ງ​ບອກ​ຄົນ​ຢູ່​ໃນ​ຄອບຄົວ ແລະ​ທຸກຄົນ​ທີ່​ອາໄສ​ຢູ່​ນຳ​ຕົນ​ວ່າ, “ຈົ່ງ​ຖິ້ມ​ຮູບ​ພະ​ຂອງ​ຄົນຕ່າງຊາດ​ທີ່​ພວກເຈົ້າ​ມີ​ຢູ່​ນັ້ນ; ຈົ່ງ​ຊຳລະ​ຕົວ​ໃຫ້​ໝົດ​ມົນທິນ ແລະ​ນຸ່ງ​ຫົ່ມ​ເຄື່ອງ​ທີ່​ສະອາດ.

ເອຊາຢາ 41:7

ຊ່າງ​ໄມ້​ເວົ້າ​ຕໍ່​ຊ່າງ​ຄຳ​ວ່າ, ‘ເຈົ້າ​ເຮັດ​ໄດ້​ດີ​ຫລາຍ.’ ຜູ້​ທີ່​ຕີ​ຮູບເຄົາຣົບ​ລະອຽດ​ດີ​ກໍ​ຊູໃຈ​ຜູ້​ທີ່​ໃຊ້​ຕະປູ​ຕອກ​ດ້ວຍ. ເຂົາ​ເວົ້າ​ວ່າ, ‘ເຈົ້າ​ຊຸບ​ໂລຫະ​ເຂົ້າ​ກັນ​ໄດ້​ດີ​ຫລາຍ.’ ຕອກ​ຕະປູ​ເຂົ້າ​ຈຳດີ​ເພື່ອ​ຕໍ່​ສ່ວນຕ່າງໆ​ຂອງ​ຮູບເຄົາຣົບ.

ເອຊາຢາ 44:14

ລາວ​ອາດ​ຈະ​ຕັດ​ເອົາ​ຕົ້ນແປກ​ມາ​ເຮັດ ຫລື​ໃຊ້​ໄມ້ໂອກ​ຫລື​ໄມ້​ສົນເທດ​ຈາກ​ປ່າ​ມາ​ເຮັດ ຫລື​ລາວ​ອາດ​ຈະ​ປູກ​ຕົ້ນ​ໝາກກໍ່ ແລະ​ລໍຖ້າ​ຝົນ​ຕົກ​ເພື່ອ​ເຮັດ​ໃຫ້​ມັນ​ໃຫຍ່​ຂຶ້ນ.

ເອເຊກຽນ 8:10

ສະນັ້ນ ຂ້າພະເຈົ້າ​ຈຶ່ງ​ເຂົ້າ​ໄປ​ເບິ່ງ. ກຳແພງ​ທັງໝົດ​ກໍ​ເຕັມ​ໄປ​ແຕ່​ຮູບ​ແຕ້ມ​ຂອງ​ຝູງ​ງູ ແລະ​ສັດ​ຕ່າງໆ​ທີ່​ເປັນ​ມົນທິນ ແລະ​ຮູບ​ສິ່ງຂອງ​ອື່ນໆ​ອີກ​ທີ່​ຊາວ​ອິດສະຣາເອນ​ກຳລັງ​ຂາບໄຫວ້​ຢູ່.

ເອເຊກຽນ 8:11

ບັນດາ​ຜູ້ນຳ​ຊາວ​ອິດສະຣາເອນ​ເຈັດສິບ​ຄົນ​ກໍ​ຢູ່​ທີ່​ນັ້ນ ແລະ​ຢາອາຊານີຢາ​ລູກຊາຍ​ຂອງ​ຊາຟານ​ກໍ​ຮ່ວມ​ຢູ່​ດ້ວຍ, ແຕ່ລະຄົນ​ກຳລັງ​ຖື​ຖາດ​ເຜົາບູຊາ​ເຄື່ອງຫອມ​ທີ່​ກຳລັງ​ລຸກໄໝ້​ຢູ່ ແລະ​ຄວັນ​ກໍ​ກຳລັງ​ຟົ້ງ​ຂຶ້ນ.

ເອເຊກຽນ 8:12

ພຣະອົງ​ຈຶ່ງ​ຖາມ​ຂ້າພະເຈົ້າ​ວ່າ, “ມະນຸດ​ເອີຍ ເຈົ້າ​ເຫັນ​ບໍ ສິ່ງ​ທີ່​ບັນດາ​ຜູ້ນຳ​ຂອງ​ຊາດ​ອິດສະຣາເອນ​ກຳລັງ​ເຮັດ​ຢູ່​ຢ່າງ​ລັບລີ້​ນັ້ນ? ແຕ່ລະຄົນ​ກໍ​ມີ​ບ່ອນ​ຂາບໄຫວ້​ຮູບເຄົາຣົບ​ຂອງຕົນ. ການ​ແກ້ຕົວ​ຂອງ​ພວກເຂົາ​ຄື: ‘ພຣະເຈົ້າຢາເວ​ບໍ່​ເຫັນ​ພວກເຮົາ​ດອກ ພຣະເຈົ້າຢາເວ​ໄດ້​ປະຖິ້ມ​ປະເທດ​ຂອງເຮົາ​ສາ​ແລ້ວ.”’

ກິດຈະການ 17:29

ໃນ​ເມື່ອ​ພວກເຮົາ​ເປັນ​ເຊື້ອສາຍ​ຂອງ​ພຣະເຈົ້າ ພວກເຮົາ​ກໍ​ບໍ່ຄວນ​ຖື​ວ່າ​ພຣະເຈົ້າ​ເປັນ​ຄື​ຮູບເຄົາຣົບ​ທີ່​ເປັນ​ຄຳ, ທີ່​ເປັນ​ເງິນ, ຫລື​ເປັນ​ຫີນ ທີ່​ຖືກ​ແກະສະຫລັກ​ດ້ວຍ​ສິນລະປະ ດ້ວຍ​ສີມື​ຂອງ​ນາຍຊ່າງ​ຜູ້​ຊຳນານ.

ໂຣມ 1:23

ພວກເຂົາ​ໄດ້​ເອົາ​ຮູບ​ມະນຸດ​ທີ່​ຕາຍ​ເປັນ ຫລື​ຮູບ​ນົກ ຮູບ​ສັດ​ສີ່​ຕີນ ແລະ​ຮູບ​ສັດ​ເລືອ​ຄານ ມາ​ປ່ຽນ​ແທນ​ສະຫງ່າຣາສີ​ຂອງ​ພຣະເຈົ້າ​ອົງ​ຕາຍ​ບໍ່​ເປັນ.

ພຣະບັນຍັດສອງ 27:15

‘ຄຳສາບແຊ່ງ​ເປັນ​ຂອງ​ທຸກໆ​ຄົນ ທີ່​ໃຊ້​ຫີນ, ໄມ້ ແລະ​ໂລຫະ ເຮັດ​ຮູບເຄົາຣົບ​ແລະ​ຂາບໄຫວ້​ຮູບ​ນັ້ນ​ຢ່າງ​ລັບລີ້; ພຣະເຈົ້າຢາເວ​ກຽດຊັງ​ການ​ຂາບໄຫວ້​ຮູບເຄົາຣົບ.’ ແລະ​ປະຊາຊົນ​ທັງໝົດ​ຈະ​ພ້ອມ​ກັນ​ຕອບ​ວ່າ, ‘ອາແມນ.’

ພຣະບັນຍັດສອງ 4:28

ໃນ​ທີ່ນັ້ນ ພວກເຈົ້າ​ຈະ​ຮັບໃຊ້​ພະ​ໄມ້ ແລະ​ພະ​ຫີນ​ຊຶ່ງ​ມະນຸດ​ໄດ້​ປະດິດ​ຂຶ້ນ ຄື​ພະ​ທີ່​ເບິ່ງ​ບໍ່​ເຫັນ ແລະ​ຟັງ​ບໍ່ໄດ້ຍິນ ທັງ​ກິນ​ຫລື​ດົມ​ກິ່ນ​ບໍ່ໄດ້​ດ້ວຍ.

ພວກ^ຜູ້ປົກຄອງ 18:24

ມີກາ​ຖາມ​ຄືນ​ວ່າ, “ພວກທ່ານ​ຖາມ​ວ່າ ‘ມີ​ເລື່ອງ​ຫຍັງ?’ ໝາຍຄວາມວ່າ​ຢ່າງ​ໃດ? ພວກທ່ານ​ເອົາ​ປະໂຣຫິດ​ແລະ​ຮູບ​ພະ​ຊຶ່ງ​ຂ້ອຍ​ໄດ້​ສ້າງ​ນັ້ນ​ໜີ​ມາ​ໝົດ ມີ​ຫຍັງ​ເຫຼືອ​ໄວ້​ໃຫ້​ຂ້ອຍ​ແດ່?”