ເອຊາຢາ 42:8 - ພຣະຄຳພີສັກສິ

⁸ ເຮົາ​ແມ່ນ​ພຣະເຈົ້າຢາເວ ນາມນີ້​ແມ່ນ​ນາມຊື່​ຂອງເຮົາ ເຮົາ​ຈະ​ບໍ່​ຍົກ​ສະຫງ່າຣາສີ​ຂອງເຮົາ​ໃຫ້​ແກ່​ຜູ້ອື່ນ; ເຮົາ​ຈະ​ບໍ່​ຍອມ​ໃຫ້​ຄຳ​ຍົກຍໍ​ສັນລະເສີນ ທີ່​ເປັນ​ຂອງເຮົາ​ແຕ່​ເທົ່ານັ້ນ​ໃຫ້​ແກ່​ຮູບເຄົາຣົບ​ທັງຫລາຍ.

ເອຊາຢາ 42:8 Jak'a apnaqawi uñst'ayäwi

ເພງ^ສັນລະເສີນ 66:2

ຈົ່ງ​ຮ້ອງເພງ​ຖວາຍ​ແກ່​ພຣະນາມ ອັນ​ຊົງ​ສະຫງ່າຣາສີ​ຂອງ​ພຣະອົງ ຈົ່ງ​ຖວາຍ​ຄຳ​ຍ້ອງຍໍ​ສັນລະເສີນ​ພຣະອົງ ຢ່າງ​ຊົມຊື່ນ​ຍິນດີ​ເຖີດ

ເພງ^ສັນລະເສີນ 83:18

ຈົ່ງ​ໃຫ້​ພວກເຂົາ​ຮູ້​ວ່າ ພຣະອົງ​ຜູ້​ມີ​ນາມຊື່​ເປັນ​ພຣະເຈົ້າຢາເວ​ພຽງແຕ່​ອົງດຽວ ເປັນ​ຜູ້ປົກຄອງ​ສູງສຸດ​ທົ່ວ​ທັງ​ແຜ່ນດິນ​ໂລກ​ນີ້.

ອົບພະຍົບ 34:14

ຢ່າ​ຂາບໄຫວ້​ພະອື່ນ​ໃດ ເພາະ​ພຣະເຈົ້າຢາເວ ຜູ້​ມີ​ນາມຊື່​ວ່າ​ອົງ​ຫວງແຫນ​ເປັນ​ພຣະເຈົ້າ​ອົງ​ຫວງແຫນ.

ອົບພະຍົບ 4:5

ພຣະເຈົ້າຢາເວ​ບອກ​ວ່າ, “ຈົ່ງ​ເຮັດ​ຢ່າງ​ນີ້​ເພື່ອ​ພິສູດ​ໃຫ້​ຊາວ​ອິດສະຣາເອນ​ເຫັນ​ວ່າ ພຣະເຈົ້າຢາເວ ພຣະເຈົ້າ​ຂອງ​ປູ່ຍ່າຕາຍາຍ​ຂອງ​ພວກເຂົາ, ພຣະເຈົ້າ​ຂອງ​ອັບຣາຮາມ, ພຣະເຈົ້າ​ຂອງ​ອີຊາກ ແລະ​ພຣະເຈົ້າ​ຂອງ​ຢາໂຄບ ໄດ້​ປາກົດ​ແກ່​ເຈົ້າ.”

ເອຊາຢາ 43:11

ເຮົາ​ຜູ້ດຽວ​ເທົ່ານັ້ນ ທີ່​ເປັນ​ພຣະເຈົ້າຢາເວ​ເດີ ເຮົາ​ແຕ່​ຜູ້ດຽວ​ຊ່ວຍ​ພວກເຈົ້າ​ໃຫ້​ພົ້ນ​ໄດ້.

ເອຊາຢາ 43:3

ເຮົາ​ຄື​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ເດີ ອົງ​ບໍຣິສຸດ​ຂອງ​ອິດສະຣາເອນ​ທີ່​ຊ່ວຍ​ພວກເຈົ້າ​ໃຫ້​ພົ້ນ. ເຮົາ​ຈະ​ໃຫ້​ປະເທດ​ເອຢິບ​ຍອມ​ປົດປ່ອຍ​ພວກເຈົ້າ​ເປັນ​ເສລີ ຈະ​ໃຫ້​ເອທີໂອເປຍ ແລະ​ເສບາ​ຍອມ​ດ້ວຍ.

ເອຊາຢາ 48:11

ສິ່ງ​ທີ່​ເຮົາ​ເຮັດ​ແມ່ນ​ເພື່ອ​ເຫັນ​ແກ່​ເຮົາເອງ ເຮົາ​ຈະ​ບໍ່​ຍອມ​ໃຫ້​ນາມ​ຂອງເຮົາ​ຖືກ​ລົດກຽດ ຫລື​ຍອມ​ໃຫ້​ພະອື່ນ​ໄດ້​ຮ່ວມ​ຮັບ​ສະຫງ່າຣາສີ ທີ່​ເປັນ​ຂອງເຮົາ ຂອງເຮົາ​ແຕ່​ຜູ້ດຽວ​ເທົ່ານັ້ນ.”

ເອຊາຢາ 48:5

ເຮົາ​ຈຶ່ງ​ກ່າວ​ເຖິງ​ອະນາຄົດ​ພວກເຈົ້າ​ໄວ້​ແຕ່​ດົນ ໂດຍ​ປະກາດ​ເຖິງ​ເຫດການ​ກ່ອນ​ຈະ​ເກີດຂຶ້ນ. ເພື່ອ​ບໍ່​ໃຫ້​ພວກເຈົ້າ​ອວດອ້າງ​ໄດ້​ເລີຍ​ວ່າ​ແມ່ນ ຮູບເຄົາຣົບ​ແລະ​ຮູບພະ​ຂອງ​ພວກເຈົ້າ​ໃຫ້​ເກີດຂຶ້ນ.

ເອຊາຢາ 48:6

ທຸກສິ່ງ​ທີ່​ເຮົາ​ບອກ​ໄວ້ ບັດນີ້​ກໍໄດ້​ເກີດຂຶ້ນ​ມາ ພວກເຈົ້າ​ຕ້ອງ​ຮັບ​ສິ່ງ​ທີ່​ເຮົາ​ກ່າວ​ໄວ້​ວ່າ​ຖືກຕ້ອງ. ບັດນີ້ ເຮົາ​ຈະ​ບອກ​ເຖິງ​ສິ່ງ​ໃໝ່ໆ​ທີ່​ຈະ​ເກີດ​ມາ ຄື​ເຫດການ​ທີ່​ເຮົາ​ບໍ່ເຄີຍ​ເປີດເຜີຍ​ມາ​ກ່ອນ.

ເຢເຣມີຢາ 33:2

“ພຣະເຈົ້າຢາເວ​ອົງ​ທີ່​ໄດ້​ສ້າງ​ແຜ່ນດິນ​ໂລກ ແລະ​ພຣະເຈົ້າຢາເວ​ປະກອບ​ໃຫ້​ເປັນ​ຮູບຮ່າງ ຜູ້​ມີ​ນາມ​ວ່າ​ພຣະເຈົ້າຢາເວ​ໄດ້​ກ່າວ​ດັ່ງນີ້:

ດານີເອນ 5:4

ແລະ​ສັນລະເສີນ​ບັນດາ​ຮູບພະ​ທີ່​ເຮັດ​ດ້ວຍ​ຄຳ, ດ້ວຍ​ເງິນ, ດ້ວຍ​ທອງສຳຣິດ, ດ້ວຍ​ເຫຼັກ, ດ້ວຍ​ໄມ້ ແລະ​ດ້ວຍ​ຫີນ.

ໂຢຮັນ 5:23

ເພື່ອ​ຄົນ​ທັງປວງ​ຈະ​ຖວາຍ​ກຽດ​ແດ່​ພຣະບຸດ ເໝືອນ​ດັ່ງ​ທີ່​ພວກເຂົາ​ໄດ້​ຖວາຍ​ກຽດ​ແດ່​ພຣະບິດາເຈົ້າ ຜູ້​ທີ່​ບໍ່​ຖວາຍ​ກຽດ​ແດ່​ພຣະບຸດ ຜູ້ນັ້ນ​ກໍ​ບໍ່​ຖວາຍ​ກຽດ​ແດ່​ພຣະບິດາເຈົ້າ ຜູ້​ທີ່​ໄດ້​ໃຊ້​ພຣະບຸດ​ມາ.

ໂຢຮັນ 8:58

ພຣະເຢຊູເຈົ້າ​ໄດ້ກ່າວ​ຕໍ່​ພວກເຂົາ​ວ່າ, “ເຮົາ​ບອກ​ພວກເຈົ້າ​ຕາມ​ຄວາມຈິງ​ວ່າ ກ່ອນ​ອັບຣາຮາມ​ເກີດ ເຮົາ​ນີ້​ກໍ​ເປັນ​ຢູ່​ແລ້ວ.”

ພຣະບັນຍັດສອງ 28:58

ຖ້າ​ພວກເຈົ້າ​ບໍ່​ເຊື່ອຟັງ​ຢ່າງ​ສັດຊື່​ຄຳສັ່ງສອນ​ທຸກ​ຂໍ້​ຂອງ​ພຣະເຈົ້າ ທີ່​ໄດ້​ມີ​ຂຽນ​ໄວ້​ໃນ​ປື້ມ​ຫົວ​ນີ້ ແລະ​ຖ້າ​ພວກເຈົ້າ​ບໍ່​ຍົກຍໍ​ໃຫ້ກຽດ​ນາມ​ອັນ​ເລີດ​ປະເສີດ​ແລະ​ອັນ​ໜ້າຢ້ານກົວ ຂອງ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ