ເອຊາຢາ 42:22 - ພຣະຄຳພີສັກສິ

²² ແຕ່​ບັດນີ້ ປະຊາຊົນ​ຂອງ​ພຣະອົງ​ໄດ້​ຖືກ​ປຸ້ນ ຖືກ​ຂັງ​ທີ່​ຫ້ອງ​ໃຕ້​ດິນ​ລັບໆ​ກັບ​ພວກ​ນັກໂທດ. ພວກເຂົາ​ຖືກ​ປຸ້ນ​ຈົນ​ສິ້ນເນື້ອ​ປະດາຕົວ ແລະ​ບໍ່ມີ​ຜູ້ໃດ​ມາ​ຊ່ວຍກູ້​ເອົາ​ພວກ​ເຂົາເຈົ້າ.

ເອຊາຢາ 42:22 Jak'a apnaqawi uñst'ayäwi

ເພງ^ສັນລະເສີນ 102:20

ພຣະອົງ​ໄດ້ຍິນ​ພວກ​ນັກໂທດ​ຮ້ອງ​ຄວນຄາງ ແລະ​ໃຫ້​ຄົນ​ມີ​ໂທດ​ປະຫານ​ຖືກ​ປົດປ່ອຍ.

ເພງ^ສັນລະເສີນ 50:22

ຈົ່ງ​ພິຈາລະນາ​ເຖິງ​ເລື່ອງນີ້​ໃຫ້​ດີ​ຜູ້​ທີ່​ມັກ​ລືມ​ພຣະເຈົ້າ​ເອີຍ ຖ້າບໍ່​ດັ່ງນັ້ນ​ແລ້ວ ເຮົາ​ຈະ​ທຳລາຍ​ພວກເຈົ້າ​ໃຫ້​ແຕກ​ເປັນ​ປ່ຽງໆ ແລະ​ຈະ​ບໍ່ມີ​ຜູ້ໃດ​ຊ່ວຍ​ເຈົ້າ​ໃຫ້​ພົ້ນ​ໄດ້.

ເອຊາຢາ 1:7

ດິນແດນ​ຂອງ​ພວກເຈົ້າ​ໄດ້​ຖືກ​ທຳລາຍ ແລະ​ບ້ານເມືອງ​ຂອງ​ພວກເຈົ້າ​ກໍໄດ້​ຖືກ​ເຜົາຜານ​ຈົນ​ໝົດກ້ຽງ. ຊາວ​ຕ່າງດ້າວ​ໄດ້​ເຂົ້າ​ຢຶດຄອງ​ດິນແດນ ແລະ​ທຳລາຍ​ທຸກສິ່ງ ຕໍ່ໜ້າຕໍ່ຕາ​ຂອງ​ພວກເຈົ້າ​ຈົນ​ໝົດກ້ຽງ.

ເອຊາຢາ 14:17

ຄົນນີ້​ບໍ່ແມ່ນ​ຜູ້​ທີ່​ໄດ້​ທຳລາຍ​ເມືອງ​ທັງຫລາຍ ແລະ​ເຮັດ​ໃຫ້​ໂລກ​ເປັນ​ທີ່​ຮົກຮ້າງ​ຫວ່າງຄົນ​ນັ້ນບໍ? ຄົນນີ້​ບໍ່ແມ່ນ​ຜູ້​ທີ່​ກັກ​ຊະເລີຍເສິກ​ໄວ້ ຫລື​ຜູ້​ທີ່​ບໍ່​ຍິນຍອມ​ປ່ອຍ​ໃຫ້​ພວກເຂົາ​ກັບຄືນ​ເມືອ​ນັ້ນບໍ?”

ເອຊາຢາ 18:2

ຈາກ​ດິນແດນ​ນັ້ນ ພວກ​ອັກຄະຣາຊທູດ​ຂີ່​ເຮືອ​ທີ່​ເຮັດ​ດ້ວຍ​ກົກອໍ້ ລ່ອງ​ໄປ​ຕາມ​ແມ່ນໍ້ານິນ. ບັນດາ​ຜູ້​ສົ່ງຂ່າວ​ທີ່​ວ່ອງໄວ​ເອີຍ ຈົ່ງ​ກັບ​ເມືອ​ສາ​ເຖີດ ຈົ່ງ​ນຳ​ຂ່າວ​ຄືນ​ເມືອ​ສູ່​ດິນແດນ​ຂອງ​ພວກເຈົ້າ​ທີ່​ມີ​ແມ່ນໍ້າ​ທັງຫລາຍ​ແບ່ງ​ແຍກ, ສູ່​ຊົນຊາດ​ທີ່​ເຂັ້ມແຂງ ແລະ​ມີ​ອຳນາດ​ຂອງ​ພວກເຈົ້າ, ສູ່​ປະຊາຊົນ​ທີ່​ມີ​ຮູບຮ່າງ​ໃຫຍ່ ແລະ​ຜິວພັນ​ກ້ຽງໃສ​ດີ​ຂອງ​ພວກເຈົ້າ ຄື​ພວກ​ທີ່​ຄົນ​ທັງໂລກ​ຢ້ານກົວ.

ເອຊາຢາ 24:18

ຜູ້ໃດ​ທີ່​ຊອກຫາ​ປົບໜີ​ຈາກ​ຄວາມ​ຢ້ານກົວ​ອັນ​ໃຫຍ່​ນັ້ນ ກໍ​ຈະ​ຕົກລົງ​ໃນ​ຫລຸມ; ແລະ​ຜູ້ໃດ​ທີ່​ປົບໜີ​ຈາກ​ຫລຸມ​ກໍ​ຈະ​ຖືກ​ແຮ້ວ. ຫ່າຝົນ​ຈະ​ຕົກລົງ​ມາ​ຈາກ​ທ້ອງຟ້າ ແລະ​ຮາກຖານ​ຂອງ​ໂລກ​ກໍ​ຈະ​ສັ່ນ​ຄອນແຄນ​ໝົດ.

ເອຊາຢາ 24:22

ພຣະເຈົ້າ​ຈະ​ນຳ​ບັນດາ​ກະສັດ​ມາ​ຮ່ວມກັນ​ເປັນ​ຝູງ ດັ່ງ​ນຳ​ຊະເລີຍເສິກ​ມາ​ໃນ​ເຫວ. ພຣະອົງ​ຈະ​ຂັງ​ພວກເຂົາ​ໄວ້​ໃນ​ຄຸກ ຈົນຮອດ​ເວລາ​ຕັດສິນ​ລົງໂທດ.

ເອຊາຢາ 24:3

ແຜ່ນດິນ​ໂລກ​ຈະ​ພິນາດ​ແລະ​ຮົກຮ້າງ​ເພພັງ. ພຣະເຈົ້າຢາເວ​ໄດ້​ກ່າວ​ໄວ້​ຢ່າງໃດ​ກໍ​ຈະ​ເປັນ​ໄປ​ຢ່າງນັ້ນ.

ເອຊາຢາ 36:1

ໃນ​ຣາຊການ​ປີ​ທີ​ສິບສີ່​ຂອງ​ເຈົ້າ​ເຮເຊກີຢາ ກະສັດ​ແຫ່ງ​ຢູດາຍ; ເຊັນນາເກຣິບ​ກະສັດ​ແຫ່ງ​ອັດຊີເຣຍ​ໄດ້​ບຸກໂຈມຕີ​ບັນດາ​ເມືອງ ທີ່​ມີ​ປ້ອມ​ປ້ອງກັນ​ຂອງ​ຢູດາຍ​ແລະ​ຢຶດ​ເມືອງ​ເຫຼົ່ານັ້ນ​ໄດ້.

ເອຊາຢາ 42:23

ມີ​ຜູ້ໃດ​ແດ່​ໃນ​ພວກເຈົ້າ​ທີ່​ຈະ​ຮັບ​ຟັງ​ເລື່ອງນີ້​ບໍ? ແຕ່ນີ້​ຕໍ່ໄປ ພວກເຈົ້າ​ຈະ​ຟັງ​ຢ່າງ​ເອົາໃຈໃສ່​ຫລື​ບໍ່?

ເອຊາຢາ 42:7

ເຈົ້າ​ຈະ​ເຮັດ​ໃຫ້​ຄົນ​ຕາບອດ​ໄດ້​ເຫັນຮຸ່ງ ປົດປ່ອຍ​ຄົນ​ໃນ​ຄຸກມືດ​ໃຫ້​ເປັນ​ເສລີ.

ເອຊາຢາ 45:13

ເຮົາ​ເອງ​ໄດ້​ປຸກປັ່ນ​ໄຊຣັດ​ໃຫ້​ດຳເນີນການ ເພື່ອ​ສຳເລັດ​ເປົ້າໝາຍ ແລະ​ຈັດ​ໃຫ້​ຖືກຕ້ອງ. ເຮົາ​ຈະ​ເຮັດ​ທາງ​ທຸກ​ເສັ້ນ​ທີ່​ລາວ​ເດີນ​ໄປ​ໃຫ້​ຊື່ ສ້າງ​ນະຄອນ​ເຢຣູຊາເລັມ​ຂຶ້ນ​ໃໝ່​ຄື​ເມືອງ​ຂອງເຮົາ ແລະ​ຈະ​ປ່ອຍ​ຄົນ​ຂອງເຮົາ​ທີ່​ຖືກ​ຈັບ​ໃຫ້​ເປັນ​ເສລີ ບໍ່ມີ​ຜູ້ໃດ​ຈ້າງ​ໃຫ້​ເຮັດ ຫລື​ຈອບອອຍ​ລາວ​ດ້ວຍ.” ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່ ໄດ້​ກ່າວ​ເລື່ອງ​ທັງໝົດ​ເຫຼົ່ານີ້​ໄວ້.

ເອຊາຢາ 5:29

ພວກ​ທະຫານ​ຕ່າງ​ກໍ​ຄວນຄາງ ສຽງດັງ​ຄື​ສຽງ​ໂຕສິງ​ທີ່​ໄດ້​ຂ້າ​ເຫຍື່ອ ແລະ​ຄາບ​ໄປ​ສູ່​ບ່ອນ​ທີ່​ບໍ່ມີ​ຜູ້ໃດ​ຍາດ​ເອົາ​ຈາກ​ມັນ​ໄດ້.

ເອຊາຢາ 51:23

ເຮົາ​ຈະ​ເອົາ​ໃຫ້​ພວກ​ທີ່​ກົດຂີ່​ເຈົ້າ​ດື່ມ​ແທນ ຄື​ພວກ​ທີ່​ໃຫ້​ເຈົ້າ​ນອນ​ກາງ​ຫົນທາງ​ນັ້ນ ແລະ​ພວກເຂົາ​ກໍໄດ້​ຢຽບຢໍ່າ​ເຈົ້າ​ລົງ ດັ່ງ​ຢຽບ​ຂີ້ຝຸ່ນ​ດິນ​ທີ່​ພື້ນ​ຕີນ​ຂອງ​ເຂົາເຈົ້າ.”

ເອຊາຢາ 56:9

ອົງພຣະ​ຜູ້​ເປັນເຈົ້າ​ໄດ້​ບອກ​ຊາດ​ຕ່າງດ້າວ​ທັງຫລາຍ​ໃຫ້​ມາ​ດັ່ງ​ຝູງ​ສັດປ່າ ແລະ​ກັດ​ກິນ​ປະຊາຊົນ​ຂອງ​ພຣະອົງ.

ເຢເຣມີຢາ 50:17

“ປະຊາຊົນ​ອິດສະຣາເອນ​ປຽບ​ດັ່ງ​ຝູງແກະ ທີ່​ຖືກ​ໂຕສິງ​ໄລ່​ໃຫ້​ກະຈັດ​ກະຈາຍ​ໄປ. ທຳອິດ ພວກເຂົາ​ຖືກ​ຈັກກະພັດ​ອັດຊີເຣຍ​ໂຈມຕີ; ຕໍ່ມາ ກະສັດ​ເນບູ​ກາດເນັດຊາ​ແຫ່ງ​ບາບີໂລນ​ໄດ້​ຫັກ​ກະດູກ​ພວກເຂົາ.”

ເຢເຣມີຢາ 52:31

ໃນ​ປີ​ທີ່​ເຈົ້າ​ເອວິນເມໂຣດັກ​ໄດ້​ຂຶ້ນ​ເປັນ​ກະສັດ​ແຫ່ງ​ບາບີໂລນ ເພິ່ນ​ໄດ້​ສະແດງ​ຄວາມ​ເມດຕາ​ຕໍ່​ເຈົ້າ​ເຢໂຮຍອາກິນ​ແຫ່ງ​ຢູດາຍ ໂດຍ​ໄດ້​ປ່ອຍ​ເພິ່ນ​ອອກ​ຈາກ​ຄຸກ. ເຫດການ​ນີ້​ໄດ້​ເກີດຂຶ້ນ​ໃນ​ວັນ​ທີ​ຊາວຫ້າ ກົງ​ກັບ​ເດືອນ​ທີ​ສິບສອງ​ຂອງ​ປີ​ສາມສິບເຈັດ ຫລັງຈາກ​ທີ່​ກະສັດ​ເຢໂຮຍອາກິນ​ໄດ້​ຖືກ​ຈັບ​ໄປ​ເປັນ​ຊະເລີຍ.