ເອຊາຢາ 41:5 - ພຣະຄຳພີສັກສິ

⁵ ປະຊາຊົນ​ຂອງ​ດິນແດນ​ທັງຫລາຍ​ທີ່​ໄກຫ່າງ ຕ່າງ​ກໍໄດ້​ພົບ​ເຫັນ​ສິ່ງ​ທີ່​ເຮົາ​ໄດ້​ກະທຳ​ນັ້ນ; ພວກເຂົາ​ເກີດ​ຢ້ານ ແລະ​ສັ່ນເຊັນ​ທັງຕົວ ສະນັ້ນ ທັງໝົດ​ຈຶ່ງ​ເຕົ້າໂຮມ​ກັນ​ມາ​ມີໜ້າ.

ເອຊາຢາ 41:5 Jak'a apnaqawi uñst'ayäwi

ປະຖົມມະການ 10:5

ພວກ​ເຫຼົ່ານີ້​ເປັນ​ເຊື້ອສາຍ​ຂອງ​ຢາເຟດ ທີ່​ອາໄສ​ຢູ່​ໃນ​ເຜົ່າ ແລະ​ໃນ​ປະເທດ​ທີ່​ແຕກຕ່າງ​ກັນ ຊຶ່ງ​ແຕ່ລະ​ໝວດ​ໝູ່​ປາກ​ເວົ້າ​ພາສາ​ຂອງ​ຕົນເອງ.

ເພງ^ສັນລະເສີນ 65:8

ທົ່ວ​ທັງ​ໂລກ​ຕົກ​ສະທ້ານ​ຢ້ານກົວ ຕໍ່​ສິ່ງ​ອັດສະຈັນ​ອັນ​ຍິ່ງໃຫຍ່ ທີ່​ພຣະອົງ​ໄດ້​ກະທຳ ຈາກ​ສົ້ນ​ໂລກ​ເບື້ອງນີ້​ເຖິງ​ສົ້ນ​ໂລກ​ເບື້ອງນັ້ນ ພຣະ​ຣາຊກິດ​ຂອງ​ພຣະອົງ ຈະ​ນຳ​ສຽງ​ໂຮຮ້ອງ​ຍິນດີ​ມາ.

ເພງ^ສັນລະເສີນ 65:9

ພຣະອົງ​ເປັນ​ຜູ້​ຈັດ​ທຸກ​ສິ່ງ​ໃຫ້​ແກ່​ແຜ່ນດິນ ໂດຍ​ສົ່ງ​ນໍ້າ​ຝົນ​ໃຫ້​ຕົກ​ລົງ​ສູ່​ພິພົບ​ໂລກ ພຣະອົງ​ບັນດານ​ໃຫ້​ດິນແດນ​ອຸດົມ​ແລະ​ຮັ່ງມີ ໂດຍ​ມີ​ນໍ້າ​ລໍ່ລ້ຽງ​ປັດຖະພີ​ໃຫ້​ມີ​ຜົນລະປູກ.

ເພງ^ສັນລະເສີນ 66:3

ຈົ່ງ​ເວົ້າ​ຕໍ່​ພຣະເຈົ້າ​ວ່າ, “ສິ່ງ​ທີ່​ພຣະອົງ​ກະທຳ​ນັ້ນ​ກໍ​ອັດສະຈັນ​ທີ່ສຸດ ຄື​ຣິດທານຸພາບ​ຍິ່ງໃຫຍ່ ຈົນ​ສັດຕູ​ກົ້ມຂາບ​ຕໍ່ໜ້າ​ພຣະອົງ​ດ້ວຍ​ຄວາມຢ້ານ.

ເພງ^ສັນລະເສີນ 67:7

ພຣະເຈົ້າ​ໄດ້​ອວຍພອນ​ແກ່​ພວກເຮົາ ຂໍ​ໃຫ້​ປະຊາຊົນ​ທັງໝົດ​ທີ່​ສຸດປາຍ​ແຜ່ນດິນ​ໂລກ ຈົ່ງ​ຖວາຍ​ພຣະກຽດ​ແດ່​ພຣະອົງ.

ອົບພະຍົບ 15:14

ເມື່ອ​ຊົນຊາດ​ທັງຫລາຍ​ໄດ້ຍິນ​ເລື່ອງ ກໍ​ແຕກຕື່ນ​ຕົກໃຈ​ກົວ; ຄວາມ​ຢ້ານກົວ​ອັນ​ໃຫຍ່ຫລວງ ໄດ້​ຄວບຄຸມ​ຊາວ​ຟີລິດສະຕິນ​ໄວ້.

ເອຊາຢາ 41:1

ພຣະເຈົ້າ​ຊົງ​ກ່າວ​ວ່າ, “ແດນ​ຫ່າງໄກ ຈົ່ງ​ມິດ​ແລະ​ຟັງ ຈົ່ງ​ຕຽມ​ຄະດີ​ຂອງ​ພວກເຈົ້າ​ສະເໜີ​ໃນ​ສານ​ເຖີດ; ພວກເຈົ້າ​ຈະ​ໄດ້​ມີ​ໂອກາດ​ກ່າວ​ແລະ​ປາໄສ ຈົ່ງ​ມາ​ຕັດສິນ​ຊີ້ຂາດ​ວ່າ​ຜູ້ໃດ​ເປັນ​ຜູ້​ຖືກຕ້ອງ.”

ເອຊາຢາ 41:6

ຊ່າງສີມື​ຕ່າງ​ກໍໄດ້​ຊ່ວຍເຫລືອ​ກັນແລະກັນ ທັງ​ໃຫ້​ກຳລັງໃຈ​ຊຶ່ງກັນແລະກັນ​ດ້ວຍ.

ເອເຊກຽນ 26:18

ບັດນີ້ ເຖິງ​ວັນ​ທີ່​ຕີເຣ​ຖືກ​ທຳລາຍ​ໃຫ້​ໝຸ່ນ​ທະລາຍ ເກາະດອນ​ກໍ​ຫວັ່ນໄຫວ​ທັງ​ຄົນ​ກໍ​ສະດຸ້ງ​ຕົກໃຈ​ດ້ວຍ.”

ໂຢຊວຍ 2:10

ພວກເຮົາ​ຕ່າງ​ກໍ​ໄດ້​ຍິນ​ວ່າ ພຣະເຈົ້າຢາເວ​ໄດ້​ບັນດານ​ໃຫ້​ທະເລແດງ​ແຫ້ງ​ຕໍ່ໜ້າ​ພວກເຈົ້າ ເມື່ອ​ພວກເຈົ້າ​ກຳລັງ​ອອກ​ມາ​ຈາກ​ປະເທດ​ເອຢິບ ພວກເຮົາ​ຍັງ​ໄດ້ຍິນ​ອີກ​ວ່າ ພວກເຈົ້າ​ໄດ້​ຂ້າ​ເຈົ້າສີໂຫນ​ແລະ​ເຈົ້າໂອກ ກະສັດ​ສອງ​ຄົນ​ຂອງ​ຊາວ​ອາໂມ​ຢ່າງ​ໃດ ທີ່​ທາງ​ທິດ​ຕາເວັນອອກ​ຂອງ​ແມ່ນໍ້າ​ຈໍແດນ.

ໂຢຊວຍ 5:1

ເມື່ອ​ກະສັດ​ທັງໝົດ​ຂອງ​ຊາວ​ອາໂມ ທີ່​ທາງ​ທິດ​ຕາເວັນຕົກ​ຂອງ​ແມ່ນໍ້າ​ຈໍແດນ ແລະ​ກະສັດ​ທັງໝົດ​ຂອງ​ຊາວ​ການາອານ ທີ່​ຢູ່​ໃກ້​ທະເລ​ເມດີແຕຣາເນ​ໄດ້ຍິນ​ວ່າ ພຣະເຈົ້າຢາເວ​ໄດ້​ເຮັດ​ໃຫ້​ແມ່ນໍ້າ​ຈໍແດນ​ແຫ້ງ ຈົນ​ປະຊາຊົນ​ອິດສະຣາເອນ​ຂ້າມ​ໄປ​ໄດ້; ກະສັດ​ເຫຼົ່ານີ້​ຕ່າງ​ກໍ​ຢ້ານກົວ​ແລະ​ເສຍຂວັນ​ຍ້ອນ​ຊາວ​ອິດສະຣາເອນ.