ເອຊາຢາ 41:23 - ພຣະຄຳພີສັກສິ

²³ ຈົ່ງ​ບອກ​ວ່າ, ໃນ​ອະນາຄົດ​ຈະ​ມີ​ຫຍັງ​ເກີດຂຶ້ນ​ມາ ແລ້ວ​ພວກເຮົາ​ກໍ​ຈະ​ໄດ້​ຮູ້ວ່າ​ພວກເຈົ້າ​ຄື​ພະເຈົ້າ ຈົ່ງ​ເຮັດ​ສິ່ງດີ​ບາງ​ຢ່າງ​ຫລື​ນຳ​ໄພພິບັດ​ມາ​ເບິ່ງດູ; ຈົ່ງ​ເຮັດ​ໃຫ້​ຢ້ານກົວ​ອົກສັ່ນ​ຂວັນເສຍ​ລອງເບິ່ງ

ເອຊາຢາ 41:23 Jak'a apnaqawi uñst'ayäwi

ເອຊາຢາ 19:12

ກະສັດ​ແຫ່ງ​ເອຢິບ​ເອີຍ ບັນດາ​ທີ່ປຶກສາ​ຜູ້​ຫລັກແຫລມ​ຂອງເຈົ້າ​ໄປ​ໃສ​ໝົດ? ບາງທີ​ພວກເຂົາ​ອາດ​ບອກ​ເຈົ້າ​ໄດ້​ວ່າ ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ມີ​ແຜນການ​ຫຍັງແດ່​ຕໍ່ສູ້​ເອຢິບ​ກໍໄດ້.

ເອຊາຢາ 42:9

ສິ່ງ​ທີ່​ເຮົາ​ໄດ້​ກ່າວ​ໄວ້​ດຽວນີ້​ກາຍ​ເກີດ​ເປັນຈິງ ບັດນີ້ ເຮົາ​ຈະ​ໃຫ້​ຮູ້​ສິ່ງ​ໃໝ່ໆ​ກ່ອນ​ທີ່​ຈະ​ເກີດຂຶ້ນ.”

ເອຊາຢາ 43:9

ຈົ່ງ​ໝາຍເກາະ​ບັນດາ​ຊົນຊາດ​ໃຫ້​ມາ​ສູ້​ຄະດີ​ກັນ ມີ​ພະ​ຕົນໃດ​ໃນ​ພວກເຂົາ ທຳນວາຍ​ອະນາຄົດ​ໄດ້? ມີ​ພະ​ຕົນໃດ​ແດ່ ບອກ​ກ່ອນ​ເຖິງ​ສິ່ງ​ຈະ​ມີ​ມາ? ຂໍ​ໃຫ້​ພະ​ເຫຼົ່ານີ້​ນຳ​ພະຍານ​ຂອງ​ພວກເຂົາ​ມາ​ເບິ່ງ ເພື່ອ​ພິສູດ​ວ່າ​ຝ່າຍ​ຖືກຕ້ອງ​ເປັນ​ຂອງ​ພວກເຂົາ ເພື່ອ​ຢັ້ງຢືນ​ວ່າ​ຄຳ​ທີ່​ພວກເຂົາ​ເວົ້າ​ເປັນຈິງ​ແທ້ໆ.

ເອຊາຢາ 45:21

ຈົ່ງ​ມາ​ສະເໜີ​ຄະດີ​ຂອງ​ພວກເຈົ້າ​ທີ່​ສານ​ເບິ່ງດູ ຈົ່ງ​ໃຫ້​ຈຳເລີຍ​ປຶກສາ​ຊຶ່ງກັນແລະກັນ​ເບິ່ງ. ຜູ້ໃດ​ໄດ້​ກ່າວ​ລ່ວງໜ້າ​ເຖິງ​ສິ່ງ​ທີ່​ຈະ​ເກີດຂຶ້ນ​ນໍ? ບໍ່ແມ່ນ​ເຮົາ​ບໍ ອົງ​ທີ່​ເປັນ​ພຣະເຈົ້າຢາເວ? ຄື​ພຣະເຈົ້າ​ອົງ​ທີ່​ຊອບທຳ​ແລະ​ພຣະຜູ້ຊ່ວຍ; ນອກຈາກ​ເຮົາ​ບໍ່ມີ​ພຣະເຈົ້າ​ອື່ນໃດ​ອີກ​ແລ້ວ.

ເອຊາຢາ 45:3

ເຮົາ​ຈະ​ມອບ​ຂຸມຊັບ​ຈາກ​ທີ່​ມືດ​ລັບລີ້​ທັງຫລາຍ ໃຫ້​ເຈົ້າ​ເປັນ​ຜູ້​ຄຸ້ມຄອງ​ຊັບສົມບັດ​ເຫຼົ່ານັ້ນ; ແລ້ວ​ເຈົ້າ​ກໍ​ຈະ​ຮູ້​ວ່າ​ເຮົາ​ຄື​ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ​ໄດ້​ເອີ້ນ​ເອົາ​ເຈົ້າ​ໂດຍ​ນາມຊື່​ຂອງເຈົ້າ.

ເອຊາຢາ 46:7

ພວກເຂົາ​ຍົກ​ມັນ​ຂຶ້ນ​ໃສ່​ບ່າ ແລະ​ພາກັນ​ຫາມ​ໄປ ວາງ​ຮູບພະ​ລົງ​ຢູ່​ທີ່ໃດ ມັນ​ກໍ​ຢືນ​ຢູ່​ທີ່ນັ້ນ ມັນ​ເໜັງຕີງ​ຍ້າຍ​ໄປມາ​ບ່ອນໃດ​ບໍ່ໄດ້​ເລີຍ ຖ້າ​ຜູ້ໃດ​ຜູ້ໜຶ່ງ​ພາວັນນາ​ອະທິຖານ​ມັນ​ກໍ​ຕອບ​ຫຍັງ​ບໍ່ໄດ້ ຫລື​ບໍ່​ສາມາດ​ຊ່ວຍ​ຄົນໃດ​ຄົນໜຶ່ງ​ໄດ້​ເລີຍ ໃຫ້​ພົ້ນ​ຈາກ​ໄພພິບັດ​ທີ່​ມາ​ປະເຊີນ​ນັ້ນ.

ເຢເຣມີຢາ 10:5

ຮູບເຄົາຣົບ​ນີ້ ຄື​ເປັນ​ດັ່ງ​ຫຸ່ນ​ທີ່​ສວນ​ໝາກແຕງໂມ ຊຶ່ງ​ສາມາດ​ເວົ້າຈາ ຫລື​ປາໄສ​ຫຍັງ​ບໍ່ໄດ້; ຄົນ​ຕ້ອງ​ຫາມ​ຍົກຍ້າຍ​ເພາະ​ມັນ​ຍ່າງ​ບໍ່​ເປັນ ຢ່າສູ່​ຢ້ານກົວ​ຮູບເຄົາຣົບ​ເຫຼົ່ານີ້​ເທາະ ເພາະ​ມັນ​ທຳຮ້າຍ​ພວກເຈົ້າ​ບໍ່ໄດ້​ເລີຍ ມັນ​ບໍ່​ເຮັດ​ຫຍັງ​ດີ​ໃຫ້​ແກ່​ພວກເຈົ້າ​ໄດ້​ດ້ວຍ.”

ດານີເອນ 2:9

ທີ່​ຈະ​ລົງໂທດ​ພວກເຈົ້າ​ຢ່າງ​ດຽວກັນ ຖ້າ​ບໍ່​ບອກ​ຄວາມຝັນ​ໃຫ້​ເຮົາ​ຮູ້ຈັກ. ພວກເຈົ້າ​ຕົກລົງ​ກັນ​ຕົວະ​ເຮົາ ໂດຍ​ຫວັງວ່າ​ສິ່ງ​ຕ່າງໆ​ຈະ​ປ່ຽນ​ໄປ​ຕາມ​ກາລະ​ເວລາ. ຈົ່ງ​ເລົ່າ​ຄວາມຝັນ​ໃຫ້​ເຮົາ​ຮູ້​ສາ ແລ້ວ​ເຮົາ​ກໍ​ຈະ​ຮູ້ວ່າ​ພວກເຈົ້າ​ແກ້​ຄວາມຝັນ​ນັ້ນ​ໄດ້.”

ໂຢຮັນ 13:19

ເຮົາ​ບອກ​ພວກເຈົ້າ​ໃນ​ເລື່ອງ​ນີ້​ກ່ອນ​ເຫດການ​ຈະ​ເກີດຂຶ້ນ ເພື່ອ​ວ່າ​ເມື່ອ​ເກີດຂຶ້ນ​ແລ້ວ ພວກເຈົ້າ​ຈະ​ເຊື່ອ​ວ່າ, ‘ເຮົາ​ເປັນ​ຜູ້​ທີ່​ເຮົາ​ເປັນ.’

ກິດຈະການ 15:18

ອົງພຣະ​ຜູ້​ເປັນເຈົ້າ​ໄດ້ ຊົງ​ແຈ້ງ​ເຫດການ​ເຫຼົ່ານີ້​ໃຫ້​ຮູ້ ຕັ້ງແຕ່​ບູຮານນະການ​ ໄດ້​ຊົງ​ກ່າວ​ໄວ້​ດັ່ງນີ້ແຫລະ.”’