ເອຊາຢາ 40:13 - ພຣະຄຳພີສັກສິ

¹³ ຜູ້ໃດ​ບອກ​ພຣະວິນຍານ​ຂອງ​ພຣະເຈົ້າຢາເວ​ໄດ້​ວ່າ​ຄວນ​ຈະ​ເຮັດ​ຫຍັງ? ຫລື​ສັ່ງສອນ​ພຣະອົງ ຫລື​ແນະນຳ​ພຣະອົງ​ໄດ້?

ເອຊາຢາ 40:13 Jak'a apnaqawi uñst'ayäwi

ປະຖົມມະການ 1:2

ໂລກ​ບໍ່ທັນ​ມີ​ຮູບຮ່າງ​ແລະ​ຍັງ​ວ່າງ​ເປົ່າ​ຢູ່. ຄວາມມືດ​ໄດ້​ຫຸ້ມຫໍ່​ມະຫາສະໝຸດ​ອັນ​ກວ້າງໃຫຍ່​ໄພສານ ແລະ​ພຣະວິນຍານ​ຂອງ​ພຣະເຈົ້າ ໄດ້​ປົກຄຸມ​ຢູ່​ເທິງ​ໜ້າ​ນໍ້າ.

ພຣະທຳ​ໂຢບ 21:22

ຜູ້ໃດ​ຜູ້ໜຶ່ງ​ສັ່ງສອນ​ພຣະເຈົ້າ​ໄດ້​ບໍ? ຜູ້​ທີ່​ຕັດສິນ​ແມ່ນ​ພຣະອົງ​ທີ່​ຢູ່​ເບື້ອງເທິງ​ພຸ້ນ.

ເອຊາຢາ 41:28

ເມື່ອ​ເຮົາ​ແນມເບິ່ງ​ພວກ​ພະ​ກໍ​ບໍ່​ເຫັນ​ເວົ້າ​ຫຍັງ ບໍ່ມີ​ຜູ້ໃດ​ຕອບ​ຄຳຖາມ​ຂອງເຮົາ​ໄດ້.

ເຢເຣມີຢາ 23:18

ຂ້າພະເຈົ້າ​ໄດ້​ກ່າວ​ວ່າ, “ໃນ​ພວກ​ຜູ້ທຳນວາຍ​ເຫຼົ່ານີ້ ບໍ່ມີ​ຜູ້ໃດ​ທີ່​ເຄີຍ​ໄດ້​ຮູ້ຈັກ​ຄວາມຄິດ​ອັນ​ລຶກລັບ​ຂອງ​ພຣະເຈົ້າຢາເວ. ໃນ​ພວກເຂົາ​ບໍ່ມີ​ຜູ້ໃດ​ເຄີຍ​ໄດ້ຍິນ ຫລື​ໄດ້​ເຂົ້າໃຈ​ໃນ​ຖ້ອຍຄຳ​ຂອງ​ພຣະອົງ ຫລື​ເຄີຍ​ໄດ້​ຟັງ ຫລື​ເຄີຍ​ເອົາໃຈໃສ່​ຕໍ່​ສິ່ງ​ທີ່​ພຣະອົງ​ໄດ້​ກ່າວ.

ລູກາ 10:22

“ພຣະບິດາເຈົ້າ​ຂອງເຮົາ​ໄດ້​ຊົງ​ມອບ​ສິ່ງສາລະພັດ​ໃຫ້​ແກ່​ເຮົາ ບໍ່ມີ​ຜູ້ໃດ​ຮູ້​ພຣະບຸດ ນອກຈາກ​ພຣະບິດາເຈົ້າ ແລະ​ບໍ່ມີ​ຜູ້ໃດ​ຮູ້​ພຣະບິດາເຈົ້າ ນອກຈາກ​ພຣະບຸດ ແລະ​ຜູ້​ທີ່​ພຣະບຸດ​ຢາກ​ຈະ​ເປີດເຜີຍ​ໃຫ້​ຮູ້.”

ໂຢຮັນ 1:13

ຊຶ່ງ​ບໍ່ໄດ້​ເກີດ​ຈາກ​ເລືອດເນື້ອ ຫລື​ກາມ ຫລື​ຄວາມ​ຕ້ອງການ​ຂອງ​ມະນຸດ ແຕ່​ເກີດ​ຈາກ​ພຣະເຈົ້າ.

ໂຣມ 11:34

ຕາມ​ທີ່​ມີ​ຄຳ​ຂຽນ​ໄວ້​ໃນ​ພຣະຄຳພີ​ວ່າ, “ຜູ້ໃດ​ໜໍ ທີ່​ຮູ້​ຄວາມ​ນຶກຄິດ ຂອງ​ພຣະເຈົ້າ​ໄດ້? ຜູ້ໃດ​ໜໍ ທີ່​ສາມາດ​ເປັນ​ທີ່ປຶກສາ ຂອງ​ພຣະອົງ​ໄດ້”

1 ໂກຣິນໂທ 2:16

“ດ້ວຍ​ວ່າ ຜູ້ໃດ​ໜໍ ຮູ້​ຄວາມ​ຄິດ​ ຂອງ​ອົງພຣະ​ຜູ້​ເປັນເຈົ້າ​ໄດ້ ຈຶ່ງ​ສາມາດ​ໃຫ້​ຄຳແນະນຳ ແກ່​ພຣະອົງ​ໄດ້?” ແຕ່​ພວກເຮົາ​ມີ​ຄວາມ​ຄິດ​ຂອງ​ພຣະຄຣິດ.

ເອເຟໂຊ 1:11

ໃນ​ພຣະອົງ​ນັ້ນ ພວກເຮົາ​ໄດ້​ຕົກ​ເປັນ​ສ່ວນ​ຂອງ​ພຣະເຈົ້າ ຕາມ​ການ​ຊົງ​ຕັ້ງ​ພຣະໄທ​ໄວ້​ກ່ອນ​ຂອງ​ພຣະອົງ ຜູ້​ຊົງ​ກະທຳ​ໃຫ້​ສິ່ງສາລະພັດ​ດຳເນີນ​ໄປ ໃຫ້​ສົມ​ກັບ​ນໍ້າພຣະໄທ​ຂອງ​ພຣະອົງ.