ເອຊາຢາ 38:5 - ພຣະຄຳພີສັກສິ

⁵ ໃຫ້​ກັບຄືນ​ໄປ​ຫາ​ເຈົ້າ​ເຮເຊກີຢາ ແລະ​ບອກ​ວ່າ, “ພຣະເຈົ້າຢາເວ ພຣະເຈົ້າ​ຂອງ​ດາວິດ​ບັນພະບຸລຸດ​ຂອງ​ເຈົ້າ ໄດ້​ກ່າວ​ດັ່ງນີ້​ວ່າ, ເຮົາ​ໄດ້ຍິນ​ຄຳພາວັນນາ​ອະທິຖານ​ຂອງເຈົ້າ ແລະ​ໄດ້​ເຫັນ​ນໍ້າຕາ​ຂອງເຈົ້າ; ສະນັ້ນ ເຮົາ​ຈຶ່ງ​ຈະ​ໃຫ້​ເຈົ້າ​ມີ​ຊີວິດ​ຢູ່​ຕື່ມ​ອີກ​ສິບຫ້າ​ປີ.

ເອຊາຢາ 38:5 Jak'a apnaqawi uñst'ayäwi

1 ກະສັດ 15:4

ແຕ່​ເພື່ອ​ເຫັນ​ແກ່​ກະສັດ​ດາວິດ ພຣະເຈົ້າຢາເວ ພຣະເຈົ້າ​ຂອງ​ເພິ່ນ​ໄດ້​ໃຫ້​ອາບີຢາ​ມີ​ລູກຊາຍ​ຄົນ​ໜຶ່ງ ແລະ​ໃຫ້​ລູກຊາຍ​ຄົນ​ນີ້​ປົກຄອງ​ຢູ່​ທີ່​ນະຄອນ​ເຢຣູຊາເລັມ​ສືບຕໍ່​ຈາກ​ເພິ່ນ ເພື່ອ​ຮັກສາ​ນະຄອນ​ເຢຣູຊາເລັມ​ໄວ້​ໃຫ້​ໝັ້ນຄົງ​ຕໍ່ໄປ.

1 ກະສັດ 8:25

ບັດນີ້ ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ​ເອີຍ ຂ້ານ້ອຍ​ພາວັນນາ​ອະທິຖານ​ຕໍ່​ພຣະອົງ​ໃຫ້​ຮັກສາ​ຄຳສັນຍາ​ອື່ນໆ ທີ່​ພຣະອົງ​ມີ​ໄວ້​ກັບ​ພໍ່​ຂອງ​ຂ້ານ້ອຍ ເມື່ອ​ພຣະອົງ​ໄດ້​ບອກ​ເພິ່ນ​ວ່າ ຈະ​ມີ​ຜູ້ໜຶ່ງ​ຈາກ​ເຊື້ອສາຍ​ຂອງ​ເພິ່ນ ຂຶ້ນ​ເປັນ​ກະສັດ​ປົກຄອງ​ຊາດ​ອິດສະຣາເອນ​ເລື້ອຍໆ​ໄປ ຖ້າ​ພວກເຂົາ​ຕັ້ງໃຈ​ເຊື່ອຟັງ​ພຣະອົງ ດັ່ງ​ທີ່​ເພິ່ນ​ໄດ້​ປະຕິບັດ​ມາ.

2 ກະສັດ 18:13

ໃນ​ຣາຊການ​ປີ​ທີ​ສິບສີ່ ຂອງ​ກະສັດ​ເຮເຊກີຢາ; ເຈົ້າ​ເຊັນນາເກຣິບ ກະສັດ​ແຫ່ງ​ອັດຊີເຣຍ​ໄດ້​ໂຈມຕີ​ປ້ອມ​ປ້ອງກັນ​ເມືອງ​ຕ່າງໆ​ໃນ​ອານາຈັກ​ຢູດາຍ ແລະ​ຢຶດເອົາ​ເມືອງ​ໄດ້.

2 ກະສັດ 18:2

ເມື່ອ​ເພິ່ນ​ອາຍຸ​ໄດ້​ຊາວຫ້າ​ປີ ແລະ​ໄດ້​ປົກຄອງ​ຢູ່​ທີ່​ນະຄອນ​ເຢຣູຊາເລັມ ເປັນ​ເວລາ​ຊາວເກົ້າ​ປີ. ແມ່​ຂອງ​ເພິ່ນ​ຊື່​ວ່າ​ອາບີຢາ​ລູກສາວ​ຂອງ​ເຊກາຣີຢາ.

2 ກະສັດ 19:20

ແລ້ວ​ເອຊາຢາ​ລູກຊາຍ​ຂອງ​ອາໂມດ​ກໍ​ສັ່ງ​ຄວາມ​ໄປ​ຫາ​ກະສັດ​ເຮເຊກີຢາ​ວ່າ, “ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ​ໄດ້ກ່າວ​ດັ່ງນີ້​ວ່າ: ຄຳພາວັນນາ​ອະທິຖານ​ຂອງ​ທ່ານ​ວ່າ​ດ້ວຍ​ເຊັນນາເກຣິບ​ນັ້ນ ເຮົາ​ໄດ້ຍິນ​ແລ້ວ.

2 ຂ່າວຄາວ 34:3

ໃນ​ຣາຊການ​ປີ​ທີ​ແປດ​ທີ່​ໂຢສີຢາ​ເປັນ​ກະສັດ ຄື​ໃນ​ເວລາ​ທີ່​ເພິ່ນ​ຍັງ​ເປັນ​ເດັກນ້ອຍ​ຢູ່​ນັ້ນ ເພິ່ນ​ເລີ່ມຕົ້ນ​ສະແຫວງຫາ​ພຣະເຈົ້າ​ຂອງ​ກະສັດ​ດາວິດ ບັນພະບຸລຸດ​ຂອງ​ເພິ່ນ. ສີ່​ປີ​ຕໍ່ມາ ເພິ່ນ​ເລີ່ມຕົ້ນ​ທຳລາຍ​ບ່ອນ​ຂາບໄຫວ້​ພະ​ຂອງ​ຄົນ​ບໍ່​ນັບຖື​ພຣະເຈົ້າ ສັນຍາລັກ​ຂອງ​ເຈົ້າແມ່​ອາເຊຣາ ແລະ​ຮູບເຄົາຣົບ​ອື່ນໆ​ທັງໝົດ.

ພຣະທຳ​ໂຢບ 14:5

ຊົ່ວຊີວິດ​ຂອງ​ພວກ​ຂ້ານ້ອຍ​ນັ້ນ ຖືກ​ກຳນົດ​ໄວ້​ແຕ່​ຫົວທີ ຄື​ຈຳນວນ​ເດືອນ​ປີ ທີ່​ພວກ​ຂ້ານ້ອຍ​ຈະ​ມີ​ຊີວິດ​ຢູ່.

ເພງ^ສັນລະເສີນ 116:15

ຄວາມຕາຍ​ແຫ່ງ​ໄພ່ພົນ​ຂອງ​ພຣະເຈົ້າ ເປັນ​ສິ່ງ​ປະເສີດ​ໃນ​ສາຍ​ພຣະເນດ​ຂອງ​ພຣະເຈົ້າຢາເວ.

ເພງ^ສັນລະເສີນ 147:3

ພຣະອົງ​ປິ່ນປົວ​ຄົນ​ທີ່​ມີ​ຄວາມ​ບວບຊໍ້າ​ໃນ​ຈິດໃຈ ແລະ​ພັນ​ບາດແຜ​ໃຫ້​ແກ່​ເຂົາເຈົ້າ.

ເພງ^ສັນລະເສີນ 39:12

ຂ້າແດ່​ພຣະເຈົ້າຢາເວ ຂໍ​ຊົງ​ໂຜດ​ຟັງ​ຂ້ານ້ອຍ​ພາວັນນາ​ອະທິຖານ ໂຜດ​ຟັງ​ຄຳ​ທູນຂໍ​ໃຫ້​ຊ່ວຍເຫລືອ​ຂອງ​ຂ້ານ້ອຍ​ແດ່ທ້ອນ ຂ້ານ້ອຍ​ກໍ​ເປັນ​ດັ່ງ​ບັນພະບຸລຸດ​ໝົດ​ທຸກຄົນ ຂ້ານ້ອຍ​ເປັນ​ພຽງແຕ່​ແຂກ​ຂອງ​ພຣະອົງ​ຊົ່ວຄາວ​ເທົ່ານັ້ນ.

ເພງ^ສັນລະເສີນ 56:8

ພຣະອົງ​ຮູ້​ວ່າ​ຂ້ານ້ອຍ​ຖືກ​ເດືອດຮ້ອນ​ສໍ່າໃດ ຈຶ່ງ​ຊົງ​ບັນຈຸ​ນໍ້າຕາ​ໃສ່​ແກ້ວ​ໄວ້. ນໍ້າຕາ​ຂອງ​ຂ້ານ້ອຍ​ໄດ້​ຖືກ ບັນທຶກ​ໄວ້​ໃນ​ປຶ້ມ​ບັນຊີ​ຂອງ​ພຣະອົງ​ແລ້ວ​ບໍ່ແມ່ນ​ຫຼື?

ເພງ^ສັນລະເສີນ 6:9

ພຣະເຈົ້າຢາເວ​ໄດ້​ຟັງ​ສຽງ​ຮ້ອງຂໍ​ຂອງຂ້ອຍ​ແລ້ວ. ພຣະເຈົ້າຢາເວ​ຈະ​ຕອບ​ຄຳພາວັນນາ​ອະທິຖານ​ຂອງຂ້ອຍ.

ປັນຍາຈານ 3:3

ເວລາ​ສຳລັບ​ຂ້າ ແລະ​ເວລາ​ສຳລັບ​ປິ່ນປົວ​ໃຫ້​ດີ ເວລາ​ສຳລັບ​ມ້າງລົງ ແລະ​ເວລາ​ສຳລັບ​ກໍ່ສ້າງ​ຂຶ້ນ.

ເອຊາຢາ 37:21

ແລ້ວ​ເອຊາຢາ​ລູກຊາຍ​ຂອງ​ອາໂມດ​ກໍໄດ້​ສົ່ງ​ຖ້ອຍຄຳ​ໄປ​ບອກ​ກະສັດ​ເຮເຊກີຢາ​ວ່າ: ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ​ກ່າວ​ວ່າ: ເພາະ​ເຈົ້າ​ໄດ້​ພາວັນນາ​ອະທິຖານ​ຫາ​ເຮົາ​ກ່ຽວກັບ​ກະສັດ​ເຊັນນາເກຣິບ​ແຫ່ງ​ອັດຊີເຣຍ,

ເອຊາຢາ 38:4

ຕໍ່ມາ ຖ້ອຍຄຳ​ຂອງ​ພຣະເຈົ້າຢາເວ​ໄດ້​ສັ່ງ​ເອຊາຢາ

ເພງ^ຄໍ່າຄວນ 3:56

ເມື່ອ​ຂ້ານ້ອຍ​ຮ້ອງ​ຂໍ​ນັ້ນ​ພຣະອົງ​ກໍ​ໄດ້​ຍິນ ຍິນ​ສຽງ​ຮ້ອງ​ທູນຂໍ​ຂອງ​ຂ້ານ້ອຍ​ແລ້ວ.”

ມັດທາຍ 22:32

‘ຝ່າຍ​ເຮົາ​ເປັນ​ພຣະເຈົ້າ​ຂອງ​ອັບຣາຮາມ ເປັນ​ພຣະເຈົ້າ​ຂອງ​ອີຊາກ ແລະ​ເປັນ​ພຣະເຈົ້າ​ຂອງ​ຢາໂຄບ.’ ພຣະອົງ​ແມ່ນ​ພຣະເຈົ້າ​ຂອງ​ຄົນ​ເປັນ ບໍ່ແມ່ນ​ພຣະເຈົ້າ​ຂອງ​ຄົນ​ຕາຍ.”

ລູກາ 1:13

ແຕ່​ເທວະດາ​ຕົນ​ນັ້ນ​ກ່າວ​ແກ່​ເພິ່ນ​ວ່າ, “ເຊກາຣີຢາ​ເອີຍ ຢ່າ​ຢ້ານ​ເລີຍ ພຣະເຈົ້າ​ໄດ້ຍິນ​ຄຳ​ພາວັນນາ​ອະທິຖານ​ຂອງ​ເຈົ້າ​ແລ້ວ ແລະ ເອລີຊາເບັດ​ເມຍ​ຂອງ​ເຈົ້າ ຈະ​ເກີດ​ລູກຊາຍ​ຄົນ​ໜຶ່ງ​ໃຫ້​ເຈົ້າ ເຈົ້າ​ຈົ່ງ​ໃສ່​ຊື່​ໃຫ້​ລາວ​ວ່າ ໂຢຮັນ.

ກິດຈະການ 27:24

ແລ້ວ​ກ່າວ​ວ່າ, ‘ໂປໂລ​ເອີຍ ຢ່າ​ສູ່​ຢ້ານ ເຈົ້າ​ຈະ​ຕ້ອງ​ໄດ້​ຢືນຢູ່​ຕໍ່ໜ້າ​ຈັກກະພັດ, ສ່ວນ​ຄົນ​ທັງຫລາຍ​ທີ່​ຢູ່​ເທິງ​ເຮືອ​ນຳ​ເຈົ້າ​ນັ້ນ ພຣະເຈົ້າ​ຈະ​ຊົງ​ຊ່ວຍ​ໃຫ້​ພົ້ນ​ຕາຍ​ເພາະ​ເຫັນ​ແກ່​ເຈົ້າ.’

2 ໂກຣິນໂທ 7:6

ແຕ່​ພຣະເຈົ້າ ອົງ​ຊົງ​ໜູນໃຈ​ຜູ້​ທີ່​ໂສກເສົ້າ ຊົງ​ໂຜດ​ໜູນໃຈ​ພວກເຮົາ​ດ້ວຍ​ການ​ທີ່​ໃຫ້​ຕີໂຕ​ມາ​ເຖິງ​ພວກເຮົາ.

ພຣະນິມິດ 7:17

ເພາະ​ພຣະ​ເມສານ້ອຍ​ທີ່​ປະທັບ​ຢູ່​ທ່າມກາງ​ພຣະຣາຊບັນລັງ​ນັ້ນ ຈະ​ເປັນ​ພຣະຜູ້ລ້ຽງ​ຂອງ​ພວກເຂົາ. ພຣະອົງ​ຈະ​ຊົງ​ນຳ​ພວກເຂົາ​ໄປ​ເຖິງ​ບໍ່​ນໍ້າພຸ​ແຫ່ງ​ຊີວິດ. ແລະ​ພຣະເຈົ້າ​ຈະ​ຊົງ​ເຊັດ​ນໍ້າຕາ​ທຸກ​ຢົດ​ຈາກ​ຕາ​ຂອງ​ພວກເຂົາ.”