ເອຊາຢາ 36:16 - ພຣະຄຳພີສັກສິ

¹⁶ ຢ່າ​ເຊື່ອຟັງ​ເຮເຊກີຢາ​ເລີຍ ກະສັດ​ແຫ່ງ​ອັດຊີເຣຍ​ສັ່ງ​ພວກເຈົ້າ ໃຫ້​ອອກ​ມາ​ຈາກ​ເມືອງ ແລະ​ຍອມ​ຈຳນົນ​ສາ. ເຈົ້າ​ທຸກຄົນ​ຈະ​ໄດ້​ຮັບ​ອະນຸຍາດ ໃຫ້​ກິນ​ໝາກອະງຸ່ນ​ຢູ່​ໃນ​ສວນອະງຸ່ນ​ຂອງ​ພວກ​ເຈົ້າເອງ ແລະ​ກິນ​ໝາກເດື່ອ​ຈາກ​ຕົ້ນ​ໝາກເດື່ອ​ຂອງ​ພວກເຈົ້າ​ເອງ ແລະ​ດື່ມ​ນໍ້າ​ຈາກ​ສ້າງ​ຂອງ​ພວກເຈົ້າ​ເອງ​ໄດ້

ເອຊາຢາ 36:16 Jak'a apnaqawi uñst'ayäwi

ປະຖົມມະການ 32:20

‘ທ່ານເອີຍ ຢາໂຄບ​ຄົນ​ຮັບໃຊ້​ຂອງທ່ານ​ກຳລັງ​ເດີນທາງ​ມາ​ຕາມຫລັງ.”’ ຢາໂຄບ​ຄິດ​ວ່າ, “ດ້ວຍ​ຂອງຕ້ອນ​ທີ່​ຂ້ອຍ​ສົ່ງ​ໄປ​ໃຫ້​ນັ້ນ ລາວ​ຄົງ​ຈະ​ເຫັນໃຈ​ຂ້ອຍ ແລະ​ເມື່ອ​ຂ້ອຍ​ພົບ​ລາວ ບາງທີ​ລາວ​ອາດ​ຈະ​ຍົກໂທດ​ໃຫ້​ຂ້ອຍ​ກໍໄດ້.”

ປະຖົມມະການ 33:11

ຈົ່ງ​ຮັບ​ເອົາ​ຂອງຕ້ອນ​ທີ່​ນ້ອງ​ນຳ​ມາ​ມອບ​ໃຫ້​ອ້າຍ​ນີ້​ສາ ພຣະເຈົ້າ​ໄດ້​ໂຜດ​ກະລຸນາ​ນ້ອງ​ໂດຍ​ໃຫ້​ທຸກສິ່ງ​ທີ່​ນ້ອງ​ຕ້ອງການ.” ຢາໂຄບ​ວິງວອນ​ຂໍ​ຢ່າງ​ອ່ອນນ້ອມ​ຈົນ​ອ້າຍ​ຍອມ​ຮັບ​ເອົາ.

2 ຊາມູເອນ 8:6

ແລ້ວ​ເພິ່ນ​ກໍໄດ້​ຕັ້ງ​ຄ້າຍ​ທະຫານ​ໄວ້​ໃນ ດິນແດນ​ຂອງ​ພວກເຂົາ. ຊາວ​ຊີເຣຍ​ຈຶ່ງ​ຕົກ​ຢູ່​ໃຕ້​ອຳນາດ​ຂອງ​ກະສັດ​ດາວິດ ແລະ​ຍອມ​ເສຍສ່ວຍ​ໃຫ້​ເພິ່ນ. ພຣະເຈົ້າຢາເວ​ຊ່ວຍ​ໃຫ້​ກະສັດ​ດາວິດ​ໄດ້​ຮັບ​ໄຊຊະນະ​ໃນ​ທຸກບ່ອນ​ທີ່​ເພິ່ນ​ໄປ​ສູ້ຮົບ.

1 ກະສັດ 4:20

ປະຊາຊົນ​ຊາວ​ອິດສະຣາເອນ​ແລະ​ຊາວ​ຢູດາ​ມີ​ຈຳນວນ​ຫລວງຫລາຍ ດັ່ງ​ເມັດ​ຊາຍ​ຕາມ​ຝັ່ງ​ທະເລ; ພວກເຂົາ​ກິນ​ແລະ​ດື່ມ​ຢ່າງ​ຊົມຊື່ນ​ຍິນດີ.

1 ກະສັດ 4:25

ຕາບໃດ​ທີ່​ກະສັດ​ໂຊໂລໂມນ​ຍັງ​ມີ​ຊີວິດ​ຢູ່ ປະຊາຊົນ​ທົ່ວ​ທັງ​ຢູດາຍ ແລະ​ອິດສະຣາເອນ​ຕ່າງ​ກໍ​ຢູ່​ກັນ​ຢ່າງ​ປອດໄພ, ແຕ່ລະ​ຄອບຄົວ​ກໍ​ມີ​ສວນອະງຸ່ນ ແລະ​ສວນ​ໝາກເດື່ອເທດ​ເປັນ​ຂອງ​ຕົນເອງ.

2 ກະສັດ 18:31

ຢ່າ​ຟັງຄວາມ​ຂອງ​ກະສັດ​ເຮເຊກີຢາ. ກະສັດ​ແຫ່ງ​ອັດຊີເຣຍ​ສັ່ງ​ພວກທ່ານ ໃຫ້​ອອກ​ຈາກ​ເມືອງ​ມາ​ຍອມ​ຈຳນົນ. ເພິ່ນ​ຈະ​ອະນຸຍາດ​ໃຫ້​ພວກທ່ານ​ທຸກຄົນ ກິນ​ໝາກອະງຸ່ນ​ຈາກ​ເຄືອ​ອະງຸ່ນ​ຂອງ​ພວກທ່ານ​ເອງ, ໝາກເດື່ອ​ຈາກ​ຕົ້ນ​ເດື່ອ​ຂອງ​ພວກທ່ານ​ເອງ ແລະ​ດື່ມ​ນໍ້າ​ຈາກ​ສ້າງ​ຂອງ​ພວກທ່ານ​ເອງ

2 ກະສັດ 5:15

ນາອາມານ​ພ້ອມ​ທັງ​ຄົນ​ຂອງຕົນ​ໄດ້​ກັບຄືນ​ໄປ​ຫາ​ຄົນ​ຂອງ​ພຣະເຈົ້າ ແລະ​ເວົ້າ​ວ່າ, “ດຽວ​ນີ້​ຂ້າພະເຈົ້າ​ຮູ້​ແລ້ວ​ວ່າ​ບໍ່ມີ​ພຣະເຈົ້າ​ອົງ​ອື່ນ ນອກຈາກ​ພຣະເຈົ້າ​ຂອງ​ຊາດ​ອິດສະຣາເອນ; ສະນັ້ນ ທ່ານເອີຍ ກະລຸນາ​ຮັບ​ເອົາ​ຂອງຂວັນ​ຈາກ​ຂ້າພະເຈົ້າ​ດ້ວຍ​ເຖີດ.”

ສຸພາສິດ 27:18

ຜູ້​ທີ່​ບົວລະບັດ​ຕົ້ນ​ໝາກເດື່ອເທດ ກໍ​ຈະ​ໄດ້​ກິນ​ໝາກ​ຂອງ​ມັນ. ຄົນ​ຮັບໃຊ້​ທີ່​ບົວລະບັດ​ນາຍ​ຂອງຕົນ​ກໍ​ຈະ​ໄດ້​ຮັບ​ກຽດ.

ສຸພາສິດ 5:15

ຈົ່ງ​ສັດຊື່​ຕໍ່​ເມຍ​ຂອງເຈົ້າ ແລະ​ມອບ​ຄວາມຮັກ​ໃຫ້​ແກ່​ນາງ​ແຕ່​ຜູ້ດຽວ.

ເອຊາຢາ 36:17

ຈົນກວ່າ​ກະສັດ​ຈັດ​ຖິ່ນຖານ​ໃຫ້​ພວກເຈົ້າ​ໃໝ່ ໃນ​ປະເທດ​ທີ່​ຄື​ກັບ​ປະເທດ​ຂອງ​ພວກເຈົ້າ ບ່ອນ​ທີ່​ມີ​ສວນອະງຸ່ນ​ສຳລັບ​ເຮັດ​ເຫລົ້າແວງ ແລະ​ບ່ອນ​ທີ່​ມີ​ເມັດ​ເຂົ້າ​ສຳລັບ​ເຮັດ​ເຂົ້າຈີ່.

ມີກາ 4:4

ທຸກໆ​ຄົນ​ຈະ​ຢູ່​ນຳກັນ​ຢ່າງ​ສະຫງົບສຸກ ທ່າມກາງ​ສວນອະງຸ່ນ​ແລະ​ຕົ້ນ​ໝາກເດື່ອ ແລະ​ບໍ່ມີ​ຜູ້ໃດ​ຈະ​ເຮັດ​ໃຫ້​ພວກເຂົາ​ຢ້ານກົວ​ເລີຍ ປາກ​ຂອງ​ພຣະເຈົ້າຢາເວ​ອົງ​ຊົງ​ຣິດອຳນາດ​ຍິ່ງໃຫຍ່​ໄດ້​ກ່າວ​ດັ່ງນີ້ແຫຼະ.

ເຊກາຣີຢາ 3:10

ເມື່ອ​ວັນ​ນັ້ນ​ມາເຖິງ ແຕ່ລະຄົນ​ໃນ​ພວກເຈົ້າ​ກໍ​ຈະ​ເຊີນ​ເອົາ​ເພື່ອນບ້ານ​ຂອງຕົນ​ມາ​ຮ່ວມ​ຊົມຊື່ນ​ຍິນດີ​ນຳ ເພາະ​ມີ​ຄວາມ​ສະຫງົບສຸກ​ແລະ​ຄວາມ​ປອດໄພ ຢູ່​ໃນ​ສວນອະງຸ່ນ​ແລະ​ຢູ່​ໃຕ້​ຕົ້ນ​ໝາກເດື່ອເທດ​ທັງຫລາຍ. ພຣະເຈົ້າຢາເວ​ອົງ​ຊົງ​ຣິດອຳນາດ​ຍິ່ງໃຫຍ່​ກ່າວ​ດັ່ງນັ້ນແຫຼະ.”

2 ໂກຣິນໂທ 9:5

ດັ່ງນັ້ນ ເຮົາ​ຈຶ່ງ​ເຫັນ​ວ່າ ຈຳເປັນ​ຕ້ອງ​ວອນ​ຂໍ​ພີ່ນ້ອງ​ເຫຼົ່ານັ້ນ ໃຫ້​ໄປ​ຫາ​ພວກເຈົ້າ​ກ່ອນ​ເຮົາ ເພື່ອ​ຕຽມ​ເຄື່ອງ​ບໍລິຈາກ​ໄວ້​ຕາມ​ທີ່​ພວກເຈົ້າ​ໄດ້​ສັນຍາ ແລ້ວ​ສິ່ງ​ນັ້ນ​ກໍ​ຄົງ​ຈະ​ໄດ້​ມີ​ໄວ້​ພ້ອມ ເມື່ອ​ເຮົາ​ໄປ​ເຖິງ ອັນ​ຈະ​ເປັນ​ການ​ສະແດງ​ໃຫ້​ເຫັນ​ວ່າ ພວກເຈົ້າ​ມີ​ນໍ້າໃຈ​ຢາກ​ຖວາຍ​ບໍ່ແມ່ນ​ດ້ວຍ​ຄວາມ​ຂືນໃຈ.

1 ຊາມູເອນ 11:3

ພວກ​ຜູ້ນຳ​ຊາວ​ຢາເບັດ​ຈຶ່ງ​ເວົ້າ​ວ່າ, “ຂໍ​ໃຫ້​ເວລາ​ພວກເຮົາ​ເຈັດ​ວັນ ເພື່ອ​ຈະ​ໄດ້​ໃຊ້​ຄົນນຳຂ່າວ​ໄປ​ທົ່ວ​ດິນແດນ​ອິດສະຣາເອນ. ຖ້າ​ບໍ່ມີ​ຜູ້ໃດ​ຊ່ວຍເຫລືອ​ພວກເຮົາ ພວກເຮົາ​ກໍ​ຈະ​ຍອມ​ຈຳນົນ​ຕໍ່​ທ່ານ.”

1 ຊາມູເອນ 25:27

ຂໍ​ທ່ານ​ກະລຸນາ​ຮັບ​ເອົາ​ຂອງຂວັນ​ທີ່​ຂ້ານ້ອຍ​ນຳ​ມາ​ໃຫ້​ທ່ານ ແລະ​ແຈກຢາຍ​ໃຫ້​ຄົນ​ຂອງທ່ານ​ກິນ​ເຖີດ.