ເອຊາຢາ 36:10 - ພຣະຄຳພີສັກສິ

¹⁰ ທ່ານ​ຄິດ​ວ່າ​ຂ້າພະເຈົ້າ​ໂຈມຕີ ແລະ​ທຳລາຍ​ປະເທດ​ຂອງທ່ານ ໂດຍ​ບໍ່ໄດ້​ຮັບ​ຄວາມ​ຊ່ວຍເຫລືອ​ຈາກ​ພຣະເຈົ້າຢາເວ​ຂອງທ່ານ​ຊັ້ນບໍ? ພຣະເຈົ້າຢາເວ​ເອງ​ບອກ​ຂ້າພະເຈົ້າ​ໃຫ້​ມາ​ໂຈມຕີ ແລະ​ທຳລາຍ​ປະເທດ​ຂອງທ່ານ.”

ເອຊາຢາ 36:10 Jak'a apnaqawi uñst'ayäwi

1 ກະສັດ 13:18

ແລ້ວ​ຜູ້ທຳນວາຍ​ຜູ້ເຖົ້າ​ຈາກ​ເບັດເອນ​ກໍ​ກ່າວ​ແກ່​ລາວ​ວ່າ, “ຂ້າພະເຈົ້າ​ເອງ​ກໍ​ເປັນ​ຜູ້ທຳນວາຍ​ເໝືອນກັບ​ທ່ານ ພຣະເຈົ້າຢາເວ​ສັ່ງ​ໃຫ້​ເທວະດາ​ຕົນ​ໜຶ່ງ​ມາ​ບອກ​ຂ້າພະເຈົ້າ​ໃຫ້​ພາ​ທ່ານ​ເມືອ​ເຮືອນ ເພື່ອ​ໃຫ້​ທ່ານ​ໄດ້​ກິນ​ແລະ​ດື່ມ,” ແຕ່​ຜູ້ທຳນວາຍ​ຜູ້ເຖົ້າ​ຄົນ​ນີ້​ເວົ້າ​ຕົວະ.

1 ກະສັດ 22:12

ພວກ​ຜູ້ທຳນວາຍ​ຄົນອື່ນໆ ກໍ​ເວົ້າ​ຢ່າງ​ດຽວກັນ. ພວກເຂົາ​ເວົ້າ​ວ່າ, “ຈົ່ງ​ຍົກທັບ​ໄປ​ໂຈມຕີ​ເມືອງ​ຣາໂມດ​ແລະ​ທ່ານ​ກໍ​ຈະ​ຊະນະ. ພຣະເຈົ້າຢາເວ​ຈະ​ໃຫ້​ທ່ານ​ໄດ້​ໄຊຊະນະ.”

1 ກະສັດ 22:6

ດັ່ງນັ້ນ ກະສັດ​ອາຮາບ​ຈຶ່ງ​ເອີ້ນ​ບັນດາ​ຜູ້ທຳນວາຍ​ທັງໝົດ​ມາ ປະມານ​ສີ່ຮ້ອຍ​ຄົນ ແລະ​ຖາມ​ພວກເຂົາ​ວ່າ, “ຂ້າພະເຈົ້າ​ຄວນ​ຈະ​ໄປ​ໂຈມຕີ​ເອົາ​ເມືອງ​ຣາໂມດ​ຫລື​ບໍ່?” ພວກເຂົາ​ຕອບ​ວ່າ, “ໂຈມຕີ​ໂລດ ພຣະເຈົ້າຢາເວ​ຈະ​ໃຫ້​ທ່ານ​ໄຊຊະນະ.”

2 ກະສັດ 18:25

ທ່ານ​ຄົງ​ຄິດ​ວ່າ ຂ້າພະເຈົ້າ​ມາ​ໂຈມຕີ ແລະ​ທຳລາຍ​ປະເທດ​ຂອງທ່ານ ປາດສະຈາກ​ຄຳສັ່ງ​ຂອງ​ພຣະເຈົ້າຢາເວ​ຊັ້ນບໍ? ພຣະເຈົ້າຢາເວ​ເອງ​ທີ່​ໄດ້​ບອກ​ຂ້າພະເຈົ້າ​ໃຫ້​ມາ​ໂຈມຕີ ແລະ​ທຳລາຍ​ປະເທດ​ຂອງທ່ານ.”

2 ຂ່າວຄາວ 35:21

ແຕ່​ເນໂກ​ໄດ້​ສົ່ງ​ສານ​ມາ​ຫາ​ໂຢສີຢາ ໂດຍ​ມີ​ຖ້ອຍຄຳ​ດັ່ງນີ້: “ກະສັດ​ແຫ່ງ​ຢູດາຍ​ເອີຍ ເສິກ​ທີ່​ຂ້າພະເຈົ້າ​ກຳລັງ​ເຮັດ​ຢູ່​ນີ້​ບໍ່​ກ່ຽວຂ້ອງ​ກັບ​ທ່ານ. ຂ້າພະເຈົ້າ​ບໍ່ໄດ້​ມາ​ຕໍ່ສູ້​ທ່ານ, ແຕ່​ມາ​ຕໍ່ສູ້​ເຫຼົ່າ​ສັດຕູ​ຂອງ​ຂ້າພະເຈົ້າ ເພາະ​ພຣະເຈົ້າ​ໄດ້​ບອກ​ຂ້າພະເຈົ້າ​ໃຫ້​ຮີບ​ລົງມື​ເຮັດ. ພຣະເຈົ້າ​ຢູ່​ຝ່າຍ​ຂ້າພະເຈົ້າ; ສະນັ້ນ ຢ່າ​ພະຍາຍາມ​ຂັດຂວາງ​ຂ້າພະເຈົ້າ​ເລີຍ ທ່ານ​ຢາກ​ໃຫ້​ພຣະອົງ​ທຳລາຍ​ທ່ານ​ບໍ?”

ເອຊາຢາ 37:28

ແຕ່​ເຮົາ​ຮູ້​ທຸກສິ່ງ​ກ່ຽວກັບ​ເຈົ້າ ຄື​ສິ່ງ​ທີ່​ເຈົ້າ​ເຮັດ ແລະ​ບ່ອນ​ທີ່​ເຈົ້າ​ໄປ. ເຮົາ​ຮູ້​ວ່າ​ເຈົ້າ​ໂກດແຄ້ນ​ເຮົາ​ສໍ່າໃດ.

ອາໂມດ 3:6

ສຽງ​ແກ​ບຸກໂຈມຕີ​ດັງ​ຂຶ້ນ ໂດຍ​ບໍ່​ໃຫ້​ຊາວ​ເມືອງ​ແຕກຕື່ນ​ໄດ້​ຊັ້ນບໍ? ເປັນ​ໄດ້​ບໍ​ທີ່​ເມືອງ​ໜຶ່ງ​ຖືກ​ໄພພິບັດ ໂດຍ​ທີ່​ພຣະເຈົ້າຢາເວ​ບໍ່​ໃຫ້​ເກີດຂຶ້ນ?