ເອຊາຢາ 34:11 - ພຣະຄຳພີສັກສິ

¹¹ ນົກ​ເຄົ້າ​ກັບ​ນົກ​ກາເວົາ​ຈະ​ເປັນ​ເຈົ້າຂອງ​ດິນແດນ​ນັ້ນ. ອົງພຣະ​ຜູ້​ເປັນເຈົ້າ​ຈະ​ເຮັດ​ໃຫ້​ດິນແດນ​ເປັນ​ທີ່​ແຫ້ງແລ້ງ​ອີກ ດັ່ງ​ກ່ອນ​ຄາວ​ການ​ນິຣະມິດ​ສ້າງ.

ເອຊາຢາ 34:11 Jak'a apnaqawi uñst'ayäwi

2 ຊາມູເອນ 8:2

ແລ້ວ​ເພິ່ນ​ກໍ​ເອົາ​ຊະນະ​ຊາວ​ໂມອາບ. ເພິ່ນ​ໄດ້​ບັງຄັບ​ພວກ​ຊະເລີຍເສິກ​ໃຫ້​ນອນ​ລົງ​ດິນ ແລະ​ຂ້າ​ສອງ​ໃນ​ສາມ​ຄົນ​ຖິ້ມ. ດັ່ງນັ້ນ ຊາວ​ໂມອາບ​ຈຶ່ງ​ຕົກ​ຢູ່​ໃຕ້​ອຳນາດ​ຂອງ​ກະສັດ​ດາວິດ ແລະ​ພວກເຂົາ​ກໍ​ຍອມ​ເສຍສ່ວຍ​ໃຫ້​ເພິ່ນ.

2 ກະສັດ 21:13

ເຮົາ​ຈະ​ລົງໂທດ​ນະຄອນ​ເຢຣູຊາເລັມ ດັ່ງ​ທີ່​ເຮົາ​ໄດ້​ເຮັດ​ຕໍ່​ນະຄອນ​ຊາມາເຣຍ, ຕໍ່​ກະສັດ​ອາຮາບ​ແຫ່ງ​ອິດສະຣາເອນ ແລະ​ຕໍ່​ພວກ​ລູກຫລານ​ຂອງ​ລາວ. ເຮົາ​ຈະ​ກວາດ​ລ້າງ​ປະຊາຊົນ​ທີ່​ນະຄອນ​ເຢຣູຊາເລັມ​ໃຫ້​ໝົດກ້ຽງ​ໄປ ໃຫ້​ສະອາດ​ດັ່ງ​ຈານ​ທີ່​ເຊັດ​ໃຫ້​ແຫ້ງ​ແລະ​ຂວໍ້າໄວ້.

ເພງ^ສັນລະເສີນ 102:6

ຂ້ານ້ອຍ​ຄື​ນົກ​ປ່າ​ໃນ​ຖິ່ນ​ແຫ້ງແລ້ງ​ກັນດານ ດັ່ງ​ນົກ​ເຄົ້າ​ໃນ​ບ່ອນ​ຮົກຮ້າງ​ເພພັງ​ນັ້ນ.

ເອຊາຢາ 14:23

“ເຮົາ​ຈະ​ປ່ຽນ​ນະຄອນ​ບາບີໂລນ​ໃຫ້​ເປັນ​ບຶງ ແລະ​ຝູງ​ນົກ​ເຄົ້າ​ຈະ​ຢູ່​ທີ່​ນັ້ນ. ເຮົາ​ຈະ​ໃຊ້​ຟອຍ​ກວາດ​ນະຄອນ​ບາບີໂລນ ພ້ອມ​ທັງ​ສັບພະທຸກສິ່ງ​ໄປ​ໃຫ້​ໝົດ.” ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ໄດ້​ກ່າວ​ດັ່ງນີ້ແຫລະ.

ເອຊາຢາ 24:10

ຢູ່​ໃນ​ເມືອງ​ເກີດ​ສັບສົນ​ວຸ້ນວາຍ​ກັນ​ໄປ​ໝົດ ແລະ​ຊາວ​ເມືອງ​ກໍ​ຢູ່​ໃນ​ເຮືອນ​ອັດ​ປະຕູ​ໃສ່​ໄລ​ໄວ້​ເພື່ອ​ຄວາມ​ປອດໄພ.

ເອຊາຢາ 34:17

ພຣະອົງ​ທີ່​ຈະ​ເປັນ​ຜູ້​ແບ່ງປັນ​ດິນແດນ​ໃຫ້​ສັດ​ເຫຼົ່ານັ້ນ ແລະ​ແບ່ງສ່ວນ​ໃຫ້. ພວກມັນ​ຈະ​ຢູ່​ໃນ​ດິນແດນ​ທຸກຍຸກ​ທຸກສະໄໝ ແລະ​ດິນແດນ​ນັ້ນ​ກໍ​ຈະ​ເປັນ​ຂອງ​ພວກມັນ​ຕະຫລອດໄປ.

ເພງ^ຄໍ່າຄວນ 2:8

ພຣະເຈົ້າຢາເວ​ໄດ້​ກຳນົດ​ໄວ້​ຢ່າງ​ແນ່ນອນ​ວ່າ ກຳແພງ​ທີ່​ຕັ້ງ​ພູເຂົາ​ຊີໂອນ​ຕ້ອງ​ຖືກ​ທຳລາຍ​ກ້ຽງ; ພຣະອົງ​ວັດແທກ​ໃຫ້​ແນ່ໃຈ​ວ່າ​ມັນ​ຖືກ​ທຳລາຍ​ໝົດ ບັດນີ້ ຫໍຄອຍ​ແລະ​ກຳແພງ​ກໍ​ຫັກ​ເພພັງ​ລົງກ້ຽງ.

ອາໂມດ 7:8

ແລ້ວ​ພຣະເຈົ້າຢາເວ​ກໍ​ຖາມ​ຂ້າພະເຈົ້າ​ວ່າ, “ອາໂມດ​ເອີຍ ເຈົ້າ​ເຫັນ​ຫຍັງ​ແດ່?” ຂ້າພະເຈົ້າ​ຕອບ​ວ່າ, “ເຫັນ​ສາຍ​ລູກດິ່ງ.” ແລ້ວ​ອົງພຣະ​ຜູ້​ເປັນເຈົ້າ​ກໍ​ກ່າວ​ວ່າ, “ຈົ່ງ​ເບິ່ງ​ນີ້​ແມ. ເຮົາ​ກຳລັງ​ໃຊ້​ສາຍ​ລູກດິ່ງ​ນີ້​ໃນ​ທ່າມກາງ​ປະຊາຊົນ​ອິດສະຣາເອນ​ຂອງເຮົາ. ເຮົາ​ຈະ​ບໍ່​ປ່ຽນໃຈ​ໃນ​ການ​ລົງໂທດ​ພວກເຂົາ.

ເຊຟານີຢາ 2:14

ມັນ​ຈະ​ກາຍເປັນ​ບ່ອນ​ຢູ່​ຂອງ​ຝູງແກະ, ຝູງ​ສັດ​ລ້ຽງ ແລະ​ສັດ​ນາໆ​ຊະນິດ. ນົກ​ເຄົ້າ​ຈະ​ຢູ່​ໃນ​ທີ່ນັ້ນ​ທ່າມກາງ​ສິ່ງ​ຮົກຮ້າງ​ເພພັງ ແລະ​ສົ່ງ​ສຽງ​ຮ້ອງ​ຈາກ​ປ່ອງຢ້ຽມ. ນົກ​ກາ​ທັງຫລາຍ​ຈະ​ຮ້ອງ​ຢູ່​ຕາມ​ຂັ້ນໄດ​ທາງ​ປະຕູເຂົ້າ​ເຮືອນ. ຂື່​ຂາງ​ໄມ້ແປກ​ທີ່​ໃຊ້​ໃນ​ການ​ກໍ່ສ້າງ​ເຮືອນ​ຈະ​ເພພັງ​ລົງ.

ພຣະນິມິດ 18:2

ເທວະດາ​ນັ້ນ​ໄດ້​ຮ້ອງ​ປະກາດ​ສຽງ​ແຮງ​ກ້າ​ຂຶ້ນ​ວ່າ, “ບາບີໂລນ​ມະຫາ​ນະຄອນ​ຫຼົ້ມຈົມ​ແລ້ວ ຫຼົ້ມຈົມ​ເສຍ​ແລ້ວ ມັນ​ກາຍເປັນ​ບ່ອນ​ອາໄສ​ຂອງ​ພວກ​ຜີມານຮ້າຍ ເປັນ​ບ່ອນ​ລີ້ຊ່ອນ​ຂອງ​ວິນຍານ​ຊົ່ວຮ້າຍ​ທຸກຢ່າງ ແລະ​ເປັນ​ຄອນ​ນົກ​ບໍ່​ສະອາດ​ແລະ​ໜ້າກຽດ​ໜ້າຊັງ​ທຸກ​ຊະນິດ.