ເອຊາຢາ 33:6 - ພຣະຄຳພີສັກສິ

⁶ ແລະ​ໃຫ້​ປະເທດຊາດ​ມີ​ຄວາມ​ໝັ້ນຄົງ​ດີ. ພຣະອົງ​ປົກປ້ອງ​ປະຊາຊົນ​ຂອງ​ພຣະອົງ​ຢູ່​ສະເໝີ ແລະ​ໃຫ້​ພວກເຂົາ​ມີ​ສະຕິປັນຍາ ແລະ​ຄວາມ​ຮອບຮູ້. ຊັບສົມບັດ​ອັນ​ຍິ່ງໃຫຍ່​ທີ່ສຸດ​ຂອງ​ພວກເຂົາ ແມ່ນ​ການ​ຢຳເກງ​ພຣະເຈົ້າຢາເວ.

ເອຊາຢາ 33:6 Jak'a apnaqawi uñst'ayäwi

2 ກະສັດ 18:7

ດັ່ງນັ້ນ ພຣະເຈົ້າຢາເວ​ຈຶ່ງ​ສະຖິດ​ຢູ່​ກັບ​ເພິ່ນ ແລະ​ທຸກສິ່ງ​ທີ່​ເພິ່ນ​ເຮັດ​ກໍ​ສຳເລັດຜົນ. ເພິ່ນ​ໄດ້​ກະບົດ​ຕໍ່​ກະສັດ​ແຫ່ງ​ອັດຊີເຣຍ ແລະ​ບໍ່ຍອມ​ຢູ່​ໃຕ້​ອຳນາດ​ຂອງ​ເພິ່ນ​ອີກ​ຕໍ່ໄປ.

ພຣະທຳ​ໂຢບ 4:6

ເຈົ້າ​ຢຳເກງ​ພຣະເຈົ້າ​ແລະ​ຊີວິດ​ກໍ​ບໍ່​ດ່າງພອຍ, ສະນັ້ນ ເຈົ້າ​ຈົ່ງ​ໝັ້ນໃຈ ແລະ​ຫວັງໃຈ​ເອົາ​ໄວ້.

ເພງ^ສັນລະເສີນ 140:7

ຂ້າແດ່​ພຣະເຈົ້າຢາເວ​ອົງພຣະ​ຜູ້​ເປັນເຈົ້າ​ຂອງ​ຂ້ານ້ອຍ ຜູ້​ປ້ອງກັນ​ທີ່​ເຂັ້ມແຂງ​ຂອງ​ຂ້ານ້ອຍ​ເອີຍ ພຣະອົງ​ໄດ້​ປົກປ້ອງ​ຄຸ້ມຄອງ​ຂ້ານ້ອຍ​ໃນ​ສະໜາມຮົບ.

ເພງ^ສັນລະເສີນ 28:8

ພຣະເຈົ້າຢາເວ​ປົກປ້ອງ​ປະຊາຊົນ​ຂອງ​ພຣະອົງ ພຣະອົງ​ປ້ອງກັນ​ທັງ​ຊ່ວຍ​ເອົາ​ກະສັດ​ທີ່​ໄດ້​ຊົງ​ຫົດສົງ​ໄວ້.

ເພງ^ສັນລະເສີນ 45:4

ໃນ​ຄວາມ​ຜ່າເຜີຍ​ນັ້ນ ທ່ານ​ຈົ່ງ​ຂີ່​ມ້າ​ອອກ​ໄປ ຈົ່ງ​ມຸ່ງໜ້າ​ສູ່​ຄວາມມີໄຊ ເພື່ອ​ປ້ອງກັນ​ໄວ້ ຊຶ່ງ​ຄວາມຈິງ​ແລະ​ຄວາມ​ຍຸດຕິທຳ ກຳລັງ​ທີ່​ທ່ານ​ມີ​ຢູ່​ຈະ​ໃຫ້​ທ່ານ​ມີໄຊ​ຍິ່ງໃຫຍ່

ສຸພາສິດ 14:24

ຄວາມ​ຮັ່ງມີ​ເປັນ​ລາງວັນ​ຂອງ​ຄົນ​ມີ​ປັນຍາ, ແຕ່​ຄວາມ​ໂງ່ຈ້າ​ກໍ​ເປັນ​ຂອງ​ຄົນ​ໂງ່ຈ້າ​ຕໍ່ໄປ.

ສຸພາສິດ 14:26

ການ​ຢຳເກງ​ພຣະເຈົ້າຢາເວ​ໃຫ້​ມີ​ຊີວິດ​ອັນ​ໝັ້ນຄົງ ແລະ​ໃຫ້​ຄອບຄົວ​ຢູ່​ຢ່າງ​ປອດໄພ​ໄດ້.

ສຸພາສິດ 14:27

ການ​ຢຳເກງ​ພຣະເຈົ້າຢາເວ​ເປັນ​ນໍ້າພຸ​ແຫ່ງ​ຊີວິດ ແລະ​ຊ່ວຍ​ໃຫ້​ພົ້ນ​ຈາກ​ບ້ວງແຮ້ວ​ແຫ່ງ​ຄວາມຕາຍ.

ສຸພາສິດ 15:16

ເປັນ​ຄົນທຸກ​ຢຳເກງ​ພຣະເຈົ້າຢາເວ ກໍ​ດີກວ່າ​ເປັນ​ຄົນ​ຮັ່ງມີ​ທີ່​ເດືອດຮ້ອນ.

ສຸພາສິດ 19:23

ການ​ຢຳເກງ​ພຣະເຈົ້າຢາເວ​ນຳ​ໄປ​ສູ່​ຊີວິດ ຄື​ມີ​ຊີວິດ​ຍືນຍາວ ປາສະຈາກ​ໂພຍໄພ ແລະ​ປອດໄພ​ຈາກ​ການ​ທຳຮ້າຍ.

ສຸພາສິດ 2:5

ຖ້າ​ເຮັດ​ເຊັ່ນ​ນີ້ ເຈົ້າ​ກໍ​ຈະ​ຮູ້ຈັກ​ຄວາມ​ຢຳເກງ​ພຣະເຈົ້າຢາເວ ແລະ​ເຈົ້າ​ຈະ​ບັນລຸ​ຜົນ​ສຳເລັດ​ໃນ​ການ​ຮຽນຮູ້​ເຖິງ​ພຣະເຈົ້າ.

ສຸພາສິດ 28:2

ເມື່ອ​ປະເທດ​ຊາດ​ເຮັດ​ບາບ ກໍ​ຈະ​ມີ​ຜູ້ປົກຄອງ​ຄົນ​ໃໝ່​ແລ້ວ​ຄົນ​ໃໝ່​ອີກ​ຕໍ່ໄປ. ແຕ່​ປະເທດ​ຊາດ​ຈະ​ເຂັ້ມແຂງ​ແລະ​ໝັ້ນຄົງ ເມື່ອ​ມີ​ຜູ້ນຳ​ທີ່​ສະຫລາດ​ແລະ​ຢັ່ງຮູ້.

ສຸພາສິດ 29:4

ເມື່ອ​ກະສັດ​ເປັນຫ່ວງ​ນຳ​ຄວາມ​ຍຸດຕິທຳ ປະເທດ​ຊາດ​ກໍ​ເຂັ້ມແຂງ, ແຕ່​ເມື່ອ​ເພິ່ນ​ເປັນຫ່ວງ​ນຳ​ແຕ່​ເງິນຄຳ ເພິ່ນ​ກໍ​ຈະ​ເຮັດ​ໃຫ້​ປະເທດ​ຊາດ​ຫຼົ້ມຈົມ​ລົງ​ໄດ້.

ປັນຍາຈານ 7:12

ເງິນ​ເປັນ​ເຄື່ອງ​ປ້ອງກັນ​ສັນໃດ ສະຕິປັນຍາ​ກໍ​ເປັນ​ເຄື່ອງ​ປ້ອງກັນ​ສັນນັ້ນ. ປັນຍາ​ຮັກສາ​ເຈົ້າ​ໃຫ້​ປອດໄພ ອັນນີ້ ແມ່ນ​ຜົນດີ​ແຫ່ງ​ຄວາມຮູ້.

ປັນຍາຈານ 7:19

ປັນຍາ​ເຮັດ​ໃຫ້​ຄົນ​ສະຫລາດ​ຜູ້ໜຶ່ງ​ມີ​ອຳນາດ​ລື່ນກວ່າ​ຜູ້ປົກຄອງ​ສິບ​ຄົນ​ທີ່​ຢູ່​ໃນ​ເມືອງ​ໜຶ່ງ.

ເອຊາຢາ 11:9

ເທິງ​ເນີນພູ​ສັກສິດ​ຂອງ​ພຣະເຈົ້າ​ຄື​ພູເຂົາ​ຊີໂອນ ທີ່​ນັ້ນ​ຈະ​ບໍ່ມີ​ສິ່ງໃດໆ​ທຳຮ້າຍ ແລະ​ຊົ່ວຊ້າ. ຄົນ​ທີ່​ຮູ້​ເຖິງ​ພຣະເຈົ້າຢາເວ​ຈະ​ມີ​ຢູ່​ເຕັມ​ດິນແດນ ດັ່ງ​ທ້ອງ​ທະເລ​ຫລວງ​ທີ່​ເຕັມ​ໄປ​ດ້ວຍ​ນໍ້າ.

ເອຊາຢາ 26:1

ເມື່ອ​ເຖິງ​ວັນ​ນັ້ນ ປະຊາຊົນ​ຈະ​ຮ້ອງເພງ​ໃນ​ດິນແດນ​ຢູດາຍ​ວ່າ: ເມືອງ​ຂອງ​ພວກເຮົາ​ໜາແໜ້ນ​ແລະ​ເຂັ້ມແຂງ ພຣະເຈົ້າ​ເອງ​ປ້ອງກັນ​ກຳແພງ​ເມືອງ​ໄວ້

ເອຊາຢາ 32:17

ຄວາມ​ສະຫງົບສຸກ ແລະ​ຄວາມ​ປອດໄພ​ຈະ​ມີ​ຕະຫລອດໄປ ເພາະ​ທຸກຄົນ​ຈະ​ເຮັດ​ໃນ​ສິ່ງ​ທີ່​ຖືກຕ້ອງ.

ເອຊາຢາ 32:18

ປະຊາຊົນ​ຂອງ​ພຣະເຈົ້າ​ຈະ​ບໍ່​ວິຕົກ​ກັງວົນ​ກັບ​ສິ່ງໃດໆ​ຕໍ່ໄປ ແລະ​ບ້ານເຮືອນ​ຂອງ​ພວກເຂົາ​ກໍ​ຈະ​ມີ​ແຕ່​ສັນຕິສຸກ ແລະ​ຄວາມ​ປອດໄພ.

ເອຊາຢາ 33:20

ເບິ່ງ​ທີ່​ພູເຂົາ​ຊີໂອນ​ພຸ້ນດູ ນະຄອນ​ທີ່​ພວກເຮົາ​ສະຫລອງ​ເທດສະການ​ຕ່າງໆ. ເບິ່ງ​ນະຄອນ​ເຢຣູຊາເລັມ​ພຸ້ນດູ ຊ່າງ​ເປັນ​ບ່ອນ​ປອດໄພ​ທີ່​ໜ້າຢູ່​ແທ້ໆ ເປັນ​ດັ່ງ​ຜ້າເຕັນ​ທີ່​ຈະ​ບໍ່​ຖືກ​ຍົກຍ້າຍ​ຈັກເທື່ອ ຊຶ່ງ​ຫລັກສຽບ​ບໍ່ເຄີຍ​ຖອນ​ອອກ ແລະ​ເຊືອກເໜັ່ງ​ກໍ​ບໍ່ເຄີຍ​ຂາດ.

ເອຊາຢາ 45:17

ແຕ່​ພຣະເຈົ້າຢາເວ​ໄດ້​ຊ່ວຍຊູ​ຊາດ​ອິດສະຣາເອນ ແລະ​ຄວາມມີໄຊ​ຂອງ​ພວກເຂົາ​ກໍ​ດຳລົງ​ໄປ​ຕະຫລອດ; ພຣະອົງ​ຈະ​ບໍ່​ໃຫ້​ປະຊາຊົນ​ຂອງ​ພຣະອົງ ໄດ້​ຖືກ​ອັບອາຍ​ຂາຍໜ້າ​ອີກ​ຈັກເທື່ອ.”’

ເອຊາຢາ 51:14

ພວກ​ຊະເລີຍເສິກ​ນັ້ນ​ຈະ​ຖືກ​ປ່ອຍ​ໃຫ້​ເປັນ​ເສລີ ພວກເຂົາ​ຈະ​ບໍ່​ສິ້ນ​ຊີວິດ​ຢູ່​ໃນ​ຄຸກມືດ ແຕ່​ພວກເຂົາ​ຈະ​ມີ​ຊີວິດ​ຍືນຍາວ​ກ້າວ​ໄປ​ໄກ​ສະເໝີ ແລະ​ມີ​ເຂົ້າຈີ່​ຕາມ​ທີ່​ພວກເຂົາ​ຕ້ອງການ.

ເອຊາຢາ 51:6

ຈົ່ງ​ແນມຂຶ້ນ​ສູ່​ຟ້າ​ສະຫວັນ​ແລະ​ເບິ່ງ​ທີ່​ແຜ່ນດິນ​ໂລກ​ດູ, ຟ້າ​ສະຫວັນ​ຈະ​ສູນຫາຍ​ໄປ​ດັ່ງ​ຄວັນໄຟ​ຟົ້ງ​ຂຶ້ນ; ສ່ວນ​ແຜ່ນດິນ​ໂລກ​ດັ່ງ​ເຄື່ອງນຸ່ງ​ເກົ່າ​ຂາດໄປ ທຸກຄົນ​ໃນ​ໂລກ​ກໍ​ຈະ​ຕາຍໄປ​ສິ້ນ. ແຕ່​ຄວາມຊ່ວຍ​ໃຫ້​ພົ້ນ​ຂອງເຮົາ​ຈະ​ດຳລົງຢູ່​ສືບໆໄປ, ຄວາມ​ຊອບທຳ​ຂອງເຮົາ​ກໍ​ຈະ​ບໍ່​ສິ້ນສຸດ​ເລີຍ.

ເຢເຣມີຢາ 31:34

ຈະ​ບໍ່ມີ​ຜູ້ໃດ​ໃນ​ພວກເຂົາ​ສັ່ງສອນ​ເພື່ອນ​ຮ່ວມ​ຊາດ​ຂອງຕົນ​ໃຫ້​ຮູ້ຈັກ​ພຣະເຈົ້າຢາເວ ເພາະ​ທຸກຄົນ​ຈະ​ຮູ້ຈັກ​ເຮົາ ແຕ່​ຜູ້ນ້ອຍ​ທີ່ສຸດ​ຈົນເຖິງ​ຜູ້ໃຫຍ່​ທີ່ສຸດ. ພຣະເຈົ້າຢາເວ​ກ່າວ​ວ່າ ເຮົາ​ຈະ​ອະໄພ​ການບາບ​ຂອງ​ພວກເຂົາ ແລະ​ເຮົາ​ຈະ​ບໍ່​ຈົດຈຳ​ຄວາມຜິດ​ຂອງ​ພວກເຂົາ​ອີກ​ຕໍ່ໄປ.”

ຮາບາກຸກ 2:14

ທະເລ​ມີ​ນໍ້າ​ເຕັມ​ຢູ່​ສັນໃດ ແຜ່ນດິນ​ໂລກ​ກໍ​ຈະ​ເຕັມ​ໄປ​ດ້ວຍ​ຄວາມ​ຮອບຮູ້ ແຫ່ງ​ສະຫງ່າຣາສີ​ຂອງ​ພຣະເຈົ້າຢາເວ​ສັນນັ້ນ.

ມັດທາຍ 6:33

ແຕ່​ກ່ອນ​ອື່ນ​ໝົດ ເຈົ້າ​ທັງຫລາຍ​ຈົ່ງ​ສະແຫວງ​ຫາ​ຣາຊອານາຈັກ​ຂອງ​ພຣະເຈົ້າ ແລະ​ຄວາມ​ຊອບທຳ​ຂອງ​ພຣະອົງ ແລ້ວ​ພຣະອົງ​ຈະ​ຊົງ​ເພີ່ມເຕີມ​ສິ່ງ​ທັງປວງ​ເຫຼົ່ານີ້​ໃຫ້​ແກ່​ພວກເຈົ້າ.

2 ໂກຣິນໂທ 6:10

ເຖິງ​ແມ່ນ​ໄດ້​ຮັບ​ຄວາມ​ເສົ້າໂສກ, ແຕ່​ກໍ​ຍັງ​ຊົມຊື່ນ​ຍິນດີ​ຢູ່​ສະເໝີ; ເປັນ​ຄົນ​ຍາກຈົນ, ແຕ່​ກໍ​ເຮັດ​ໃຫ້​ຫລາຍ​ຄົນ​ຮັ່ງມີ; ເປັນ​ຄົນ​ບໍ່ມີ​ຫຍັງ, ແຕ່​ກໍ​ຍັງ​ມີ​ທຸກສິ່ງ.

1 ຕີໂມທຽວ 4:8

ການ​ຝຶກຝົນ​ທາງ​ກາຍ​ນັ້ນ ມີ​ປະໂຫຍດ​ບາງ​ຢ່າງ ແຕ່​ການ​ນັບຖື​ພຣະເຈົ້າ​ຢ່າງ​ຖືກຕ້ອງ​ນັ້ນ ມີ​ປະໂຫຍດ​ທຸກຢ່າງ ເພາະ​ໄດ້​ຮັບ​ພຣະສັນຍາ​ອັນ​ປະເສີດ​ສຳລັບ​ຊີວິດ​ໃນ​ປະຈຸບັນ ແລະ​ໃນ​ອະນາຄົດ​ອີກ​ດ້ວຍ.

1 ຕີໂມທຽວ 6:6

ຈິງ​ຢູ່ ການ​ນັບຖື​ພຣະເຈົ້າ​ຢ່າງ​ຖືກຕ້ອງ​ນັ້ນ ໄດ້​ກຳໄລ​ອັນ​ມະຫາສານ​ແກ່​ຜູ້​ທີ່​ມີ​ຄວາມ​ພໍໃຈ​ກັບ​ສິ່ງ​ຂອງ​ທີ່​ຕົນ​ມີ​ຢູ່.