ເອຊາຢາ 33:4 - ພຣະຄຳພີສັກສິ

⁴ ສິ່ງຂອງ​ທີ່​ພວກເຂົາ​ມີຢູ່​ກໍ​ຖືກ​ຮິບໂຮມ​ເອົາ​ໄປ​ໝົດ.

ເອຊາຢາ 33:4 Jak'a apnaqawi uñst'ayäwi

2 ຂ່າວຄາວ 14:13

ແລະ​ອາສາ​ພ້ອມ​ດ້ວຍ​ທະຫານ​ຂອງຕົນ​ໄດ້​ໄລ່ຕາມ​ພວກເຂົາ​ໄປ ຈົນຮອດ​ເມືອງ​ເກຣາກ. ທະຫານ​ປະເທດ​ເອທີໂອເປຍ​ຕັ້ງ​ຫລວງຫລາຍ​ໄດ້​ຖືກ​ຂ້າ ຈົນລວບລວມ​ທະຫານ​ເຂົ້າ​ມາ​ສູ້ຮົບ​ບໍ່ໄດ້. ພວກເຂົາ​ຖືກ​ຕີ​ໃຫ້​ພ່າຍແພ້​ດ້ວຍ​ອຳນາດ​ຂອງ​ພຣະເຈົ້າຢາເວ ແລະ​ກອງທັບ​ຂອງ​ເພິ່ນ. ດັ່ງນັ້ນ ກອງທັບ​ຈຶ່ງ​ຢຶດ​ເຄື່ອງຂອງ​ມາ​ໄດ້​ຢ່າງ​ຫລວງຫລາຍ.

2 ຂ່າວຄາວ 20:25

ກະສັດ​ເຢໂຮຊາຟັດ​ແລະ​ທະຫານ​ຂອງ​ເພິ່ນ ໄດ້​ເຂົ້າ​ໄປ​ຢຶດ​ເຄື່ອງຂອງ​ມາ​ໄດ້​ຢ່າງ​ຫລວງຫລາຍ ມີ​ດັ່ງນີ້: ຝູງງົວ, ສະບຽງ​ອາຫານ, ເຄື່ອງນຸ່ງຫົ່ມ ແລະ​ເຄື່ອງ​ມີຄ່າ​ອື່ນໆ. ພວກເຂົາ​ໃຊ້​ເວລາ​ສາມ​ວັນ​ເພື່ອ​ຮິບໂຮມ​ເອົາ​ເຄື່ອງຂອງ​ນັ້ນ, ແຕ່​ກໍ​ຍັງ​ມີ​ຫລາຍ​ຢູ່​ຈົນ​ພວກເຂົາ​ເກັບ​ເອົາ​ໝົດ​ທຸກຢ່າງ​ບໍ່ໄດ້.

ເອຊາຢາ 33:3

ເມື່ອ​ພຣະອົງ​ສູ້ຮົບ​ແທນ​ພວກ​ຂ້ານ້ອຍ​ນັ້ນ ຊົນຊາດ​ທັງຫລາຍ​ກໍ​ແລ່ນ​ປົບໜີໄປ​ຈາກ​ສຽງ​ທີ່​ຕໍ່ສູ້​ກັນ​ໃນ​ສະໜາມຮົບ.

ເອຊາຢາ 33:5

ຜູ້​ຍິ່ງໃຫຍ່​ທີ່ສຸດ​ແມ່ນ​ພຣະເຈົ້າຢາເວ ພຣະອົງ​ປົກຄອງ​ເໜືອ​ສັບພະທຸກສິ່ງ. ພຣະອົງ​ຈະ​ໃຫ້​ນະຄອນ​ເຢຣູຊາເລັມ​ເຕັມ​ດ້ວຍ​ຄວາມ​ຍຸດຕິທຳ​ແລະ​ຄວາມ​ຊອບທຳ

ເອເຊກຽນ 25:7

ເພາະ​ພວກເຈົ້າ​ໄດ້​ເຮັດ​ເຊັ່ນນັ້ນ ເຮົາ​ຈະ​ມອບ​ພວກເຈົ້າ​ໃຫ້​ແກ່​ຊົນຊາດ​ອື່ນ ທີ່​ຈະ​ມາ​ລັກ​ແລະ​ປຸ້ນ​ພວກເຈົ້າ. ເຮົາ​ຈະ​ທຳລາຍ​ພວກເຈົ້າ​ໃຫ້​ຈົນກ້ຽງ ເພື່ອ​ພວກເຈົ້າ​ຈະ​ບໍ່ໄດ້​ເປັນ​ຊົນຊາດ​ໜຶ່ງ​ອີກ​ຕໍ່ໄປ ຫລື​ມີ​ດິນແດນ​ເປັນ​ຂອງ​ຕົນເອງ. ແລ້ວ​ພວກເຈົ້າ​ກໍ​ຈະ​ໄດ້​ຮູ້​ວ່າ​ເຮົາ​ແມ່ນ​ພຣະເຈົ້າຢາເວ.”’

ໂຢເອນ 1:4

ຕັກແຕນ​ເປັນ​ໝູ່ໆ​ກັດ​ກິນ​ຜົນລະປູກ​ທັງຫລາຍ ສິ່ງ​ເຫຼືອ​ຈາກ​ຕັກແຕນ​ໝູ່​ໜຶ່ງ​ກໍ​ມີ​ໝູ່​ອື່ນ​ກິນ​ອີກ.

ໂຢເອນ 2:25

ຜົນລະປູກ​ທີ່​ພວກເຈົ້າ​ເສຍ​ໃນ​ປີ​ທີ່​ຝູງຕັກແຕນ​ກິນ ເຮົາ​ຈະ​ທົດແທນ​ໃຫ້​ຄືນ​ສິ່ງ​ທີ່​ໄດ້​ເສຍໄປ​ນັ້ນ. ແມ່ນ​ເຮົາ​ເອງ​ທີ່​ໄດ້​ສົ່ງ​ກອງທັບ​ຕັກແຕນ​ນີ້​ມາ ເພື່ອ​ວ່າ​ໃຫ້​ມັນ​ໄດ້​ຕໍ່ສູ້​ພວກເຈົ້າ.

ໂຢເອນ 2:3

ມັນ​ກິນ​ເຄື່ອງປູກ​ກ້ຽງ ດັ່ງ​ໄຟ​ໄໝ້​ເຜົາຜານ ດິນແດນ​ເບື້ອງ​ໜ້າ ມັນ​ເປັນ​ດັ່ງ​ສວນ​ເອເດນ​ພຸ້ນ ແຕ່​ເບື້ອງຫລັງ​ນັ້ນ ເປັນ​ຖິ່ນ​ແຫ້ງແລ້ງ​ກັນດານ ທີ່​ບໍ່ມີ​ຫຍັງ​ຈະ​ໜີພົ້ນ​ຈາກ​ມັນ​ໄປ​ໄດ້.

ໂຢເອນ 2:9

ມັນ​ຟ້າວ​ບຸກ​ເຂົ້າ ແລະ​ກະຈາຍ​ໄປ​ທົ່ວເມືອງ ແລ້ວ​ຕ່າງ​ກໍ​ແລ່ນ​ຂ້າມ​ກຳແພງ​ໄປ; ມັນ​ປີນ​ຂຶ້ນໄປ​ສູ່​ເທິງ​ເຮືອນ​ທັງຫຼາຍ ແລະ​ລອດປ່ອງ​ເຂົ້າ​ໄປ​ດັ່ງ​ຂະໂມຍ​ງັດແງະ.