ເອຊາຢາ 33:2 - ພຣະຄຳພີສັກສິ

² ຂ້າແດ່​ພຣະເຈົ້າຢາເວ ໂຜດ​ເມດຕາ​ພວກ​ຂ້ານ້ອຍ​ດ້ວຍ​ເຖີດ. ພວກ​ຂ້ານ້ອຍ​ຂໍ​ຝາກ​ຄວາມຫວັງ​ໄວ້​ກັບ​ພຣະອົງ. ຈົ່ງ​ປົກປ້ອງ​ພວກ​ຂ້ານ້ອຍ​ແຕ່ລະວັນ ແລະ​ຊ່ວຍເຫລືອ​ພວກ​ຂ້ານ້ອຍ​ໃນ​ເວລາ​ເດືອດຮ້ອນ​ດ້ວຍ​ເຖີດ.

ເອຊາຢາ 33:2 Jak'a apnaqawi uñst'ayäwi

ເພງ^ສັນລະເສີນ 123:2

ດັ່ງ​ຄົນ​ຮັບໃຊ້​ຜູ້ໜຶ່ງ​ເພິ່ງພາ​ອາໄສ​ນາຍ​ຂອງຕົນ ດັ່ງ​ສາວໃຊ້​ຜູ້ໜຶ່ງ​ເພິ່ງອີງ​ນາຍຍິງ​ຂອງຕົນ​ນັ້ນ. ຂ້າແດ່​ພຣະເຈົ້າຢາເວ ພຣະເຈົ້າ​ຂອງ​ພວກ​ຂ້ານ້ອຍ​ເອີຍ ຈະ​ແນມຫາ​ຈົນ​ພຣະເມດຕາ​ມາຮອດ.

ເພງ^ສັນລະເສີນ 143:8

ທຸກໆເຊົ້າ​ໂຜດ​ເຕືອນ​ເຖິງ​ຄວາມຮັກ​ອັນ​ໝັ້ນຄົງ ເພາະ​ຂ້ານ້ອຍ​ໄວ້ວາງໃຈ​ໃນ​ພຣະອົງ​ແລ້ວ. ຄຳພາວັນນາ​ອະທິຖານ​ຂອງ​ຂ້ານ້ອຍ​ກໍ​ຂຶ້ນ​ໄປຮອດ​ພຣະອົງ ໂຜດ​ຊີ້ທາງ​ແກ່​ຂ້ານ້ອຍ​ເພື່ອ​ກ້າວ​ເດີນ​ໄປ​ດ້ວຍ.

ເພງ^ສັນລະເສີນ 25:3

ຜູ້​ທີ່​ວາງໃຈ​ໃນ​ພຣະອົງ​ຈະ​ບໍ່​ພ່າຍແພ້​ເລີຍ ແຕ່​ຜູ້​ທີ່​ກະບົດ​ຕໍ່ສູ້​ພຣະອົງ​ນັ້ນ​ຈະ​ໄດ້​ຮັບ​ຄວາມ​ອັບອາຍ.

ເພງ^ສັນລະເສີນ 27:1

ພຣະເຈົ້າຢາເວ​ຊົງ​ເປັນ​ຄວາມ​ສະຫວ່າງ ແລະ​ເປັນ​ຜູ້​ຊ່ວຍ​ໃຫ້​ພົ້ນ​ຂອງ​ຂ້ານ້ອຍ ຂ້ານ້ອຍ​ຈະ​ບໍ່​ຢ້ານກົວ​ຜູ້ໃດ​ທັງນັ້ນ ພຣະເຈົ້າຢາເວ​ຊົງ​ຄຸ້ມຄອງ​ຂ້ານ້ອຍ​ຈາກ​ອັນຕະລາຍ​ທຸກຢ່າງ ແລະ​ຂ້ານ້ອຍ​ກໍ​ຈະ​ບໍ່​ຢ້ານກົວ​ແຕ່​ປະການ​ໃດ​ທັງສິ້ນ.

ເພງ^ສັນລະເສີນ 33:22

ຂ້າແດ່​ພຣະເຈົ້າຢາເວ ຂໍ​ໃຫ້​ຄວາມຮັກ​ອັນ​ໝັ້ນຄົງ​ຂອງ​ພຣະອົງ​ນັ້ນ ດຳລົງ​ຢູ່​ນຳ​ພວກ​ຂ້ານ້ອຍ ໃຫ້​ສົມກັບ​ວ່າ​ໃນ​ພຣະອົງ ພວກ​ຂ້ານ້ອຍ​ມີ​ຄວາມຫວັງ​ຢູ່.

ເພງ^ສັນລະເສີນ 37:39

ຄົນ​ຊອບທຳ​ນັ້ນ​ພຣະເຈົ້າຢາເວ​ຊ່ວຍ​ໃຫ້​ພົ້ນໄພ ແລະ​ຄຸ້ມຄອງ​ພວກເຂົາ​ໃນ​ຄາວ​ເດືອດຮ້ອນ.

ເພງ^ສັນລະເສີນ 46:1

ພຣະເຈົ້າ​ເປັນ​ທີ່​ກຳບັງ​ແລະ​ກຳລັງ​ຂອງ​ພວກ​ຂ້ານ້ອຍ ພຣະອົງ​ພ້ອມ​ຊ່ວຍເຫຼືອ​ໃນ​ຄາວ​ພວກ​ຂ້ານ້ອຍ​ຍາກ​ລຳບາກ.

ເພງ^ສັນລະເສີນ 46:5

ພຣະເຈົ້າ​ຢູ່​ໃນ​ນະຄອນ​ນັ້ນ ແລະ​ນະຄອນ​ນັ້ນ​ຈະ​ບໍ່​ຖືກ​ທຳລາຍ​ເລີຍ ພຣະເຈົ້າ​ຈະ​ມາ​ຊ່ວຍ​ເມືອງ​ນີ້​ໄວ້​ໃນ​ຕອນເຊົ້າ​ມືດ.

ເພງ^ສັນລະເສີນ 50:15

ເມື່ອ​ເຈົ້າ​ຖືກ​ເດືອດຮ້ອນ ຈົ່ງ​ຮ້ອງຫາ​ເຮົາ ເຮົາ​ຈະ​ຊ່ວຍ​ເຈົ້າ​ໃຫ້​ພົ້ນ ແລະ​ເຈົ້າ​ກໍ​ຈະ​ຍ້ອງຍໍ​ສັນລະເສີນ​ເຮົາ.”

ເພງ^ສັນລະເສີນ 60:11

ຂໍ​ຊົງ​ໂຜດ​ຊ່ວຍເຫຼືອ​ພວກ​ຂ້ານ້ອຍ​ໃນ​ການ​ຕໍ່ສູ້​ສັດຕູ​ແດ່​ທ້ອນ ເພາະ​ການ​ຊ່ວຍເຫຼືອ​ຂອງ​ມະນຸດ​ນັ້ນ​ໃຊ້​ການ​ຫຍັງ​ບໍ່ໄດ້​ເລີຍ.

ເພງ^ສັນລະເສີນ 62:1

ຂ້ານ້ອຍ​ລໍຄອຍ​ດ້ວຍ​ຄວາມ​ອົດທົນ​ຢ່າງ​ຈົດຈໍ່​ໃຫ້​ພຣະເຈົ້າ​ຊ່ວຍ​ໃຫ້​ພົ້ນໄພ ແລະ​ເພິ່ງພາ​ອາໄສ​ພຣະອົງ​ແຕ່​ອົງດຽວ​ເທົ່ານັ້ນ.

ເພງ^ສັນລະເສີນ 62:5

ຂ້ານ້ອຍ​ເພິ່ງ​ພຣະເຈົ້າ​ແຕ່ພຽງ​ອົງດຽວ ເພາະ​ຄວາມຫວັງ​ຂອງ​ຂ້ານ້ອຍ​ມາ​ຈາກ​ພຣະອົງ.

ເພງ^ສັນລະເສີນ 62:8

ຈົ່ງ​ໄວ້ວາງໃຈ​ໃນ​ພຣະເຈົ້າ​ໄດ້​ທຸກ​ເວລາ ປະຊາຊົນ​ຂອງຂ້ອຍ​ເອີຍ. ຈົ່ງ​ທູນ​ຄວາມ​ເດືອດຮ້ອນ​ທຸກຢ່າງ​ໃຫ້​ພຣະອົງ​ຟັງ ເພາະ​ພຣະອົງ​ເປັນ​ທີ່​ເພິ່ງ​ຂອງ​ພວກເຮົາ.

ເພງ^ສັນລະເສີນ 90:15

ບັດນີ້ ໂຜດ​ປະທານ​ຄວາມສຸກ​ແກ່​ພວກ​ຂ້ານ້ອຍ ໃຫ້​ສົມກັບ​ຄວາມ​ໂສກເສົ້າ​ທີ່​ພວກ​ຂ້ານ້ອຍ​ໄດ້​ຮັບ​ດ້ວຍ ຕາມ​ໄລຍະ​ເວລາ​ແຫ່ງ​ປີ​ທັງຫຼາຍ ທີ່​ພວກ​ຂ້ານ້ອຍ​ຈົມ​ຢູ່​ໃນ​ຄວາມ​ທຸກ​ລຳບາກ.

ເພງ^ສັນລະເສີນ 91:15

ເຮົາ​ຈະ​ຂານ​ຕອບ​ເມື່ອ​ພວກເຂົາ​ເອີ້ນ​ຫາ​ເຮົາ ເຮົາ​ຈະ​ຢູ່​ນຳ​ເມື່ອ​ພວກເຂົາ​ເດືອດຮ້ອນ. ເຮົາ​ຈະ​ຊ່ວຍກູ້​ເອົາ​ພວກເຂົາ​ໃຫ້​ພົ້ນໄພ ທັງ​ຈະ​ໃຫ້​ຍົດສັກ​ແກ່​ເຂົາເຈົ້າ​ດ້ວຍ.

ອົບພະຍົບ 14:27

ສະນັ້ນ ໂມເຊ​ຈຶ່ງ​ເດ່​ມື​ຂອງຕົນ​ອອກ​ສູ່​ທະເລ ແລະ​ແຕ່​ເຊົ້າໆ ນໍ້າ​ກໍໄດ້​ໄຫລ​ກັບຄືນ​ເຂົ້າ​ສູ່​ລະດັບ​ເດີມ. ຊາວ​ເອຢິບ​ພະຍາຍາມ​ແລ່ນ​ໜີ​ເອົາ​ຕົວ​ລອດ ແຕ່​ພຣະເຈົ້າຢາເວ​ໄດ້​ໂຍນ​ພວກເຂົາ​ຈົມ​ລົງ​ໃນ​ທະເລ.

ເອຊາຢາ 17:10

ຊາດ​ອິດສະຣາເອນ​ເອີຍ ພວກເຈົ້າ​ໄດ້​ລືມໄລ​ພຣະເຈົ້າ​ຂອງ​ເຈົ້າ ຜູ້​ໄດ້​ຊ່ວຍກູ້​ເອົາ​ແລະ​ປ້ອງກັນ​ພວກເຈົ້າ​ໄວ້​ດັ່ງ​ໂງ່ນຫີນ​ທີ່​ແຂງແກ່ນ. ແຕ່​ພວກເຈົ້າ​ພັດ​ໄດ້​ເຮັດ​ສວນ​ສັກສິດ ເພື່ອ​ຂາບໄຫວ້​ພະ​ຕ່າງຊາດ.

ເອຊາຢາ 25:4

ຄົນ​ຍາກຈົນ​ຂາດ​ທີ່ເພິ່ງ​ໄດ້​ປົບ​ມາ​ຫາ​ພຣະອົງ ແລະ​ໄດ້​ມີ​ຄວາມ​ປອດໄພ​ໃນ​ຄາວ​ເດືອດຮ້ອນ. ພຣະອົງ​ໄດ້​ໃຫ້​ພວກເຂົາ​ມີ​ບ່ອນຊົ້ນ​ຈາກ​ພະຍຸຮ້າຍ ແລະ​ໃຫ້​ເພິ່ງ​ໃນ​ຮົ່ມ​ຈາກ​ແສງ​ແດດ​ຮ້ອນ. ເຫຼົ່າ​ສັດຕູ​ຜູ້​ໂຫດຮ້າຍ​ກໍໄດ້​ມາ​ໂຈມຕີ ດັ່ງ​ກັບ​ພະຍຸຮ້າຍ​ໂຈມຕີ​ຍາມ​ລະດູ​ໜາວ

ເອຊາຢາ 25:9

ໃນວັນ​ນັ້ນ ພວກເຂົາ​ກໍ​ຈະ​ເວົ້າ​ວ່າ, “ພຣະອົງ​ເປັນ​ພຣະເຈົ້າ​ຂອງ​ພວກ​ຂ້ານ້ອຍ ພວກ​ຂ້ານ້ອຍ​ລໍຄອຍ​ພຣະອົງ; ສະນັ້ນ ພຣະອົງ​ຈຶ່ງ​ຊ່ວຍ​ເອົາ​ພວກ​ຂ້ານ້ອຍ​ໄວ້. ພຣະອົງ​ແມ່ນ​ພຣະເຈົ້າຢາເວ ອົງທີ່​ພວກ​ຂ້ານ້ອຍ​ລໍຄອຍ​ພຣະອົງ; ພວກ​ຂ້ານ້ອຍ​ຊົມຊື່ນ​ຍິນດີ​ແລະ​ມີ​ຄວາມສຸກ​ຫລາຍ ໃນ​ການຊ່ວຍ​ໃຫ້ພົ້ນ​ຂອງ​ພຣະອົງ.”

ເອຊາຢາ 26:16

ຂ້າແດ່​ພຣະເຈົ້າຢາເວ ພຣະອົງ​ລົງໂທດ​ຄົນ​ຂອງ​ພຣະອົງ ພວກເຂົາ​ໄດ້​ພາວັນນາ​ອະທິຖານ​ດ້ວຍ​ຈິດໃຈ​ທີ່​ເຈັບປວດ.

ເອຊາຢາ 26:8

ຂ້ແດ່​ພຣະເຈົ້າຢາເວ ໃນ​ທາງ​ແຫ່ງ​ການ​ຕັດສິນ​ຂອງ​ພຣະອົງ ພວກ​ຂ້ານ້ອຍ​ລໍຄອຍ​ພຣະອົງ; ໂດຍ​ນາມຊື່​ອັນ​ເປັນ​ທີ່​ລະນຶກ​ຂອງ​ພຣະອົງ ແມ່ນ​ຈິດໃຈ​ທີ່​ປາຖະໜາ​ຂອງ​ພວກ​ຂ້ານ້ອຍ.

ເອຊາຢາ 37:3

ພວກເຂົາ​ໄດ້​ນຳ​ຖ້ອຍຄຳ​ໄປ​ບອກ​ເອຊາຢາ​ດັ່ງນີ້: “ມື້ນີ້​ແມ່ນ​ມື້​ທີ່​ພວກເຮົາ​ເປັນທຸກໃຈ​ຫລາຍ; ພວກເຮົາ​ໄດ້​ຮັບ​ໂທດ​ໜັກ ແລະ​ໄດ້​ຮັບ​ຄວາມ​ອັບອາຍ​ຂາຍໜ້າ. ພວກເຮົາ​ເປັນ​ຄື​ແມ່ຍິງ​ທີ່​ກຳລັງ​ຈະ​ອອກລູກ, ແຕ່​ອ່ອນເພຍ​ເກີນກວ່າ​ທີ່​ຈະ​ເບັ່ງ​ລູກ​ອອກ​ໄດ້.

ເອຊາຢາ 40:10

ອົງພຣະ​ຜູ້​ເປັນເຈົ້າ ພຣະເຈົ້າຢາເວ​ຈະ​ມາ​ປົກຄອງ​ດ້ວຍ​ຣິດທານຸພາບ​ຍິ່ງໃຫຍ່ ໂດຍ​ນຳ​ຄົນ​ທີ່​ພຣະອົງ​ໄດ້​ຊ່ວຍກູ້​ເອົາ​ມາ​ພ້ອມ.

ເອຊາຢາ 51:5

ເຮົາ​ຈະ​ມາ​ໃນ​ໄວໆ​ເພື່ອ​ຊ່ວຍ​ເອົາ​ພວກເຂົາ​ໃຫ້ພົ້ນ; ເວລາ​ແຫ່ງ​ໄຊຊະນະ​ຂອງເຮົາ​ກໍ​ມາ​ໃກ້​ແລ້ວ. ຝ່າຍ​ເຮົາເອງ​ນັ້ນ​ຈະ​ປົກຄອງ​ຊົນຊາດ​ທັງຫລາຍ ບັນດາ​ປະເທດ​ທີ່​ຫ່າງໄກ​ຕ່າງ​ກໍ​ລໍ​ຄອຍຖ້າ. ພວກເຂົາ​ທັງໝົດ​ຄອຍຖ້າ​ການ​ມາ​ຂອງເຮົາ ດ້ວຍ​ຄວາມຫວັງ​ໃຫ້​ເຮົາ​ຊ່ວຍ​ພວກເຂົາ​ໃຫ້​ພົ້ນ.

ເອຊາຢາ 59:16

ພຣະອົງ​ບໍ່​ພໍໃຈ​ຫລາຍ ທີ່​ເຫັນ​ຄົນ​ຖືກ​ກົດຂີ່​ບໍ່ໄດ້​ຮັບ​ການ​ຊ່ວຍເຫລືອ​ໃນ​ທີ່ນັ້ນ. ດັ່ງນັ້ນ ພຣະອົງ​ຈະ​ໃຊ້​ຣິດອຳນາດ​ຂອງ​ພຣະອົງ​ເອງ​ຊ່ວຍ​ກູ້​ເອົາ​ພວກເຂົາ ເພື່ອ​ຊີງ​ເອົາ​ໄຊຊະນະ.

ເອຊາຢາ 8:17

ພຣະເຈົ້າຢາເວ​ລີ້​ພຣະອົງ​ເອງ​ຈາກ​ປະຊາຊົນ​ຂອງ​ພຣະອົງ ແຕ່​ຂ້າພະເຈົ້າ​ໄວ້ວາງໃຈ​ໃນ​ພຣະອົງ ແລະ​ມອບ​ຄວາມຫວັງ​ໄວ້​ໃນ​ພຣະອົງ.

ເຢເຣມີຢາ 14:8

ຄວາມຫວັງ​ອັນດຽວ​ຂອງ​ອິດສະຣາເອນ​ຄື​ພຣະອົງ ພຣະອົງ​ເປັນ​ຜູ້​ຊ່ວຍ​ພວກ​ຂ້ານ້ອຍ​ໃນ​ເວລາ​ຖືກ​ຂັດສົນ. ເປັນຫຍັງ​ພຣະອົງ​ຈຶ່ງ​ເຮັດ​ຄື​ກັບ​ຄົນຕ່າງດ້າວ​ນໍ ດັ່ງ​ນັກ​ທ່ອງທ່ຽວ​ທີ່​ແວ່ຢາມ​ພຽງ​ຄືນດຽວ​ເທົ່ານັ້ນ?

ເພງ^ຄໍ່າຄວນ 3:23

ຊຶ່ງ​ທຸກໆເຊົ້າ​ກໍ​ສົດຊື່ນ​ເບີກບານ ແລະ​ແນ່ນອນ​ເໝືອນ​ດັ່ງ​ຕາເວັນ​ຂຶ້ນ.

ໂຮເສອາ 14:2

ຈົ່ງ​ກັບຄືນ​ມາ​ຫາ​ພຣະເຈົ້າຢາເວ​ສາ ແລະ​ພາວັນນາ​ອະທິຖານ​ຫາ​ພຣະອົງ​ດັ່ງນີ້: “ຂໍໂຜດ​ອະໄພ​ການບາບ​ທຸກຢ່າງ​ຂອງ​ພວກ​ຂ້ານ້ອຍ ແລະ​ຮັບ​ເອົາ​ຄຳພາວັນນາ​ອະທິຖານ​ຂອງ​ພວກ​ຂ້ານ້ອຍ​ດ້ວຍ ແລ້ວ​ພວກ​ຂ້ານ້ອຍ​ກໍ​ຈະ​ສັນລະເສີນ​ພຣະອົງ​ຕາມ​ທີ່​ໄດ້​ສັນຍາ​ໄວ້.