ເອຊາຢາ 3:11 - ພຣະຄຳພີສັກສິ

¹¹ ແຕ່​ຄົນຊົ່ວຊ້າ ພັດ​ໄດ້​ຮັບ​ຄວາມ​ຫາຍຍະນະ; ສິ່ງ​ທີ່​ພວກເຂົາ​ໄດ້​ກະທຳ​ໃຫ້​ຜູ້​ອື່ນ​ນັ້ນ ບັດນີ້ ສິ່ງ​ນັ້ນ​ໄດ້​ຕາມ​ມາ​ສະໜອງ​ພວກເຂົາ​ເອງ.

ເອຊາຢາ 3:11 Jak'a apnaqawi uñst'ayäwi

ປະຖົມມະການ 18:25

ແນ່ນອນ​ທີ່ສຸດ ພຣະອົງ​ຈະ​ບໍ່​ຂ້າ​ຄົນ​ຊອບທຳ​ພ້ອມ​ກັບ​ຄົນ​ອະທຳ ເປັນ​ໄປ​ບໍ່ໄດ້ ພຣະອົງ​ຈະ​ບໍ່​ເຮັດ​ເຊັ່ນ​ນັ້ນ. ຖ້າ​ພຣະອົງ​ເຮັດ ຄົນ​ຊອບທຳ​ກໍ​ຈະ​ຖືກ​ລົງໂທດ ເຊັ່ນດຽວ​ກັນ​ກັບ​ຄົນ​ອະທຳ ເປັນ​ໄປ​ບໍ່ໄດ້. ຜູ້​ພິພາກສາ​ໂລກ​ຕ້ອງ​ເຮັດ​ທຸກສິ່ງ​ຢ່າງ​ຍຸດຕິທຳ.”

2 ຊາມູເອນ 3:39

ເຖິງ​ແມ່ນ​ວ່າ​ເຮົາ​ເປັນ​ກະສັດ​ທີ່​ພຣະເຈົ້າ​ໄດ້​ຊົງ​ຫົດສົງ, ແຕ່​ເຮົາ​ກໍ​ຮູ້​ສຶກ​ອ່ອນແອ​ໃນວັນນີ້. ພວກ​ລູກຊາຍ​ຂອງ​ນາງ​ເຊຣູອີຢາ​ນີ້​ຊ່າງ​ໂຫດຮ້າຍ​ແກ່​ເຮົາ​ແທ້ນໍ ຂໍ​ໃຫ້​ພຣະເຈົ້າຢາເວ​ລົງໂທດ​ຄາດຕະກອນ​ເຫຼົ່ານີ້ ຕາມ​ທີ່​ພວກເຂົາ​ຄວນ​ຈະ​ໄດ້​ຮັບ​ເຖີດ.”

1 ກະສັດ 21:21

ສະນັ້ນ ພຣະອົງ​ຈຶ່ງ​ກ່າວ​ຕໍ່​ທ່ານ​ວ່າ, ‘ເຮົາ​ຈະ​ນຳ​ເອົາ​ຄວາມ​ຈິບຫາຍ​ມາ​ສູ່​ເຈົ້າ ເຮົາ​ຈະ​ທຳລາຍ​ເຈົ້າ​ໃຫ້​ພິນາດ​ໄປ ແລະ​ຂ້າ​ຜູ້ຊາຍ​ທຸກຄົນ​ໃນ​ຄອບຄົວ​ຂອງເຈົ້າ ບໍ່​ວ່າ​ເປັນ​ທາດຮັບໃຊ້ ຫລື​ເປັນ​ອິດສະຫລະ​ຢູ່​ໃນ​ອິດສະຣາເອນ.

2 ຂ່າວຄາວ 6:23

ເມື່ອນັ້ນ ຂໍ​ພຣະອົງ​ໂຜດ​ຟັງ​ທີ່​ສະຫວັນ, ກະທຳການ​ແລະ​ຕັດສິນ​ບັນດາ​ຜູ້ຮັບໃຊ້​ຂອງ​ພຣະອົງ. ຈົ່ງ​ລົງໂທດ​ຜູ້​ເຮັດ​ຜິດ​ແລະ​ປ່ອຍຕົວ​ຜູ້​ບໍຣິສຸດ​ດ້ວຍ.

ພຣະທຳ​ໂຢບ 10:15

ເມື່ອໃດ​ທີ່​ເຮັດ​ບາບ​ຕໍ່​ພຣະອົງ ເມື່ອນັ້ນ​ກໍ​ເດືອດຮ້ອນ​ທັນທີ ແຕ່​ເມື່ອ​ເຮັດ​ຖືກ​ພັດ​ບໍ່ໄດ້​ຮັບ​ກຽດ​ຊໍ້າ. ສຳລັບ​ຂ້ານ້ອຍ​ນັ້ນ ຈຶ່ງ​ມີ​ແຕ່​ຄວາມ​ອັບອາຍ ວຸ້ນວາຍ​ຢູ່​ກັບ​ຄວາມ​ທຸກໃຈ​ຂອງ​ຂ້ານ້ອຍ​ເລື້ອຍໆ.

ເພງ^ສັນລະເສີນ 28:4

ຂໍ​ຊົງ​ໂຜດ​ລົງໂທດ​ພວກເຂົາ​ຕາມ​ທີ່​ພວກເຂົາ​ໄດ້​ກະທຳ​ ສຳລັບ​ຄວາມຊົ່ວ​ນາໆ​ປະການ​ຂອງ​ພວກເຂົາ​ນັ້ນ. ຈົ່ງ​ລົງໂທດ​ພວກເຂົາ​ໃນ​ທຸກໆສິ່ງ​ທີ່​ພວກເຂົາ​ໄດ້​ກະທຳ ໃຫ້​ກຳ​ນຳ​ສະໜອງ​ຕາມ​ທີ່​ພວກເຂົາ​ສົມຄວນ​ໄດ້​ຮັບ

ເພງ^ສັນລະເສີນ 62:12

ຂ້າແດ່​ອົງພຣະ​ຜູ້​ເປັນເຈົ້າ ຄວາມຮັກ​ຂອງ​ພຣະອົງ​ກໍ​ໝັ້ນຄົງ ເພາະ​ພຣະອົງ​ເປັນ​ຜູ້​ປະທານ​ບຳເໜັດ​ລາງວັນ​ໃຫ້​ແກ່​ທຸກຄົນ ຕາມ​ຜົນ​ການກະທຳ​ຂອງ​ເຂົາເຈົ້າ.

ສຸພາສິດ 1:31

ດ້ວຍເຫດນີ້ ເຈົ້າ​ຈຶ່ງ​ຈະ​ໄດ້​ຮັບ​ຜົນ​ຕອບແທນ​ຕາມ​ທາງ​ຂອງ​ເຈົ້າ ຈົນ​ເຈົ້າ​ເບື່ອໜ່າຍ​ຕໍ່​ຄວາມຊົ່ວ​ທີ່​ເຈົ້າ​ໄດ້​ກະທຳ​ມາ.

ສຸພາສິດ 11:31

ຄົນ​ຊອບທຳ​ໄດ້​ຮັບ​ບຳເໜັດ​ໃນ​ແຜ່ນດິນ​ໂລກ​ນີ້​ສັນໃດ ຄົນ​ອະທຳ​ກັບ​ຄົນບາບ​ຈະ​ຕ້ອງ​ຖືກ​ລົງໂທດ​ຢ່າງ​ແນ່ແທ້​ສັນນັ້ນ.

ສຸພາສິດ 12:14

ຈາກ​ຜົນ​ແຫ່ງ​ຖ້ອຍຄຳ​ຂອງຕົນ​ຄົນ​ກໍ​ອີ່ມໃຈ​ໃນ​ຄວາມດີ ແລະ​ຜົນງານ​ຈາກ​ມື​ຂອງ​ເຂົາ​ກໍ​ກັບ​ມາ​ຫາ​ເຂົາ.

ສຸພາສິດ 26:27

ຜູ້​ທີ່​ຫ້າງແຮ້ວ​ໃສ່​ຄົນອື່ນ ແຮ້ວ​ນັ້ນ​ຊໍ້າພັດ​ລັ່ນ​ຖືກ​ຕົນເອງ. ຜູ້​ທີ່​ເຮັດ​ໃຫ້​ຫີນ​ກິ້ງລົງ ກໍ​ຖືກ​ຫີນ​ນັ້ນ​ກິ້ງທັບ.

ປັນຍາຈານ 8:13

ແຕ່​ສຳລັບ​ຄົນຊົ່ວ​ທຸກສິ່ງ​ຈະ​ບໍ່​ເປັນ​ໄປ​ໂດຍ​ດີ. ຊີວິດ​ພວກເຂົາ​ເປັນ​ດັ່ງ​ເງົາ ແລະ​ພວກເຂົາ​ຈະ​ຕ້ອງ​ຕາຍ​ແຕ່​ຍັງ​ໜຸ່ມ ເພາະ​ພວກເຂົາ​ບໍ່ໄດ້​ຢຳເກງ​ພຣະເຈົ້າ.”

ເອຊາຢາ 13:11

ອົງພຣະ​ຜູ້​ເປັນເຈົ້າ​ກ່າວ​ວ່າ, “ເຮົາ​ຈະ​ນຳ​ໄພພິບັດ​ມາ​ເທິງ​ແຜ່ນດິນ​ໂລກ ແລະ​ລົງໂທດ​ຄົນຊົ່ວຮ້າຍ​ທຸກຄົນ​ເພາະ​ການບາບ​ຂອງ​ພວກເຂົາ. ເຮົາ​ຈະ​ເຮັດ​ໃຫ້​ຄົນ​ອວດອົ່ງ​ຈອງຫອງ​ທຸກຄົນ​ຖ່ອມໃຈ ແລະ​ຈະ​ລົງໂທດ​ຄົນ​ອວດດີ​ແລະ​ຄົນ​ຮ້າຍກາດ​ທຸກຄົນ.

ເອຊາຢາ 48:22

ພຣະເຈົ້າຢາເວ​ກ່າວ​ວ່າ, “ຄວາມ​ປອດໄພ ຈະ​ບໍ່ມີ​ສຳລັບ​ພວກ​ຄົນຊົ່ວຮ້າຍ.”

ເອຊາຢາ 65:20

ພວກ​ແອນ້ອຍ​ຈະ​ບໍ່​ຕາຍ​ຕັ້ງແຕ່​ຕອນ​ເກີດໃໝ່​ອີກ​ຕໍ່ໄປ ແລະ​ປະຊາຊົນ​ທັງໝົດ​ຈະ​ມີ​ອາຍຸ​ໝັ້ນຍືນ​ຫລາຍ. ຄົນ​ທີ່​ມີ​ຊີວິດ​ຮ້ອຍ​ປີ​ກໍ​ນັບ​ວ່າ​ຍັງ​ໜຸ່ມ​ຢູ່. ຄົນ​ຕາຍ​ກ່ອນ​ນັ້ນ ເປັນ​ສັນຍານ​ບອກ​ວ່າ, ຖືກ​ເຮົາ​ລົງໂທດ​ເຂົາ.

ເອຊາຢາ 65:6

ເຮົາ​ຕັດສິນໃຈ​ລົງໂທດ​ພວກເຂົາ​ແລ້ວ ແລະ​ໂທດກຳ​ຂອງ​ພວກເຂົາ​ນັ້ນ​ກໍ​ບັນທຶກ​ໄວ້​ແລ້ວ. ເຮົາ​ຈະ​ບໍ່​ເບິ່ງ​ຂ້າມ​ສິ່ງ​ທີ່​ພວກເຂົາ​ໄດ້​ເຮັດ

ເອຊາຢາ 65:7

ແຕ່​ເຮົາ​ຈະ​ຕອບແທນ​ການບາບ​ທີ່​ພວກເຂົາ​ໄດ້​ເຮັດ ພ້ອມ​ທັງ​ການບາບ​ຂອງ​ບັນພະບຸລຸດ​ຂອງ​ພວກເຂົາ. ພວກເຂົາ​ໄດ້​ເຜົາ​ເຄື່ອງຫອມ​ບູຊາ​ພະ​ຂອງ​ຊາວ​ຕ່າງຊາດ​ທີ່​ເນີນພູ ແລະ​ໄດ້​ເວົ້າ​ສິ່ງ​ທີ່​ຊົ່ວຮ້າຍ​ໃສ່​ເຮົາ. ສະນັ້ນ ເຮົາ​ຈຶ່ງ​ຈະ​ລົງໂທດ​ພວກເຂົາ ໃຫ້​ສະສົມ​ກັບ​ບາບກຳ​ຂອງ​ພວກເຂົາ​ໃນ​ອະດີດ.”

ເຢເຣມີຢາ 21:14

ແຕ່​ເຮົາ​ຈະ​ລົງໂທດ​ໃນ​ສິ່ງ​ທີ່​ເຈົ້າ​ໄດ້​ເຮັດ. ເຮົາ​ຈະ​ຈູດ​ວັງ​ຂອງ​ເຈົ້າ ແລະ​ໄຟ​ຈະ​ໄໝ້​ເຜົາຜານ​ທຸກສິ່ງ​ທີ່​ຢູ່​ອ້ອມ​ນັ້ນ.” ພຣະເຈົ້າຢາເວ​ໄດ້​ກ່າວ​ດັ່ງນີ້ແຫລະ.

ເຢເຣມີຢາ 31:30

ແຕ່​ຄົນ​ເຫຼົ່ານັ້ນ ທຸກຄົນ​ທີ່​ກິນ​ໝາກອະງຸ່ນ​ສົ້ມ​ຈະ​ຕ້ອງ​ເຂັດ​ແຂ້ວ; ພວກເຂົາ​ທຸກຄົນ​ຈະ​ຕາຍ​ຍ້ອນ​ບາບ​ຂອງ​ພວກເຂົາ​ເອງ.”

ເອເຊກຽນ 16:59

ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ວ່າ ເຮົາ​ຈະ​ເຮັດ​ກັບ​ເຈົ້າ​ຕາມ​ທີ່​ເຈົ້າ​ສົມຄວນ​ໄດ້​ຮັບ ເພາະ​ເຈົ້າ​ໄດ້​ເມີນເສີຍ​ຕໍ່​ຄຳສັນຍາ​ຕ່າງໆ​ຂອງ​ເຈົ້າ ແລະ​ໄດ້​ຝ່າຝືນ​ພັນທະສັນຍາ​ດ້ວຍ.

ເອເຊກຽນ 18:20

ຜູ້​ທີ່​ເຮັດ​ບາບ​ຄື​ຜູ້​ທີ່​ຈະ​ຕ້ອງ​ຕາຍ. ລູກຊາຍ​ບໍ່​ຕ້ອງ​ຮັບ​ໂທດກຳ​ເພາະ​ພໍ່​ຂອງຕົນ​ໄດ້​ເຮັດ​ບາບ; ຫລື​ພໍ່​ບໍ່​ຕ້ອງ​ຮັບ​ໂທດກຳ​ເພາະ​ລູກ​ຂອງຕົນ​ໄດ້​ເຮັດ​ບາບ. ຄົນ​ຊອບທຳ​ຈະ​ໄດ້​ຮັບ​ບຳເໜັດ​ສຳລັບ​ການດີ​ທີ່​ຕົນ​ໄດ້​ເຮັດ ແລະ​ຄົນຊົ່ວ​ກໍ​ຈະ​ໄດ້​ຮັບ​ໂທດກຳ​ສຳລັບ​ການຊົ່ວ​ທີ່​ຕົນ​ໄດ້​ເຮັດ.

ເອເຊກຽນ 2:10

ມື​ນັ້ນ​ພື​ໜັງສື​ມ້ວນ​ອອກ ແລະ​ຂ້າພະເຈົ້າ​ກໍໄດ້​ເຫັນ​ຄຳ​ຂຽນ​ໄວ້​ທັງສອງ​ໜ້າ ເປັນ​ບົດ​ຮ້ອງໄຫ້​ອາໄລ​ອາວອນ ແລະ​ຄໍ່າຄວນ.

ເອເຊກຽນ 24:14

ເຮົາ​ຄື​ພຣະເຈົ້າຢາເວ​ໄດ້​ກ່າວ​ດັ່ງນີ້ແຫຼະ. ເວລາ​ທີ່​ເຮົາ​ຈະ​ລົງມື​ດຳເນີນການ​ນັ້ນ​ມາ​ເຖິງ​ແລ້ວ. ເຮົາ​ຈະ​ບໍ່​ເມີນເສີຍ​ຕໍ່​ບາບ​ນາໆ​ປະການ​ຂອງເຈົ້າ ຫລື​ສະແດງ​ຄວາມ​ເມດຕາ​ຕໍ່​ເຈົ້າ. ເຈົ້າ​ຈະ​ຖືກ​ລົງໂທດ​ເພາະ​ສິ່ງ​ທີ່​ເຈົ້າ​ໄດ້​ເຮັດ​ນັ້ນ.” ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ດັ່ງນີ້ແຫຼະ.

ເອເຊກຽນ 33:8

ຖ້າ​ເຮົາ​ປະກາດ​ວ່າ​ຄົນຊົ່ວ​ຜູ້ໜຶ່ງ​ກຳລັງ​ຈະ​ຕາຍ ແຕ່​ເຈົ້າ​ບໍ່ໄດ້​ຕັກເຕືອນ​ລາວ​ໃຫ້​ປ່ຽນ​ທິດທາງ​ເພື່ອ​ຊ່ວຍ​ຊີວິດ​ຂອງຕົນ​ໄວ້; ແລ້ວ​ລາວ​ກໍ​ຈະ​ຕາຍ​ເສຍ​ທັງໆ​ທີ່​ຍັງ​ເປັນ​ຄົນ​ບາບ​ຢູ່; ເຮົາ​ຈະ​ຖື​ວ່າ​ການຕາຍ​ຂອງ​ຄົນ​ນັ້ນ ເປັນ​ຄວາມ​ຮັບຜິດຊອບ​ຂອງເຈົ້າ.

ມີກາ 3:4

ເມື່ອ​ເວລາ​ມາ​ເຖິງ ພວກເຈົ້າ​ຈະ​ຮ້ອງ​ຫາ​ພຣະເຈົ້າຢາເວ; ແຕ່​ພຣະອົງ​ຈະ​ບໍ່​ຕອບ​ພວກເຈົ້າ. ພຣະອົງ​ຈະ​ບໍ່​ຟັງ​ຄຳພາວັນນາ​ອະທິຖານ​ຂອງ​ພວກເຈົ້າ ກໍ​ເພາະ​ພວກເຈົ້າ​ໄດ້​ປະພຶດ​ຊົ່ວ.

ມີກາ 7:13

ແຕ່​ແຜ່ນດິນ​ໂລກ​ຈະ​ກາຍເປັນ​ຖິ່ນ​ແຫ້ງແລ້ງ​ກັນດານ ຍ້ອນ​ຄວາມຊົ່ວ​ຂອງ​ຄົນ​ທີ່​ອາໄສ​ຢູ່​ໃນ​ທີ່ນັ້ນ.

ຈົດບັນຊີ 32:23

ແຕ່​ຖ້າ​ພວກເຈົ້າ​ຫາກ​ບໍ່​ເຮັດ​ຕາມ​ສັນຍາ ເຮົາ​ຂໍເຕືອນ​ວ່າ ພວກເຈົ້າ​ໄດ້​ເຮັດ​ບາບ​ຕໍ່ສູ້​ພຣະເຈົ້າຢາເວ ແລະ​ພວກເຈົ້າ​ຈະ​ໄດ້​ຮັບ​ໂທດກຳ​ຍ້ອນ​ບາບ​ນັ້ນ. ຢ່າ​ເຂົ້າໃຈ​ຜິດ​ໃນ​ເລື່ອງ​ນີ້.

2 ໂກຣິນໂທ 5:10

ດ້ວຍວ່າ, ຈຳເປັນ​ທີ່​ພວກເຮົາ​ທຸກຄົນ ຈະ​ຕ້ອງ​ປາກົດ​ຕົວ​ຕໍ່ໜ້າ​ບັນລັງ​ພິພາກສາ​ຂອງ​ພຣະຄຣິດ ເພື່ອ​ແຕ່ລະຄົນ​ຈະ​ໄດ້​ຮັບ ສົມ​ກັບ​ການ​ທີ່​ຕົນ​ໄດ້​ເຮັດ​ໃນ​ຮ່າງກາຍ​ນີ້ ແລ້ວ​ແຕ່​ຈະ​ດີ ຫລື​ຊົ່ວ.

ຢາໂກໂບ 2:13

ເພາະວ່າ ໃນ​ການ​ພິພາກສາ ພຣະເຈົ້າ​ຈະ​ບໍ່​ຊົງ​ສຳແດງ​ຄວາມ​ເມດຕາ ຕໍ່​ຜູ້​ທີ່​ບໍ່ໄດ້​ສະແດງ​ຄວາມ​ເມດຕາ ສ່ວນ​ຄວາມ​ເມດຕາ ຍ່ອມ​ມີ​ໄຊຊະນະ​ເໜືອ​ການ​ພິພາກສາ.

ພວກ^ຜູ້ປົກຄອງ 9:57

ພຣະເຈົ້າ​ຍັງ​ໄດ້​ເຮັດ​ໃຫ້​ຊາວ​ຊີເຄມ​ທົນທຸກ ຍ້ອນ​ຜົນກຳ​ແຫ່ງ​ຄວາມ​ຊົ່ວຊ້າ​ຂອງ​ພວກເຂົາ ຊຶ່ງ​ເປັນ​ໄປ​ຕາມ​ທີ່​ໂຢທາມ​ລູກຊາຍ​ຂອງ​ກີເດໂອນ ໄດ້​ບອກ​ໄວ້​ວ່າ​ຈະ​ເກີດຂຶ້ນ ຕອນ​ທີ່​ລາວ​ສາບແຊ່ງ​ພວກເຂົາ​ນັ້ນ.