ເອຊາຢາ 29:8 - ພຣະຄຳພີສັກສິ

⁸ ຊົນຊາດ​ທັງໝົດ​ທີ່​ເຕົ້າໂຮມ​ກັນ​ເພື່ອ​ໂຈມຕີ​ນະຄອນ​ເຢຣູຊາເລັມ ຈະ​ເປັນ​ດັ່ງ​ຄົນ​ກຳລັງ​ຈະ​ຕາຍ​ເພາະ​ຫິວເຂົ້າ ທີ່​ຝັນ​ວ່າ​ກຳລັງ​ກິນ​ເຂົ້າ ແລະ​ຕື່ນ​ຂຶ້ນ​ມາ​ຫິວໂຫຍ ຫລື​ດັ່ງ​ຄົນ​ກຳລັງ​ຈະ​ຕາຍ​ຍ້ອນ​ກະຫາຍ​ນໍ້າ ທີ່​ຝັນ​ວ່າ​ກຳລັງ​ດື່ມ​ນໍ້າ ແລະ​ຕື່ນ​ຂຶ້ນ​ມາ​ໂດຍ​ຄໍ​ກໍ​ຍັງ​ແຫ້ງ.

ເອຊາຢາ 29:8 Jak'a apnaqawi uñst'ayäwi

2 ຂ່າວຄາວ 32:21

ພຣະເຈົ້າຢາເວ​ຈຶ່ງ​ໃຊ້​ເທວະດາ​ຕົນ​ໜຶ່ງ​ມາ​ຂ້າ​ທະຫານ ແລະ​ນາຍ​ທະຫານ​ຂອງ​ກອງທັບ​ອັດຊີເຣຍ. ສະນັ້ນ ກະສັດ​ແຫ່ງ​ອັດຊີເຣຍ​ຈຶ່ງ​ໄດ້​ກັບຄືນ​ເມືອ​ປະເທດ​ຢ່າງ​ອັບອາຍ​ຂາຍໜ້າ. ມື້ໜຶ່ງ ເມື່ອ​ເພິ່ນ​ຍັງ​ຢູ່​ໃນ​ວິຫານ​ພະ​ຂອງ​ເພິ່ນ ລູກຊາຍ​ເພິ່ນ​ບາງຄົນ​ໄດ້​ໃຊ້​ດາບ​ສັງຫານ​ເພິ່ນ​ເສຍ.

ເພງ^ສັນລະເສີນ 129:5

ຂໍ​ໃຫ້​ທຸກໆ​ຄົນ​ທີ່​ກຽດຊັງ​ພູເຂົາ​ຊີໂອນ ພ່າຍແພ້​ແລະ​ຖືກ​ຂັບໄລ່​ຄືນ​ໄປ​ເຖີດ.

ເພງ^ສັນລະເສີນ 73:20

ຂ້າແດ່​ອົງພຣະ​ຜູ້​ເປັນເຈົ້າ ພວກເຂົາ​ເປັນ​ເໝືອນ​ຄວາມຝັນ​ທີ່​ຫາຍໄປ ໃນ​ຕອນເຊົ້າ ເມື່ອ​ພຣະອົງ​ຕື່ນ​ຂຶ້ນ ພວກເຂົາ​ກໍ​ສູນຫາຍ​ໄປ​ແລ້ວ.

ເອຊາຢາ 41:11

ຜູ້ໃດ​ທີ່​ໂກດຮ້າຍ​ພວກເຈົ້າ​ຈະ​ພ່າຍແພ້​ຢ່າງ​ອັບອາຍ ຜູ້ໃດ​ທີ່​ຕໍ່ສູ້​ພວກເຈົ້າ​ຈະ​ຕ້ອງ​ຕາຍ​ເປັນ​ແນ່

ເອຊາຢາ 41:12

ພວກເຂົາ​ຈະ​ສາບສູນ​ຈາກ​ແຜ່ນດິນ​ໂລກ​ນີ້​ໄປ ທຸກຄົນ​ທີ່​ຕໍ່ສູ້​ເຈົ້າ​ທັງຫລາຍ​ຈະ​ບໍ່ມີ​ຄຸນຄ່າ.

ເອຊາຢາ 44:12

ຊ່າງ​ຕີເຫລັກ​ເອົາ​ໂລຫະ​ມາ​ຫລອມ. ແຂນ​ອັນ​ແຂງແຮງ​ຂອງ​ລາວ​ກໍ​ໃຊ້​ຄ້ອນ​ຕີ​ໂລຫະ​ໃຫ້​ເປັນ​ຮູບ. ໃນ​ເວລາ​ທີ່​ເຮັດ​ວຽກ​ຢູ່ນັ້ນ ລາວ​ກໍ​ຫິວເຂົ້າ, ຢາກ​ນໍ້າ ແລະ​ອິດເມື່ອຍ.

ເອຊາຢາ 54:17

ແຕ່​ບໍ່ມີ​ອາວຸດ​ໃດໆ​ທີ່​ທຳຮ້າຍ​ເຈົ້າ​ໄດ້​ເລີຍ ເຈົ້າ​ຈະ​ມີ​ຄຳຕອບ​ແກ່​ທຸກຄົນ​ທີ່​ຟ້ອງ​ເຈົ້າ. ເຮົາ​ຈະ​ປ້ອງກັນ​ຜູ້ຮັບໃຊ້​ຂອງເຮົາ​ໃຫ້​ມີໄຊ.” ພຣະເຈົ້າຢາເວ​ໄດ້​ກ່າວ​ດັ່ງນີ້ແຫລະ.

ນາຮູມ 1:15

ເບິ່ງດູ ຜູ້​ສົ່ງຂ່າວ​ກຳລັງ​ນຳ​ຂ່າວດີ​ຂ້າມ​ພູເຂົາ​ທັງຫລາຍ​ມາ ພວກເຂົາ​ກຳລັງ​ເດີນທາງ​ມາ ເພື່ອ​ປະກາດ​ສັນຕິສຸກ ປະຊາຊົນ​ຢູດາ​ເອີຍ ຈົ່ງ​ສະເຫລີມ​ສະຫລອງ​ເທດສະການ​ຕ່າງໆ​ຂອງ​ພວກເຈົ້າ​ສາ ແລະ​ຈົ່ງ​ຖວາຍ​ສິ່ງ​ທີ່​ພວກເຈົ້າ​ໄດ້​ສັນຍາ​ໄວ້​ຢ່າງ​ໜັກແໜ້ນ​ກັບ​ພຣະເຈົ້າ. ຄົນຊົ່ວຮ້າຍ​ຈະ​ບໍ່​ບຸກລຸກ​ດິນແດນ​ຂອງ​ພວກເຈົ້າ​ອີກ​ຈັກເທື່ອ. ພວກເຂົາ​ໄດ້​ຖືກ​ທຳລາຍ​ຢ່າງ​ໝົດກ້ຽງ​ສາ​ແລ້ວ.

ນາຮູມ 2:1

ນະຄອນ​ນີເນເວ​ເອີຍ ເຈົ້າ​ຖືກ​ໂຈມຕີ​ສາ​ແລ້ວ ອຳນາດ​ທີ່​ຈະ​ທຳລາຍ​ເຈົ້າ​ໃຫ້​ໝຸ່ນ​ມາເຖິງ​ສາ​ແລ້ວ. ຈົ່ງ​ເຝົ້າຍາມ​ກຳແພງ ຈົ່ງ​ເຝົ້າຍາມ​ຫົນທາງ ຈົ່ງ​ພາກັນ​ລະດົມພົນ​ທີ່​ພວກເຈົ້າ​ມີ​ນັ້ນ​ໄວ້. (