ເອຊາຢາ 26:18 - ພຣະຄຳພີສັກສິ

¹⁸ ພວກ​ຂ້ານ້ອຍ​ເຈັບປວດ​ເກືອບ​ຈະ​ສິ້ນໃຈ​ຕາຍ ແຕ່​ກໍ​ບໍ່ໄດ້​ໃຫ້​ກຳເນີດ​ຫຍັງ​ອອກ​ມາ​ຊໍ້າ ທັງ​ບໍ່ໄດ້​ນຳ​ໄຊຊະນະ​ມາ​ສູ່​ດິນແດນ​ເລີຍ ພວກ​ຂ້ານ້ອຍ​ບໍ່ໄດ້​ສຳເລັດຜົນ​ຫຍັງ​ທັງນັ້ນ.

ເອຊາຢາ 26:18 Jak'a apnaqawi uñst'ayäwi

2 ກະສັດ 19:3

ນີ້​ແມ່ນ​ຖ້ອຍຄຳ​ທີ່​ເພິ່ນ​ໄດ້​ບອກ​ໃຫ້​ພວກເຂົາ​ເວົ້າ​ກັບ​ເອຊາຢາ: “ວັນນີ້ ເປັນ​ມື້​ແຫ່ງ​ຄວາມ​ທົນທຸກ; ພວກ​ຂ້າພະເຈົ້າ​ຖືກ​ລົງໂທດ ແລະ​ຖືກ​ອັບອາຍ​ຂາຍໜ້າ. ພວກ​ຂ້າພະເຈົ້າ​ເປັນ​ດັ່ງ​ຍິງ​ທີ່​ກຳລັງ​ຈະ​ຄອດ​ລູກ, ແຕ່​ບໍ່ມີ​ແຮງ​ພໍ​ເບັ່ງ​ລູກ​ອອກ.

ເພງ^ສັນລະເສີນ 17:14

ຂ້າແດ່​ພຣະເຈົ້າຢາເວ ໂຜດ​ຊ່ວຍ​ໃຫ້​ພົ້ນ​ຈາກ​ຄົນ​ເຫຼົ່ານີ້ ຄື​ຈາກ​ມະນຸດ​ທີ່​ເຫັນແກ່ໄດ້ ໃນ​ຊີວິດ​ນີ້​ພວກເຂົາ​ເອົາ​ໄດ້​ທຸກສິ່ງ​ທີ່​ພວກເຂົາ​ຕ້ອງການ. ໂຜດ​ລົງໂທດ​ພວກເຂົາ​ໃຫ້​ທົນທຸກ​ໂດຍ​ໂທດກຳ ທີ່​ພວກເຂົາ​ໄດ້​ສະສົມ​ໄວ້​ນັ້ນ. ຂໍ​ໃຫ້​ພວກ​ລູກຫລານ​ຂອງ​ເຂົາເຈົ້າ ໄດ້​ຮັບ​ໂທດກຳ​ນັ້ນ​ຈົນ​ທົນ​ບໍ່​ໄຫວ ທັງ​ປະ​ໄວ້​ໃຫ້​ຫລານ​ເຫຼັນ​ຫລ້ອນ ຂອງ​ພວກເຂົາ​ເຊັ່ນ​ຕໍ່ໆ​ໄປ​ອີກ​ດ້ວຍ.

ເອຊາຢາ 33:11

ແຜນການ​ຂອງ​ພວກເຈົ້າ​ບໍ່ໄດ້​ເລື່ອງ ແລະ​ບໍ່ມີ​ປະໂຫຍດ. ວິນຍານ​ຂອງເຮົາ​ເປັນ​ດັ່ງ​ໄຟ ທີ່​ຈະ​ທຳລາຍ​ພວກເຈົ້າ.

ເອຊາຢາ 37:3

ພວກເຂົາ​ໄດ້​ນຳ​ຖ້ອຍຄຳ​ໄປ​ບອກ​ເອຊາຢາ​ດັ່ງນີ້: “ມື້ນີ້​ແມ່ນ​ມື້​ທີ່​ພວກເຮົາ​ເປັນທຸກໃຈ​ຫລາຍ; ພວກເຮົາ​ໄດ້​ຮັບ​ໂທດ​ໜັກ ແລະ​ໄດ້​ຮັບ​ຄວາມ​ອັບອາຍ​ຂາຍໜ້າ. ພວກເຮົາ​ເປັນ​ຄື​ແມ່ຍິງ​ທີ່​ກຳລັງ​ຈະ​ອອກລູກ, ແຕ່​ອ່ອນເພຍ​ເກີນກວ່າ​ທີ່​ຈະ​ເບັ່ງ​ລູກ​ອອກ​ໄດ້.

ເອຊາຢາ 59:4

ພວກເຈົ້າ​ໄປ​ສານ​ແຕ່​ຄວາມ​ຍຸດຕິທຳ​ຈະ​ບໍ່​ຢູ່​ຝ່າຍ​ພວກເຈົ້າ ເພາະ​ພວກເຈົ້າ​ເວົ້າ​ຕົວະ​ເພື່ອ​ເອົາ​ຊະນະ​ຄະດີ. ພວກເຈົ້າ​ໃຊ້​ອຸບາຍ​ເພື່ອ​ທຳຮ້າຍ​ຄົນອື່ນ.

ໂຮເສອາ 13:13

ຊາວ​ອິດສະຣາເອນ​ມີ​ໂອກາດ​ທີ່​ຈະ​ມີ​ຊີວິດ​ຢູ່, ແຕ່​ພວກເຂົາ​ປະ​ໂອກາດ​ນັ້ນ​ໄປ ເພາະ​ຄວາມ​ໂງ່ຈ້າ​ດັ່ງ​ເດັກນ້ອຍ​ທີ່​ກຳລັງ​ຈະ​ເກີດ ແຕ່​ບໍ່​ຍອມ​ອອກ​ມາ​ຈາກ​ທ້ອງ​ແມ່.

ໂຢຮັນ 7:7

ໂລກ​ບໍ່​ສາມາດ​ກຽດຊັງ​ພວກເຈົ້າ ແຕ່​ວ່າ​ມັນ​ກຽດຊັງ​ເຮົາ ເພາະ​ເຮົາ​ເປັນ​ພະຍານ​ວ່າ​ກິດຈະການ​ຂອງ​ໂລກ​ນັ້ນ​ຊົ່ວຮ້າຍ.

1 ໂຢຮັນ 5:19

ເຮົາ​ທັງຫລາຍ​ຮູ້​ແລ້ວ​ວ່າ ພວກເຮົາ​ເກີດ​ຈາກ​ພຣະເຈົ້າ ມະນຸດສະໂລກ​ທັງໝົດ​ຈົມ​ຢູ່​ໃຕ້​ອຳນາດ​ຂອງ​ມານຊົ່ວຮ້າຍ.

1 ຊາມູເອນ 11:13

ແຕ່​ໂຊນ​ເວົ້າ​ວ່າ, “ມື້ນີ້ ຈະ​ບໍ່ມີ​ຜູ້ໃດ​ຖືກ​ປະຫານ​ຊີວິດ ເພາະ​ແມ່ນ​ມື້​ທີ່​ພຣະເຈົ້າຢາເວ​ຊ່ວຍ​ກອບກູ້​ເອົາ​ຊາດ​ອິດສະຣາເອນ.”

1 ຊາມູເອນ 14:45

ແຕ່​ປະຊາຊົນ​ເວົ້າ​ຕໍ່​ກະສັດ​ໂຊນ​ວ່າ, “ຈະ​ໃຫ້​ໂຢນາທານ ຜູ້​ທີ່​ນຳ​ໄຊຊະນະ​ອັນ​ຍິ່ງໃຫຍ່​ມາ​ສູ່​ຊາດ​ອິດສະຣາເອນ​ຖືກ​ຂ້າ​ຊັ້ນບໍ? ບໍ່ໄດ້ ພວກ​ຂ້ານ້ອຍ​ຂໍ​ສັນຍາ​ຕໍ່​ພຣະເຈົ້າຢາເວ​ອົງ​ຊົງ​ຊີວິດ​ຢູ່​ວ່າ ແມ່ນແຕ່​ຜົມ​ເສັ້ນ​ໜຶ່ງ​ທີ່​ຫົວ​ຂອງ​ເພິ່ນ​ຈະ​ບໍ່​ໃຫ້​ສູນເສຍ​ໄປ. ສິ່ງ​ທີ່​ເພິ່ນ​ໄດ້​ເຮັດ​ໃນ​ມື້ນີ້ ແມ່ນ​ການ​ຊ່ວຍເຫລືອ​ຂອງ​ພຣະເຈົ້າ.” ສະນັ້ນ ປະຊາຊົນ​ຈຶ່ງ​ຊ່ວຍ​ໂຢນາທານ​ບໍ່​ໃຫ້​ຖືກ​ຂ້າ.