ເອຊາຢາ 23:17 - ພຣະຄຳພີສັກສິ

¹⁷ ເມື່ອ​ເຈັດສິບ​ປີ​ນັ້ນ​ໝົດ​ໄປ​ແລ້ວ ພຣະເຈົ້າຢາເວ​ຈະ​ໃຫ້​ເມືອງ​ຕີເຣ​ກັບ​ສູ່​ສະພາບ​ເດີມ ແລະ​ເມືອງນີ້​ຈະ​ຮັບຈ້າງ​ເຮັດ​ທຸລະກິດ​ກັບ​ທຸກ​ອານາຈັກ​ໃນ​ໂລກ.

ເອຊາຢາ 23:17 Jak'a apnaqawi uñst'ayäwi

ເອຊາຢາ 23:15

ເມື່ອ​ເວລາ​ນັ້ນ​ມາ​ເຖິງ ເມືອງ​ຕີເຣ​ຈະ​ຖືກ​ລືມໄລ​ເປັນ​ເວລາ​ເຈັດສິບ​ປີ ຄື​ຊົ່ວຊີວິດ​ຂອງ​ກະສັດ​ຜູ້ໜຶ່ງ. ເມື່ອ​ປີ​ເຫຼົ່ານັ້ນ​ໄດ້​ຜ່ານພົ້ນ​ໄປ​ແລ້ວ ເມືອງ​ຕີເຣ​ຈະ​ເປັນ​ດັ່ງ​ຍິງໂສເພນີ​ທີ່​ຮ້ອງເພງ​ວ່າ:

ເອຊາຢາ 23:16

“ຈົ່ງ​ຈັບ​ກິດຕາ​ຂຶ້ນ​ດີດ​ຍ່າງ​ເລາະ​ໄປ​ທົ່ວເມືອງ ພວກເຈົ້າ​ຍິງໂສເພນີ​ຜູ້​ທີ່​ຖືກ​ລືມໄລ​ໄປ​ສິ້ນ ຈົ່ງ​ພາກັນ​ຮ້ອງລຳ​ທຳເພງ​ກັນ​ອີກ​ໃໝ່ ເພື່ອ​ນຳ​ພວກ​ຜູ້ຊາຍ​ໃຫ້​ກັບຄືນ​ມາ​ອີກ​ແມ.”

ເຢເຣມີຢາ 25:11

ດິນແດນ​ທັງໝົດ​ນີ້​ຈະ​ຖືກ​ປະປ່ອຍ​ໃຫ້​ຮົກຮ້າງ​ເພພັງ ຊຶ່ງ​ຈະ​ເປັນ​ສະພາບ​ຕົກ​ສະທ້ານ​ຢ້ານກົວ​ໃຈ​ຫລາຍ​ເມື່ອ​ໄດ້​ພົບເຫັນ; ແລະ​ປະເທດ​ໃກ້ຄຽງ​ຈະ​ຮັບໃຊ້​ກະສັດ​ແຫ່ງ​ບາບີໂລນ​ເປັນ​ເວລາ​ເຈັດສິບ​ປີ.

ເຢເຣມີຢາ 29:10

ພຣະເຈົ້າຢາເວ​ກ່າວ​ວ່າ, ‘ເມື່ອ​ຢູ່​ນະຄອນ​ບາບີໂລນ​ຄົບ​ເຈັດສິບ​ປີ ແລ້ວ​ເຮົາ​ກໍ​ຈະ​ສະແດງ​ຄວາມ​ຫ່ວງໃຍ​ຂອງເຮົາ​ສຳລັບ​ພວກເຈົ້າ ທັງ​ຈະ​ຮັກສາ​ຄຳສັນຍາ​ຂອງເຮົາ​ທີ່​ວ່າ ຈະ​ນຳ​ພວກເຈົ້າ​ກັບຄືນ​ມາ​ສູ່​ບ້ານເກີດ​ເມືອງນອນ.

ເອເຊກຽນ 16:25

ເຈົ້າ​ໄດ້​ເອົາ​ຄວາມງາມ​ຂອງເຈົ້າ​ໄປ​ເກືອກກົ້ວ​ກັບ​ຂີ້ຕົມ. ເຈົ້າ​ໄດ້​ມອບ​ເຈົ້າເອງ​ໃຫ້​ແກ່​ທຸກໆຄົນ​ທີ່​ຜ່ານ​ໄປມາ ແລະ​ເຈົ້າ​ກໍໄດ້​ປະພຶດ​ຕົນ​ເປັນ​ແມ່ຈ້າງ​ຫລາຍຂຶ້ນ​ທຸກໆ​ວັນ.

ເອເຊກຽນ 16:26

ເຈົ້າ​ຍອມ​ໃຫ້​ຊາວ​ເອຢິບ​ນອນ​ນຳ​ເຈົ້າ ຄື​ເພື່ອນບ້ານ​ຂອງເຈົ້າ​ທີ່​ມີ​ຕັນຫາ​ຫລາຍ ແລະ​ເຈົ້າ​ໄດ້​ໃຊ້​ຄວາມເປັນ​ໂສເພນີ​ຂອງເຈົ້າ​ນັ້ນ​ເຮັດ​ໃຫ້​ເຮົາ​ໂກດຮ້າຍ.

ເອເຊກຽນ 16:31

ຕາມ​ຖະໜົນ​ທຸກ​ສາຍ​ເຈົ້າ​ໄດ້​ສ້າງ​ບ່ອນ​ຂາບໄຫວ້​ຮູບເຄົາຣົບ. ແຕ່​ເຈົ້າ​ພັດ​ບໍ່ໄດ້​ເງິນ​ດັ່ງ​ຍິງ​ແມ່ຈ້າງ​ທົ່ວໆ​ໄປ​ໄດ້.

ເອເຊກຽນ 22:13

ເຮົາ​ຈະ​ຍົກ​ກຳປັ້ນ​ຕີ​ພວກ​ທີ່​ກໍ່​ການ​ປຸ້ນສະດົມ​ກັບ​ກໍ່​ການຄາດຕະກຳ.

ມີກາ 1:7

ບັນດາ​ຮູບເຄົາຣົບ​ອັນ​ມີຄ່າ​ຈະ​ຖືກ​ທັບ​ໃຫ້​ໝຸ່ນ​ທະລາຍ ທຸກສິ່ງ​ທີ່​ຖືກ​ຖວາຍ​ແກ່​ບັນດາ​ໂສເພນີ ຈະ​ຖືກ​ທຳລາຍ​ດ້ວຍ​ໄຟ ແລະ​ຮູບເຄົາຣົບ​ທັງໝົດ​ໃນ​ເມືອງ​ນີ້​ຈະ​ຖືກ​ກອງ​ປະໄວ້​ຢ່າງ​ເປັນ​ຕາຢ້ານ. ນະຄອນ​ຊາມາເຣຍ​ໄດ້​ຮັບ​ສິ່ງ​ເຫຼົ່ານີ້​ມາ​ຈາກ​ພິທີ​ຕ່າງໆ ສຳລັບ​ໃຫ້​ເກີດ​ມີ​ຄວາມ​ອຸດົມ​ສົມບູນ ມາບັດນີ້ ເຫຼົ່າ​ສັດຕູ​ຈະ​ມາ​ຈັບ​ພວກເຂົາ​ໄປ​ເພື່ອ​ໃຫ້​ຂາບໄຫວ້​ໃນ​ແຫ່ງ​ອື່ນ.”

ມີກາ 3:11

ພວກ​ຜູ້ປົກຄອງ​ເມືອງ ກໍ​ປົກຄອງ​ດ້ວຍ​ເຫັນ​ແກ່​ສິນບົນ ພວກ​ປະໂຣຫິດ​ກໍ​ແປ​ກົດບັນຍັດ​ດ້ວຍ​ເຫັນ​ແກ່​ຄ່າຈ້າງ​ລາງວັນ ພວກ​ຜູ້ທຳນວາຍ​ກໍ​ບອກ​ນິມິດ​ຂອງຕົນ​ດ້ວຍ​ເຫັນ​ແກ່​ເງິນ ແລະ​ພວກເຂົາ​ທຸກຄົນ​ຕ່າງ​ກໍ​ອ້າງ​ວ່າ ພຣະເຈົ້າຢາເວ​ຢູ່​ກັບ​ພວກຕົນ ພວກເຂົາ​ເວົ້າ​ວ່າ, “ເຫດຮ້າຍ​ໃດໆ​ຈະ​ບໍ່​ມາ​ຖືກ​ພວກເຮົາ​ດອກ ເພາະ​ພຣະເຈົ້າຢາເວ​ສະຖິດ​ຢູ່​ນຳ​ພວກເຮົາ.”

ນາຮູມ 3:4

ນີເນເວ ຍິງ​ແພດສະຫຍາ​ຖືກ​ລົງໂທດ​ແລ້ວ​ເດ ນາງ​ຜູ້​ມີ​ສະເໜ່​ລໍ້ລວງ​ຄົນ​ທັງຫລາຍ​ໃຫ້​ຕາຍ​ຍ້ອນ; ນາງ​ເຮັດ​ໃຫ້​ຊາດ​ຕ່າງໆ​ຫລົງໄຫລ​ໄປ​ນຳ ແລະ​ເຮັດ​ໃຫ້​ຄົນ​ກາຍເປັນ​ທາດຮັບໃຊ້​ທັງ​ປະເທດ.

ເຊຟານີຢາ 2:7

ຊາວ​ຢູດາ​ຜູ້​ທີ່​ລອດຊີວິດ​ຈະ​ຄຸ້ມຄອງ​ດິນແດນ​ຂອງ​ພວກເຈົ້າ. ພວກເຂົາ​ຈະ​ລ້ຽງ​ຝູງແກະ​ຢູ່​ທີ່​ນັ້ນ ແລະ​ນອນ​ຢູ່​ຕາມ​ເຮືອນ ໃນ​ເມືອງ​ອາຊະເກໂລນ. ພຣະເຈົ້າຢາເວ ພຣະເຈົ້າ​ຂອງ​ພວກເຂົາ ຈະ​ສະຖິດ​ຢູ່​ນຳ​ພວກເຂົາ ແລະ​ຈະ​ເຮັດ​ໃຫ້​ພວກເຂົາ​ຈະເລີນ​ຮຸ່ງເຮືອງ​ຂຶ້ນອີກ.

ກິດຈະການ 15:14

ຊີໂມນ ໄດ້​ອະທິບາຍ​ສູ່​ພວກເຮົາ​ຟັງ​ແລ້ວ​ວ່າ ພຣະເຈົ້າ​ໄດ້​ສຳແດງ​ຄວາມ​ເປັນຫ່ວງ​ຄົນຕ່າງຊາດ​ເທື່ອ​ທຳອິດ ໂດຍ​ໄດ້​ເລືອກ​ເອົາ​ຄົນ​ກຸ່ມ​ໜຶ່ງ ຈາກ​ທ່າມກາງ​ພວກເຂົາ​ໃຫ້​ເປັນ​ຂອງ​ພຣະອົງ.

ພຣະບັນຍັດສອງ 23:18

ເຊັ່ນດຽວ​ກັນ ເງິນ​ທີ່​ໄດ້​ໃນ​ທຳນອງນີ້​ບໍ່​ໃຫ້​ຖືກ​ນຳ​ເຂົ້າ​ມາ​ເປັນ​ການ​ແກ້​ບະບົນ ໃນ​ວິຫານ​ຂອງ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ເພາະ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ກຽດຊັງ​ວັດ​ຂອງ​ພວກ​ໂສເພນີ.

1 ຕີໂມທຽວ 3:3

ຕ້ອງ​ບໍ່​ເປັນ​ຄົນ​ມືນເມົາ ແລະ ຫຍາບຊ້າ​ສາໂຫດ ແຕ່​ເປັນ​ຄົນ​ມີ​ໃຈ​ສຸພາບ​ອ່ອນໂຍນ ບໍ່​ເປັນ​ຄົນ​ມັກ​ຜິດຖຽງ​ກັນ ບໍ່​ເປັນ​ຄົນ​ຮັກ​ເງິນຄຳ

1 ຕີໂມທຽວ 3:8

ຝ່າຍ​ຜູ້ດູແລ​ຮັບໃຊ້​ໃນ​ຄຣິສຕະຈັກ​ກໍ​ເໝືອນກັນ ຕ້ອງ​ມີ​ຄຸນສົມບັດ​ດີ ເປັນ​ຄົນ​ເອົາການ​ເອົາງານ ແລະ​ມີ​ຄວາມ​ຈິງໃຈ ຕ້ອງ​ບໍ່​ດື່ມ​ເຫຼົ້າ ບໍ່​ເປັນ​ຄົນ​ໂລບ​ເຫັນ​ແກ່​ໄດ້;

1 ເປໂຕ 5:2

“ຈົ່ງ​ລ້ຽງ​ຝູງແກະ ທີ່​ພຣະເຈົ້າ​ໄດ້​ຝາກ​ໄວ້​ກັບ​ພວກເຈົ້າ ຈົ່ງ​ລ້ຽງ​ຮັກສາ​ດ້ວຍ​ຄວາມ​ເຕັມໃຈ ຕາມ​ນໍ້າພຣະໄທ​ຂອງ​ພຣະເຈົ້າ ບໍ່ແມ່ນ​ດ້ວຍ​ໃຈ​ຂົມຂື່ນ, ຈົ່ງ​ເຮັດ​ວຽກ​ຂອງ​ພວກເຈົ້າ​ດ້ວຍ​ຄວາມ​ເສຍ​ສະຫລະ ບໍ່ແມ່ນ​ເພື່ອ​ເຫັນແກ່​ຄ່າຈ້າງ​ລາງວັນ ແຕ່​ດ້ວຍ​ໃຈ​ເຫຼື້ອມໃສ.”

ພຣະນິມິດ 19:2

ດ້ວຍວ່າ, ການ​ຕັດສິນ​ຂອງ​ພຣະອົງ ກໍ​ຖືກຕ້ອງ​ແລະ​ຍຸດຕິທຳ ພຣະອົງ​ໄດ້​ຕັດສິນ​ລົງໂທດ​ຍິງໂສເພນີ​ຄົນ​ສຳຄັນ ຜູ້​ທີ່​ໄດ້​ເຮັດ​ໃຫ້​ໂລກ​ຊົ່ວຊ້າ​ໄປ​ດ້ວຍ​ການ​ຜິດ​ສິນທຳ​ທາງ​ເພດ​ຂອງຕົນ ພຣະເຈົ້າ​ໄດ້​ລົງໂທດ​ນາງ ຍ້ອນ​ນາງ​ໄດ້​ຂ້າ​ພວກ​ຜູ້ຮັບໃຊ້​ຂອງ​ພຣະອົງ.”