ເອຊາຢາ 20:5 - ພຣະຄຳພີສັກສິ

⁵ ພວກໃດ​ທີ່​ໄວ້ວາງໃຈ​ປະເທດ​ເອທີໂອເປຍ ແລະ​ເວົ້າ​ອວດ​ໃຫ້​ແກ່​ປະເທດ​ເອຢິບ ພວກນັ້ນ​ກໍ​ຈະ​ຮູ້​ເມື່ອ​ວ່າ​ຕົນ​ຄິດ​ຜິດ​ໄປ​ສາ​ແລ້ວ ຄື​ຄວາມຫວັງ​ຂອງ​ພວກເຂົາ​ໄດ້​ແຕກ​ສະຫລາຍໄປ.

ເອຊາຢາ 20:5 Jak'a apnaqawi uñst'ayäwi

2 ກະສັດ 18:21

ທ່ານ​ຫວັງ​ໃຫ້​ປະເທດ​ເອຢິບ​ຊ່ວຍເຫລືອ​ຊັ້ນບໍ? ແຕ່​ກໍ​ຄົງ​ເປັນ​ດັ່ງ​ເອົາ​ໄມ້ອໍ້​ໃຊ້​ເປັນ​ໄມ້ເທົ້າ; ມັນ​ຈະ​ຫັກ​ແລະ​ປັກ​ມື​ຂອງທ່ານ​ເອງ. ກະສັດ​ປະເທດ​ເອຢິບ​ກໍ​ເປັນ​ດັ່ງນີ້ແຫລະ ສຳລັບ​ຜູ້​ທີ່​ໄປ​ເອື່ອຍອີງ​ອາໄສ​ເພິ່ນ.”

ເອຊາຢາ 2:22

ຢ່າ​ເຊື່ອໝັ້ນ​ຕາຍໃຈ​ໃນ​ມະນຸດ​ທີ່​ຕາຍເປັນ. ພວກເຂົາ​ມີ​ຄ່າ​ຫຍັງ​ແດ່?

ເອຊາຢາ 30:3

ແຕ່​ກະສັດ​ບໍ່ມີ​ອຳນາດ​ທີ່​ຈະ​ຊ່ວຍເຫລືອ​ພວກເຂົາ​ໄດ້ ແລະ​ການ​ຄຸ້ມຄອງ​ຂອງ​ປະເທດ​ເອຢິບ​ກໍ​ຈະ​ຈົບລົງ​ຢ່າງ​ພິນາດ.

ເອຊາຢາ 30:5

ແຕ່​ປະຊາຊົນ​ຊາວ​ຢູດາຍ​ຈະ​ກິນແໜງ​ໃຈ ທີ່​ພວກຕົນ​ໄດ້​ໄວ້ເນື້ອ​ເຊື່ອໃຈ​ຊົນຊາດ​ທີ່​ໄວ້ວາງໃຈ​ບໍ່ໄດ້ ຄື​ຊົນຊາດ​ໜຶ່ງ​ທີ່​ເຮັດ​ໃຫ້​ພວກຕົນ​ຜິດຫວັງ ເມື່ອ​ພວກຕົນ​ຄາດ​ວ່າ​ຈະ​ໄດ້​ຮັບ​ຄວາມ​ຊ່ວຍເຫລືອ.”

ເອຊາຢາ 30:7

ຄວາມ​ຊ່ວຍເຫລືອ​ທີ່​ເອຢິບ​ໃຫ້​ນັ້ນ​ບໍ່ມີ​ປະໂຫຍດ. ສະນັ້ນ ເຮົາ​ຈຶ່ງ​ໄດ້​ໃສ່​ຊື່​ຫລິ້ນໆ​ໃຫ້​ແກ່​ເອຢິບ​ວ່າ, ‘ມັງກອນ​ບໍ່ມີ​ພິດ.”’

ເອຊາຢາ 31:1

ເຄາະກຳ​ເປັນ​ຂອງ​ພວກເຈົ້າ​ສາ​ແລ້ວ ພວກ​ທີ່​ໄປ​ຂໍ​ໃຫ້​ເອຢິບ​ຊ່ວຍເຫລືອ. ພວກເຂົາ​ເພິ່ງພາ​ອາໄສ​ກຳລັງ​ທາງ​ທະຫານ​ອັນ​ເຂັ້ມແຂງ​ຂອງ​ເອຢິບ​ຄື: ຝູງມ້າ, ລົດຮົບ ແລະ​ທະຫານ, ແຕ່​ພວກເຂົາ​ບໍ່ໄດ້​ເພິ່ງພາ​ອາໄສ​ອົງພຣະ​ຜູ້​ເປັນເຈົ້າ​ອົງ​ບໍຣິສຸດ​ຂອງ​ຊາດ​ອິດສະຣາເອນ ຫລື​ຂໍ​ໃຫ້​ພຣະອົງ​ຊ່ວຍເຫລືອ.

ເອຊາຢາ 36:6

ທ່ານ​ຫວັງ​ຈະ​ໃຫ້​ເອຢິບ​ຊ່ວຍເຫລືອ, ແຕ່​ຈະ​ເປັນ​ດັ່ງ​ໃຊ້​ໄມ້ອໍ້​ແທນ​ໄມ້ເທົ້າ ມັນ​ຈະ​ຫັກ ແລະ​ແທງ​ມື​ທ່ານ​ລ້າໆ. ຄົນໃດ​ທີ່​ເພິ່ງພາ​ກະສັດ​ປະເທດ​ເອຢິບ​ຈະ​ເປັນ​ດັ່ງນັ້ນແຫລະ.”

ເອຊາຢາ 36:9

ທ່ານ​ບໍ່​ເທົ່າທຽມ​ແມ່ນແຕ່​ກັບ​ຂ້າຣາຊການ​ຊັ້ນ​ຜູ້ນ້ອຍ​ຂອງ​ອັດຊີເຣຍ​ຊໍ້າ; ແຕ່​ທ່ານ​ພັດ​ຫວັງ​ໃຫ້​ຊາວ​ເອຢິບ​ສົ່ງ​ລົດຮົບ ແລະ​ທະຫານ​ມ້າ​ມາ​ໃຫ້.

ເອຊາຢາ 37:9

ພວກ​ອັດຊີເຣຍ​ໄດ້​ຂ່າວ​ວ່າ​ກອງທັບ​ເອຢິບ ນຳ​ໂດຍ​ກະສັດ​ຕີຣາກາ​ແຫ່ງ​ເອທີໂອເປຍ ກຳລັງ​ຍົກທັບ​ມາ​ໂຈມຕີ​ພວກ​ຕົນ. ເມື່ອ​ໄດ້ຍິນ​ເຊັ່ນນີ້ ກະສັດ​ຈຶ່ງ​ສົ່ງ​ຂໍ້ຄວາມ​ສະບັບ​ໜຶ່ງ​ໄປ​ຫາ​ກະສັດ​ເຮເຊກີຢາ​ແຫ່ງ​ຢູດາຍ ໂດຍ​ບອກ​ວ່າ,

ເຢເຣມີຢາ 17:5

ພຣະເຈົ້າຢາເວ​ກ່າວ​ວ່າ, “ຄົນໃດ​ທີ່​ວາງໃຈ​ໃນ​ມະນຸດ ແລະ​ວາງໃຈ​ໃນ​ກຳລັງ​ຂອງ​ຕົນ ແລະ​ໃຈ​ຂອງຕົນ​ຫັນໜີ​ໄປ​ຈາກ​ພຣະເຈົ້າຢາເວ ຄົນນັ້ນ​ກໍ​ເປັນ​ທີ່​ສາບແຊ່ງ​ແລ້ວ.

ເຢເຣມີຢາ 46:25

ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່ ພຣະເຈົ້າ​ຂອງ​ຊາດ​ອິດສະຣາເອນ ກ່າວ​ວ່າ, “ເຮົາ​ຈະ​ລົງໂທດ​ອາໂມນ ພະ​ຂອງ​ເມືອງ​ເທເບ​ພ້ອມ​ກັບ​ເອຢິບ​ຕະຫລອດ​ທັງ​ພວກ​ພະ ແລະ​ບັນດາ​ກະສັດ​ດ້ວຍ. ເຮົາ​ກຳລັງ​ຈະ​ເອົາ​ກະສັດ​ເອຢິບ ແລະ​ໝົດ​ທຸກຄົນ​ທີ່​ໄວ້ວາງໃຈ​ໃນ​ລາວ,

ເອເຊກຽນ 29:16

ຊາດ​ອິດສະຣາເອນ​ຈະ​ບໍ່​ຂຶ້ນ​ຕໍ່​ພວກເຂົາ​ເພື່ອ​ໃຫ້​ຊ່ວຍເຫລືອ​ອີກ​ຕໍ່ໄປ. ຊາຕາກຳ​ຂອງ​ເອຢິບ​ຈະ​ເຕືອນ​ຊາດ​ອິດສະຣາເອນ​ໃຫ້​ສຳນຶກ​ເຖິງ​ວ່າ, ຕົນ​ໄດ້​ຜິດພາດ​ສໍ່າໃດ​ທີ່​ເພິ່ງພາ​ອາໄສ​ພວກເຂົາ. ແລ້ວ​ຊາດ​ອິດສະຣາເອນ​ກໍ​ຈະ​ຮູ້ວ່າ ເຮົາ​ແມ່ນ​ອົງພຣະ​ຜູ້​ເປັນເຈົ້າ ພຣະເຈົ້າ.”’

ນາຮູມ 3:9

ເທເບ​ໄດ້​ປົກຄອງ​ຊູດານ​ກັບ​ເອຢິບ ແລະ​ການປົກຄອງ​ຂອງ​ນາງ​ກໍ​ບໍ່ມີ​ຂອບເຂດ​ຈຳກັດ; ຝ່າຍ​ລີເບຍ​ກໍ​ເປັນ​ພັນທະມິດ​ຂອງ​ເມືອງ​ເທເບ.

ເຊຟານີຢາ 2:12

ພຣະອົງ​ຍັງ​ຈະ​ສັງຫານ​ປະຊາຊົນ​ຊາວ​ເອທິໂອເປຍ ​ຄືກັນ.

1 ໂກຣິນໂທ 3:21

ດັ່ງນັ້ນ ຢ່າ​ໃຫ້​ຜູ້ໃດ​ຍົກ​ມະນຸດ​ຂຶ້ນ​ມາ​ອວດ. ດ້ວຍວ່າ, ສິ່ງສາລະພັດ​ກໍ​ເປັນ​ຂອງ​ພວກເຈົ້າ​ແລ້ວ,