ເອຊາຢາ 20:3 - ພຣະຄຳພີສັກສິ

³ ເມື່ອ​ເມືອງ​ອາຊະໂດດ​ຖືກ​ຢຶດເອົາ​ແລ້ວ ພຣະເຈົ້າຢາເວ​ໄດ້​ກ່າວ​ວ່າ, “ເອຊາຢາ ຜູ້ຮັບໃຊ້​ຂອງເຮົາ​ໄດ້​ຍ່າງ​ໄປມາ​ຕີນ​ເປົ່າ ແລະ​ເປືອຍຕົວ ເປັນ​ເວລາ​ເຖິງ​ສາມ​ປີ. ອັນ​ນີ້​ແມ່ນ​ໝາຍສຳຄັນ​ທີ່​ບອກ​ໃຫ້​ຮູ້​ເຖິງ ສິ່ງ​ທີ່​ຈະ​ເກີດຂຶ້ນ​ກັບ​ປະເທດ​ເອຢິບ ແລະ​ປະເທດ​ເອທີໂອເປຍ.

ເອຊາຢາ 20:3 Jak'a apnaqawi uñst'ayäwi

ເອຊາຢາ 19:4

ເຮົາ​ຈະ​ຍົກ​ຊາວ​ເອຢິບ​ໃຫ້​ແກ່​ນັກ​ກົດຂີ່​ຄົນ​ໜຶ່ງ ຄື​ໃຫ້​ກະສັດ​ທີ່​ໂຫດຫ້ຽມ​ຜູ້ໜຶ່ງ​ທີ່​ຈະ​ປົກຄອງ​ພວກເຂົາ.” ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ໄດ້​ກ່າວ​ດັ່ງນີ້ແຫລະ.

ເອຊາຢາ 37:9

ພວກ​ອັດຊີເຣຍ​ໄດ້​ຂ່າວ​ວ່າ​ກອງທັບ​ເອຢິບ ນຳ​ໂດຍ​ກະສັດ​ຕີຣາກາ​ແຫ່ງ​ເອທີໂອເປຍ ກຳລັງ​ຍົກທັບ​ມາ​ໂຈມຕີ​ພວກ​ຕົນ. ເມື່ອ​ໄດ້ຍິນ​ເຊັ່ນນີ້ ກະສັດ​ຈຶ່ງ​ສົ່ງ​ຂໍ້ຄວາມ​ສະບັບ​ໜຶ່ງ​ໄປ​ຫາ​ກະສັດ​ເຮເຊກີຢາ​ແຫ່ງ​ຢູດາຍ ໂດຍ​ບອກ​ວ່າ,

ເອຊາຢາ 43:3

ເຮົາ​ຄື​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ເດີ ອົງ​ບໍຣິສຸດ​ຂອງ​ອິດສະຣາເອນ​ທີ່​ຊ່ວຍ​ພວກເຈົ້າ​ໃຫ້​ພົ້ນ. ເຮົາ​ຈະ​ໃຫ້​ປະເທດ​ເອຢິບ​ຍອມ​ປົດປ່ອຍ​ພວກເຈົ້າ​ເປັນ​ເສລີ ຈະ​ໃຫ້​ເອທີໂອເປຍ ແລະ​ເສບາ​ຍອມ​ດ້ວຍ.

ເອຊາຢາ 8:18

ຂ້າພະເຈົ້າ​ກັບ​ພວກ​ລູກໆ​ທີ່​ພຣະເຈົ້າຢາເວ​ໄດ້​ມອບ​ໃຫ້​ນັ້ນ​ໄດ້​ຢູ່​ທີ່ນີ້. ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່ ອົງ​ທີ່​ນັ່ງ​ຢູ່​ເທິງ​ບັນລັງ​ທີ່​ພູເຂົາ​ຊີໂອນ ໄດ້​ໃຊ້​ພວກເຮົາ​ໃຫ້​ເປັນ​ຖ້ອຍຄຳ​ອັນ​ມີ​ຊີວິດ ເພື່ອ​ປະຊາຊົນ​ອິດສະຣາເອນ.

ເຢເຣມີຢາ 13:1

ພຣະເຈົ້າຢາເວ​ໄດ້​ບອກ​ຂ້າພະເຈົ້າ​ໄປ​ຊື້​ເສື້ອຊ້ອນ​ບາງ​ຜືນ ທີ່​ເປັນ​ຜ້າປ່ານ​ສຳລັບ​ຂ້າພະເຈົ້າ ແລະ​ໃຫ້​ນຸ່ງ​ເສື້ອ​ນັ້ນ; ແຕ່​ພຣະອົງ​ໄດ້​ບອກ​ຂ້າພະເຈົ້າ​ບໍ່​ໃຫ້​ຈຸ່ມ​ນໍ້າ.

ເອເຊກຽນ 12:6

ຈົ່ງ​ໃຫ້​ພວກເຂົາ​ເບິ່ງ​ເຈົ້າ​ຍົກ​ພົກ​ໃສ່​ບ່າ ແລະ​ອອກ​ໄປ​ໃນ​ຕອນມືດ ໂດຍ​ເອົາ​ຜ້າ​ບັງ​ຕາ​ໄວ້​ເພື່ອ​ເຈົ້າ​ຈະ​ບໍ່​ສາມາດ​ເຫັນ​ໄດ້​ວ່າ ເຈົ້າ​ກຳລັງ​ຈະ​ເດີນທາງ​ໄປ​ໃສ. ສິ່ງ​ທີ່​ເຈົ້າ​ເຮັດ​ນັ້ນ​ຈະ​ເປັນ​ໝາຍສຳຄັນ​ໃຫ້​ແກ່​ຊົນຊາດ​ອິດສະຣາເອນ.”

ເອເຊກຽນ 30:4

ເສິກ​ສົງຄາມ​ຈະ​ເກີດຂຶ້ນ​ໃນ​ປະເທດ​ເອຢິບ ແລະ​ເອທີໂອເປຍ​ກໍ​ຈະ​ເກີດ​ລຳບາກ​ໃຫຍ່. ມີ​ຫລາຍ​ຄົນ​ຈະ​ຖືກ​ຂ້າ​ຢູ່​ໃນ​ປະເທດ​ເອຢິບ ຖືກ​ປຸ້ນຈີ້ ແລະ​ປະ​ໃຫ້​ຮົກຮ້າງ​ຫວ່າງເປົ່າ.

ເອເຊກຽນ 30:6

ພຣະເຈົ້າຢາເວ​ຊົງ​ກ່າວ​ວ່າ, “ຈາກ​ເມືອງ​ມິກໂດນ​ທາງ​ທິດເໜືອ ເຖິງ​ເມືອງ​ອາຊວານ​ທາງ​ທິດໃຕ້ ທະຫານ​ໜ່ວຍ​ປ້ອງກັນ​ທັງໝົດ​ຂອງ​ປະເທດ​ເອຢິບ​ຈະ​ຖືກ​ຂ້າ​ໃນ​ສະໜາມຮົບ. ກອງທັບ​ອັນ​ອວດອົ່ງ​ທະນົງ​ຕົວ​ຂອງ​ປະເທດ​ເອຢິບ​ຈະ​ຖືກ​ທຳລາຍ​ກ້ຽງ. ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ດັ່ງນີ້ແຫຼະ.

ເອເຊກຽນ 4:1

ພຣະເຈົ້າ​ໄດ້​ກ່າວ​ວ່າ, “ມະນຸດ​ເອີຍ ຈົ່ງ​ເອົາ​ດິນຈີ່​ກ້ອນ​ໜຶ່ງ​ມາ​ວາງ​ໄວ້​ຢູ່​ຕໍ່ໜ້າ​ເຈົ້າ ແລະ​ແກະ​ຮູບ​ເມືອງ​ໜຶ່ງ​ທີ່​ສະແດງ​ເຖິງ​ນະຄອນ​ເຢຣູຊາເລັມ​ໃສ່​ເທິງ​ດິນຈີ່​ກ້ອນ​ນັ້ນ.

ເອເຊກຽນ 4:3

ຈົ່ງ​ເອົາ​ເຫຼັກ​ແຜ່ນ​ໜຶ່ງ​ມາ​ຕັ້ງ​ເປັນ​ກຳແພງ​ກັ້ນ​ລະຫວ່າງ​ເຈົ້າ​ກັບ​ເມືອງ​ໄວ້. ຈົ່ງ​ປິ່ນ​ໜ້າ​ໃສ່​ເມືອງ. ເມືອງ​ຖືກ​ປິດລ້ອມ ແລະ​ແມ່ນ​ເຈົ້າ​ເອງ​ທີ່​ເປັນ​ຜູ້​ປິດລ້ອມ​ເມືອງ. ອັນ​ນີ້​ຈະ​ເປັນ​ໝາຍສຳຄັນ​ເພື່ອ​ເຕືອນ​ຊົນຊາດ​ອິດສະຣາເອນ.

ເຊຟານີຢາ 2:12

ພຣະອົງ​ຍັງ​ຈະ​ສັງຫານ​ປະຊາຊົນ​ຊາວ​ເອທິໂອເປຍ ​ຄືກັນ.

ເຊກາຣີຢາ 3:8

ເຢຊູອາ​ຜູ້​ເປັນ​ມະຫາ​ປະໂຣຫິດ​ເອີຍ ບັດນີ້​ຈົ່ງ​ຟັງ​ເຖີດ ພວກເຈົ້າ​ຜູ້​ທີ່​ເປັນ​ປະໂຣຫິດ​ຮ່ວມ​ກັບ​ເພິ່ນ​ກໍ​ຈົ່ງ​ຟັງ​ດ້ວຍ. ພວກເຈົ້າ​ເປັນ​ສິ່ງ​ສະແດງ​ທີ່​ດີ​ໃນ​ອະນາຄົດ ເຮົາ​ຈະ​ໃຫ້​ຜູ້ຮັບໃຊ້​ຂອງເຮົາ​ມາ​ປາກົດ ຄື​ຜູ້​ທີ່​ມີ​ຊື່​ວ່າ ກິ່ງ

ຈົດບັນຊີ 14:34

ພວກເຈົ້າ​ຈະ​ໄດ້​ຮັບ​ຜົນ​ກຳ​ເພາະ​ການບາບ​ຂອງ​ພວກເຈົ້າ​ເປັນ​ເວລາ 40 ປີ​ນັ້ນ​ຄື: ໜຶ່ງ​ປີ​ຕໍ່​ໜຶ່ງ​ວັນ​ຂອງ​ສີ່ສິບ​ວັນ ຕາມ​ເວລາ​ທີ່​ພວກເຈົ້າ​ໄດ້​ໃຊ້​ສຳຫລວດ​ດິນແດນ​ນັ້ນ. ພວກເຈົ້າ​ຈະ​ຮູ້​ວ່າ​ການ​ເປັນ​ສັດຕູ​ກັບ​ເຮົາ​ນັ້ນ​ເປັນ​ຢ່າງ​ໃດ.