ເອຊາຢາ 2:22 - ພຣະຄຳພີສັກສິ

²² ຢ່າ​ເຊື່ອໝັ້ນ​ຕາຍໃຈ​ໃນ​ມະນຸດ​ທີ່​ຕາຍເປັນ. ພວກເຂົາ​ມີ​ຄ່າ​ຫຍັງ​ແດ່?

ເອຊາຢາ 2:22 Jak'a apnaqawi uñst'ayäwi

ປະຖົມມະການ 2:7

ແລ້ວ​ພຣະເຈົ້າຢາເວ​ພຣະເຈົ້າ​ກໍ​ເອົາ​ຂີ້ດິນ​ແຕ່​ພື້ນດິນ ມາ​ປັ້ນ​ເປັນ​ຊາຍ ແລະ​ເປົ່າ​ລົມຫາຍໃຈ​ໃສ່​ຮູ​ດັງ​ຂອງ​ຊາຍ​ທີ່​ຖືກ​ປັ້ນ​ຂຶ້ນ​ມາ​ນັ້ນ​ໃຫ້​ມີ​ຊີວິດ ແລະ​ຊາຍ​ທີ່​ຖືກ​ປັ້ນ​ນັ້ນ​ກໍໄດ້​ເລີ່ມ​ມີ​ຊີວິດ.

ປະຖົມມະການ 7:22

ທຸກໆ​ສິ່ງ​ທີ່​ຫາຍ​ໃຈ​ໄດ້​ເທິງ​ແຜ່ນດິນ​ໂລກ​ໄດ້​ຕາຍໄປ​ໝົດ.

ພຣະທຳ​ໂຢບ 27:3

ຕາບໃດ​ທີ່​ຂ້ອຍ​ນີ້​ຍັງ​ມີ​ຊີວິດ​ຢູ່ ທີ່​ພຣະເຈົ້າ​ໂຜດ​ໃຫ້​ຂ້ອຍ​ມີ​ລົມຫາຍໃຈ,

ເພງ^ສັນລະເສີນ 146:3

ຢ່າ​ມອບ​ຄວາມຫວັງ​ຂອງເຈົ້າ​ໄວ້​ໃນ​ບັນດາ​ຜູ້ນຳ ບໍ່ມີ​ມະນຸດ​ຄົນໃດ​ອາດ​ຊ່ວຍ​ເຈົ້າ​ໃຫ້​ພົ້ນ​ໄດ້.

ເພງ^ສັນລະເສີນ 62:9

ມະນຸດ​ຊາດ​ລ້ວນແຕ່​ປຽບ​ດັ່ງ​ລົມຫາຍໃຈ ຜູ້ໃຫຍ່​ຫລື​ຜູ້ນ້ອຍ​ກໍຕາມ ໄຮ້​ຄ່າ​ເໝືອນກັນ. ເມື່ອ​ນຳ​ພວກເຂົາ​ມາ​ຊັ່ງ​ເບິ່ງ​ກໍ​ບໍ່ມີ​ນໍ້າໜັກ​ຫຍັງເລີຍ ພວກເຂົາ​ເບົາກວ່າ​ລົມຫາຍໃຈ​ອີກ​ຊໍ້າ.

ເພງ^ສັນລະເສີນ 8:4

ມະນຸດ​ສຳຄັນ​ຫຍັງ​ແດ່​ທີ່​ພຣະອົງ​ຕ້ອງ​ຄິດເຖິງ​ພວກເຂົາ ມະນຸດ​ທີ່​ຕາຍ​ເປັນ ສຳຄັນ​ຫຍັງ​ທີ່​ພຣະອົງ​ຕ້ອງ​ຫ່ວງໃຍ​ພວກເຂົາ?

ເອຊາຢາ 40:15

ສຳລັບ​ພຣະອົງ​ແລ້ວ​ຊົນຊາດ​ຕ່າງໆ​ໄຮ້​ຄ່າ​ໝົດ ພວກເຂົາ​ເທົ່າທຽມ​ກັບ​ຢອດນໍ້າ​ຢອດໜຶ່ງ​ເທົ່ານັ້ນ; ພວກເຂົາ​ເປັນ​ພຽງແຕ່​ຂີ້ຝຸ່ນ​ທີ່​ຊັ່ງ​ເທິງ​ຊີງ ໝູ່ເກາະ​ກໍ​ເປັນ​ພຽງແຕ່​ຂີ້ຝຸ່ນ​ດິນ​ສວດ​ຂຶ້ນ.

ເອຊາຢາ 40:17

ຕໍ່ໜ້າ​ພຣະອົງ​ຊົນຊາດ​ຕ່າງໆ​ໄຮ້​ຄ່າ​ທັງໝົດ ພວກເຂົາ​ບໍ່ມີ​ປະໂຫຍດ​ຫຍັງ​ຕໍ່​ພຣະອົງ​ຈັກດີ້.

ເອຊາຢາ 51:12

ອົງພຣະ​ຜູ້​ເປັນເຈົ້າ​ກ່າວ​ວ່າ, “ເຮົາ​ຄື​ຜູ້​ທີ່​ເຮັດ​ໃຫ້ ພວກເຈົ້າ​ໄດ້​ກຳລັງ​ເຂັ້ມແຂງ​ຂຶ້ນ​ໃໝ່. ເປັນຫຍັງ​ພວກເຈົ້າ​ຈຶ່ງ​ຢ້ານ​ມະນຸດ​ທີ່​ຕາຍເປັນ ພວກ​ທີ່​ບໍ່​ຍືນຍົງ​ລື່ນ​ຕົ້ນຫຍ້າ?

ເຢເຣມີຢາ 17:5

ພຣະເຈົ້າຢາເວ​ກ່າວ​ວ່າ, “ຄົນໃດ​ທີ່​ວາງໃຈ​ໃນ​ມະນຸດ ແລະ​ວາງໃຈ​ໃນ​ກຳລັງ​ຂອງ​ຕົນ ແລະ​ໃຈ​ຂອງຕົນ​ຫັນໜີ​ໄປ​ຈາກ​ພຣະເຈົ້າຢາເວ ຄົນນັ້ນ​ກໍ​ເປັນ​ທີ່​ສາບແຊ່ງ​ແລ້ວ.

ມາລາກີ 3:15

ຕາມ​ທີ່​ພວກເຮົາ​ເຫັນ​ແລ້ວ ຄົນ​ຈອງຫອງ​ແມ່ນ​ຄົນ​ພວກ​ໜຶ່ງ​ທີ່​ມີ​ຄວາມສຸກ. ຄົນຊົ່ວ​ບໍ່ແມ່ນ​ຮັ່ງມີ​ເທົ່ານັ້ນ ແຕ່​ພວກເຂົາ​ຍັງ​ທົດລອງ​ພຣະເຈົ້າ​ດ້ວຍ​ການ​ເຮັດ​ຊົ່ວ ແລະ​ພວກເຂົາ​ກໍ​ບໍ່ໄດ້​ຮັບ​ໂທດ​ຫຍັງ​ເລີຍ.”’

ຢາໂກໂບ 4:14

ພວກເຈົ້າ​ບໍ່​ຮູ້​ວ່າ ຊີວິດ​ຂອງ​ພວກເຈົ້າ​ຈະ​ເປັນ​ຢ່າງ​ໃດ​ໃນ​ມື້ອື່ນ? ພວກເຈົ້າ​ເປັນ​ດັ່ງ​ໝອກ​ທີ່​ປາກົດ​ຢູ່​ພຽງ​ຊົ່ວຄາວ ແລ້ວ​ກໍ​ຈາງຫາຍ​ໄປ.