ເອຊາຢາ 19:14 - ພຣະຄຳພີສັກສິ

¹⁴ ພຣະເຈົ້າຢາເວ​ໄດ້​ເຮັດ​ໃຫ້​ພວກເຂົາ​ໃຫ້​ຄຳແນະນຳ​ອັນ​ສັບສົນ. ຜົນ​ທີ່​ໄດ້​ຮັບ​ຄື​ເອຢິບ​ກະທຳ​ທຸກສິ່ງ​ຜິດພາດ ແລະ​ຍ່າງ​ໂຊເຊ​ໄປ​ດັ່ງ​ຄົນ​ເມົາ​ເຫຼົ້າ​ທີ່​ພະລາດ​ລົ້ມ​ເທິງ​ຮາກ​ຂອງຕົນ.

ເອຊາຢາ 19:14 Jak'a apnaqawi uñst'ayäwi

2 ຂ່າວຄາວ 18:22

ແລະ​ມີກາອີຢາ​ກໍ​ມ້ວນທ້າຍ​ວ່າ, “ເຫດການ​ກໍ​ເປັນ​ຢ່າງນີ້​ແຫລະ ພຣະເຈົ້າຢາເວ​ໄດ້​ເຮັດ​ໃຫ້​ພວກ​ຜູ້ທຳນວາຍ​ເຫຼົ່ານີ້​ເວົ້າ​ຕົວະ​ຕໍ່​ທ່ານ. ແຕ່​ພຣະເຈົ້າຢາເວ​ໄດ້​ປະກາດ​ວ່າ​ທ່ານ​ຈະ​ປະສົບ​ກັບ​ໄພພິບັດ.”

ພຣະທຳ​ໂຢບ 12:16

ພຣະອົງ​ເຂັ້ມແຂງ​ແລະ​ໄຊຊະນະ​ສະເໝີໄປ ຜູ້​ຖືກ​ລໍ້ລວງ ແລະ​ຜູ້​ຫລອກລວງ​ກໍ​ຢູ່​ໃນ​ພຣະອົງ.

ພຣະທຳ​ໂຢບ 12:25

ພວກເຂົາ​ງົມທາວ​ໄປ​ໃນ​ຄວາມມືດ​ແລະ​ໂຊເຊ ດັ່ງ​ນັກດື່ມ​ສຸຣາ​ມືນເມົາ​ທີ່​ຍ່າງ​ເຊຊັດ​ໄປ​ນັ້ນ.

ສຸພາສິດ 12:8

ຄົນມີ​ປັນຍາ​ຈະ​ໄດ້​ຮັບ​ຄຳ​ຍ້ອງຍໍ, ແຕ່​ຄົນໂງ່ຈ້າ​ຈະ​ໄດ້​ຮັບ​ຄຳ​ຫຍໍ້ຫຍັນ.

ເອຊາຢາ 19:2

“ເຮົາ​ຈະ​ເຮັດ​ໃຫ້​ປະເທດ​ເອຢິບ​ສັ່ນ​ສະທ້ານ ແລະ​ເກີດ​ເສິກ​ກາງເມືອງ; ອ້າຍ​ນ້ອງ​ຈະ​ຕໍ່ສູ້​ກັນ ແລະ​ເພື່ອນບ້ານ​ຈະ​ສູ້ຮົບ​ກັນ. ເມືອງຕ່າງໆ​ຈະ​ຕໍ່ສູ້​ກັນ​ເອງ​ເພາະ​ການ​ເປັນສັດຕູ​ກັນ ແລະ​ກະສັດ​ທີ່​ເປັນ​ສັດຕູ​ກັນ​ກໍ​ຈະ​ຍາດແຍ່ງ​ອຳນາດກັນ.

ເອຊາຢາ 24:20

ແຜ່ນດິນ​ໂລກ​ຈະ​ໂຊເຊ​ໄປມາ​ດັ່ງ​ຄົນ​ເມົາ​ເຫຼົ້າ ຫລື​ໂຢກເຢກ​ດັ່ງ​ຕູບ​ໄມ້​ໃນ​ທ່າມກາງ​ພະຍຸຮ້າຍ. ບາບ​ໄດ້​ເຮັດ​ໃຫ້​ໂລກນີ້​ເສື່ອມໂຊມ​ລົງ​ຈົນ​ລົ້ມ​ທະລາຍ ແລະ​ແຜ່ນດິນ​ໂລກ​ກໍ​ຈະ​ຟື້ນ​ຕົວ​ຂຶ້ນ​ມາ​ອີກ​ບໍ່ໄດ້​ຈັກເທື່ອ.

ເອຊາຢາ 29:14

ສະນັ້ນ ເຮົາ​ຈະ​ເຮັດ​ໃຫ້​ພວກເຂົາ​ສະດຸ້ງ​ຕື່ນ​ຕົກໃຈ ດ້ວຍ​ການ​ງຶດງໍ້​ແລ້ວ​ງຶດງໍ້​ອີກ​ໂດຍ​ບໍ່ໄດ້​ຄາດຝັນ. ຄົນສະຫລາດ​ຈະ​ກາຍເປັນ​ຄົນໂງ່ ແລະ​ຄວາມ​ຫລັກແຫລມ​ທຸກຢ່າງ​ຂອງ​ພວກເຂົາ​ກໍ​ຈະ​ບໍ່ມີ​ປະໂຫຍດ.”

ເອຊາຢາ 3:12

ພວກ​ໃຫ້​ກູ້ຢືມ​ເງິນ ກົດຂີ່​ປະຊາຊົນ​ຂອງເຮົາ ແລະ​ພວກເຈົ້າໜີ້​ກໍ​ສໍ້ໂກງ​ພວກເຂົາ. ປະຊາຊົນ​ຂອງເຮົາ​ເອີຍ ບັນດາ​ຜູ້ນຳ​ຂອງ​ພວກເຈົ້າ​ກຳລັງ​ນຳ​ພວກເຈົ້າ​ໄປ​ໃນ​ທາງ​ຜິດ ພວກເຈົ້າ​ຈຶ່ງ​ບໍ່​ຮູ້​ເລີຍ​ວ່າ​ຄວນ​ລ້ຽວ​ໄປ​ທາງ​ໃດ​ດີ.

ເອຊາຢາ 9:16

ພວກເຂົາ​ໄດ້​ນຳພາ​ປະຊາຊົນ​ເຫຼົ່ານີ້​ໄປ​ໃນ​ທາງ​ຜິດ ແລະ​ເຮັດ​ໃຫ້​ພວກເຂົາ​ສັບສົນ​ວຸ້ນວາຍ.

ເຢເຣມີຢາ 25:27

ແລ້ວ​ພຣະເຈົ້າຢາເວ​ກໍໄດ້​ກ່າວ​ແກ່​ຂ້າພະເຈົ້າ​ວ່າ, “ຈົ່ງ​ບອກ​ປະຊາຊົນ​ວ່າ ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່ ພຣະເຈົ້າ​ຂອງ​ຊາດ​ອິດສະຣາເອນ ສັ່ງ​ໃຫ້​ພວກເຂົາ​ດື່ມ​ຈາກ​ຈອກ​ນີ້​ຈົນ​ຮາກ​ອອກ​ມາ ຈົນ​ພວກເຂົາ​ລົ້ມລົງ​ແລະ​ລຸກຂຶ້ນ​ບໍ່ໄດ້ ເພາະ​ສົງຄາມ​ທີ່​ເຮົາ​ຈະ​ສົ່ງ​ໄປ​ຕໍ່ສູ້​ພວກເຂົາ​ນັ້ນ.

ເຢເຣມີຢາ 48:26

ພຣະເຈົ້າຢາເວ​ກ່າວ​ວ່າ, “ຈົ່ງ​ເຮັດ​ໃຫ້​ໂມອາບ​ມືນເມົາ​ເພາະ​ໄດ້​ກະບົດ​ຕໍ່​ເຮົາ. ໂມອາບ​ຈະ​ເກືອກກົ້ວ​ຢູ່​ໃນ​ຮາກ​ຂອງຕົນເອງ ແລະ​ປະຊາຊົນ​ຈະ​ຫົວ​ເຍາະເຍີ້ຍ.

ມັດທາຍ 17:17

ພຣະເຢຊູເຈົ້າ​ຕອບ​ວ່າ, “ໂອ ຄົນ​ສະໄໝ​ທີ່​ຂາດ​ຄວາມເຊື່ອ ແລະ​ຊົ່ວຊ້າ​ເອີຍ ເຮົາ​ຈະ​ຕ້ອງ​ຢູ່​ກັບ​ພວກເຈົ້າ​ອີກ​ດົນນານ​ປານໃດ? ເຮົາ​ຈະ​ຕ້ອງ​ອົດທົນ​ກັບ​ພວກເຈົ້າ​ອີກ​ດົນ​ປານໃດ? ຈົ່ງ​ພາ​ເດັກ​ມາ​ຫາ​ເຮົາ​ເບິ່ງດູ.”

2 ເທສະໂລນິກ 2:11

ດັ່ງນັ້ນ ພຣະເຈົ້າ​ຈຶ່ງ​ໃຫ້​ອິດທິພົນ​ອັນ​ຫລອກລວງ​ນັ້ນ ເຮັດ​ການ​ຢູ່​ພາຍໃນ ເພື່ອ​ໃຫ້​ພວກເຂົາ​ເຊື່ອຟັງ​ຄວາມ​ບໍ່​ຈິງ.

ພວກ^ຜູ້ປົກຄອງ 9:23

ຕໍ່ມາ ພຣະເຈົ້າ​ໄດ້​ເຮັດ​ໃຫ້​ອາບີເມເຫຼັກ​ແລະ​ຊາວ​ຊີເຄມ​ເປັນ​ສັດຕູ​ກັນ ແລະ​ພວກເຂົາ​ໄດ້​ກະບົດ​ຕໍ່​ອາບີເມເຫຼັກ.