ເອຊາຢາ 15:6 - ພຣະຄຳພີສັກສິ

⁶ ນໍ້າ​ຫ້ວຍ​ນິມຣິມ​ກໍ​ແຫ້ງແລ້ງ ຫຍ້າ​ທີ່​ແຄມຝັ່ງ​ກໍ​ຫ່ຽວແຫ້ງ ແລະ​ບໍ່ມີ​ສິ່ງ​ຂຽວ​ຫຍັງ​ເຫຼືອ​ຢູ່​ເລີຍ.

ເອຊາຢາ 15:6 Jak'a apnaqawi uñst'ayäwi

ເຢເຣມີຢາ 14:5

ໃນ​ທົ່ງຫຍ້າ ກວາງ​ແມ່​ປະຖິ້ມ​ລູກ​ທີ່​ຫາ​ກໍ​ເກີດ​ມາ ເພາະ​ບໍ່ມີ​ຫຍ້າ​ໃນ​ທີ່ນັ້ນ​ເລີຍ ພໍ​ຈະ​ເປັນ​ອາຫານ​ໄດ້.

ເຢເຣມີຢາ 48:34

ປະຊາຊົນ​ແຫ່ງ​ເມືອງ​ເຮັດຊະໂບນ ແລະ​ເອເລອາເລ​ຮ້ອງ​ອອກ​ມາ ແລະ​ສຽງ​ຮ້ອງ​ຂອງ​ພວກເຂົາ​ກໍ​ໄດ້​ຍິນ​ເຖິງ​ເມືອງ​ຢາຮາດ; ແລະ​ປະຊາຊົນ​ເມືອງ​ໂຊອາ​ກໍ​ໄດ້​ຍິນ ແລະ​ສຽງ​ນັ້ນ​ໄດ້ຍິນ​ໄປ​ຮອດ​ເມືອງ​ໂຮໂຣນາອິມ ແລະ​ເອັກລາດ-ເຊລີຊີຢາ. ແມ່ນແຕ່​ຫ້ວຍນໍ້າ​ນິມຣິມ​ກໍ​ບົກ​ລົງ.

ໂຢເອນ 2:3

ມັນ​ກິນ​ເຄື່ອງປູກ​ກ້ຽງ ດັ່ງ​ໄຟ​ໄໝ້​ເຜົາຜານ ດິນແດນ​ເບື້ອງ​ໜ້າ ມັນ​ເປັນ​ດັ່ງ​ສວນ​ເອເດນ​ພຸ້ນ ແຕ່​ເບື້ອງຫລັງ​ນັ້ນ ເປັນ​ຖິ່ນ​ແຫ້ງແລ້ງ​ກັນດານ ທີ່​ບໍ່ມີ​ຫຍັງ​ຈະ​ໜີພົ້ນ​ຈາກ​ມັນ​ໄປ​ໄດ້.

ຈົດບັນຊີ 32:3

“ດິນແດນ​ສ່ວນ​ທີ່​ພຣະເຈົ້າຢາເວ​ໄດ້​ຢຶດເອົາ​ສຳລັບ​ປະຊາຊົນ​ອິດສະຣາເອນ​ເຊັ່ນ: ເມືອງ​ອາຕາໂຣດ, ດີໂບນ, ຢາເຊ, ນີມຣາ, ເຮັດຊະໂບນ, ເອເລອາເລ, ສິບມາ, ເນໂບ ແລະ​ເບໂອນ ເປັນ​ດິນ​ດີ​ຊຶ່ງ​ເໝາະ​ສຳລັບ​ລ້ຽງ​ສັດ ແລະ​ພວກ​ຄົນ​ຮັບໃຊ້​ຂອງທ່ານ​ກໍ​ມີ​ຝູງສັດ​ຫລາຍ.

ຈົດບັນຊີ 32:36

ເບັດ​ນີມຣາ ແລະ​ເບັດ​ຮາຣານ.

ໂຢຊວຍ 13:27

ສ່ວນ​ທີ່​ຢູ່​ໃນ​ຮ່ອມພູ​ຈໍແດນ​ນັ້ນ​ມີ​ດັ່ງນີ້: ເບັດ​ຮາຣາມ, ເບັດ​ນີມຣາ, ຊຸກໂກດ ແລະ​ຊາໂຟນ ແລະ​ອານາຈັກ​ສ່ວນ​ທີ່​ເຫຼືອ​ຂອງ​ເຈົ້າສີໂຫນ​ກະສັດ​ແຫ່ງ​ເຮັດຊະໂບນ. ສ່ວນ​ເຂດແດນ​ຂອງ​ພວກເຂົາ​ທາງ​ດ້ານ​ຕາເວັນຕົກ​ນັ້ນ ແມ່ນ​ແມ່ນໍ້າ​ຈໍແດນ​ເລີຍ​ໄປ​ທາງທິດເໜືອ​ຈົນເຖິງ​ທະເລສາບ​ຄາລີເລ.

ພຣະນິມິດ 8:7

ເມື່ອ​ເທວະດາ​ຕົນ​ທຳອິດ​ເປົ່າແກ​ຂຶ້ນ ມີ​ໝາກເຫັບ​ແລະ​ໄຟ​ປົນ​ເລືອດ ຖືກ​ຖິ້ມ​ລົງ​ມາ​ເທິງ​ແຜ່ນດິນ​ໂລກ, ໜຶ່ງ​ສ່ວນ​ສາມ​ຂອງ​ແຜ່ນດິນ​ໂລກ​ຖືກ​ໄໝ້, ໜຶ່ງ​ສ່ວນ​ສາມ​ຂອງ​ຕົ້ນໄມ້​ກໍ​ຖືກ​ໄໝ້ ແລະ​ຫຍ້າ​ຂຽວ​ສົດ​ທຸກ​ໃບ​ກໍ​ຖືກ​ເຜົາ​ໄໝ້​ໄປ​ໝົດ.