ເອຊາຢາ 14:7 - ພຣະຄຳພີສັກສິ

⁷ ບັດນີ້​ໃນທີ່ສຸດ ທົ່ວ​ທັງໂລກ​ມີ​ສິດ​ໄດ້​ພັກຜ່ອນ ແລະ​ໄດ້​ຢູ່​ຢ່າງ​ສະຫງົບສຸກ ແລະ​ທຸກຄົນ​ຕ່າງ​ກໍ​ຮ້ອງເພງ​ດ້ວຍ​ຄວາມ​ຊົມຊື່ນ​ຍິນດີ.

ເອຊາຢາ 14:7 Jak'a apnaqawi uñst'ayäwi

ເພງ^ສັນລະເສີນ 47:1

ຈົ່ງ​ຕົບ​ມື​ຢ່າງ​ຊົມຊື່ນ​ຍິນດີ​ເຖີດ ຄົນ​ທຸກ​ຊາດ​ພາສາ​ເອີຍ ຈົ່ງ​ຮ້ອງ​ສຽງ​ດັງໆ​ຖວາຍ​ບົດເພງ​ຍ້ອງຍໍ​ສັນລະເສີນ​ພຣະເຈົ້າ

ເພງ^ສັນລະເສີນ 98:1

ຈົ່ງ​ຮ້ອງເພງ​ບົດໃໝ່​ຖວາຍ​ແກ່ ພຣະເຈົ້າຢາເວ ເພາະ​ສິ່ງ​ອັນ​ໜ້າ​ງຶດງໍ້​ອັດສະຈັນ​ທີ່​ພຣະອົງ​ໄດ້​ກະທຳ​ນັ້ນ. ຍ້ອນ​ຣິດເດດ​ອຳນາດ​ແລະ​ພຣະ​ກຳລັງ​ອັນ​ບໍຣິສຸດ ພຣະອົງ​ໄດ້​ນຳ​ໄຊຊະນະ​ມາ​ສູ່​ພຣະອົງເອງ.

ສຸພາສິດ 11:10

ເມື່ອ​ຄົນ​ສັດຊື່​ຮັ່ງມີ​ເປັນດີ​ຊາວ​ເມືອງ​ກໍ​ເປັນ​ສຸກໃຈ ແລະ​ເມື່ອ​ຄົນ​ຊົ່ວຮ້າຍ​ຕາຍໄປ​ກໍ​ຈະ​ມີ​ສຽງ​ໂຮຮ້ອງ​ຢ່າງ​ຊົມຊື່ນ.

ເອຊາຢາ 21:2

ຂ້າພະເຈົ້າ​ໄດ້​ເຫັນ​ນິມິດ​ຂອງ​ເຫດການ​ທີ່​ໂຫດຮ້າຍ ຄື​ນິມິດ​ຂອງ​ການ​ທໍລະຍົດ ແລະ​ການທຳລາຍ. ກອງທັບ​ຂອງ​ເອລາມ​ເອີຍ ຈົ່ງ​ໂຈມຕີ​ເຖີດ ກອງທັບ​ຂອງ​ມີເດຍ​ເອີຍ ຈົ່ງ​ປິດລ້ອມ​ເມືອງ​ທັງຫລາຍ​ໄວ້​ເຖີດ ພຣະເຈົ້າ​ໄດ້​ກະທຳ​ໃຫ້​ຄວາມ​ທົນທຸກ ຊຶ່ງ​ນະຄອນ​ບາບີໂລນ​ໄດ້​ສ້າງ​ຂຶ້ນ​ນັ້ນ​ສິ້ນສຸດ​ລົງ​ແລ້ວ.

ເອຊາຢາ 49:13

ໂອ ຟ້າ​ສະຫວັນ​ເອີຍ ຈົ່ງ​ຮ້ອງເພງ​ສັນລະເສີນ! ໂອ ແຜ່ນດິນ​ໂລກ​ເອີຍ ຈົ່ງ​ໂຮຮ້ອງ​ຢ່າງ​ຊົມຊື່ນ​ຍິນດີ​ເຖີດ! ຈົ່ງ​ໃຫ້​ພູເຂົາ​ທຸກໜ່ວຍ​ໂຮຮ້ອງ​ເປັນ​ສຽງ​ເພງ​ດັງໆ ພຣະເຈົ້າຢາເວ​ຈະ​ອອຍໃຈ​ປະຊາຊົນ​ຂອງ​ພຣະອົງ; ປະຊາຊົນ​ຂອງ​ພຣະອົງ​ຜູ້​ທີ່​ໄດ້​ທົນທຸກ​ທໍລະມານ ພຣະອົງ​ຈະ​ເມດຕາ​ປະຊາຊົນ​ເຫຼົ່ານັ້ນ.

ເຢເຣມີຢາ 51:48

ຈັກກະວານ ແລະ​ແຜ່ນດິນ​ໂລກ ແລະ​ທຸກສິ່ງ​ທີ່​ຢູ່​ໃນ​ນັ້ນ ຈະ​ໂຮຮ້ອງ​ຢ່າງ​ຊົມຊື່ນ​ຍິນດີ ເມື່ອ​ບາບີໂລນ​ຖືກ​ຕີ​ແຕກ​ໂດຍ​ຜູ້ທຳລາຍ​ທີ່​ມາ​ຈາກ​ທາງ​ທິດເໜືອ​ຕໍ່ສູ້​ປະເທດ.

ເອເຊກຽນ 35:14

ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ວ່າ ເຮົາ​ຈະ​ເຮັດ​ໃຫ້​ເຈົ້າ​ຮ້າງເປົ່າ ຈົນ​ວ່າ​ທົ່ວ​ໂລກ​ຈະ​ຍິນດີ​ໃນ​ການ​ລົ້ມລົງ​ຂອງເຈົ້າ

ເຊກາຣີຢາ 1:11

ພວກເຂົາ​ໄດ້​ມາ​ລາຍງານ​ຕໍ່​ເທວະດາ​ຂອງ​ພຣະເຈົ້າຢາເວ​ວ່າ, “ພວກເຮົາ​ໄດ້​ໄປ​ທົ່ວ​ໂລກ​ແລະ​ໄດ້​ພົບ​ວ່າ ໂລກ​ທັງໝົດ​ມີ​ແຕ່​ຄວາມ​ສິ້ນຫວັງ​ແລະ​ຄວາມ​ງຽບເຫງົາ.”

ພຣະນິມິດ 18:20

“ໂອ ສະຫວັນ ແລະ​ບັນດາ​ໄພ່ພົນ​ຂອງ​ພຣະເຈົ້າ ໂອ ອັກຄະສາວົກ ແລະ​ຜູ້​ປະກາດ​ພຣະທຳ​ທັງຫລາຍ​ເອີຍ ຈົ່ງ​ຊົມຊື່ນ​ຍິນດີ​ເພາະ​ນະຄອນ​ນັ້ນ. ດ້ວຍວ່າ, ພຣະເຈົ້າ​ໄດ້​ຊົງ​ພິພາກສາ​ລົງໂທດ​ນະຄອນ​ນັ້ນ ເພື່ອ​ເປັນ​ການ​ແກ້ແຄ້ນ​ໃຫ້​ເຈົ້າ​ທັງຫລາຍ​ແລ້ວ.”