ເອຊາຢາ 14:19 - ພຣະຄຳພີສັກສິ

¹⁹ ແຕ່​ເຈົ້າ​ພັດ​ບໍ່ມີ​ຂຸມຝັງສົບ. ຊາກສົບ​ຂອງ​ເຈົ້າ​ຖືກ​ໂຍນ​ອອກ​ໄປ ປະ​ໃຫ້​ເປື່ອຍເນົ່າ​ຢູ່​ລຸ່ມ​ຊາກສົບ​ຂອງ​ພວກ​ທະຫານ​ຊຶ່ງ​ຖຶກ​ຂ້າ​ໃນ​ສະໜາມຮົບ ແລະ​ໄດ້​ຖືກ​ໂຍນ​ລົງ​ພ້ອມ​ກັນ​ໄປ​ໃນ​ເຫວ​ແລະ​ຖືກ​ຢຽບຢໍ່າ.

ເອຊາຢາ 14:19 Jak'a apnaqawi uñst'ayäwi

1 ກະສັດ 21:19

ຈົ່ງ​ບອກ​ລາວ​ວ່າ, ອັນນີ້​ແມ່ນ​ຖ້ອຍຄຳ​ຂອງ​ພຣະເຈົ້າຢາເວ​ກ່າວ: ‘ຫລັງຈາກ​ຂ້າ​ຊາຍ​ຜູ້ນີ້​ແລ້ວ ເຈົ້າ​ຍັງ​ຈະ​ຢຶດ​ຊັບສິນ​ຂອງ​ລາວ​ອີກ​ຊັ້ນບໍ?’ ພຣະເຈົ້າຢາເວ​ຍັງ​ກ່າວ​ອີກ​ວ່າ, ‘ຝູງ​ໝາ​ໄດ້​ເລຍ​ເລືອດ​ຂອງ​ນາໂບດ​ຢູ່​ບ່ອນໃດ ຝູງ​ໝາ​ກໍ​ຈະ​ເລຍ​ເລືອດ​ຂອງເຈົ້າ​ຢູ່​ບ່ອນ​ນັ້ນ​ເຊັ່ນດຽວ​ກັນ.”’

1 ກະສັດ 21:24

ຍາດຕິພີ່ນ້ອງ​ຄົນໃດ​ຂອງເຈົ້າ​ທີ່​ຕາຍ​ໃນເມືອງ​ກໍ​ຈະ​ຖືກ​ໝາ​ກັດກິນ ແລະ​ຄົນໃດ​ທີ່​ຕາຍ​ນອກເມືອງ​ກໍ​ຈະ​ຖືກ​ແຮ້ງ​ເຈາະ​ກິນ.”

2 ກະສັດ 9:25

ແລະ​ເຢຮູ​ໄດ້​ເວົ້າ​ຕໍ່​ບິດການ ນາຍ​ທະຫານ​ປະຈຳຕົວ​ຂອງຕົນ​ວ່າ, “ເອົາ​ຊາກສົບ​ຂອງ​ມັນ​ໂຍນ​ໃສ່​ທົ່ງນາ​ຂອງ​ນາໂບດ​ຊາວ​ຢິດຊະເຣນ. ເຈົ້າ​ຈື່​ໄດ້​ບໍ່​ວ່າ ຕອນ​ເຮົາ​ທັງສອງ​ຂີ່​ມ້າ​ຕາມ​ຫລັງ​ກະສັດ​ອາຮາບ ພໍ່​ຂອງ​ໂຢຣາມ​ໄປ​ນັ້ນ ພຣະເຈົ້າຢາເວ​ໄດ້​ກ່າວ​ຕໍ່ສູ້​ກະສັດ​ອາຮາບ​ດ້ວຍ​ຖ້ອຍຄຳ​ດັ່ງນີ້:

ເອຊາຢາ 13:15

ຜູ້​ທີ່​ຖືກ​ຈັບ​ໄດ້​ຈະ​ຖືກ​ແທງ​ໃຫ້​ຕາຍ.

ເອຊາຢາ 14:18

ກະສັດ​ໝົດ​ທົ່ວ​ທັງໂລກ​ນອນ​ຢູ່​ໃນ​ຂຸມຝັງສົບ​ອັນ​ງົດງາມ

ເອຊາຢາ 34:3

ຈະ​ບໍ່ມີ​ຜູ້ໃດ​ຝັງ​ຊາກສົບ​ຂອງ​ພວກເຂົາ ແຕ່​ຈະ​ຖືກ​ປະ​ໃຫ້​ເປື່ອຍ​ແລະ​ເນົ່າເໝັນ ຈົນ​ພູເຂົາ​ທັງຫລາຍ​ຈະ​ນອງ​ໄປ​ດ້ວຍ​ເລືອດ.

ເອຊາຢາ 5:25

ພຣະເຈົ້າຢາເວ​ໂກດຮ້າຍ​ປະຊາຊົນ​ຂອງ​ພຣະອົງ ແລະ​ຢຽດ​ມື​ອອກ​ລົງໂທດ​ພວກເຂົາ​ສາ​ແລ້ວ. ພູ​ທັງຫລາຍ​ຈະ​ສັ່ນສະເທືອນ ແລະ​ຊາກສົບ​ຂອງ​ຄົນຕາຍ​ກໍ​ຈະ​ຖືກ​ປະປ່ອຍ​ໄວ້​ຕາມ​ຖະໜົນ​ຫົນທາງ​ດັ່ງ​ຂີ້ເຫຍື້ອ. ເຖິງປານນັ້ນ ພຣະອົງ​ກໍ​ຍັງ​ບໍ່​ເຊົາ​ໂກດຮ້າຍ ແຕ່​ຍັງ​ຈະ​ຢຽດ​ມື​ອອກ​ເພື່ອ​ລົງໂທດ​ພວກເຂົາ​ຕໍ່ໄປ.

ເຢເຣມີຢາ 16:6

ທັງ​ຄົນຮັ່ງມີ​ແລະ​ຄົນ​ຍາກຈົນ​ຈະ​ຕາຍ​ຢູ່​ໃນ​ດິນແດນ​ນີ້ ແຕ່​ບໍ່ມີ​ຜູ້ໃດ​ຈະ​ຝັງ​ພວກເຂົາ​ໄວ້ ແລະ​ໄວ້ທຸກ​ໃຫ້​ພວກເຂົາ. ບໍ່ມີ​ຜູ້ໃດ​ຈະ​ຂີດ​ຕົວ​ເອງ ຫລື​ແຖ​ຫົວ​ສະແດງ​ຄວາມ​ໂສກເສົ້າ​ຂອງຕົນ.

ເຢເຣມີຢາ 22:19

ພວກເຂົາ​ຈະ​ໃຫ້ກຽດ​ຝັງສົບ​ລາວ​ໄວ້​ດັ່ງ​ຝັງ​ໂຕ​ລາ ໂດຍ​ຈະ​ລາກ​ໂຍນ​ຖິ້ມ​ໄປ​ນອກ​ປະຕູ​ນະຄອນ​ພຸ້ນ.”

ເຢເຣມີຢາ 41:7

ພໍ​ເມື່ອ​ພວກເຂົາ​ໄດ້​ເຂົ້າ​ໄປ​ໃນ​ເມືອງ​ແລ້ວ ອິດຊະມາເອນ​ລູກຊາຍ​ຂອງ​ເນທານີຢາ​ແລະ​ຄົນ​ຂອງຕົນ​ກໍ​ຂ້າ​ພວກເຂົາ​ຖິ້ມ ແລະ​ໂຍນ​ຊາກສົບ​ຂອງ​ພວກເຂົາ​ລົງ​ໃນ​ນໍ້າສ້າງ.

ເຢເຣມີຢາ 41:9

ນໍ້າສ້າງ​ທີ່​ອິດຊະມາເອນ​ໂຍນ​ຊາກສົບ​ຂອງ​ຄົນ​ທີ່​ລາວ​ໄດ້​ຂ້າ​ລົງ​ໄປ​ໃນ​ນັ້ນ ເປັນ​ນໍ້າສ້າງ​ໃຫຍ່ ທີ່​ກະສັດ​ອາສາ​ໄດ້​ຂຸດ​ຄາວ​ທີ່​ເພິ່ນ​ໄດ້​ຖືກ​ກະສັດ​ບາອາຊາ​ແຫ່ງ​ອິດສະຣາເອນ​ໂຈມຕີ. ອິດຊະມາເອນ​ລູກຊາຍ​ຂອງ​ເນທານີຢາ​ຈຶ່ງ​ໃຊ້​ດິນ​ຖົມ​ນໍ້າສ້າງ​ນີ້​ພ້ອມ​ກັບ​ຊາກສົບ​ເຫຼົ່ານີ້.

ເຢເຣມີຢາ 51:4

ພວກເຂົາ​ຈະ​ບາດເຈັບ ແລະ​ຕາຍ​ຕາມ​ທ້ອງ​ຖະໜົນ​ໃນ​ເມືອງ.

ເອເຊກຽນ 32:23

ແລະ​ຂຸມຝັງສົບ​ຂອງ​ພວກເຂົາ​ແມ່ນ​ຢູ່​ບ່ອນ​ເລິກ​ທີ່ສຸດ​ຂອງ​ແດນ​ມໍຣະນາ. ບັນດາ​ທະຫານ​ຂອງຕົນ​ກໍ​ລົ້ມ​ຕາຍ​ໃນ​ສະໜາມຮົບ ແລະ​ຂຸມຝັງສົບ​ຂອງ​ພວກເຂົາ​ກໍ​ອ້ອມຮອບ​ຂຸມຝັງສົບ​ຂອງ​ອັດຊີເຣຍ. ຄັ້ງໜຶ່ງ ພວກເຂົາ​ເປັນ​ທີ່​ສະທ້ານ​ຢ້ານກົວ​ຂອງ​ໂລກ​ຄົນ​ເປັນ.

ເອເຊກຽນ 32:27

ພວກເຂົາ​ບໍ່ໄດ້​ຖືກ​ຝັງ​ຢ່າງ​ມີ​ກຽດ​ດັ່ງ​ບັນດາ​ວິລະບູລຸດ​ຂອງ​ພວກເຂົາ​ໃນ​ສະໄໝ​ກ່ອນກີ້ ຜູ້​ທີ່​ໄດ້​ລົງ​ໄປ​ສູ່​ແດນ​ມໍຣະນາ​ໂດຍ​ມີ​ອາວຸດ​ຕິດຕົວ​ຄົບຊຸດ ຄື​ດາບ​ຂອງ​ພວກເຂົາ​ຖືກ​ວາງ​ໄວ້​ທີ່​ກ້ອງ​ຫົວ ແລະ​ໂລ້​ຂອງ​ພວກເຂົາ ກໍ​ຖືກ​ວາງ​ໄວ້​ທີ່​ເທິງ​ຮ່າງກາຍ. ຄັ້ງໜຶ່ງ ວິລະບູລຸດ​ເຫຼົ່ານີ້​ໄດ້​ມີ​ອຳນາດ ພໍ​ທີ່​ຈະ​ເຮັດ​ໃຫ້​ໂລກ​ຄົນ​ເປັນ​ສະທ້ານ​ຢ້ານກົວ​ໄດ້.