ເອຊາຢາ 14:16 - ພຣະຄຳພີສັກສິ

¹⁶ ພວກ​ຄົນຕາຍ​ຈະ​ຈ້ອງຕາ​ເບິ່ງ​ເຈົ້າ ແລະ​ຈະ​ຖາມ​ວ່າ, “ຄົນນີ້​ບໍ່ແມ່ນ​ຜູ້​ທີ່​ໄດ້​ເຮັດ​ໃຫ້​ໂລກ​ແລະ​ບັນດາ​ອານາຈັກ​ສັ່ນສະເທືອນ​ນັ້ນບໍ?

ເອຊາຢາ 14:16 Jak'a apnaqawi uñst'ayäwi

ເພງ^ສັນລະເສີນ 52:7

“ເບິ່ງແມ! ນີ້​ແມ່ນ​ຄົນ​ທີ່​ບໍ່​ເພິ່ງ​ຄວາມ​ປອດໄພ​ໃນ​ພຣະເຈົ້າ ແຕ່​ໄວ້ວາງໃຈ​ໃນ​ຊັບສິນ​ອັນ​ມະຫາສານ​ຂອງຕົນ ແລະ​ຊອກຫາ​ຄວາມ​ປອດໄພ​ໃນ​ທາງ​ຊົ່ວຮ້າຍ.”

ເພງ^ສັນລະເສີນ 64:9

ພວກເຂົາ​ຈະ​ຢ້ານ​ເມື່ອ​ຄິດເຖິງ​ສິ່ງ​ທີ່​ພຣະເຈົ້າ​ໄດ້​ກະທຳ ແລະ​ຈະ​ບອກ​ເຖິງ​ກິດຈະການ​ຂອງ​ພຣະອົງ.

ເອຊາຢາ 14:15

ແຕ່​ແລ້ວ​ເຈົ້າ​ພັດ​ໄດ້​ຖືກ​ຖິ້ມ​ລົງ​ມາ​ສູ່​ບ່ອນ​ເລິກ​ທີ່ສຸດ​ຂອງ​ແດນ​ມໍຣະນາ.

ເອຊາຢາ 14:17

ຄົນນີ້​ບໍ່ແມ່ນ​ຜູ້​ທີ່​ໄດ້​ທຳລາຍ​ເມືອງ​ທັງຫລາຍ ແລະ​ເຮັດ​ໃຫ້​ໂລກ​ເປັນ​ທີ່​ຮົກຮ້າງ​ຫວ່າງຄົນ​ນັ້ນບໍ? ຄົນນີ້​ບໍ່ແມ່ນ​ຜູ້​ທີ່​ກັກ​ຊະເລີຍເສິກ​ໄວ້ ຫລື​ຜູ້​ທີ່​ບໍ່​ຍິນຍອມ​ປ່ອຍ​ໃຫ້​ພວກເຂົາ​ກັບຄືນ​ເມືອ​ນັ້ນບໍ?”

ເຢເຣມີຢາ 50:23

ບາບີໂລນ​ໄດ້​ໃຊ້​ຄ້ອນຕີ​ໂລກ​ທັງໝົດ​ແຕກ​ເປັນ​ປ່ຽງ​ສັນໃດ; ບັດນີ້ ຄ້ອນຕີ​ນັ້ນ​ກໍໄດ້​ແຕກ​ເປັນ​ປ່ຽງ​ສັນນັ້ນ ບັນດາ​ຊົນຊາດ​ທັງໝົດ​ສະດຸ້ງ​ຕົກໃຈ ຕໍ່​ສິ່ງ​ທີ່​ໄດ້​ເກີດຂຶ້ນ​ໃນ​ປະເທດ​ນັ້ນ.

ເອເຊກຽນ 32:23

ແລະ​ຂຸມຝັງສົບ​ຂອງ​ພວກເຂົາ​ແມ່ນ​ຢູ່​ບ່ອນ​ເລິກ​ທີ່ສຸດ​ຂອງ​ແດນ​ມໍຣະນາ. ບັນດາ​ທະຫານ​ຂອງຕົນ​ກໍ​ລົ້ມ​ຕາຍ​ໃນ​ສະໜາມຮົບ ແລະ​ຂຸມຝັງສົບ​ຂອງ​ພວກເຂົາ​ກໍ​ອ້ອມຮອບ​ຂຸມຝັງສົບ​ຂອງ​ອັດຊີເຣຍ. ຄັ້ງໜຶ່ງ ພວກເຂົາ​ເປັນ​ທີ່​ສະທ້ານ​ຢ້ານກົວ​ຂອງ​ໂລກ​ຄົນ​ເປັນ.

ເອເຊກຽນ 32:27

ພວກເຂົາ​ບໍ່ໄດ້​ຖືກ​ຝັງ​ຢ່າງ​ມີ​ກຽດ​ດັ່ງ​ບັນດາ​ວິລະບູລຸດ​ຂອງ​ພວກເຂົາ​ໃນ​ສະໄໝ​ກ່ອນກີ້ ຜູ້​ທີ່​ໄດ້​ລົງ​ໄປ​ສູ່​ແດນ​ມໍຣະນາ​ໂດຍ​ມີ​ອາວຸດ​ຕິດຕົວ​ຄົບຊຸດ ຄື​ດາບ​ຂອງ​ພວກເຂົາ​ຖືກ​ວາງ​ໄວ້​ທີ່​ກ້ອງ​ຫົວ ແລະ​ໂລ້​ຂອງ​ພວກເຂົາ ກໍ​ຖືກ​ວາງ​ໄວ້​ທີ່​ເທິງ​ຮ່າງກາຍ. ຄັ້ງໜຶ່ງ ວິລະບູລຸດ​ເຫຼົ່ານີ້​ໄດ້​ມີ​ອຳນາດ ພໍ​ທີ່​ຈະ​ເຮັດ​ໃຫ້​ໂລກ​ຄົນ​ເປັນ​ສະທ້ານ​ຢ້ານກົວ​ໄດ້.

ນາຮູມ 3:6

ເຮົາ​ຈະ​ເຮັດ​ຕໍ່​ເຈົ້າ ຢ່າງ​ດູຖູກ​ຫຍໍ້ຫຍັນ ໃຫ້​ສິ່ງ​ເປິເປຶ້ອນ​ປະດັບ​ທີ່​ເທິງ​ກາຍ​ຂອງເຈົ້າ ຄົນ​ທັງຫລາຍ​ຕ່າງ​ກໍ​ຈ້ອງເບິ່ງ​ເຈົ້າ​ດ້ວຍ​ສາຍຕາ ອັນ​ຂະຍະ​ຂະແຫຍງ​ຈົນ​ຂົນຕົວລຸກ.

ຮາບາກຸກ 1:10

ພວກເຂົາ​ດູຖູກ​ຫຍໍ້ຫຍັນ​ບັນດາ​ກະສັດ ແລະ​ຫົວ​ເຍາະເຍີ້ຍ​ໃສ່​ບັນດາ​ຂ້າຣາຊການ​ຊັ້ນສູງ. ບໍ່ມີ​ປ້ອມ​ປ້ອງກັນ​ບ່ອນໃດ​ທີ່​ຕ້ານທານ​ຕໍ່​ການ​ບຸກລຸກ​ຂອງ​ພວກເຂົາ​ໄດ້. ພວກເຂົາ​ໃຊ້​ຍຸດທະວິທີ​ຍາດ​ຢຶດເອົາ​ປ້ອມ ໂດຍ​ກອງ​ດິນ​ຂຶ້ນ​ໃຫ້​ສູງ​ເທົ່າກັບ​ປ້ອມ ແລະ​ເຂົ້າ​ຢຶດເອົາ.

ຮາບາກຸກ 1:17

ພວກເຂົາ​ຈະ​ໃຊ້​ດາບ​ທຳຮ້າຍ​ຊົນຊາດ​ຕ່າງໆ ສືບໄປ​ຢ່າງ​ບໍ່ມີ​ຄວາມ​ເມດຕາ​ບໍ?