ເອຊາຢາ 14:10 - ພຣະຄຳພີສັກສິ

¹⁰ ພວກ​ມັນ​ທັງໝົດ​ຮ້ອງ​ອອກ​ມາ​ວ່າ, ‘ບັດນີ້ ເຈົ້າ​ກໍ​ອ່ອນແຮງ​ຄືກັນ​ກັບ​ພວກເຮົາ​ນໍ ເຈົ້າ​ກໍ​ເປັນ​ຜູ້ໜຶ່ງ​ໃນ​ພວກເຮົາ​ແລ້ວ

ເອຊາຢາ 14:10 Jak'a apnaqawi uñst'ayäwi

ເພງ^ສັນລະເສີນ 49:20

ຄວາມ​ຍິ່ງໃຫຍ່​ນັ້ນ​ບໍ່​ອາດ​ຊ່ວຍ​ຕົນ​ໃຫ້​ພົ້ນ​ຕາຍ ລາວ​ຍັງ​ຈະ​ຕ້ອງ​ຕາຍໄປ​ດັ່ງ​ໂຕ​ສັດ​ທັງຫຼາຍ.

ປັນຍາຈານ 2:16

ບໍ່ມີ​ຜູ້ໃດ​ຈື່ຈຳ​ຄົນມີ​ປັນຍາ ແລະ​ບໍ່ມີ​ຜູ້ໃດ​ຈື່ຈຳ​ຄົນໂງ່ຈ້າ. ໃນ​ມື້​ທີ່​ຈະ​ມາ​ເຖິງ​ນັ້ນ ຄົນ​ຈະ​ລືມໄລ​ພວກເຂົາ​ໄປ​ໝົດ. ພວກເຮົາ​ທຸກຄົນ​ຕ້ອງ​ຕາຍ ຄື​ທັງ​ຄົນມີ​ປັນຍາ​ແລະ​ຄົນໂງ່ຈ້າ​ດ້ວຍ.

ເອເຊກຽນ 26:20

ເຮົາ​ຈະ​ສົ່ງ​ເຈົ້າ​ລົງ​ໄປ​ຮ່ວມ​ກັບ​ຄົນ​ທີ່​ໄດ້​ອາໄສ​ຢູ່​ໃນ​ແດນ​ມໍຣະນາ​ແຕ່​ກ່ອນກີ້. ເຮົາ​ຈະ​ເຮັດ​ໃຫ້​ເຈົ້າ​ຢູ່​ຮ່ວມ​ກັບ​ພວກ​ຄົນຕາຍ​ໃນ​ໂລກ​ໃຕ້​ດິນ​ທີ່​ເປັນ​ບ່ອນ​ຮົກຮ້າງ​ເພພັງ​ຕະຫລອດໄປ. ໃນທີ່ສຸດ ເຈົ້າ​ຈະ​ບໍ່ມີ​ຜູ້ໃດ​ອາໄສ​ຢູ່ ແລະ​ບໍ່ມີ​ວັນ​ທີ່​ຈະ​ກັບຄືນ​ໄປ​ບ່ອນ​ຂອງ​ເຈົ້າ ໃນ​ດິນແດນ​ຂອງ​ຄົນ​ເປັນ.

ເອເຊກຽນ 32:21

ບັນດາ​ວິລະບູລຸດ​ຜູ້​ຍິ່ງໃຫຍ່ ແລະ​ພວກ​ທີ່​ໄດ້​ສູ້ຮົບ​ໃຫ້​ຝ່າຍ​ເອຢິບ ຍິນດີ​ຕ້ອນຮັບ​ຊາວ​ເອຢິບ​ລົງ​ໄປ​ສູ່​ແດນ​ມໍຣະນາ. ພວກເຂົາ​ຮ້ອງ​ຂຶ້ນ​ວ່າ, ‘ພວກ​ບໍ່​ນັບຖື​ພຣະເຈົ້າ​ທີ່​ໄດ້​ຖືກ​ຂ້າ​ໃນ​ສະໜາມຮົບ​ລົງ​ມາ​ທີ່​ນີ້​ແລ້ວ ແລະ​ພວກເຂົາ​ກໍ​ນອນ​ຕາຍ​ຢູ່​ທີ່​ນີ້.’