ເອຊາຢາ 13:9 - ພຣະຄຳພີສັກສິ

⁹ ວັນ​ຂອງ​ພຣະເຈົ້າຢາເວ​ກຳລັງ​ມາ ຄື​ມື້​ແຫ່ງ​ຄວາມ​ຮ້າຍກາດ ແລະ​ໂມໂຫ​ຂອງ​ພຣະອົງ. ໂລກ​ຈະ​ເປັນ​ຖິ່ນ​ແຫ້ງແລ້ງ​ກັນດານ ແລະ​ຄົນບາບ​ທຸກຄົນ​ຈະ​ຖືກ​ທຳລາຍ.

ເອຊາຢາ 13:9 Jak'a apnaqawi uñst'ayäwi

ເພງ^ສັນລະເສີນ 104:35

ຂໍ​ໃຫ້​ຄົນບາບ​ຖືກ​ທຳລາຍ​ສ້ຽງ​ຈາກ​ໂລກນີ້​ສາ ຂໍ​ຢ່າ​ສູ່​ໃຫ້​ມີ​ຄົນຊົ່ວ​ຫລົງເຫລືອ​ຢູ່​ຕໍ່ໄປ​ອີກ. ຈິດວິນຍານ​ຂອງ​ຂ້ານ້ອຍ​ເອີຍ ຈົ່ງ​ຍົກຍໍ​ສັນລະເສີນ​ພຣະເຈົ້າຢາເວ ຈົ່ງ​ຍ້ອງຍໍ​ສັນລະເສີນ​ພຣະເຈົ້າຢາເວ​ເຖີດ.

ສຸພາສິດ 2:22

ແຕ່​ພຣະເຈົ້າ​ຈະ​ຕັດ​ຄົນຊົ່ວຮ້າຍ​ອອກ​ໄປ​ຈາກ​ດິນແດນ ແລະ​ຄົນ​ຄົດໂກງ​ຈະ​ຖືກ​ຖອນຮາກ​ອອກ​ຈາກ​ແຜ່ນດິນ​ນັ້ນ.

ເອຊາຢາ 13:6

ຮ້ອງ​ຄວນຄາງ​ດ້ວຍ​ຄວາມ​ເຈັບປວດ​ສາເຖີດ ວັນ​ຂອງ​ພຣະເຈົ້າຢາເວ​ມາ​ໃກ້​ແລ້ວ ຄື​ມື້​ທີ່​ພຣະເຈົ້າ​ອົງ​ຊົງຣິດ​ອຳນາດ​ຍິ່ງໃຫຍ່​ນຳ​ໄພພິບັດ​ມາ.

ເອຊາຢາ 2:12

ໃນ​ວັນ​ນັ້ນ ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ຈະ​ເຮັດ​ໃຫ້​ທຸກຄົນ​ທີ່​ມີ​ອຳນາດ ທຸກຄົນ​ທີ່​ອວດອົ່ງ ແລະ​ທຸກຄົນ​ທີ່​ຈອງຫອງ​ນັ້ນ​ໄດ້​ຖ່ອມຕົວ​ລົງ.

ເອຊາຢາ 34:8

ມາ​ເຖິງ​ຕອນ​ນີ້​ແມ່ນ​ເວລາ​ທີ່​ພຣະເຈົ້າຢາເວ​ຈະ​ຊ່ວຍກູ້​ເອົາ​ພູເຂົາ​ຊີໂອນ ແລະ​ແກ້ແຄ້ນ​ເຫຼົ່າ​ສັດຕູ​ຂອງ​ພູເຂົາ​ຊີໂອນ​ໃຫ້​ໝົດສິ້ນ.

ເອຊາຢາ 63:4

ເຮົາ​ຕັດສິນໃຈ​ແລ້ວ​ວ່າ ເວລາ​ທີ່​ຈະ​ຊ່ວຍ​ປະຊາຊົນ​ຂອງເຮົາ​ໃຫ້​ພົ້ນ​ນັ້ນ​ມາຮອດ​ແລ້ວ; ທັງ​ເປັນ​ເວລາ​ທີ່​ຈະ​ລົງໂທດ​ເຫຼົ່າ​ສັດຕູ​ຂອງ​ພວກເຂົາ​ດ້ວຍ.

ເອຊາຢາ 66:17

ພຣະເຈົ້າຢາເວ​ກ່າວ​ວ່າ, “ຄາວ​ສຸດທ້າຍ​ມາ​ໃກ້​ແລ້ວ ສຳລັບ​ຜູ້​ທີ່​ຊຳລະ​ຕົນເອງ​ເພື່ອ​ຂາບໄຫວ້​ພະ​ຂອງ​ຊາວ​ຕ່າງຊາດ ຄື​ຜູ້​ເຂົ້າຮ່ວມ​ໃນ​ຂະບວນ​ການ​ບູຊາ​ສວນ​ສັກສິດ ແລະ​ຜູ້​ກິນ​ໝູ​ແລະ​ກິນ​ໜູ​ແລະ​ອາຫານ​ຂີ້ດຽດ​ອື່ນໆ​ອີກ.

ເອຊາຢາ 9:19

ເພາະ​ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ໂກດຮ້າຍ ພຣະອົງ​ຈຶ່ງ​ທຳລາຍ​ດິນແດນ​ແລະ​ປະຊາຊົນ​ໃຫ້​ຈິບຫາຍ​ໄປ​ດັ່ງ​ໄຟ​ເຜົາຜານ ໂດຍ​ແຕ່ລະຄົນ​ໄດ້​ຮັບ​ໂທດ​ນັ້ນ​ເທົ່າກັນ.

ເອເຊກຽນ 13:5

ພວກເຂົາ​ບໍ່ໄດ້​ເຝົ້າເບິ່ງ​ບ່ອນ​ທີ່​ກຳແພງ​ຫລຸ ແລະ​ບໍ່ໄດ້​ສ້າງ​ກຳແພງ​ເມືອງ​ຂຶ້ນ​ໃໝ່; ສະນັ້ນ ຊາດ​ອິດສະຣາເອນ ຈຶ່ງ​ບໍ່​ສາມາດ​ປ້ອງກັນ ເມື່ອ​ເສິກ​ມາເຖິງ​ໃນ​ວັນ​ຂອງ​ພຣະເຈົ້າຢາເວ.

ເອເຊກຽນ 30:3

ມາ​ໃກ້​ແລ້ວ​ຄື​ມື້​ທີ່​ພຣະເຈົ້າຢາເວ​ຈະ​ກະທຳການ ມື້​ໜຶ່ງ​ທີ່​ມີ​ເມກໝອກ​ໜາ ແລະ​ນາໆຊາດ​ເດືອດຮ້ອນ.

ໂຢເອນ 1:15

ວັນ​ຂອງ​ພຣະເຈົ້າຢາເວ​ຫຍັບ​ເຂົ້າ​ມາ​ໃກ້​ທຸກ​ທີ ຄື​ວັນ​ທີ່​ອົງ​ຊົງຣິດ​ຍິ່ງໃຫຍ່​ຈະ​ນຳ​ການທຳລາຍ​ມາ​ໃຫ້ ເປັນ​ການທຳລາຍ​ໃຫຍ່​ທີ່​ໜ້າຢ້ານກົວ​ຫລາຍ ວັນນັ້ນ ຈະ​ໜ້າຢ້ານກົວ​ແທ້ໆ.

ໂຢເອນ 2:1

ຈົ່ງ​ເປົ່າແກ​ຂຶ້ນ​ເຕືອນໄພ ທີ່​ເທິງ​ພູເຂົາ​ຊີໂອນ​ສາ ພູເຂົາ​ສັກສິດ​ຂອງ​ພຣະເຈົ້າ​ເອີຍ ຈົ່ງ​ສັ່ນ​ສະທ້ານ​ເຖີດ ປະຊາຊົນ​ຢູດາ​ເອີຍ ເຖິງ​ວັນ​ຂອງ​ພຣະເຈົ້າຢາເວ​ແລ້ວ ວັນນັ້ນ​ກຳລັງ​ຫຍັບ​ເຂົ້າມາ​ໃກ້​ແລ້ວ.

ໂຢເອນ 2:31

ກ່ອນ​ວັນ​ອັນ​ຍິ່ງໃຫຍ່​ໜ້າຢ້ານ​ຂອງ​ພຣະເຈົ້າຢາເວ​ມາ​ເຖິງ ອາທິດ​ຈະ​ມືດມົວ​ທັງ​ເດືອນ​ຈະ​ເປັນ​ສີແດງ​ດັ່ງ​ເລືອດ.

ນາຮູມ 1:2

ພຣະເຈົ້າຢາເວ​ເປັນ​ພຣະເຈົ້າ ອົງ​ຫວງແຫນ ແລະ​ຕອບແທນ; ພຣະເຈົ້າຢາເວ​ຕອບແທນ ແລະ​ເຕັມດ້ວຍ​ຄວາມ​ໂກດຮ້າຍ ພຣະເຈົ້າຢາເວ​ລົງໂທດ​ພວກ​ທີ່​ຕໍ່ຕ້ານ​ພຣະອົງ; ແລະ​ແກ້ແຄ້ນ​ພວກເຂົາ​ເພາະ​ພຣະອົງ​ໂກດຮ້າຍ.

ນາຮູມ 1:6

ເມື່ອ​ພຣະອົງ​ໂກດຮ້າຍ​ແມ່ນ​ຜູ້ໃດ​ແດ່​ລອດຊີວິດ​ເດ? ແມ່ນ​ຜູ້ໃດ​ລອດຊີວິດ​ນໍ​ເມື່ອ​ພຣະອົງ​ກິ້ວໂກດ? ພຣະອົງ​ເທ​ຄວາມ​ໂກດຮ້າຍ​ເປັນ​ໄຟ​ທີ່​ເຜົາຜານ ໂງ່ນຫີນ​ກໍ​ໝຸ່ນ​ເປັນ​ຝຸ່ນ​ດິນ​ຢູ່​ຊ້ອງໜ້າ​ພຣະອົງ.

ນາຮູມ 1:8

ດັ່ງ​ນໍ້າ​ມາກ​ທີ່​ໄຫລ​ແຮງ ພຣະອົງ​ທຳລາຍ​ສັດຕູ ຂອງ​ພຣະອົງ​ໃຫ້​ດັບສູນສິ້ນ; ພວກ​ແຂງຂໍ້​ຕໍ່​ພຣະອົງ​ນັ້ນ​ກໍ​ຕົກ​ຖືກ​ຄວາມຕາຍ ທັງ​ຖືກ​ສົ່ງ​ລົງ​ໄປ​ສູ່​ແດນ​ມໍຣະນາ​ພຸ້ນ.

ເຊຟານີຢາ 1:15

ມັນ​ຈະ​ເປັນ​ວັນ​ແຫ່ງ​ຄວາມ​ໂກດຮ້າຍ​ໃຫຍ່ ວັນ​ແຫ່ງ​ຄວາມ​ເດືອດຮ້ອນ ແລະ​ເປັນທຸກໃຈ​ຫລາຍ ມື້​ແຫ່ງ​ການ​ຮົກຮ້າງ​ເພພັງ​ແລະ​ຈິບຫາຍ ມື້​ແຫ່ງ​ຄວາມ​ມືດຕຶບ​ແລະ​ໝົ່ນໝອງ ມື້​ແຫ່ງ​ເມກໝອກ​ດຳ

ເຊກາຣີຢາ 14:1

ວັນ​ທີ່​ພຣະເຈົ້າຢາເວ​ຈະ​ນັ່ງ​ຕັດສິນ​ມາ​ໃກ້​ແລ້ວ. ນະຄອນ​ເຢຣູຊາເລັມ​ຈະ​ຖືກ​ປຸ້ນ ແລະ​ພວກເຂົາ​ຈະ​ແບ່ງປັນ​ຂອງ​ທີ່​ປຸ້ນ​ມາ​ໄດ້​ນັ້ນ​ຕໍ່ໜ້າ​ພວກເຈົ້າ.

ມາລາກີ 4:1

ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ກ່າວ​ວ່າ, “ວັນ​ນັ້ນ​ກຳລັງ​ມາ​ເຖິງ ຄື​ມື້​ທີ່​ຄົນ​ຈອງຫອງ​ແລະ​ຄົນຊົ່ວ​ທຸກຄົນ​ຈະ​ຖືກ​ໄຟ​ເຜົາ​ດັ່ງ​ເຟືອງ. ໃນ​ວັນ​ນັ້ນ ພວກເຂົາ​ຈະ​ຖືກ​ໄຟ​ເຜົາ ແລະ​ຈະ​ບໍ່ມີ​ຫຍັງ​ເຫຼືອ​ຢູ່​ເລີຍ.

ພຣະນິມິດ 18:8

ຍ້ອນ​ການ​ນີ້ ໄພພິບັດ​ຕ່າງໆ ຂອງ​ນະຄອນ​ນັ້ນ ຈະ​ຕົກ​ຖືກ​ນາງ​ໃນ​ວັນ​ດຽວ ຄື​ຄວາມ​ຕາຍ, ຄວາມ​ໂສກເສົ້າ ແລະ​ຄວາມ​ອຶດຢາກ. ແລະ​ໄຟ​ເຜົາຜານ​ນາງ​ໃຫ້​ຈິບຫາຍ ເພາະ​ອົງພຣະ​ຜູ້​ເປັນເຈົ້າ ພຣະເຈົ້າ ຜູ້​ຊົງ​ຕັດສິນ​ລົງໂທດ​ນະຄອນ​ນັ້ນ ຊົງ​ປະກອບ​ດ້ວຍ​ພຣະ​ກຳລັງ.”