ເອຊາຢາ 11:6 - ພຣະຄຳພີສັກສິ

⁶ ໝາໄນ​ກັບ​ແກະ​ຈະ​ຢູ່​ນຳກັນ​ຢ່າງ​ສັນຕິສຸກ ແລະ​ເສືອ​ດາວ​ຈະ​ນອນ​ຮ່ວມກັນ​ກັບ​ໂຕ​ແບ້. ລູກ​ງົວ​ກັບ​ລູກ​ໂຕສິງ​ຈະ​ຫາຢູ່​ຫາກິນ​ນຳກັນ ແລະ​ເດັກນ້ອຍ​ກໍ​ຈະ​ດູແລ​ສັດ​ເຫຼົ່ານັ້ນ.

ເອຊາຢາ 11:6 Jak'a apnaqawi uñst'ayäwi

ພຣະທຳ​ໂຢບ 5:23

ທົ່ງນາ​ທີ່​ເຈົ້າ​ໄຖ​ນັ້ນ ຈະ​ບໍ່ມີ​ຫີນ​ເຈືອປົນ ໝູ່​ສັດຮ້າຍ​ກໍ​ຈະ​ບໍ່​ມາ​ວົນວາຍ​ທຳຮ້າຍ​ເຈົ້າ.

ເອຊາຢາ 2:4

ພຣະອົງ​ຈະ​ຕັດສິນ​ການ​ຂັດແຍ່ງ ໃນ​ທ່າມກາງ​ຊົນຊາດ​ທັງຫລາຍ. ພວກເຂົາ​ຈະ​ຕີ​ດາບ​ເປັນ​ໝາກ​ສົບໄຖ ແລະ​ຕີ​ຫອກ​ເປັນ​ມີດ​ຕອນ​ຕົ້ນໄມ້. ຊົນຊາດ​ທັງຫລາຍ​ຈະ​ບໍ່​ເຮັດ​ເສິກ​ອີກ​ຕໍ່ໄປ ຈະ​ບໍ່​ຕຽມ​ເຂົ້າ​ສູ່​ການ​ສົງຄາມ​ອີກ​ຈັກເທື່ອ.

ເອຊາຢາ 65:25

ໝາປ່າ​ແລະ​ລູກແກະ​ຈະ​ກິນ​ຮ່ວມກັນ ສິງ​ຈະ​ກິນ​ເຟືອງ​ເໝືອນ​ງົວ ແລະ​ງູພິດ​ກໍ​ຈະ​ກິນ​ຂີ້ດິນ​ຢ່າງ​ພໍໃຈ. ທີ່​ຊີໂອນ​ເທິງ​ເນີນພູ​ສັກສິດ​ຂອງເຮົາ ຈະ​ບໍ່ມີ​ສິ່ງ​ອັນຕະລາຍ​ຫລື​ຊົ່ວຮ້າຍ​ເລີຍ.” ພຣະເຈົ້າຢາເວ​ກ່າວ​ດັ່ງນັ້ນ.

ເອເຊກຽນ 34:25

ເຮົາ​ຈະ​ເຮັດ​ພັນທະສັນຍາ​ປະກັນ​ຄວາມ​ປອດໄພ​ໃຫ້​ແກ່​ພວກເຂົາ. ເຮົາ​ຈະ​ກຳຈັດ​ສັດຮ້າຍ​ທັງໝົດ​ອອກ​ໄປ​ຈາກ​ດິນແດນ ເພື່ອ​ແກະ​ຂອງເຮົາ​ຈະ​ໄດ້​ຢູ່​ຢ່າງ​ປອດໄພ​ຕາມ​ທົ່ງນາ​ຫລື​ໃນ​ປ່າ.

ໂຮເສອາ 2:18

ໃນ​ເວລາ​ນັ້ນ ເຮົາ​ຈະ​ເຮັດ​ພັນທະສັນຍາ​ກັບ​ສັດປ່າ​ແລະ​ຝູງນົກ​ທັງປວງ ເພື່ອ​ວ່າ​ພວກມັນ​ຈະ​ບໍ່​ທຳຮ້າຍ​ປະຊາຊົນ​ຂອງເຮົາ. ເຮົາ​ຈະ​ເອົາ​ອາວຸດ​ແຫ່ງ​ການ​ຮົບເສິກ​ໜີໄປ​ຈາກ​ດິນແດນ ຄື​ດາບ​ແລະ​ລູກທະນູ ແລະ​ຈະ​ໃຫ້​ປະຊາຊົນ​ຂອງເຮົາ​ມີ​ຊີວິດ​ຢູ່​ຢ່າງ​ສຸກ​ສະບາຍ ແລະ​ປອດໄພ.

ໂຣມ 14:17

ດ້ວຍວ່າ, ອານາຈັກ​ຂອງ​ພຣະເຈົ້າ ບໍ່ແມ່ນ​ເລື່ອງ​ການ​ກິນ​ແລະ​ການ​ດື່ມ, ແຕ່​ແມ່ນ​ເລື່ອງ​ຄວາມ​ຊອບທຳ, ສັນຕິສຸກ ແລະ​ຄວາມ​ຊົມຊື່ນ​ຍິນດີ ທີ່​ມາ​ຈາກ​ພຣະວິນຍານ​ບໍຣິສຸດເຈົ້າ.