ເອຊາຢາ 11:3 - ພຣະຄຳພີສັກສິ

³ ແລະ​ເພິ່ນ​ຈະ​ຊົມຊື່ນ​ດ້ວຍ​ຄວາມ​ຢຳເກງ​ພຣະເຈົ້າຢາເວ ເພິ່ນ​ຈະ​ບໍ່​ຕັດສິນ​ຕາມ​ຕາເຫັນ ຫລື​ຕາມ​ຄຳ​ທີ່​ຄົນ​ເວົ້າ;

ເອຊາຢາ 11:3 Jak'a apnaqawi uñst'ayäwi

2 ຊາມູເອນ 14:17

ຂ້ານ້ອຍ​ຄິດວ່າ​ຄຳສັນຍາ​ຂອງທ່ານ​ຈະ​ເຮັດ​ໃຫ້​ຂ້ານ້ອຍ​ພົ້ນ​ໄດ້ ເພາະ​ກະສັດ​ກໍ​ປຽບ​ດັ່ງ​ເທວະດາ​ຂອງ​ພຣະເຈົ້າ ທີ່​ແຍກ​ຄວາມດີ​ອອກ​ຈາກ​ຄວາມຊົ່ວ​ໄດ້. ຂໍ​ໃຫ້​ພຣະເຈົ້າຢາເວ ພຣະເຈົ້າ​ຂອງທ່ານ​ສະຖິດ​ຢູ່​ກັບ​ທ່ານ​ເຖີດ.”

2 ຊາມູເອນ 14:8

ກະສັດ​ຕອບ​ນາງ​ວ່າ, “ໃຫ້​ເຈົ້າ​ກັບ​ເມືອ​ສາ ເຮົາ​ຈະ​ຈັດການ​ເລື່ອງ​ນີ້​ເອງ.”

1 ກະສັດ 3:28

ເມື່ອ​ປະຊາຊົນ​ອິດສະຣາເອນ​ໄດ້ຍິນ​ຄຳ​ຕັດສິນ​ຂອງ​ກະສັດ​ໂຊໂລໂມນ​ແລ້ວ ພວກເຂົາ​ທຸກຄົນ​ຕ່າງ​ກໍ​ໃຫ້​ຄວາມນັບຖື​ຢ່າງ​ສູງສົ່ງ ແລະ​ຢ່າງ​ເຕັມຈິດ​ເຕັມໃຈ​ແກ່​ເພິ່ນ ເພາະ​ພວກເຂົາ​ຮູ້​ວ່າ ພຣະເຈົ້າ​ໃຫ້​ເພິ່ນ​ໄດ້​ຮັບ​ສະຕິປັນຍາ​ເພື່ອ​ຕັດສິນ​ຄະດີ​ຢ່າງ​ຍຸດຕິທຳ.

1 ກະສັດ 3:9

ສະນັ້ນ ຂໍ​ພຣະອົງ​ໂຜດ​ໃຫ້​ສະຕິປັນຍາ​ແກ່​ຂ້ານ້ອຍ ເພື່ອ​ຈະ​ປົກຄອງ​ປະຊາຊົນ​ຂອງ​ພຣະອົງ​ຢ່າງ​ຍຸດຕິທຳ ແລະ​ເພື່ອ​ຈະ​ຮູ້ຈັກ​ຄວາມ​ແຕກຕ່າງ​ລະຫວ່າງ​ຄວາມດີ​ແລະ​ຄວາມຊົ່ວ. ຖ້າບໍ່​ດັ່ງນັ້ນ​ແລ້ວ ຂ້ານ້ອຍ​ຈະ​ປົກຄອງ​ປະຊາຊົນ​ທີ່​ສຳຄັນ​ຫລາຍ​ຂອງ​ພຣະອົງ​ນີ້​ໄດ້​ຢ່າງໃດ?”

ພຣະທຳ​ໂຢບ 12:11

ແຕ່​ດັ່ງ​ລີ້ນ​ພວກເຈົ້າ​ມັກ​ຊີມ​ຣົດ​ອາຫານ​ສັນໃດ ຫູ​ພວກເຈົ້າ​ກໍ​ຄັນ​ມັກ​ຟັງ​ຄຳ​ຄົນ​ເວົ້າ​ສັນນັ້ນ.

ພຣະທຳ​ໂຢບ 34:3

ພວກເຈົ້າ​ຮູ້​ວ່າ​ອາຫານ​ແຊບ ເມື່ອ​ພວກເຈົ້າ​ຊີມ​ມັນ ແຕ່​ເມື່ອ​ໄດ້ຍິນ​ຄຳເວົ້າ​ອັນ​ມີ​ປັນຍາ​ພັດ​ເຂົ້າໃຈ​ບໍ່ໄດ້.

ສຸພາສິດ 2:5

ຖ້າ​ເຮັດ​ເຊັ່ນ​ນີ້ ເຈົ້າ​ກໍ​ຈະ​ຮູ້ຈັກ​ຄວາມ​ຢຳເກງ​ພຣະເຈົ້າຢາເວ ແລະ​ເຈົ້າ​ຈະ​ບັນລຸ​ຜົນ​ສຳເລັດ​ໃນ​ການ​ຮຽນຮູ້​ເຖິງ​ພຣະເຈົ້າ.

ສຸພາສິດ 2:9

ຖ້າ​ເຈົ້າ​ເຊື່ອຟັງ​ເຮົາ ເຈົ້າ​ກໍ​ຈະ​ຮູ້ຈັກ​ສິ່ງ​ທີ່​ຖືກຕ້ອງ ສິ່ງ​ທີ່​ເປັນທຳ​ແລະ​ສິ່ງ​ທີ່​ດີງາມ, ເຈົ້າ​ຈະ​ເຂົ້າໃຈ​ແນວທາງ​ອັນ​ດີງາມ​ທຸກຢ່າງ.

ເອຊາຢາ 33:6

ແລະ​ໃຫ້​ປະເທດຊາດ​ມີ​ຄວາມ​ໝັ້ນຄົງ​ດີ. ພຣະອົງ​ປົກປ້ອງ​ປະຊາຊົນ​ຂອງ​ພຣະອົງ​ຢູ່​ສະເໝີ ແລະ​ໃຫ້​ພວກເຂົາ​ມີ​ສະຕິປັນຍາ ແລະ​ຄວາມ​ຮອບຮູ້. ຊັບສົມບັດ​ອັນ​ຍິ່ງໃຫຍ່​ທີ່ສຸດ​ຂອງ​ພວກເຂົາ ແມ່ນ​ການ​ຢຳເກງ​ພຣະເຈົ້າຢາເວ.

ເອເຊກຽນ 45:8

ພື້ນທີ່​ນີ້​ຈະ​ເປັນ​ສ່ວນ​ຂອງ​ເຈົ້າຊາຍ​ຜູ້​ຈະ​ປົກຄອງ​ໄດ້​ຮັບ​ຢູ່​ໃນ​ດິນແດນ​ອິດສະຣາເອນ ເພື່ອ​ວ່າ​ເພິ່ນ​ຈະ​ບໍ່​ຂົ່ມເຫັງ​ປະຊາຊົນ​ອີກ​ຕໍ່ໄປ, ແຕ່​ຈະ​ໃຫ້​ດິນແດນ​ສ່ວນ​ທີ່​ເຫຼືອ​ຂອງ​ປະເທດ​ນັ້ນ ເປັນ​ຂອງ​ປະຊາຊົນ​ອິດສະຣາເອນ​ເຜົ່າ​ຕ່າງໆ.

ມີກາ 4:3

ພຣະອົງ​ຈະ​ໄກ່ເກ່ຍ​ນາໆຊາດ​ທີ່​ຜິດຖຽງກັນ ທ່າມກາງ​ມະຫາ​ອຳນາດ​ທີ່​ຢູ່ໄກ​ແລະ​ຢູ່ໃກ້. ພວກເຂົາ​ຈະ​ຕີ​ດາບ​ເປັນ​ໝາກ​ສົບໄຖ ແລະ​ຕີ​ຫອກ​ເປັນ​ມີດຕັດ​ກິ່ງໄມ້. ຊົນຊາດ​ທັງຫລາຍ​ຈະ​ບໍ່​ເຮັດ​ເສິກ​ກັນ​ອີກ​ຕໍ່ໄປ ທັງ​ຈະ​ບໍ່​ຕຽມ​ເຮັດ​ເສິກ​ກັນ​ອີກ​ຈັກເທື່ອ.

ລູກາ 2:52

ພຣະເຢຊູເຈົ້າ​ໄດ້​ຈະເລີນ​ເຕີບໃຫຍ່​ຂຶ້ນ ໃນ​ດ້ານ​ສະຕິປັນຍາ ແລະ​ໃນ​ດ້ານ​ຮ່າງກາຍ ເປັນ​ທີ່​ພໍພຣະໄທ​ຕໍ່​ພຣະເຈົ້າ​ແລະ​ຕໍ່​ມະນຸດ​ດ້ວຍ.

ໂຢຮັນ 2:25

ພຣະອົງ​ບໍ່​ຕ້ອງການ​ໃຫ້​ຜູ້ໃດ​ບອກ​ພຣະອົງ​ເຖິງ​ເລື່ອງ​ຂອງ​ມະນຸດ ເພາະ​ພຣະອົງ​ເອງ​ຮູ້​ດີ​ວ່າ ມີ​ຫຍັງ​ແດ່​ຢູ່​ໃນ​ໃຈ​ຂອງ​ມະນຸດ.

ໂຢຮັນ 7:24

ຢ່າ​ຕັດສິນ​ຕາມ​ທີ່​ເຫັນ​ພາຍ​ນອກ ແຕ່​ຈົ່ງ​ຕັດສິນ​ຕາມ​ທາງ​ຍຸດຕິທຳ.”

ເຮັບເຣີ 5:14

ອາຫານ​ແຂງ​ເປັນ​ອາຫານ​ສຳລັບ​ຜູ້​ໃຫຍ່​ແລ້ວ ຄື​ສຳລັບ​ຜູ້​ທີ່​ໄດ້​ຮັບ​ການ​ຝຶກຫັດ​ອົບຮົມ ໃຫ້​ສາມາດ​ສັງເກດ​ວ່າ ສິ່ງໃດ​ດີ​ແລະ​ສິ່ງໃດ​ຊົ່ວ.

1 ຊາມູເອນ 16:7

ແຕ່​ພຣະເຈົ້າຢາເວ​ກ່າວ​ຕໍ່​ເພິ່ນ​ວ່າ, “ຢ່າ​ໄດ້​ສົນໃຈ​ນຳ​ຄວາມສູງ ແລະ​ຄວາມງາມ​ຂອງ​ລາວ​ເລີຍ. ເຮົາ​ບໍ່​ຮັບ​ເອົາ​ລາວ​ເພາະ​ການ​ເບິ່ງ​ຂອງ​ພຣະເຈົ້າຢາເວ​ບໍ່​ຄື​ການ​ເບິ່ງ​ຂອງ​ມະນຸດ. ມະນຸດ​ເບິ່ງ​ພາຍນອກ​ແຕ່​ພຣະເຈົ້າຢາເວ​ເບິ່ງ​ພາຍໃນ​ຈິດໃຈ.”