ເອຊາຢາ 10:13 - ພຣະຄຳພີສັກສິ

¹³ ຈັກກະພັດ​ອັດຊີເຣຍ​ເວົ້າ​ອວດ​ວ່າ, “ເຮົາ​ໄດ້​ເຮັດ​ສິ່ງ​ທັງໝົດ​ນັ້ນ ໂດຍ​ເຮົາ​ເອງ. ເຮົາ​ເຂັ້ມແຂງ ແລະ​ສະຫລາດ​ຫລັກແຫລມ. ເຮົາ​ໄດ້​ລຶບ​ເຂດແດນ​ລະຫວ່າງ​ຊົນຊາດ​ຕ່າງໆ ແລະ​ຢຶດເອົາ​ເຂົ້າຂອງ​ທີ່​ພວກເຂົາ​ໄດ້​ສະສົມ​ໄວ້. ເຮົາ​ໄດ້​ຢຽບຢໍ່າ​ປະຊາຊົນ​ທີ່​ອາໄສ​ຢູ່​ໃນ​ທີ່ນັ້ນ ດັ່ງ​ງົວ​ກະທິງ​ໂຕໜຶ່ງ.

ເອຊາຢາ 10:13 Jak'a apnaqawi uñst'ayäwi

2 ກະສັດ 15:29

ໃນ​ຄາວ​ທີ່​ເຈົ້າ​ເປກາ​ໄດ້​ເປັນ​ກະສັດ​ແຫ່ງ​ອິດສະຣາເອນ​ນັ້ນ ຕີກະລາດ​ປີເລເສ ກະສັດ​ແຫ່ງ​ອັດຊີເຣຍ​ໄດ້​ຢຶດເອົາ​ເມືອງ​ຕ່າງໆ​ດັ່ງນີ້: ອີໂຢນ, ອາເບັນ​ເບັດ​ມາອາກາ, ຢາໂນອາ, ເກເດັດ, ຮາໂຊ, ເຂດແດນ​ທັງໝົດ​ຂອງ​ກີເລອາດ, ຄາລີເລ ແລະ​ເນັບທາລີ ແລະ​ໄດ້​ນຳ​ເອົາ​ປະຊາຊົນ​ໄປ​ເປັນ​ຊະເລີຍ​ທີ່​ອັດຊີເຣຍ.

2 ກະສັດ 16:8

ກະສັດ​ອາຮາດ​ໄດ້​ເອົາ​ເງິນ​ກັບ​ຄຳ​ຈາກ​ວິຫານ​ຂອງ​ພຣະເຈົ້າຢາເວ ແລະ​ຄັງ​ຂອງ​ຣາຊວັງ ແລະ​ສົ່ງ​ໄປ​ເປັນ​ຂອງຂວັນ​ໃຫ້​ແກ່​ກະສັດ​ແຫ່ງ​ອັດຊີເຣຍ.

2 ກະສັດ 17:24

ກະສັດ​ອັດຊີເຣຍ​ໄດ້​ນຳ​ເອົາ​ປະຊາຊົນ​ແຕ່​ເມືອງ​ຕ່າງໆ​ຂອງ​ນະຄອນ​ບາບີໂລນ, ເມືອງກຸດ, ເມືອງ​ອີວາ, ເມືອງ​ຮາມັດ ແລະ​ເມືອງ​ເສຟາກວາອິມ ໃຫ້​ມາ​ຕັ້ງ​ຖິ່ນຖານ​ຢູ່​ເມືອງ​ຕ່າງໆ​ຂອງ​ນະຄອນ​ຊາມາເຣຍ ແທນ​ພວກ​ອິດສະຣາເອນ​ທີ່​ໄດ້​ຖືກ​ກວາດ​ໄປ​ເປັນ​ຊະເລີຍ​ນັ້ນ. ພວກເຂົາ​ໄດ້​ເຂົ້າ​ມາ​ຄອບຄອງ​ດິນແດນ ແລະ​ອາໄສ​ຢູ່​ໃນ​ເມືອງ​ເຫຼົ່ານີ້.

2 ກະສັດ 17:6

ຊຶ່ງ​ເປັນ​ປີ​ທີ​ເກົ້າ ແຫ່ງ​ຣາຊການ​ຂອງ​ກະສັດ​ໂຮເຊຢາ; ກະສັດ​ແຫ່ງ​ອັດຊີເຣຍ ໄດ້​ຢຶດເອົາ​ນະຄອນ​ຊາມາເຣຍ ແລະ​ນຳ​ຊາວ​ອິດສະຣາເອນ​ໄປ​ເປັນ​ຊະເລີຍ​ທີ່​ອັດຊີເຣຍ. ເພິ່ນ​ໄດ້​ເອົາ​ພວກ​ເຫຼົ່ານີ້​ບາງຄົນ​ໄປ​ໄວ້​ຢູ່​ໃນ​ເມືອງ​ຮາລາ, ໃຫ້​ບາງຄົນ​ຢູ່​ໃກ້​ແມ່ນໍ້າ​ຮາໂບ​ໃນ​ເຂດ​ໂກຊານ ແລະ​ໃຫ້​ບາງຄົນ​ຢູ່​ໃນ​ເມືອງ​ຕ່າງໆ​ຂອງ​ແຂວງ​ເມເດຍ.

2 ກະສັດ 18:11

ກະສັດ​ແຫ່ງ​ອັດຊີເຣຍ ໄດ້​ນຳ​ເອົາ​ຊາວ​ອິດສະຣາເອນ​ໄປ​ເປັນ​ຊະເລີຍ​ຢູ່​ທີ່​ປະເທດ​ອັດຊີເຣຍ. ເພິ່ນ​ໄດ້​ເອົາ​ພວກ​ເຫຼົ່ານີ້​ບາງຄົນ​ໄປ​ຕັ້ງ​ຖິ່ນຖານ​ຢູ່​ໃນ​ເມືອງ​ຮາລາ, ໃຫ້​ບາງຄົນ​ຢູ່​ໃກ້​ແມ່ນໍ້າ​ຮາໂບ​ໃນ​ເຂດ​ໂກຊານ ແລະ​ໃຫ້​ບາງຄົນ​ຢູ່​ໃນ​ເມືອງ​ຕ່າງໆ​ຂອງ​ຊາວ​ມີເດຍ.

2 ກະສັດ 18:15

ກະສັດ​ເຮເຊກີຢາ​ໄດ້​ສົ່ງ​ເງິນ​ທັງໝົດ​ຈາກ​ວິຫານ​ຂອງ​ພຣະເຈົ້າຢາເວ ແລະ​ຈາກ​ຄັງ​ໃນ​ຣາຊວັງ​ໄປ​ໃຫ້;

2 ກະສັດ 18:32

ຈົນກວ່າ​ຂ້າພະເຈົ້າ​ຈະ​ຈັດຫາ​ບ່ອນ​ໃຫ້​ພວກທ່ານ​ຕັ້ງ​ຖິ່ນຖານ​ຢູ່​ໃນ​ປະເທດ​ໜຶ່ງ ຊຶ່ງ​ຄ້າຍ​ຄື​ກັບ​ປະເທດ​ຂອງ​ພວກທ່ານ​ເອງ ບ່ອນ​ທີ່​ມີ​ສວນອະງຸ່ນ​ເພື່ອ​ເຮັດ​ເຫຼົ້າ​ອະງຸ່ນ ແລະ​ມີ​ເຂົ້າ​ເພື່ອ​ເຮັດ​ເຂົ້າຈີ່; ເປັນ​ດິນແດນ​ແຫ່ງ​ໝາກກອກເທດ, ນໍ້າມັນ​ໝາກກອກ ແລະ​ນໍ້າເຜິ້ງ. ຖ້າ​ພວກທ່ານ​ປະຕິບັດ​ຕາມ​ຄຳສັ່ງ​ຂອງ​ເພິ່ນ ພວກທ່ານ​ກໍ​ຈະ​ບໍ່​ຕາຍ​ແຕ່​ມີ​ຊີວິດ​ຢູ່. ຢ່າ​ປ່ອຍ​ໃຫ້​ເຮເຊກີຢາ​ຫລອກລວງ​ພວກທ່ານ​ໃຫ້​ຄິດ​ວ່າ ພຣະເຈົ້າຢາເວ​ຈະ​ຊ່ວຍ​ກູ້​ເອົາ​ພວກທ່ານ.

1 ຂ່າວຄາວ 5:26

ດັ່ງນັ້ນ ພຣະເຈົ້າ​ຈຶ່ງ​ບັນດານ​ໃຫ້​ກະສັດ​ປູນ​ແຫ່ງ​ອັດຊີເຣຍ (ມີ​ຊື່​ອື່ນ​ອີກ​ວ່າ ຕີກະລາດ​ປີເລເສ) ມາ​ຮຸກຮານ​ປະເທດ​ຂອງ​ພວກເຂົາ. ເພິ່ນ​ໄດ້​ຈັບ​ເຜົ່າ​ຣູເບັນ, ກາດ, ມານາເຊ​ເຄິ່ງເຜົ່າ​ຕາເວັນອອກ​ໄປ​ເປັນ​ຊະເລີຍ ແລະ​ໃຫ້​ພວກເຂົາ​ໄດ້​ຕັ້ງ​ຫຼັກແຫຼ່ງ​ຢູ່​ໃນ​ຮາລາ, ຮາບໍ ແລະ​ຮາຣາ ແລະ​ຕາມ​ລຳ​ແມ່ນໍ້າ​ໂກຊານ​ຈົນເຖິງ​ທຸກ​ວັນນີ້.

ສຸພາສິດ 28:11

ຄົນ​ຮັ່ງມີ​ມັກ​ຄິດ​ວ່າ​ຕົນ​ມີ​ປັນຍາ, ແຕ່​ວ່າ​ຄົນທຸກ​ທີ່​ຮູ້ແຈ້ງເຫັນຈິງ​ກໍ​ຮູ້ຈັກ​ຫລາຍກວ່າ.

ເອຊາຢາ 10:8

ເພິ່ນ​ເວົ້າ​ອວດ​ວ່າ, “ຜູ້​ບັນຊາການ​ທະຫານ​ທຸກຄົນ​ຂອງເຮົາ ລ້ວນແຕ່​ເປັນ​ກະສັດ​ທັງນັ້ນ

ເອຊາຢາ 5:21

ເຄາະກຳ​ເປັນ​ຂອງ​ພວກເຈົ້າ​ສາ​ແລ້ວ ພວກເຈົ້າ​ຄິດ​ວ່າ​ຕົນ​ເປັນ​ຄົນ​ສະຫລາດ ແລະ​ເປັນ​ຄົນ​ຫລັກແຫລມ​ຫລາຍ​ແທ້ນໍ.

ເຢເຣມີຢາ 46:8

ແມ່ນ​ເອຢິບ​ເອງ​ທີ່​ມາກຂຶ້ນ​ດັ່ງ​ນໍ້ານິນ ດັ່ງ​ແມ່ນໍ້າ​ທີ່​ກຳລັງ​ໄຫລລົ້ນ​ຖ້ວມ​ຕາຝັ່ງ. ເອຢິບ​ເວົ້າ​ວ່າ, ‘ເຮົາ​ຈະ​ໂຜ່​ຫົວ​ຂຶ້ນ​ຄອງ​ໂລກາ ຈະ​ທຳລາຍ​ເມືອງ​ກັບ​ຄົນ​ທີ່​ອາໄສ​ຢູ່​ທີ່ນັ້ນ.

ເຢເຣມີຢາ 48:14

ຊາຍ​ໂມອາບ ເປັນຫຍັງ​ຈຶ່ງ​ວ່າ​ເປັນ​ຊ່ຽວຊານ​ການ​ລົບ ເປັນ​ຜູ້​ອົງອາດ​ກ້າຫານ​ທີ່​ຜ່ານ​ເສິກ​ມາ​ແລ້ວ?

ເອເຊກຽນ 25:3

ຈົ່ງ​ບອກ​ພວກເຂົາ​ວ່າ, ‘ຈົ່ງ​ຟັງ​ຖ້ອຍຄຳ​ຂອງ​ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ເທີ້ນ. ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ວ່າ ພວກເຈົ້າ​ໄດ້​ມີ​ຄວາມ​ປິຕິ​ຍິນດີ​ທີ່​ເຫັນ​ວິຫານ​ຂອງເຮົາ​ເປັນ​ມົນທິນ​ທີ່​ເຫັນ​ດິນແດນ​ຂອງ​ຊາດ​ອິດສະຣາເອນ​ຖືກ​ລ້າງຜານ ແລະ​ທີ່​ເຫັນ​ປະຊາຊົນ​ຢູດາ​ຖືກ​ຈັບ​ໄປ​ເປັນ​ຊະເລີຍ​ໃນ​ຕ່າງຖິ່ນ.

ເອເຊກຽນ 26:2

“ມະນຸດ​ເອີຍ ນີ້​ແມ່ນ​ສິ່ງ​ທີ່​ປະຊາຊົນ​ໃນ​ເມືອງ​ຕີເຣ​ກຳລັງ​ໂຮຮ້ອງ. ພວກເຂົາ​ຮ້ອງ​ຂຶ້ນ​ວ່າ, ‘ນະຄອນ​ເຢຣູຊາເລັມ​ພັງ​ທະລາຍ​ແລ້ວ ອຳນາດ​ຂອງ​ນະຄອນ​ເຢຣູຊາເລັມ​ສິ້ນສຸດ​ລົງ​ແລ້ວ ຄູ່ແຂ່ງ​ຂອງ​ພວກເຮົາ​ບໍ່ມີ​ຕໍ່ໄປ​ອີກ​ແລ້ວ.’

ເອເຊກຽນ 29:3

ຈົ່ງ​ບອກ​ວ່າ ຕໍ່ໄປນີ້​ແມ່ນ​ສິ່ງ​ທີ່​ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ແກ່​ກະສັດ​ແຫ່ງ​ເອຢິບ​ວ່າ, ‘ເຮົາ​ເປັນ​ສັດຕູ​ຂອງ​ເຈົ້າ, ເຈົ້າ​ເປັນ​ແຂ້​ຕົວ​ຮ້າຍກາດ​ທີ່​ກຳລັງ​ນອນ​ຢູ່​ໃນ​ນໍ້າ. ເຈົ້າ​ກ່າວ​ວ່າ​ນໍ້ານິນ​ເປັນ​ຂອງເຈົ້າ​ແລະ​ເຈົ້າ​ສ້າງ​ມັນ​ຂຶ້ນ​ມາ.

ເອເຊກຽນ 35:13

ເຮົາ​ໄດ້ຍິນ​ຄຳເວົ້າ​ໂອ້ອວດ​ອັນ​ປ່າເຖື່ອນ​ທີ່​ເຈົ້າ​ໄດ້​ກ່າວ​ຕໍ່ສູ້​ເຮົາ.

ດານີເອນ 4:27

ເພາະສະນັ້ນ ພະຣາຊາ​ເອີຍ ຈົ່ງ​ເຮັດ​ຕາມ​ຄຳແນະນຳ​ຂອງ​ຂ້ານ້ອຍ​ເຖີດ. ຈົ່ງ​ເລີກ​ເຮັດ​ບາບ​ສາ ແລະ​ເຮັດ​ໃນ​ສິ່ງ​ທີ່​ຖືກຕ້ອງ; ຈົ່ງ​ເມດຕາ​ສົງສານ​ຄົນ​ຍາກຈົນ. ແລ້ວ​ທ່ານ​ກໍ​ຈະ​ຈະເລີນ​ຮຸ່ງເຮືອງ​ສືບ​ຕໍ່ໄປ.”

ດານີເອນ 4:30

ເພິ່ນ​ໄດ້​ກ່າວ​ວ່າ, “ເບິ່ງດູ ນະຄອນ​ບາບີໂລນ​ນີ້​ເປັນ​ເມືອງ​ໃຫຍ່​ຫລາຍ ເຮົາ​ໄດ້​ສ້າງ​ໃຫ້​ເປັນ​ເມືອງ​ຫລວງ​ຂອງເຮົາ ເພື່ອ​ສະແດງ​ເຖິງ​ອຳນາດ ແລະ​ຄວາມ​ຍິ່ງໃຫຍ່ ກຽດຕິຍົດ ແລະ​ສະຫງ່າຣາສີ​ຂອງເຮົາ.”

ອາໂມດ 5:27

ເມື່ອ​ເຮົາ​ໃຫ້​ພວກເຈົ້າ​ຖືກ​ຈັບ​ເປັນ​ຊະເລີຍ​ໃນ​ດິນແດນ​ໜຶ່ງ​ທີ່​ກາຍ​ນະຄອນ​ດາມັສກັດ​ໄປ.” ພຣະເຈົ້າຢາເວ​ອົງ​ທີ່​ມີ​ນາມ​ວ່າ ພຣະເຈົ້າ​ອົງ​ຊົງ​ຣິດອຳນາດ​ຍິ່ງໃຫຍ່​ກ່າວ​ດັ່ງນີ້ແຫຼະ.

ອາໂມດ 6:13

ພວກເຈົ້າ​ອວດ​ເຖິງ​ການ​ຢຶດເອົາ​ເມືອງ​ໂລເດບາ. ພວກເຈົ້າ​ຄຸຍໂມ້​ວ່າ ພວກເຮົາ​ມີ​ກຳລັງ​ພໍ​ທີ່​ຈະ​ຢຶດເອົາ​ເມືອງ​ການາອິມ.

ຮາບາກຸກ 1:11

ແລ້ວ​ພວກເຂົາ​ກໍ​ກວາດເອົາ​ສິ່ງຂອງ​ເໝືອນ​ດັ່ງ​ລົມ​ພັດ​ກວາດເອົາ​ໄປ ຄົນ​ພວກ​ນີ້​ນັບຖື​ອຳນາດ​ຂອງ​ຕົນເອງ​ເປັນ​ພຣະເຈົ້າ​ຂອງ​ພວກເຂົາ.”

ຮາບາກຸກ 1:16

ພວກເຂົາ​ຂາບໄຫວ້​ແລະ​ຖວາຍ​ເຄື່ອງ​ບູຊາ​ໃຫ້​ແມ່ນແຕ່​ມອງ​ຂອງ​ພວກເຂົາ ເພາະວ່າ​ມອງ​ນັ້ນ​ເຮັດ​ໃຫ້​ພວກເຂົາ​ໃຊ້​ຊີວິດ​ຢູ່​ຢ່າງ​ຟຸມເຟືອຍ ແລະ​ມີ​ອາຫານ​ການກິນ​ຢ່າງດີໆ.

ຮາບາກຸກ 2:6

ປະຊາຊົນ​ທີ່​ຖືກ​ຄອບຄອງ​ນັ້ນ ພວກເຂົາ​ຈະ​ປ້ອຍດ່າ​ແລະ​ດູຖູກ​ຢຽບຫຍາມ​ພວກ​ທີ່​ຄອບຄອງ​ພວກຕົນ ແລະ​ສະແດງ​ທ່າທີ​ຫຍໍ້ຫຍັນ​ໃສ່​ພວກເຂົາ​ໂດຍ​ຈະ​ເວົ້າ​ວ່າ, “ພວກສູ​ໄດ້​ເອົາ​ຂອງ​ຜູ້ອື່ນ​ມາ​ເປັນ​ຂອງຕົນ ແຕ່​ເຄາະກຳ​ຈະ​ເປັນ​ຂອງ​ພວກສູ ພວກສູ​ຈະ​ສ້າງຮັ່ງ​ຄູນມີ​ອີກ​ດົນນານ​ປານໃດ ໂດຍ​ບັງຄັບ​ລູກໜີ້​ໃຫ້​ຊຳລະ​ໜີ້ສິນ​ໝົດ?”

ພຣະບັນຍັດສອງ 8:17

ເຫດສະນັ້ນ ພວກເຈົ້າ​ບໍ່​ຕ້ອງ​ຄິດ​ວ່າ​ພວກເຈົ້າ​ຮັ່ງມີ​ເປັນດີ ດ້ວຍ​ກຳລັງ​ແລະ​ເຫື່ອແຮງ​ຂອງ​ພວກເຈົ້າ​ເອງ.

ພວກ^ຜູ້ປົກຄອງ 7:2

ພຣະເຈົ້າຢາເວ​ບອກ​ກີເດໂອນ​ວ່າ, “ຄົນ​ທີ່​ມາ​ນຳ​ເຈົ້າ​ນັ້ນ​ມີ​ຫລາຍໂພດ ເຮົາ​ບໍ່​ຢາກ​ໃຫ້​ມີ​ຫລາຍ​ຄົນ​ປານນັ້ນ​ເພື່ອ​ຊະນະ​ພວກ​ມີດີອານ. ເມື່ອ​ຮົບ​ຊະນະ​ພວກ​ມີດີອານ​ແລ້ວ ພວກເຂົາ​ອາດ​ຄິດ​ວ່າ​ໄຊຊະນະ​ທີ່​ໄດ້​ມາ​ນັ້ນ ແມ່ນ​ດ້ວຍ​ກຳລັງ​ຂອງ​ຕົນເອງ ໂດຍ​ຈະ​ບໍ່​ຄິດ​ວ່າ​ເຮົາ​ເປັນ​ຜູ້​ຊ່ວຍເຫລືອ.